[smaa nabil]

يا بنــــــــــــــــــــــــــــــــــــــــــــــــ ات والله العظيم محتجالكم والله العظيم بجد
انا بترجى الادراة متقفلش الموضوع لانهم قفلولى الموضوع اللى فات عشان اعملة جزء تانى وانا والله العظيم مش فاهمة اصلا حاجة عشان انا جديدة فى المنتدى
ياادراة ارجوكى سيبى الموضوع يوم واحد بس حتى

http://forums.fatakat.com/thread2776563
دة لينك الموضوع الاول

يا بنات انا صاحبة موضوع انا حاسة انى مش بنت الموضوع الاول
لما حكيتلكم ان خطيبى مجاش من شهر 12 خالص بسبب ظروفة
انا عاريزة احكلكو على الجديد عشان انا مليش غيركو والله العظيم

الجديد انى كنت نازلة اشترى موبيل انا معايا موبيل سونى قديم وكنت عايزة اجيب واحد سونى بردو بس اجدد شوية فكلمتة ااخد راية وكدة قالى لا متبعيش اللى معاكى وانا لما اجى هديكى اللى معايا هو معاة 3 موبيلات والثلاتة حلوين اوى
فأانا قولتلو لا خالص انا بابا هيجبهولى وانا اخترتة وخلاص وفعلا نزلت جبتة
محلوظة انى موبيلى اخر مرة كان معايا فى العيد وموبيلى كان بايظ والشاشة كانت مكسورة ومنتش بشوف اى حد بيتصل وهو قالى المرة الفاتت لما جى هديكى واحد حلو من المعايا
ولما جة (جى بالتلت موبيلات فى جيبة وشايفنى الموبيل بيرن والدنبا بايظةومش شايفة حاجة وهو من عالم تانى وولا كأنة قال حاجة
قسماً بالله يا بنات انا م عايزة اى حاجة بس انا عايزاة يبقى راجل اد كلمتة
دة انا لما بقولة هجبلك اى حاجة بتتاكل بتتلبس بطلع اى كلمتى وهو اصلا الراجل وانا البنت

المهم بقى التطورات اللى حصلت وعايزة احيلكو عنها بسرعة عشان محدش يضايق منى

ان اول امبارح لما قولتلة هغير الموبيل قالى لا انا هديكى اللى معايا انا مش محتاجة ورمية فى الدرج
قولتلة برقة كدة طب يا حبيبى مدام انت مش محتاجة بيعة وتعالى بفلوسة عشان خطرى انا نفسى اشوفك اوى احنا داخلين فى نص سنة وولا شوفتك
قالى حاضر والله انتى عارفة لو بيعتة يجبلى 900 او 1000 جنية
وقالى خلاص هبيعة
جينا بليل بكلمة بقولة انت فين بيقولى نزلت اجيب جراب للموبيل
بقولة انهى موبيل بيقولى اللى كنت هبيعة
قولتلة انت مش هتبيعة قالى لا
قولتلة طب هتيجى يعنى من غير ما تبعية (انا بحسبة اتصرف فى فلوس او حاجة)
قالى ربنا يسهل وابقى اجى
وبقالى 5 شهور انا اللى بشحن واكلمة وكل اللى طالع علية مش معايا رصيد اتخانق معاة يقولى مش معايا فلوس
وعايش على الكول مى
وساعات بشحنلة كروت عشان يكلمنى
هو ايام ما كان بيقبض كان بيشحنلى ب 25 وانا بشحنلة كل فترة كبيرة بردو ب 15
انا كدة صح ولا غلط يا بنات
هو بعد ما قالى لا مش هبيعة قفلنا ومحدش كلم التانى خالص
وهو عارف انى مقهورة مش زعلانة
وولا عبرنى
ممكن تساعدونى عشان الله العظيم انا مليش غيركو

انا والله العظيم حاسة انى مش زى البنات وكائن بيحس بسببة

ودة الكلام اللى كان فى الموضوع الاول



انا والله العظيم محتارة اوى ومش لقيا حد يساعدنى
نفسى تنصحونى جزيتو الجنة يارب

[Cute Gogo]

انا مش فاهمة حاجة
بس ربنا يصلحلك الحال ويوفقك للى فيه الخير

[nemodidi222]

انتي اللى مدلوقة زعمالة تشحنى وهو مبسوط بالتلات موبايلاات
لما مش معاه يشحن شايل 3 عدد ليه
انتي رامية نفسك بزيادة قوييييييييييييييي وهو مبسوط وبيتحكم
اتقي شوية وكبري مخك ومش تعبرية علشان يتصرف شوية ويتحرك

[al.monna]

بجد هو مزودها اوى ازاى يعنى مش معاه فلوس وشايل 3 موبايلات ؟!! وبعدين هو مش مكسوف من نفسه لما يلاقيكى انتى اللى عماله تجيبيلوا وهو مقضيها تطنيش كده ولا بيجى ولا اى حاجه ده الواحد ساعات لما بيلاقى حد جابلوا هديه بيبقى عاوز يردهالوا باى طريقه ححتى لو هيحرم نفسه من حاجات نفسه فيها
انتى كمان فين اهلك واهله هما مش شايفين ان هو لا بيجى ولا حاجه هما مش مستغربين ولا ايه!
بصى انتى اتقلى بقى شويه ومتشحنيش ليه خالص وولو بعتلك كول مى ولا حاجه ابعتيلوا انتى كمان كول مى او متعبريهوش خالص وقوليلوا ان انتىى مش معاكى رصيد انتى كمان ومتطلوبيش منه ان انتى عاوزه تشوفيه ولا حاجه معلش تعالى ع نفسك شويه ومتجبيش لا هدايا ولا اى حاجه ليه وهو لما هيلاقيكى متغيره كده هيفكر ويقول فى ايه وايه اللى غيرها وساعتها بقى لو لقتيه اتظبط كده واتعدل خلاص ولو فضل الحل على ما هو عليه يبقى ساعتها تعيدى تفكيرك فى الموضوع تانى وفى كلا الحالتين اعرفى ان ده خير ليكى وربنا يسعدك ويوفقك ان شاء الله

[برنسيسة بقلبها]

اتقلى يابت عليه شويه هو ايه ده معاه 3 موبايلات ومش معاه فلوس يشحنهم ده دلع وازاى قابل على نفسه انك انتى اللى تكلميه كل مرة وتشحنيلو كمان هو انتى هتشحتيه عشان يكلمك صلى استخارة وربنا يهديلك الاحوال
والله منا عارفه اقولك ايه بس اجمدى عليه شويه وشوفى هيعمل ايه

[برنسيسة بقلبها]

بجد هو مزودها اوى ازاى يعنى مش معاه فلوس وشايل 3 موبايلات ؟!! وبعدين هو مش مكسوف من نفسه لما يلاقيكى انتى اللى عماله تجيبيلوا وهو مقضيها تطنيش كده ولا بيجى ولا اى حاجه ده الواحد ساعات لما بيلاقى حد جابلوا هديه بيبقى عاوز يردهالوا باى طريقه ححتى لو هيحرم نفسه من حاجات نفسه فيها
انتى كمان فين اهلك واهله هما مش شايفين ان هو لا بيجى ولا حاجه هما مش مستغربين ولا ايه!
بصى انتى اتقلى بقى شويه ومتشحنيش ليه خالص وولو بعتلك كول مى ولا حاجه ابعتيلوا انتى كمان كول مى او متعبريهوش خالص وقوليلوا ان انتىى مش معاكى رصيد انتى كمان ومتطلوبيش منه ان انتى عاوزه تشوفيه ولا حاجه معلش تعالى ع نفسك شويه ومتجبيش لا هدايا ولا اى حاجه ليه وهو لما هيلاقيكى متغيره كده هيفكر ويقول فى ايه وايه اللى غيرها وساعتها بقى لو لقتيه اتظبط كده واتعدل خلاص ولو فضل الحل على ما هو عليه يبقى ساعتها تعيدى تفكيرك فى الموضوع تانى وفى كلا الحالتين اعرفى ان ده خير ليكى وربنا يسعدك ويوفقك ان شاء الله

الله ينور عليكى
انا برضو مع الراى ده

[Dalo3a wKalmty masmo3a]

صلى استخاره الموضوع مش مريح

[noty.tota]

بوصي ياحبيبي انتي غلطانه من الاول انتي المفروض مش تشحنيله ابداااااااااااااااااااااااااا مش ينفع انتي كده بتدلعيه وبتخليه يسوء الهبل عليكي وبعدين انتي عايزاه يكلمك ليه ما انتي بتكلميه وبتشحنيله ومسهلاله كل حاجه ماتخليه يتعب علشان يوصلك لا وفوق كده كمان مش بيجي هو كده اوفرها اوي انتي تطنشيه الفتره ديه خالص ولا تشحني ولا تتصلي ولا اي حاجه وسيبيه كده مع نفسه وشوفي رده فعله ايه على فكره انا عارفه انك تطنشيه حاجه صعبه عليكي اوي بس معلش احنا بنحب اللي يقدرنا واللي مش يقدرنا المعامله بالمثل واسوأ كمان علشان احنا كرامتنا وشخصيتنا فوق اي اعتبار ولما يكلمك قوليله مش معايا رصيد ولو مش فيه رده فعل منه يبقى تفكري في الموضوع الف مره احنا مش بنتخطب علشان نحب وبس لا احنا بنتخطب علشان نكون حياه جديده انا وهو اساسها افهمي ديه كويس

[بنوتة مسلمة2010]

بصراحة مش فاهمة اوى

بس انصحك من اخت احكى لمامتك او حد كبير عشان يقدر يساعدك بجد مش مجرد كلام

[*لؤلؤه البحر*]

لاء طبعا انتى غلط وتصرفك مش صح
انتى كده بتعوديه انه لو مش معاه انتى تديه لو مش عارف يتكلم انتى الى تشحنيله عشان يكلمك
امال هيتجوزك ويصرف عليكى ازاى لازم يتحمل مسئوليه والمفروض هو الى يشحنلك مش انتى الى تشحنيله
والفتره دى كلها شغاله انتى اتصالات ازاى
صلى استخاره لموضوعك ده لان مينفعش الراجل يعتمد على خطبته المفروض العكس
وربنا يصلحلك الحال