[ام حبيبة123]

السلام عليكم اخواتى الفتكاوات كثير من الزوجات تعانى من اهمالها من قبل الزوج فهل حدث هذا الاهمال بسبب اهتمام الزوجه الزائد ام كل الرجاله كده بس بصراحة مش فى كل حاجةفهل اذا قل اهتمام الزوجه به اهتم هو بها بس انا مش عارفه ايه الحاجات الا الزوجه متهتمش بزوجها فيهاوتكون اشياء لاتؤدى الى معصيه الله زى انك تحضرى الاكل او تحافظى على نظافه البيت والاولاد والطعام ولبسه يعنى متقوليش رايح فين هترجع امتى معاك كام صرفت كام اتاخرت ليه كدة يعنى ارجو الا عنده معلومات يعرفنى علشان انا محتارة وعلى فكرة انا بحب زوجى جدا ارجو التواصل

اذا اعجبك الموضوع و اردت نشره في المنتديات الاخرى فاستخدمي هذا الرابط:
هل اهتمام الزوجة الزائد بالزوج يؤدى الى اهمالها من الزوج
http://forums.fatakat.com/thread28059

[2nashwa]

شوفى يا حبيبتى الرجاله فعلا مع اهتمامك الزائد بيتنمردو يعنى مبقلكيش متقدميش له الاكل ولا مترتبيش البيت بس لازم تخليه يحس بقمتك وانك مش رهن امره وتحت ايده يعنى من وقت للتانى لا تسئليه عملت ايه اليوم او رحت فين او كلمت مين لان الرجل بيزهق من كتر الاسئله وبيحس بنفسه عليكى حولى لن تكونى معتدله فى شعورك معه وفى انفعلاتك وهو بذلك هيبتدى يسئل نفسه هى ليه مش بتسئل وهتلقيه هو الى يحب يتكلم لوحده وهو الى يسعى اليكى بس دى عايز شويت مجهود و صبر وربنا معاكى ولو عيزه اى شىء ابعتيلى على الخاص

[ام حبيبة123]

شكرا لك يا حبيبتى افدتينى افادكم الله اتمنى التواصل والمزيد: icon_biggrin:

[سما جدة]

اهلا فيك اختي
بصراحة انا رأيي في هذا الموضوع الاعتدال في تصرفاتنا وان تكون بما فيه رضا الله عز وجل بمعنى قبل اي تصرف نعملوا نسأل حالنا هل هذا يرضى الله ام لا بالنسبة لمعاملة الزوج يجب عليك ان تتقي الله في تصرفاتك معاه اشعريه باهتمامك ومحبتك له وفي نفس الوقت احذري الغيرة القاتلة والشك اذا شككت في أي شي افضل حل لذلك هو مصارحته وعرض الموضوع عليه وشوفي رد فعله..
كل وحدة بتعرف شو زوجها بحب وبكره وبتعرف طبع زوجها من ناحية شو بيغضبه وكيف بتراضيه وعلى هالأساس تشتغل والله يوفقك

[ام حبيبة123]

السلام عليكم اختى رايك مفيد فعلا المصارحة ممكن تكون حل كويس شكرا اتمنى التواصل

[lol5]

طبعا لم ح تهتمي فيه ح يهتم فيكي

لأنه كما تدين تدان

ومش معقول تبقي مدلعتيه ومدللتيه آخر دلال وهو ولا هو سائل.. بس هي بتفرق بطريقة التعبير، يعني أكييييييد الرجال ما رح يهتموا زي ما احنا بنهتم، بس إنتي اللي تقدري تحددي إن كان زوجك هيك تعامله عادي بحياته اليومية وتصرفاته الاعتيادية أو إنه هاد التصرف خاص بك أو مش من عوايده

الاهتمام بيجيب اهتمام.. والاهمال بيجيب اهمال

[nehad]

اه و بيعتبر ده عادي ومش بيقدره
ألا لما تحصل حاجه و يتحرم منه

[ام ميرا]

اختى الحبيبه ام حبيبه انا والله حاسه بيكى جدا لانى متزوجه زى ما انتى عارفه وزوجى زى زوجك واكتر والموضوع محير ياترى نهملهم شويه ولا نفضل زى ما احنا واكيد هيجى يوم يتغيروا فيه انا والله احترت مع جنس الرجاله دول

[man0000l]

السلام عليكم
ياجماعه انا شايفه ان كل واحده فينا على حسب ماعودت جوزها من اول حياتهم لو عودتى على انك تعطى على طول الخط ومالكيش اى طلبات وراضيه باقل حاجه
(مع اعتبار انه يقدر يديكى اكتر)يبقى ماتتوقعيش انك هتاخدى اكتر ومش مهم انتى فين من حياته ممكن تكونى درجه تانيه او حتى اولى بس بشرطه(ههههههههههه)
مانتى اللى عودتى على كده!!!
على فكره الكلام ده مش يخصك انتى بالذات ياام حبيبه والله انا بقوله لنفسى قبل منك
بس ممكن تكونى انتى اشطر منى وتلحقى نفسك وتظبطى الامور وخصوصا فى اولها
(طبعا مش عارفه ازاى).
ربنا يهدينا ويصلحنا لازم اقولك فى الاخر ان هم جنتنا ونارنا زى ماقال رسولنا الكريم صلى الله عليه وسلم.

[smsm1]

اختي الحبيبه
ادفع بالتي هي أحسن
يعني خليكي معاه كويسه جدا يوم من الايام يعرف قيمتك ويقدر
قال صلى الله عليه وسلم ( ايما امرأة ماتت وزوجها راض عنها دخلت الجنه )
دي الجنه يا اختي
اتمنى لك حياه سعيده
ولا تنسى ذكر الله
والصلاه في جوف الليل والدعاء
ادعي الله وانشاء الله يستجيب
ولك تحيات
smsm