[marwa142]

ارجومنكم نصيحة؟؟؟؟؟؟؟ انا مخطوبة وخطيبى يقول انه يحبنى وانا لحدما مرتاحة له واعتادت عليه ولكنه على ما اظن بخيل لانه لايحضر لى اى شئ الا فى المناسبات أو اذا طلبت منه .وأمه لاتختار ملافظ كلامها أبدآ لدرجة أنى لاأطيق أن أكلمها وأوصلها السلام عن طريقه هولآنى أخاف من كلامها.حيث أنهامن فترة أصيبت فى قدميها وتم بتر أحد قدميها فأصبحت جارحة أكثر فى كلامها وأناأقدر مشاعرهاوالآمها ولكنها تلومنى على عدم ذهابى كثيرا لها لاخدمها مع العلم أنى مازلت مخطوبة وأبى يرفض تماما أن أذهب لهم بمفردى أو حتى أخرج مع خطيبى بمفردنا وهى لديها أبن أخر فى عمرى تقريبآوزوجها أيضا.وعندما نذهب أناوأمى لزيارتها لا نسلم من لسانها أبدآ وعندما أواجه خطيبى بما تقوله ولدته ينكر ما قالته ويحاول أن يبرر لهاويحاول أستعطافى.وعندما أقول له حاول أن ترضى أمى وتعتذرعمابدرمن والدته لايفعل ويجعل والدته تتصل تانى يوم للحديث فى أى موضوع أخر.كما أنها بهذة الحالة لاتريد أن تحضر خادمة لها.وجعلت من أبنها الصغير هو خادمها.حيث أنها تستغلى أجرة الخادمة "مع العلم أنها تملك مال" .وأشعرانها لاتريد أن تحضر خادمة لاتزوج أبنها وتجعل منى خادمة .أرجوووكم أفيدونى بنصيحة؟

[ريري]

انت ما عندكيش مشكله واحده ..لا دول مشكلتين..
الاولى ..انك بتقولى خطيبى ممكن يكون بخيل(واضح انك مش متاكده)حاولى التاكد من ذلك لانه ممكن يكون ظروفه الماديه ضعيفه نظرا لدخوله مشروع الجواز،واذا كان فعلا بخيل شوفى هاتقدرى يكون ليكى تأثير عليه واللا لا.......؟؟؟
اما مشكلة حماتك هارد عليكى لما افضى لان ابنى صحى من نومه...الهمك الله الصواب واراح بالك

[ام الاء]

اذا بخيل افسخى الخطوبه واذا كنتى لا تقدرى ان تستحملى وامه فاعرفى ان امه لن تتغير على عموم اعملى صلاة استخاره

[أم لوجى و ملك]

فعلا دى مشكله كبيره حماتك دى واضح انها هتطلع روحك بعد الجواز دا انت لسه مخطوبه وعاوزاكى تروحى تخدميها يبقى بعد الجواز هتبقى خدامه رسمى وخطيبك واضح ان شخصيته ضعيفه جدا امام امه واعتقد انك لن تسلمى من لسان حماتك السليط بعد الجواز وبعدين حتة مفيش هدايا دى غريبه جدا دا انا وانا مخطوبه كان زوجى مغرقنى هدايا وفسح وعزومات ما لهاش اخر .والله انا رأيى انك تتروى شويه وتفكرى لان الموضوع شكله كده ميطمنش. وفقك الله واراح بالك

[marwa142]

يارب ياجماعة عشان انا فعلا محتارة هو كلامه حلو معايى جدآ.بارك الله فيكم وجزاكم الله كل الخير

[نهنوهة]

بصى ابوس ايدك لو خطيبك ضعيف الشخصية افسخى الخطوبة فورا
ولو ح تعيشى مع حماتك افسخيها مليون فى المية
بجد عن تجربة بس انا خلاص اتجوزت والحمد لله ان زوجى قوى الشخصية وقادر يحمينى
اوعى تتنازلى عن كرامتك فى سبيل الحب كان ممكن اقول لك استحملى وربنا ح يجازيكى بس والله ح تعيشى طول عمرك تعبانة
اسمعى كلامى ارتبطى علشان ترتاحى مش تتعبى
الزواج راحة وامن وهدوء وسكينة وانا ما اظنش ان حاجة من دول ح تكون متوفرة عندك
وفى الاول والاخر صلى صلاة استخارة واسمعى كلام ربنا اللى ح تحسيه بعد صلاتك
سبحانك اللهم وبحمدك اشهد ان لا اله الا انت استغفرك واتوب اليك
لو كنت ظلمت خطيبك او حماتك

[هميس]

حبيبتي انا مع راي الاخوات تروي ولا تتسرعي حتي تتأكدي من طباع خطيبك وخدي وقتك لانك اكيد هتتحملي مامته وخصوصا انك مذكرتيش ان ليها بنت يعني انتي هتبقي معاها باستمرار وخصوصا في ظروفها فاستني وخدي وقتك وصلي صلاة الاستخارة وربنا يقدملك الي فيه الخير

[اشرقت]

لاخاب من استشار ولا ندم من استخار

ارجو اختى تجعلى احد الرجال يسال اصحاب خطيبك عن طباعه لان مافيه لو كان حرص فهو مقبول اما لو بخيل فهذا لا يطاق ...............

ثانيا لو تاكدتى انه مش بخيل اطلبى سكن لوحدك لو حتى اوضتين وصالة لان لو امه بالشكل ده مش حتكونى سعيده وبرضه لما تتجوزى تساعديها لانها ست مريضة........

واخيرا لا يجوز خروجك مع خطيبك بدون محرم
كما ان ذهابك الى هناك وانت فقط مخطوبة شى لا يحمد عقباه...............

واستخيرى مولاكى واطرحى شكواكى بين يديه ....................ز

جعل الله كل ايامك سعيده

[marwa142]

جزاكم الله كل الخير "اللهم يافاتح الابواب ومنزل الكتاب وجامع الاحباب ارزقهم رزقا كالمطر واجمعهم بمن يحبون وهون عليهم كل صعب واجعل حياتهم كالماء العذب يومهم سعيد وعمرهم مديد ومسيهم مساء الامنين المتعافين الحامدين الشاكرين " آمييييين

[دودينا]

لو تقدرى تغيرى من البخل يبقى ممكن لكن لو مش هتقدرى يبقى الاحسن انك تفسخى الخطوبة لكن حماتك مينفعيش تعيشى معها بالحالة دى ولازم بابكى يشترط علية كدة ولو تقدرى تستحمليها استحميلها وكلى عقلها بالكلام وهى مش هتعيش العمر كلة مع ان الاعمار بيد اللة بس برضو مش هتقعدلك على طول

[أم لوجى و ملك]

الاخت دودينا حبيت بس اعقب على كلامك واقول لك ان البخل ليس له علاااااااااااااااااااااااااااااااااااااااااااااااا اااااااااااااااااااااااااااااااااااااااااااااج مستحيل البخيل يتغير انسى

[doaaah]

انا هقولك حاجه أخويه ألهالي مفيش واحد هيدخل يخطب واحده يضربها ويشدها من شعرها هتلقيه ديمآ كلامه حلو قوي وبيردي خطبطه قوي بس بعد الجواز لو هو طبعه حلو هيبقي كويس بس لو وحش كل الي كان بيسكت عليه قبل الجواز هيطلعو عليها بعده أنتي ملكيش دعوة بكلامه لأنهم ديمآ بيكونو طيبين قوي ومفيش زيهم ومتتنزليش عن حاجه شيفاها ابدآ عشان بعد الجواز مفيش رجعه وصلي صلات أستخاره أكتر من مره وربنا يوفقك يا رب احنا وانتي وأولاد المسلمين والمسلمين جميعآ أنشاء الله .

[فطيمة]

اختي الداعيه ربنا يوفقك وان شاء الله مع احد ثاني مع حماه طيبه لسانها طيب تعاملك معامله حسنه وبيت لكي لوحدك حتي تاخذي راحتك فيه ولا احد يتدخل فيما تصنعين وصلي استخارة والله معكي

[دودينا]

[quote=أم لوجى و ملك;15393]الاخت دودينا حبيت بس اعقب على كلامك واقول لك ان البخل ليس له علاااااااااااااااااااااااااااااااااااااااااااااااا اااااااااااااااااااااااااااااااااااااااااااااج مستحيل البخيل يتغير انسى[/qu
يا ام لوجى فى ناس بيتغيروا بس على حسب درجة البخل انا كان جوز اختى بخيل ومع الوقت اتغير بس مش بنسبة مائة فى المائة بس اتغير كتيررررررررررررررررررررررررررررررررررر

[monee_2020]

السلام عليكم ورحمة اللخ وبركاته
شوفى مش حد فينا يعلم اللى فى الغيب انا جوزى واحنا مخطوبين كانت حكاية الهدايا دى قليله شويه لانه كان بيجهز نفسه حتى بابا كان بيقول انى ما اطلبش منه حاجه وانا اتجوزته وعارفه ان ابوه صعب جدا وخصوصا كمان ان له مرات اب اه هما مش سابونا فى حالنا لكن هما دلؤتى بدأوا يهدوا شويه وخصوصا لانى منعزله فى مسكن لوحدى معلشى لو اقول لك حاجه انتى شايفه ان امه ممكن تلين بالكلام الطيب
معلشى يمكن ظروفها المرضيه خلتها قاسيه شويه وممكن تتحمليها او مثلا خطيبك ممكن يكون مقصر فى الهدايا لانه لسه بيجهز نفسه لكن انتى لو طلبتى منه شىء حتى لو غالى شويه ممكن يجيبوا وانتى ليكى سكن خاص ولا لا
والله انتى صلى استخاره وصدقينى ان شاء الله ربنا حيفرجها عليكى ان شاء الله

[Sweet Emy]

اولا لااااازم تصلى صلاه استخاره و ان شاء الله ربنا يهديكى للحل الأحسن.
ثانيا.البخل درجات ممكن يتحسن شويه بعد الجواز بس دى حاجه نسبتها قليله جدااااااااااو مهما اتحسن هبفضل بخيل,لو أتأكدتى فعلا انه بخيل أوعى تتجوزيه
انا ممكن اقبل بأى عريس الا البخيل بصراحه.
ثالثا موضوع أمه ده,دى فى حد ذاتها كارثه لو انتى هتعيشى معاها فى نفس البيت
فعلا هتشغلك خدامه و هتطلع عينك ,و طالما خطيبك شخصيته ضعيفه قدامها يبقى انتى هتعيشى فى عذاب من الناحيتين,
ربنا يهديكى للحل الأمثل.

[hala_2007]

شوفي اولا انتي لو حكمتي علية انة بخيل عشان الهدايا فدة مش مقياس لازم تجربية في حجات تانية يعني لبسة طريقة كلامة كل دة بيوضح وخلي بالك انا لفت نظري انك بتقولي امة كمان كدة يعني وراثة خلي بالك اما موضوع امة بقي فمشكلة المشاكل حتي لو قعدتي لوحدك فهي طبعها مش هيتغير بس انا متهيالي ان لو خطيبك كويس فممكن تستحملي امة شوية هي مش هتعيش العمر كلة اللي هيفضل هو خطيبك بس دة لو كان انسان كويس تمعني كويس انتي بتجوزي عشان ترتاحي مش تتعبي العمر كلة وبعدين لما تفسخي الخطوبة غير اعوذ بالله ما تتجوزي ومتوفقيش وربنا يوفقك

[البرنسيسه]

الى الاخت العزيزه انا بنصحك نصيحه لوجه الله اذا كان خطيبك فعلا شخصيتو ضعيفه وحماتك قويه انا انصحك انك تتركيه لانك حتتعزبي طول حياتك وانتي عارفه الزواج بيفضل طول العمر فاحسلك تسيبيه احسن ماتسيبه وانتي معاكي ولد والله يعوضك باحسن منه ان شالله..............الله ينور طريقق

[البرنسيسه]

الى الاخت العزيزه انا بنصحك نصيحه لوجه الله اذا كان خطيبك فعلا شخصيتو ضعيفه وحماتك قويه انا انصحك انك تتركيه لانك حتتعزبي طول حياتك وانتي عارفه الزواج بيفضل طول العمر فاحسلك تسيبيه احسن ماتسيبه وانتي معاكي ولد والله يعوضك باحسن منه ان شالله..............الله ينور طريقق

[اسيره الحزن]

شوفي يا اختي مش عيب الشاب يدفع عن امه ومش هيجي معكي ضد امه لانه الى ما في خير في امه ما في خير في اهله ....نصحتي اذا كانت الخطبه طويله فاصبري وفهمي خطوه بخطوه ...واسرعي بكل الحلول وعرفه وضع امه فعلا محزن واكسبيها بكلامك الحلو والهدايا البسيطه حتي ولو ورده ,,,,,,,, واذا كنتي واثقه من بخله تتركيه بسرعه حتي لو بتموتي في لا نه الحب بدون كرم ز... مستحيل ومستحيل وكله يرجع وراء القسمه والنصيب