[norasir]

السلام عليكم /كنت عاوزة اعرف الكحك على طريقة الشيف خالد اللى فى قناة الاسرة والطفل كان عاملة بطريقة بسيطة جدا وكان شكلة كدة ناعم ياريت لو واحدة كانت اخدت المقادير والطريقة تقولى عليها وجزاكم الله خير وكل سنة وانتم بخير

[وردةمصر]

يوليو, 2010
طريقة عمل كحك العيد الشيف احمد القاضي من كل بلد اكلة

كحك العيد الشيف أحمد القاضي

المقادير :
- 1/2 ك دقيق

- 275 جم سمن بلدي ( توضع على النار تتقدح )

( ممكن استخدام سمن نباتي ويكون كحك صيامي وهنا نشيل اللبن ونضع ماء )

- 125 جم لبن

- ملعقة صغيرة خميرة ( الكيلو دقيق بيأخذ 5 جم خميرة )

- سكر بودرة

- ممكن اضافة معلقة صغيرة ريحة كحك ( الشيف لم يضعها )

الحشو :

** عجمية



- 1/2 ك عسل نحل

- 70 جم سمنة

- 70 جم دقيق ( معلقة دقيق )



للحشو أيضاً :



** عجوة ( تقلب في سمنة على النار وممكن اضافة سمسم عليها وتستخدم في الحشو )

** ملبن
الطريقة :

لعمل العجمية :



- نفس طريقة البشاميل بس نطفيها بعسل مش بلبن

- في حلة نضع السمنة والدقيق ونقلب على النار تقليب مستمر

- ممكن اضافة معلقة دقيق اخرى لربط الخليط مثل طريقة البشاميل

- ونستمر في التقليب حتى يصير اللون ذهبي وهنا نضيف العسل ونستمر في التقليب حتى تغلي وتتماسك ونرفعها من على النار ونتركها لتبرد

- ونستخدمها كحشو للكحك ( وممكن اضافة سمسم اثناء التقليب على النار )

لعمل الكحك :



- على النار نضع كمية السمنة لتغلي حتى تتقدح وعندما تصل لدرجة الغليان نضع رشة دقيق صغيرة جدا عليها وهى على النار اذا فارت نأخذ السمنة وننزل بها على الدقيق في الماكينة واحدة واحدة وتتقلب وبعد ما تتقلب كويس نضيف اللبن بالتدريج وهى بتتقلب كويس في الماكينة وفي الآخر خالص بدوب الخميرة في آخر شوية لبن واحطهم والماكينة شغالة ومستمرة في التقليب حتى تتجانس العجينة



- ثم نأخذ العجينة ونقطع منها قطع ونكورها باليد ونضع بها قطعة من الحشو سواء عجمية أو ملبن أو عجوة ونكورها ونضعها في الصاج ونضغط على كل واحدة بمنخل سلك صغير لعمل تجزيعات او مربعات صغيرة عليها من أعلى كما هو واضح في الصور



- ممكن ترييح العجينة بعد تشكيلها وممكن تدخل الفرن مباشرة بدون ترييح



- ثم ندخلها الفرن على درجة حرارة 150 : 160 درجة على حسب الفرن لمدة 25 دقيقة



- بعد التسوية يقدم ويرش عليه سكر بودرة





ملحوظة للشيف :



- اللبن المستخدم بدرجة حرارة الغرفة

- اذا استخدمتى الخميرة البيرة تبقى الكمية ثلاثة اضعاف الكمية الموجودة في المقادير وتتحضر قبل العمل بوضع معلقة دقيقة ومعلقة سكر وشوية ماء عليها ونتركها تتخمر شوية ونشتغل بيها

كوب مدرج يستخدم للمقادير يباع في محلات بيع مستلزمات الحلويات

صور لعمل العجمية

سمك العجمية بعد عملها وتركها لتبرد

هذه هى العحمية التى يشير اليها الشيف في شكل رول صغير نأخذ منه قطع للحشو

[وردةمصر]

اتمني اكون عملت اي شئ
انا جبتهوالك من يوميات شري
كل سنة وانتي طيبة

[منولة2009]

تسلمى يا وردة جميل جدا

[محبة للاسلام الرسول]

http://http://files.fatakat.com/2010/7/1279646451.gif

[محبة للاسلام الرسول]

تسلمى على الموضوع الجميل

[الواثقةبالله]

تسلميييييييي

[norasir]

اشكرك كتير اوى يا وردة مصر وانا فعلا عملته تسلمى يا حبيبتى

[حورية المطبخ]

الى الاخت الحبيبه الشيف خالد بعد ان قدح السمن وضعه فى الثلاجه (البراد)واصبح شبه الزبده التى بحرارة الغرفه وهى واضحه فى الصور ثم وضعها فى العجان وعليها سكر بودر وخلطهم مع بعض مثل البسكويت ثم اضاف باقى المقادير وحقيقى كعك رائع ويارب اكون افادتك

[norasir]

شكرا لكى حورية المطبخ