2
مقارنه بين الليب بالم اللي استعملتهم وتقييمي ليهم - العضوة ḾỈṦṦ. RёẽṀǾ هي صاحبة المشاركة
هاي يا بنانيت
عاملين ايه النهارده قريتو سورة الكهف ولا لسه
ندخل في موضوعنا بقي
النهارده هعمل مقارنه لانواع الليب بالم اللي هي زبدة الكاكاو اللي استعملتهم وهقيم كل واحده فيهم
اول واحده استعملتها كانت لابيلو من كتر ما سمعت عنها عجبتني اوي وقررت اشتريها وفعلا جبتها وكانت النوع الشفاف والغطا بتاعها لونه ازرق ودي صورتها
مكتوب عليها كلاسيك بالانجلش
هي حلوه اوي علي فكره بس بتحتاجي تحطي منها اكتر من مره في اليوم لو شفايفك بايظه شويه وملهاش ريحه ودي تقييمي ليها 8 من 10 وجبتها بحوالي 13 جنيه من سنه ونص كده
تاني نوع بقي جربته كانت لابيلو بردو بس بالورد والغطا بتاعها لونه وردي ودي صورتها
دي ريحتها تهببببببببل جميله اوي تتاكل اكل كده وبتدي لون وردي خفيف خالص بس الترطيب بتاعها مش حلو خالص يعني الزرقه ترطيبها احسن من دي بكتير دي ممكن تستعمليها عشان لونها الخفيف الرقيق وريحتها الحلوه وممكن تحت الجلوس او الليب استيك ودي تقييمي ليها 6 من 10 وجبتها من شهرين ب 15 جنيه
تالت واحلي نوع بقي جلوس وليب بالم في نفس الوقت من اماندا دا صورته
بجد راااااااااااااااااائع اولا بيقعد فتره طويله جدا ثانيا بيرطب الشفايف من التشققات من اول مره عجبني اوي اوي ومش هستغني عنه تاني والحلو فيه كمان انك تقدري تستعمليه ليب جلوس بردو بس هو في عيب واحد صغنون ان لونه بيروح بسرعه وبيبقي جلوس شفاف بس بردو بيبقي حلو اوي وفي منو الوان تاني علي فكره
ودا جبته ب 15 وتقييمي ليه 10 من 10
ها ايه رايكم بقي يارب يكون الموضوع عجبكم يا قمرات ومتنسوش التقييم بقي
عنوان الموضوع للنسخ
مقارنه بين الليب بالم اللي استعملتهم وتقييمي ليهم
http://forums.fatakat.com/thread2865187
اذا انطق الله لسانك بالدعاء فاعلم انه يريد ان يعطيك
