[فصبرا جميل]

ازيكم يا فتوكاتى واحشتووووووووونى كتييييييييييير انا بقى اختكم ومحتاسه خالص وعاوزه رايكم ضرورى لان الموضوع ده مضايقنى ومش عارفه اعمل فيه ايه
الموضوع ان انا ليا صاحبه معايا من اولى جامعه واحنا دلوقتى اتخرجنا كده اعرفها من 4 سنين وهو جدعه جدا وطيبه بس دايما بتتفهم غلط بسبب لبسها ومكياجها وانا طبعا مش كده ولازم لما تنزل معايا اخليها تلبس عبايه زى عشان مش بحب اكون ملفته المهم بقى خطيبى طلب منى من فتره انى اقطع علاقتى بيها خالص وانا معرفتش اعمل ايه والمره دى حلف عليا انى اقطع علاقتى بيها خالص ومش عارفه اعل ايه انا طبعا عايزه اراضيه بس مش عارفه اجيبها ازاى ولا اقولها ايه ومش عارفه اقطع علاقتى ازاى يا ريت تساعدونى ضروووووووووووورى
وانا هرضيه وهعمل اللىل هو عايزه بس مش عارفه ازاى ياريت تردوا عليا ضرورى
بحبكم فى الله

[*انوشة الفرفوشة*]

بصى هو عنده حق لان البنت لو شكلها مش تمام بتسيئ للى معاها وهو خايف عليكى
حاولى قللى الكلام معاها لحد ماتقطعى ااو قوليلها بصراحه خطبيى مش عايزنى اكلمك وانا بحترم كلامه

[basma eldawoudi]

انا من رايى انك تسمعى كلام خطيبك يا حبيبتى لانى دايما بيكونوا فاهمين اكتر مننا
بصى انا كنت زيك كدة وبعدت عنها بس بعد ما اتاكدت انى كلامة صح وكنت انا وقعت فى مشاكل بسببها
بصى تجيبيها ازاى ...قللى منها واحدة واحدة مرة تكلميها ومرة لا مرة تردى عليها ومرتين لا واحدة واحدة
وبصى خطابنا اللى هينفعونا والله مش صحابنا ..وهى لو اتحطط فى موقفك هتختار خطيبها وتسمع كلامة ...ربنا يوفقك يا قلبى

[*يارب عفوك ورضاك*]

اسمعى كلام خطيبك طبعا

مهما كانت نظرتنا لصحابنا بس الرجاله بيشوفو الناس من عينيهم هما

واكيد خطيبك حس انها مش تمام ومش عجبه انك تمشى معاها وكده

اسمعى كلامه احسن

[اوفا100]

ياحبيبتي مش لازم تقطعي معاها بشكل مباشر

انتي بعد الجواز اكيد الحياة هتاخدك وتلهيكي عن اي حاجة

لان هيبقى فيه بيت ومسؤلية

يعني مش لازم تقطعي معاها من غير سبب كده لان برضه حرام هي معملتش معاكي حاجة وحشة

انتي خففي العلاقة وخلاص

بالرغم من اني مبحبش اللي بتتخطب وتتغير مع صحابها

[مخنوقة وتعبانة]

بصي انا رايي انك تقوليله مش هتمشي معاها مثلا ف الشارع بس متقطعوش مكالمات ف الفون لان حرام لو هي بنت محترمة وكويسه مثلا وجدعه وطيبه زي مابتقولي تقطعي معاها كدا هو احنا كل يوم نلاقي صديق كويس

[فيشر]

بصى ساعات هما بيكونو شيفين اللى احنا مش بنشوفه وبينى وبينك هو عنده حق انا بردو ليا صحبتى كده ولما كنت بمشى جمبها كنا بنتزف بجد الناس بقت اخر قرف
حولى تكون علقتك معاها متوسطة وكده ولا كده ما دام اتخرجتو فا العلاقه مش هتكون زى الاول
مش بقولك تنزلى ولا بيعى صحبتك
بس خلى بالك على نفسك العيار اللى مايصبش يدوش

[sally7070]

ياحبيبتي مش لازم تقطعي معاها بشكل مباشر

انتي بعد الجواز اكيد الحياة هتاخدك وتلهيكي عن اي حاجة

لان هيبقى فيه بيت ومسؤلية

يعني مش لازم تقطعي معاها من غير سبب كده لان برضه حرام هي معملتش معاكي حاجة وحشة

انتي خففي العلاقة وخلاص

بالرغم من اني مبحبش اللي بتتخطب وتتغير مع صحابها

انا مع الرأى ده

[نونا مصر]

بكره يحبها ما تخافيش

[بناتى هم حياتى]

اتحطيت فنفس موقفك بالظبط ولنفس الاسباب لبس ضيق وميكب عالاخر كنا بنمشى سوا فبلدنا ييجواشباب من عالقهاوى لاخواتى يقلولهم متخلوش منى تمشى معاهه وهى كانت غلبانه ومتعرفيش وقفت جنبى قدايه وهى السبب فالهنا اللى انا فيه بعدربنا ربنايسعدها كلمتهاكتير والناس مبترحمش بس هى طبعها كده وجوزى بقى وعيلته كلها بيكرهوها وانا بحبها قوى فهمتهم انى قطعت علاقتى بيها كصاحبة عمرى وبتصل اطمن عليها وقولتلها على كل حاجه وهى عشان بتحبنى قدرت موقفى وبتطمن عليها كل فتره ولو قبلتها بقف اسلم عليها اتكلمى معاهه بالراحه وهى هتقدر ربنايرزقهم بالزوج الصالح صحبتى وصحبتك