[away4msite]

بما اني بعشق الاكل الايطالي فقولت بقى اجيبلكم كل الي عندي بقى وكل الي جمعته عن الاكل الايطالي بصوا ياجماعه
اولا: الاكل الايطالي هو اكتر اكل صحي زى م حتشوفوا دلوقتي معايا ن كل الاكل بيبقى معمول من زيت الزيتون والزبده كمن بيدخلوا جبن فيه كتير زي برميزان وشيدر وغيرها
ثانيا: روعة الاكل الايطالي بيبقى في حاجتين الباستا والبيتزا وهما مش بياخدوا وقت يعني نتي لو ست بيت بقى وعندك اطفال ومش فاضيه الحاجات دي مش حتاخد وقت منك اصلا
نبدأ بقى قبل ما تزهقوا مني انا جيبتلكم كم اكله كده على زوقي من لي قلبكم يحبها على فكره لحجات دي منقوله من كتر من موقع بس نا جمعتها ليكوا بس

وبالهنا والشفا ليكي وللعيال ولابو العيال

بسم الله الرحمن الرحيم

كرات الارز بالجبنه

سهلة التحضير وجامده جدا
المقادير بقى:
1 ½ كوب من الأرز ذو الحبة الطويلة رز بسمتي

15جم زبدة .


بصلة صغيرة .


2 ½ كوب ماء حار .


مكعب مرقة دجاج .


ذرة من الزعفران .


ملح وفلفل .


15 جرام زبدة اضافية .


ملعقة طعام جبن بارميزان مبشور .


بيضتان


90 جرام جبن موزاريللا

زيت للقلي .

الطريقه ايه بقى اتفضلوا:

1- بصوا بقى طبعا حتحطوا لزبده والبصل على النار لغاية لما البصل يتحمر

2- بعدها حتحطوا عليه ايه بقى الرز وشوحيهم كده شويه لمدة دقتين بعدها فاكره المايه السخنه الي في المقادير دي حطي نصها يعني حوالي كوباية مايه او كوبايه وربع كده بعدين تحطي الزعفران والمرقه ولملح ولفلفل

3-بعدين سيبيه بقى شويه كده على النار لغاية لما لرز يتشرب المايه بعدين تحطي باقي المايه السخنه واوعي تغطي لحله سيبيها كده منغير غطا يعني حياخد منك حولي ربع ساعه كده

4- شيلي الحله من على النار وحطي باقي الزبده وكمان الجبنه البراميزان

5- لغاية ما الرز يبرد تروحي جايبه البيض وضرباه كويس بعدين تضيفيه على الرز كويس وي بس وعي يكون الرز سخن فيتكسر منك ويتعجن وتبوظ لطبخه

6-حتجيبي الموزاريلا وتقطعيه كده مكعبات صغيره اوي

7-تعالي بقى هنا بتعرفي تعملي طعميه طيب بلاش بتعرفي تصبعي كفته
طيب تعالي بقى حقولك يه علاقة الموضوع ده بلاكله دي بصي بقى يا سيتي
حطي مكعب من لمكعبت الصغيره بتاعة الموزاريلا في ايدك بعدين هاتي معلقه من الرز معلقة اكل يعني وتقعدي تغطي كل الجبنه بالرز يعني بحيث ان كل الجبنه تبقى من جوه ومتغطيه كلها وتعملي بقى كده لغاية ما كمية الخليط الي عندك ده يخلص

8- برفو عرفتي تكوريهم حلو بصي بقى حطيهم بعد كده في لبقسماط وحطيهم في التلاجه كام ساعه كده
يعني مثلا انتي لو جيلك ضيوف اعمليها وحطيها في التلاجه وطلعيها على القلي لما الضيوف يجوا اوك

- بعد 4 و 5 ساعات كده طلعي الكور واقليها في الزيت لغاية ما لونها يبقى ذهبي بس بقولك ايه مش تملي الطسه بيهم علشان مش يتعجنو حطي كده كم وحده فيهم بحيث ن يبقى في فراغ شويه بين كل كوره والتانيه اتفقنا

وبالهنا والشفا


بصوا دي اول اكله لو محدش رد عليا مش حكتب الباقي بس متجربه وبتطلع تجن بجد وممكن انك تفتكسي كمن فيها كام افتكاسه يعني تعملي صوص كده وتحطيها تتاكل مع الكور وياسلام لز كان عندك طبق صغير غويط خالص وحطيتي فيه الصوص و تحطيها وسط سيرفيس كبير وتحطي حولين الطبق الصغير ده الكور تبقى ست بيت تمام

[rawan432]

[rawan432]

كملى يا قمر

[ام الاولاد]

[ام سعيد]

يا ريت يا جميل تكتيى بخط واضح ده زغللى عينيا

[سمسون]

شكرا ليكى وياريت طريقة الاسترومبولى

[إحســ جديد ــاس]

[أم الطيب]

تسلم ايدك.
وصفة شكلها يجنن