|
طريقة الزواج في مصر من الفراعنة حتي اليوم
طريقة الزواج في مصر من الفراعنة حتي اليوم
مصر الفرعونية :- أبا .. أنا عايز اتجوز اختى حت حور .. خلاص يا ابنى خليها تنقل حاجتها فى قوضتك .. وابقى هاتلها حجرين صوان هدية.. مبروك يا تاح ..
مصر فى عصر الرومان :- تتجوزينى يا أفروديت .. إتجوزك يا بانسيلوس .. يللا بينا نبنى كوخ ع البحر ونعيش هناك يللا ..
مصر بعد الفتح الاسلامى :- ولدى خالد يا شيخ احمد بيريد يتجوز ابنتك البكر الكريمة .. وبيبنى خيمة .. ويقدم مهر بعير .. والله خالد ولدك زين الرجال .. وايش إتمنى غير رجل صالح يكون زوج لبنتى .. وكما قال رسول الله صلى الله عليه وسلم ' ان جاءكم من ترضون دينه وخلقه فزوجوه ' .... قيموا الافراح ..
مصر 1919 :- إنت ح تتجوز بنت الحاج عبد المجيد .. أنا كلمته خلاص ووافق .. وضب قوضتك وهات خلخال .. فرحك يوم الخميس اللى جاى .. طب مش أشوفها الأول يابا .. إنت إتجننت يا ولد تشوفها ده أيه .. إنت ح تتجوز والا تخبص .. حاضر يابا ..
مصر 1960 :- بقى يا ستى بنتك آمال جالها عريس .. يا ألف نهار ابيض يا ألف نهار مبروك .. جدع طيب وابن حلال موظف فى الحقانية .. وماهيته مش بطالة .. اهو يبنوا حياتهم سوا بعد الجواز.. وألا أيه رأيك يا أم العروسة ؟ الرأى رأيك يا أبو العروسة .. والله العيال ح يعجزونا يا أبو محمد .. فشر .. تدبل الوردة وريحتها فيها يا نرجوستى ..
مصر فى عصر الانفتاح :- إخرسى يا بنت... أنا اللى يتجوز بنتى لازم يكون عنده شقة تمليك وعربية وسوبر ماركت .. بس يا ماما
ما فيش بس.. أنا وأبوكى قبل ما يموت فى الحرب كانت بتعدى علينا ايام ما بنلاقيش نآكل.. أنا يا بنتى مش عايزاكى تتعذبى زى ما إحنا إتعذبنا.. إنتى ح تتجوزى فتحى ابن خالتك .. بس أنا مش بحبه يا ماما .. الحب ما بيأكلش تونة فى الزمن دا يا فالحة .. أمرك يا ماما ..
مصر 2007 :- البنت: بابا ريكو حييجى يقابلك بكره وهو راجع من المول مع ديدى .. متتكلمش معاه فى أى ماديات من فضلك
وبعدين الكلام فى المهر والعفش والقائمة .. والفرح ده موضة قديمه .. حاجات بلدى ياى .. أنا اتفقت معاه على كل حاجة ..
والفرح فى كافيه ماريانو فى المعادى على الضيق كده مع الفرندز
وأنا جيت أعزمك أنت ومامى ............................. السنوات الجاية :- أسترها يا رب وجيب العواقب سليم !!!!؟؟؟
|
