[فته]

.انا جايبه ليكم ((طريقه عمل الكانيلونى ))بس يارب تعجبكم
أول حاجه طبعا العجينه والعجينه بتتكون من ...
1- نص كيلو لبن ((حليب))
2- 4 بيضات
3- ملح وفلفل اسمر
4- دقيق
الطريقه ....
البيض على اللبن والملح والفلفل الاسمر وبتضربيها بالمضرب كويس وطبعا بتدوقى الملح علشام يكون مظبوط ... وبعد كدة بتحطى الدقيق بالراحه شويه شويه لحد ماتبقى العجينه زى عجينه القطائف يعنى تكون سائله مش متماسكه اوكى؟؟
بعد ماتعملى العجينه بتجيبى طاسه تيفال وتسخنيها على النار تدهنيها سمنه دهان بس يعنى ماتحطيش سمنه كتير وبعدين تحطى كميه صغيرة من العجين فى الطاسه يعنى زى ماتكونى هاتعملى اومليت بس خلى القرص رفيع ماتخنيهوش وماتخليهاش على النار كتير يعنى مجرد ماتحطى العجينه تقلبى القرص على طول وبعدين تشيليه لحد كدة اوكى؟؟؟
هاتعملى بالعجينه اقراص كتير زى الاومليت... وبعد كدة هايتفضل الحشوة
الحشو .... الحشو ممكن تحطى لحم مفروم معصج او تحطى جبنه مهروسه مع البقدونس ... او تعصجى اللحم وتحطى عليه بطاطس مهروسه وتحشى بيه يعنى اى حشو انتى تحبيه ممكن تحشى بيه الكانيلونى
اخر حاجه.... هاتجيبى قرص من الكانيلونى اللى عملتيه وتحطى فيه الحشو وتلفيه وتحطيه فى صينيه فرن وتخلصى الكميه كلها وترصيها فى الصينيه وبعد كدة هايكون عندك بشاميل تحطىه عى الوش وتبشرى جبنه موتزاريلا وتدخليه الفرن لحد ما الوش يتحمر وبالف هنا وشفا جربو يارب يعجبكم.

[rawan432]

اسمك حلو قوى واكلك احلى واحلى

[umaesha]

الموضوع وصاحبته عايزين الاكل طعمهم حلو
عارفه يا فته ماما بتعمله على طول ولما عملته لعائشة جبها جدا لانه سهل الاكل والبلع
وكان ليهع اسم تانى (المسيح) بكسر كل الحروف
جزاكى الله خيرا يااااااافتتتتتتتتتتتتته

[ام الاولاد]