تنبيهات هامة:
اولا) اذا وصلتك اي رسالة خاصة من عضوة تعرض عليك الانضمام لمنتدى اخر فارسلي رسالة خاصة فيها اسم العضوة الى احدى المشرفات لايقاف سرقة العضوات، ايضا اذا وصلتك اي رسالة خاصة من عضوة تعرض عليك بضائع للبيع فارسليها الى احدى المشرفات.
ثانيا) تجاهلي اي موضوع يتكلم عن شحن الجوال ببلاش او وجود ثغرة في موبينيل او فودافون او اتصالات حيث انها تسرق رصيدك!
ثالثا) الرجاء عدم اضافة مواضيع عن الجرائم او الصور المفزعة او صور فيها نساء متبرجات او اغاني او انتقاص من قدر اي شخص.
عندى سؤال لكل الفتوكات بس عايزة الاجابة بصراحة مين فيكوا بتضرب ابنها او بنتها؟
اكيد كلكم هتقولوا انا انا انا.........
وانا كمان ......انا بضرب ابنى وببقى عارفة ومتأكدة انة لسة مش فاهم حاجة وحتى لو فاهم فالضرب مش هو الحل بس اوقات اولادنا بيتصرفوا تصرفات تخرجنا عن شعورنا وعشان كدة انا جيت النهاردة عشان احذركم من الضرب لانك ممكن تفقدى اعصابك ويحدث مالا تحمد عقباه اللهم عافى اولادنا واحفظهم يا رب
والقصة اللى معايا النهاردة بتأكد كلامى وبأكد ليكوا يا جماعة ان القصة مش منقولة
من منتدى تانى لالالالالالالالالالا انا سمعتها بنفسى على احدى القنوات الفضائية من الشيخ محمد حسان
بيقول الشيخ ان بطل القصة شخص يعرفة فى احد الايام اشترى صالون جديد وما شاء الله الصالون كان فى منتهى الشياكة ولون رائع ولونة كان ابيض والاب فرحان بالصالون جدا وفى احد الايام عاد الاب من العمل ليجد ان الصالون الابيض تحول الى حديقة من الزهور الملونة عارفين ازاى؟؟؟؟؟؟؟؟مش سحر ولا حاجة الموضوع ببساطة ان الابن تتبع شغفة بالالوان والتلوين ومسك الوانة وعمل الوااااااااااااجب
وما ان رأى الاب المنظر حتى انهال على الطفل بالضرب وعلى الام بالسباب والاهانات وكلما تدخلت الام كلما زاد الاب فى ضرب الطفل بكل قسوة غير مبال بصراخ الطفل الى ان جاءت اللحظة التى ادرك فيها الاب هول ما فعل فقد بدأ الطفل ينزف ويصرخ بلا توقف والام تصرخ وتستنجد بأى احد وهنا حمل الاب الطفل وذهب به الى اقرب مستشفى وبعدما فحصه الاطباء كانت النتيجة الفاجعة فقد قرر الاطباء ضرورة اجراء بتر لرجل الطفل المسكين نعم(( بتر)) وهنا انهار الاب ولكن ماذا ينفع الندم بعد فوات الاوان خلاص انتهت القصة ولكن لم تنتهى معاناة الابن الذى سيعيش بقية حياتةعاجز بسبب صاااااااااااااااااااالون
دايما امي بتزعل مني لما باضرب حد من اولادي وتقولي لو اضطريت لانك تضربي وتضربيش وانت متعصبة اهدي وبعدين اضربي لان الواحد لو ضرب وهو متعصب هيضرب بعنف ومن غير ما يحس.
شكلرا يا شوكلاتاية موضوعك جميل.
ربنا يهدينا ويهدي اولادنا
عارفين انا ربناكرمنى بالحج السنه اللى فاتت والله والله اكتر دعايا كان بالهدايه لولادى سبيشيال وللمسلين باولادهم كافه انا لسه امبارح ابنى وقع على سنته وانكسرت وانا خابفه جداا الحمد لله منقبل ومن بعد
إذا أعجبك موضوع من مواضيعي فلا تقل شكـراً
... بل قل الآتـي ::
اللهم اغفر لنا ولوالدينا ما تقدم من ذنبهم وما تأخر..
وقِهم عذاب القبر وعذاب النار..
و أدخلهم الفردوس الأعلى مع الأنبياء والشهداء والصالحين ..
واجعل دعاءهم مستجاب في الدنيا والآخرة ..
اللـهم آميـن ..
انا بقول ان الاواحد ما يلجأش للضرب الا بعد ما يستنفذ باقي الاساليب في التربيه وكمان ما يكون ضرب مبرح مش للدرجه دي يعني دول اطفال مش حيستحملوا وانا بشوف انا اغلب اللي بيضربوا اولادهم كانوا بيتضربوا من اهاليهم وهما صغيرين يعني بتكون زي ما تقولوا حاجه نفسيه بس حرام لازم نطول بالنا عليهم ونعرف متى نستعمل وسيلة الضرب
قلبي وجعني اويي ي ي وهاتقايا من شده الالم بحس ان الاطفال دول ليس لهم حول ولا قوه (الا الله طبعا) ومصيرهم في ايدينا مش بيعرفوا بدافعو عن نفسهم ... عنيا مليانا دموع من هول ما حدث لهذا الطفل البريء ... حسبي الله ونعم الوكيل في كل اللي يفتري على اولاده او اي طفل تاني ... الرحمه يا اهل الرحمه دا احنا مسلمين
والله معاكى حق يا كادبورى
أنا الحمد لله بضرب بس بالعقل
والمشكلة أنى أنا اللى بعيط بعد ما أضربهم
بس أعمل ايه مش بلاقى حل تانى
أنا ولادى عفاااااااااااااااااااااااريت
ربنا يهدى ولادنا و ولاد المسلمين جميعا
وشكرا على النصيحة
ربنا يعيننا وننفذها
لكن ف يوم............
كنا ف المول وتاهت منى كنت هاجنن
كان احساس فظيع زى الكابوس
كنت بتمنى اشوفها وابوس ع جزمتها
انها تسامحنى ع اى حاجة عملتها فيها
والله من ساعتها
وانا بحاول امسك اعصابى
واقول فلوس الدنيا كلها فداها
لانها بجد اغلى من اى حاجة ف الدنيا
ادعولى بالولادة السهلة
اللهم اني استودعك جنيني يا من لا تضيع ودائعه, اللهم ثبت حملي,اجعله سليم معافى لا زيادة في خلقه ولا نقصان, واجعله صالحا بارا بوالديه وحافظا لكتابك http://tickers.baby-gaga.com/p/dev311pr___.png
حقيقى كلام منطقى جدا لكن صدقينى غصب عن الواحد مبيقدرش يمسك نفسه خصوصا امام العند وقلة سماع الكلام والشقاوة والعفرته ...يعنى دلوقتى اتكلمتى مرة واتنين ومفيش فايدة بيكرر نفس الغلط ومش بس كده لا وكمان بيصر علية ....عارفين اوقات كتير بشد فشعرى لحد مخلاص مبقاش فيه .
انا كمان سمعت الحلقه دى يا كادبورى وكمان سمعت حلقه جميل لعمرو خالد اقنعنى ان الى بعملوا صح لانى بخلى العقاب اخر حاجه بعد خمس وسائل للاقناع الاول الكلام الثانى مناقشة الفعل الخطأ الثالث السؤال هل هذا صح ام خطأ الرابع عمل جائزه للى يسمع الكلام الخامس اعلى صوتى واسمع الجيران اخيرا اضرب واسأل عاندى حق ولا لأ كلو يقول عندك حق يا ما ما ايه ده بالى بقى طويل قوى
أم روان معاكى حق وبرافو عليكى اسماء و bosycat انا مقدرة كلامكم جدا لانى زيكم واكتر فى العصبية بس بحاول مااضربش على كل غلطة يعنى لو لقيتنى مثلا عاقبتة كذا مرة فى يوم واحد بحاول افوتلة اى حاجة واسيبلة غلطة والا اثنين يلعب فيهم ههههههههههه دا بردة طفل واكيييييييييييييييييييييييد لازم يغلط
اني لما أنزلت الى من خير فقير*
MEEROO 
