[فتكات الصعيد الجوانى]

السلام عليكم

بجد مش عارفه ابدا واتكلم عن مشكلتى ازاى بس تخيلوا انى مشكلتى انه حتى الان ما فيش حدحبنى بجد وحاسه بوحده وفراغ كبير ما حدش يتخيلوا لدرجة انى ملامح وجهى دائما مرسوم عليها الحزن من الوحدة نفسى بجد واحدة من الاخوات الفتكوات تقولى اتخلص فيها من الوحده دى ازاى وازاى اتخلص من استعجالى الحب والا رتباط مع انى والله مؤمنه وملتزمة دينيا والحمد لله لدرجة انه عندى22 سنه ومع ذلك عندى احساس كبير انى حعنس الخوف والقلق والوحدة تعبونى

اذا اعجبك الموضوع و اردت نشره في المنتديات الاخرى فاستخدمي هذا الرابط:
احساسى بالوحد ة وخوف من العنوسة يسيطر على
http://forums.fatakat.com/thread29649

[crazy_tota]

لا حول ولا قوة الا بالله اية با بنتي دة انتي لسة نونو خالص امال اللي عندها 40 سنة ومتجوزتش دي تعمل اية بقي تروح تنتحر
حرام عليكي يا قمر انتي اكيد في كلية التفتي لدرستك ومتستعجليش الحب لانة انشاءالله حيدق علي بابك في الوقت اللي ربنا مقدرهولك بس انتي لو استعجلتية ممكن تختاري غلط عشان حيبقي كل همك انك تحبي وبس
انما لما تستني وتصبري ويجي هو من نفسة ساعتها حتفكري بهدوء وتقدري تاخدي القرار الصح
وعاوزة اقولك علي حاجة انا عشت عمري كلة اوفق راسيين في الحلال زي ما بيقولو
بس انا محبتش ولا ارتبط غير بخطيبي وحمدت ربنا اني مستعجلتش وعملت زي اي واحدة من اللي كنت بشوفهم ووافق علي اي واحد حاول يرتبط بيا لا استنيت لحد ما جالي الحمدلله احلي واجمل نصيب في الدنيا ربنا يخليهولي ويباركلي فية وعلي فكرة انا معرفتش خطيبي غير وانا عندي 21 سنة ورغم كدة اعتبرت نفسي كنت لسة صغيرة
وبعدين لية حاسة في كلامك كدة بنبرة عدم ثقة في نفسك
يا حبيبة قلبي انا اة مشفتكيش بس اقدر ااكدلك انك جميلة عارفة لية لان ربنا مخلقش بنت في الدنيا دي كلها وحشة
دوري علي الجمال اللي جواكي وحاولي تظهرية للناس
وبدين مش يمكن حواليكي حد بيحبك بس انتي مش شيفاة
ساعات بتكون الحاجة قدامنا بس احنا مش بنشوفها عشان بندور عليها بعيد
اهتمي بنفسك وحسي انك جميلة الناس كلها حتشوفك جميلة
اما لو انتي محستيش بجمالك حتي لو انتي قمر محدش حيحس بجمالك
وبقولك تاني انتي لسة صغير ولا عنستي ولا حاجة واشغلي نفسك بحاجات تانية واتاكدي انة ماكان لكي لن ياخذة غيرك
ومستنياكي بقي تقوليلي انك خرجتي من حالة الوحدة دي وبقيتي في حالة احسن

[ام سيكا]

انت وleader هتموتوا وتتجوزوا
لية عايزين تشيلوا الهم من دلوقتى
بكرة تقولوا ولا يوم من ايامك ياماما
اسال مجرب
بكرة تقولوا نفسى اناااااااااااااااااااااااااااااااااااااااااااااام

[ام ايفان]

متقوليش كدة..انتي فين والعنوسة فين
انتي لسة صغيرة والحياة امامك..
لاتستعجلين على الزواج ومشاكلوا..والزواج قسمة ونصيب
انت فاكرة ان المتزوجة مش حاسة بوحدة..
انا قدامك متزوجة بس حاسة بوحدة شديدة الايام دول..هذا الشعور ينتابنا احيانا لكن الله فرجه قريب..

[rawan432]

انا متجوزتيش وعندى 35 سنة بصراحة فى قمة الانبساط عندى شغلى وحياتى وبنت زى العسل بنت اختى بربيها بعد وفاة بابها وهى عندها 10 شهور ودلوقتى عقبال عندك رايحة سنة اولى وبتتفرج على توم جيرى
ده نصيب وقسمة مين عارف الخير فين
بس قولى يارب
حاولى تشوفى ناس حواليك محتاجين مجهودك ويلا بلاش كسل

[ام مهند]

ياحبوبه انت لسه صغننه قوي

متستعجليش ان شاء الله ربنا هيرزقك بابن الحلال
ولا تغرك موضوع الارتباط العاطفي والكلام الفاضي ده

خلي دائما عواطفك عزيزه لا تعطيها الا لزوجك فقط لاغير
املئ حياتك باشياء مفيده وكوني قريبه من الله اكتر واكتر

[nehad]

طلعت فوق السطوح هز الهوا كمي
كل البنات اتجوزت و انا قاعده جنب أمي

غاده عبد العال من كتاب عايزه أتجوز


أنتي لسه صغيره قوي والشعور ده مش حقيقي لانه كان عندي وانا في السن ده
و اديني يا سيتي متزوجه و اعول و بقول امتي الزمان يرجع يا جميل

[منامنيو]

مش عارفة اقولك ايه
انتى ليه متشائمة كده
بصى انتى متشغليش بالك بحكاية الجواز دى
مش معنى كده انه شىء مش مهم لأ
لكن لازم تخلى لنفسك حياة واشغلى نفسك باشياء مفيدة
وحاولى تعملى صداقات جديدة
وقبل كل ده اتقربى لربنا وخلى املك فيه كبير
وان شاء الله هيكون نصيبك كله خير وتتجوزى
وصدقينى لو فى حد المفروض يبقى كله خوف يبقى انا
انا على فكرة لسة ماتجوزتش وانا اكبر منك
لكن انا متوكلة على الله وعارفة ان كل الخير بايد ربنا

[temoon.pompa]

ياحبيبة قلبى انتى لسه صغيره وبعدين م انا اهو عندى 22 سنه وعادى يعنى وكنت مخطوبه وكنت مدايئه ومصدومه عشان محصلش نصيب وفضلت فتره كده بس الحمد لله الواحد لازم يحمد ربنا ويصبر ان الله مع الصابرين
وانشاء الله ربنا يرزقنا بالازواج الصالحين ونعيش فى سعاده وفى مرضاة الله

[أم لوجى و ملك]

ليه كده يا حبيبتى
انت طبعا غلطانه جدا انت لسه صغيره اوى 22 سنه
يا جميله لازم تؤمنى بالنصيب نصيبك هيجيلك لغاية عندك ان شاء الله
انت بس ادعى ربنا انه يبعت ليكى الانسان المناسب اللى يحبك ويصونك وان شاء الله نسمع قريب عن خطوبتك يا قمر

[الايمان777]

سا حبيبتى انا عندى21 سنه ولسه متجوزتش
انا وقعت فريسه لهاجس انى ممكن اعنس بس الحمند لله قدرت اتغلب على الاخساس ده

واعرفى ان طول ما انتى مستنيه حاجه عمرها ما هتحصل
اشغلى نفسك بقراءه القران والاستغفار

[رموش العين]

أختى فى الله والله أنا عندى 22 سنة ولسه مفيش نصيب وأوقات كتير بفكر فى الموضوع وخصوصا مع إرتفاع نسبه العنوسه بس أرجع وأقول يارب وبدعى كتيروانا ساجدة والله كله قسمه ونصيب
وبعدين يا شيخة جواز إيه هما المتزوجين يعنى عملوا إيه فى منهم برضو عندهم مشاكل ولاإيييييييييييييييييييييييييييييييييييييييييييييي ييييييييه ؟:icon_twist ed:
اللهم إرزق فتيات المسلمين بخير الازواج

[نوشا]

تعنسى ايه بس دا انتى لسه فلة صغيرة وعندك 22
ياحبيبتى وانا لسه ف الكلية كنت بقول استحالة
اخلص كلية ومتجوزش
مقدرش اعد كده زى البنات ربنا يكون ف عونهم
وادينى ياحبيبتى خلصت وعندى 24 سنة وماشية ف 25
وحياتك وانا اللى برفض العرسان
عشان لسه مجاليش واحد احس انى اتشديت له
وممكن ميجيش
هههههههههههههههههههههههههههههههه
عادى جدا
لو فضلتى تفكرى فيها كده
هتلاقى نفسك مخنوقة ومش طايقة اى تغيير او تجديد ف حياتك
لكن صدقينى سبيها لله واعملى زى
وحاولى تشغلى حياتك باى حاجة تانية مفيدة ليكى
او شاركى ف اى نشاط خيرى
شوفى الاسر المحتاجة وشوفى هموما المتجوزين
وانتى تعرفى اد ايه انتى ف نعمة
وربنا يرزقنا الازوراج الصالحة اللى تشرح قلوبنا
طبعا قلتى امييييييييييييييييييييييييييييييييييييييييين
هههههههههههههههههههههههههههههههههه

[nefertety]

يا خبر امال فتكات اتعملت ليه اشغلي وقتك مع المنتدي الجميل ده
والفتوكات الجمال 00
اكيد عندك قلق من اللي بتشوفيه حوليكي والكلام الكتير اللي بتسمعيه
احب اقولك الجواز ميه في الميه نصيب مفيش كلام حاولي تنامي مرتاحه البال
لان الجواز بتاع ربنا وربنا مبيخزلش حد ابدا 00
انتي صحيح مؤمنه بس ايمانك مش قوي اوي 00سامحيني في الكلمه0
حاولي تتوكلي علي ربنا بكل مشاعرك واحساسك وانتي هترتاحي
صدقيني فرجه قريب 00لازم لازم تثقي في ربنا
وربنا هينولك اللي في بالك ومش هيكسفك ابدا والله 000

[زهرة ساحرة]

عندك حق ...!!
ايوة عندك حق ... ليل ونهار في التليفزيون والجرايد والناس من حوالينا عمالة تقول العنوسة العنوسة العنوسة لما الواحدة ركبها الرعب والقلق من بكرة ... والله حاجة تجنن بجد....
انا لسة 19 سنة بس بجد خايفة من بكرة زيك من كتر اللي بشوفة حواليا ولاكن لازم كل واحدة مننا ماتبصش للي ماتجوزتش وبس لا تبص للى اتجوزت كمان
ومتحسبهاش وتخاف وتترعب وتفكر ... آآآآآآآه يا دماغي كدة الواحدة مننا عقلها مش هايستحمل وهب يطير ههههه وعلى ايه دة كلة
طب ما انتي ممكن تشغلي وقتك في دراستك او شغلك او في البيت اي كان اللي بتعمليه وثقي في ربنا وحطي في بالك شئ وااااااااااااحد بس
ان اسمائنا احنى البشر كلها اتكتبت على ضهر آدم من قبل ما احنى نتولد فلانة لفلان ......وفلان لفلانة .... متقسمة جاهزة من قبل ما نشوف الدنيا...
انسي يا بنوتة وعيشي حياتك ولما يجيلك نصيبك هاتلاقي قلبك اتخطف منك وتدوري عليه وتجري ورا اللي سرقة ولما تمسكيه و تلعبوا عروسة وعريس فى الكوشة ههههههه . وماتنسيش تبقي ادعيلة وقتها ... ( دة اذا افتكرتيني يعني )
وباي يا بنوتة .

[ماجي2008]

صدقنيى ان اهو مش متجوزه بس بقول كله قسمة ونصيب متعمليش زيى وتقولى عاوزه الاحسن كويس انك عندك يقظة من دلوقتى عشان الوقت ما يعاديش ونقول يارايت اللى جري ما كان حاولى بس ان شاء الله ان جالك انسان كويس متكتروش عليه فى التجهيزات صدقينى هو ده اللى بيطفش العرسان لان انتي طبعاَ عايشة فى بلدنا الحبيب ولا يخفى عليكي الظروف الاقتصادية الجميلة اللى عايشناها وربنا يارب يرزقك بالزوج الصالح

[ناهدالوكيل]

حبيبت قلبى لازم تشغلى وقت بالرياضة او بشغل وانتى لسة صغيرة ولية الاحساس دة واتعرفى على اصدقاء وتوغلى بالمجتمع