المشاركة الأصلية كتبت بواسطة ريتا ميشيل
|
طبعا غير مشكله الرجيم الى معنديش القدره انى امشى عليه وبضعف قدام الاكل وبالخصوص الحلويات والفاكهه المليانه سكريات المانجا والعنب والتين
عندى هوس اسمه شراء الجزم والشنط عايزه اقولك يا غاده ممكن اشترى اكتر من موديل بنفس اللون علشان الكعب متغير فى كل مره
لدرجه انى ممكن ملبسهومش ويقعدوا فى الكياس بالسنه واكتر ولزقهم يبوز من الركنه واشحتهم جداد وفى كل مره اقول لنفسى طب السابوه ده وخلاص وفرى فلوسك
انت عارفه يا غاده جوزى قالى كلمه وانا مصدقتوش
قالى لو احتاجنا او بنت من البنات تعبت مش حنروح نبيع الجزم ونصرف عليهم ومصدقتوش غير لما احدت اجازه من شغلى واتزنقت فى الفلوس
بس مش قادره ابطل عاده شراء الاحذيه
عارفه انا ممكن افضل كتير مشتريش هدوم بس مقدرش مشتريش جزم
|
مرسي يا ريتا علي ثقتك الغاليه
بصي ياجميل لو انتي عوزه تخسي فعلا ياريت تبعتيلي وزنك وطولك
وانا ان شاء الله وراكي لحد ماتنولي المراد
صدقيني يا ريتا العزيمه دي شي موجود جوانا بس بيبقي مستخبيه لحد ما احنا بنفسنا ندور عليها
ولو لقتيها خلاص هتبقي اساس في حياتك
لان العزيمه ما هي الا انك تاخدي قرار وتصممي عليه
يعني انتي محتاجه بس انك توظفي تفكيرك وتمشيه صح ولو غلط تعقبيه ولو نجح لازم تكفئيه
اما بالنسبه لموضوع شراء الجزم ده اول حاجه دايما وانتي خارجه ماتخديش معاكي فلوس الا علي اد ما انتي محتاجه
ومتحوليش اساسا تنزلي تتفرجي علي المحلات الا لو انتي محتاجه فعلا تشتري هدوم مثلا او حاجات للولاد وزي ما قولتلك الفلوس تكون علي الاد
