[غاده الصايغ]

اخواتى انا بحاجة ماسة لمساعدتكم انا ولدت قيصرى من 3 اشهر ووزنى زاد اثناء الحمل 25 كيلو ولم افقد منهم سوى 5 كيلو بعد الولادة واصبح وزنى 80 والوزن الزايد متركز فى البطن والارداف والصبح جسمى مترهل بعد ان كنت ممشوقة القوام اريد رجيم يعيدنى الى حالتى الاولى او على الاقل لحالة مقاربة و فى نفس الوقت لا يؤثر على الرضاعة
مع العلم انى لا استطيع ممارسة تمارين البطن لانى جربتها و حصللى فتق مكان الجراحة و اخشى ان يحدث ذلك مرة اخرى
و لكم جزيل الشكر

اهلا بيكي يا قمرايه
وحمدلله علي سلامتك ومبروك البيبي
والف بعد الشر عليكي بس يا حبيبة قلبي هو انتي متعرفيش انك غلط انك تلعبي رياضة وانتي لسه مكملتيش 6 شهور الرياضة بعد شهور علشان الجرح ان شاء الله خير
بسي يا جميله ادخلي علي الرابط دهhttp://forums.fatakat.com/thread15486

مع الاخذ في الاعتيار ليكي كوب لبن خالي الدسم زياده علي النظاماو كوب عصير برتقال وطبعا المايه كتير جدا علشان الرضاعة
وصدقيني النظام ده صحي وانا شخصيا مشيت عليه وانا رضع اولادي
وياريت لو عندك وقت تمشي 2/1 ساعة كل يوم المشي هايل جدا حتي احلي من الرياضة وممكن تجيبي مشايه في البيت هي مش غاليه انزلي جبيها من وسط البلد في المنيره هتنفعك جدا
وانا معاكي لو احتاجتي اي حاجه اسألي انا مبزهقش
احبك في الله

[غاده الصايغ]

أختى العزيزة
انا مروة من مصر كان وزنى 136.5 و خسيت الى 87 كيلو و ده عن طريق طبيب و ايضا رياضة و الآن انا وزنى ينزل ببطء شديد و خايفة امل من الدايت عشان مش بنزل
و المشكلة الثانية نفسى اعمل اعادة تشكيل للجسم و انا عارفة انه فيه تمرينات خاصة للجسم كلهلعمل reshaping لكن مش عارفة التمارين دى ايه و انا للاسف ظروفى مش مسعدانى انى انزل جيم مع ايضا مشكلة الترهلات فى الأرجل و زيادة فى المؤخرة عن باقى الجسم
برجاء مساعدتى و شكرا لك

اهلا بيكي يا مروه
ماشاء الله عليكي ربنا يزيد عزيمه وقوه علي اكبر عدو لينا
بسي يا قمر ادخلي علي الرابط ده وان شاء الله هيفيدك جداhttp://forums.fatakat.com/thread16407
و بالنسبه لموضوع الرياضه ادخلي علي الرابط ده
http://forums.fatakat.com/thread22652
ولو عوزه تسألي اي حاجه انا معاكي
احبك في الله

[غاده الصايغ]

السلاااام عليكم
أزيكوا يا بنات معلش ع الغياب ده راجع لظروف الدراسة (و الدح)هههههههه
المهم
أنا عندى مشكلة بس بينى و بينكوا
أنا عندى بطن من و أنا عندى 7 سنين و دلوقتى عندى 15 سنة
و الحمد لله مفيش حاجة عضوية
بس المشكلة انى جسمى قليل من فوق بس كتافى عريضة شوية
و مش عارفة ألبس لبس خاااااااالص و دى حاجة مضيقانى
أنصحونى بقه يا فتكوتات

اهلا بيكي يا بسبوسه
منوارني في قسم الرشاقه
ياريت تبعتيلي طولك ووزنك
وباذن الله الحل موجود
احبك في الله

[غاده الصايغ]

السلام عليكم
ازيكم يا جماعه
بصو بقى بسرعه كده
انا طولى 164
ووزنى 72
ييعنى الفرق مش بعين
لكن كل المشكله
انى الوزن الزايد كله متمركز
فى المنطقه الخلفيه
حاسها اكبر من العادى
عايزة نصايحكم ازاى اخلى المنطقه دى تخس
هستنى الرد
سلام

اهلا بكب يا قمرايه معنا
ونورتي في قسم الرشاقه
طبعا انتي عند وزن زايد حوالي 10 او 15 كيلو ده ممكن جدا يكون متركز في المنطقة الخلفيه لان نسبة الغدد الدهنيه فيها زياده فا بتتركز فيه
المهم ادخلي علي الرابط ده http://forums.fatakat.com/thread16406
هايل جدا وهيسعدك بس المهم تبقي جامده كدا واد المسؤليه وربنا معاكي
وادخلي علي الرابط الرياضي ده
http://forums.fatakat.com/thread22652
وانا معاكي لو احتاجتي اي حاجه
احبك في الله

[غاده الصايغ]

اختي لو يمكن تساعديني على التخلص من هده الكرش اكن ممتنتا لك جدا -لقد جربت خلطات كتيرة لكن ما نفعت معي انا طولي 160 ووزني 65 وقوامي ما شاء الله جميل لكن ال5 كيلو اللي هي زيده عندي في الوزن كلها متراكمة في الكرش نبغي حل لها الله يحفضك

اهلا بيكي يا قمر
نورتي منتدنا ونورتي قسم الرشاقه خاصا
بالسبة لمشكله الارداف انا مش هقولك اعملي دايت معين مع العلم انك عندك زياده في الوزن حوال 5 او 10 كيلو
بس افضل شي للارداف هي الالياف

حمية غنية بالألياف الغذائية
تمتاز الألياف الغذائية بكونها لا تهضم في الجهاز الهضمي، وبالتالي فإنها تزيد من حجم كتلة الخروج وتحافظ على عادات الخروج الطبيعية. توجد الألياف الغذائية في الأطعمة ذات الأصل النباتي فقط وهي

الحبوب
حبوب الإفطار المدعمة بالألياف الغذائية، وكذلك المنتجات المحتوية على كميات كبيرة من الألياف الغذائية.
البقوليات (المطبوخة)
الفول، العدس، الفاصوليا وجميع الأطعمة المحضرة منها.
الخضار
الذرة، البازلاء، الملفوف، الكوسة.
الفواكه
الفراولة، التين، التوت، المشمش، التفاح غير المقشر، اليوسفي،الخوخ (برقوق)، مع التذكير بأن للبرقوق وعصير البرقوق أثراً فعالاً لإثارة وتنظيم عمل الأمعاء
ولزيادة تناولك للألياف الغذائية، احرصي على اتباع الإرشادات التالية:
1- انتظمي في توقيت تناول وجباتك.
2- تناولي كميات كافية من السوائل (8 - 10 أكواب في اليوم ) .
3- تناولي الكثير من الخضار الطازجة مع عدم إزالة قشرتها واختصار طرق تحضيرها بتعريضها لأقل حرارة ممكنة ولأقصر وقت ممكن.
4- تناولي الكثير من الفواكه الطازجة والمجففة مع الحرص على عدم إزالة قشرتها.
5- تناولي الخبز وحبوب الإفطار، والمعكرونة المصنوعة من الحبوب الكاملة (دون إزالة قشرتها وغير المنخولة) وكذلك تناولي الأرز (العيش) الأسمر.
6- انتظمي في تناولك للبقوليات مثل الفول والفاصوليا البيضاء والحمص والعدس.

اما موضوع الكرش هيكون بشرب المشروب السحري
مقادير متساويه من الاتي
شاي اخضر +شمر+كمون +روزماري +نعناع + جنزبيل
دلو يطحنه مع بعض وتحفظيهم في برطمان زجاجي
تاخدي منهم ملعقة صغيره علي كوب ماء مغلي +ليمونه وتغطي وتسبيها لحد ما تبرد وبعدين تشربيها 3 مرات في اليوم علي الريق وبعد الغذاء بساعة وبعد العشاء قبل النوم مش عوزه اقولك هايل الخلطه دي اد ايه عن تجربه
وطبعا مع الرياضه علي الرابط ده

http://forums.fatakat.com/thread22652

واي حاجه انا معاكي
احبك في الله

[nosha_ali2010]

ازيك يا غادة واحشانى واللة ومشكورة يا قمر انك دخلتى وبركتيلى وعقبال اولادك يا رب معلش يا غادة عايزة اسال على حاجة جسمى فية ماية زيادة عشان كنت باكل طماطم فى السلطة وكنت بحط عليها ملح وخل كتير وعرفت انها بتحبس الماية فى الجسم وعايزة انزل الماية دى منى جسمى اعمل اية وجزاك الله خيرا احنا تعبينك معانا والله

[وهج]

حبيبتي غادة ازيك انشاللة تكونب قضيتي اجازة حلوة المهم باعسل عايزة اخسسسس
وكنت مستنياكي لما ترجعي ؟؟؟؟؟

[مرمريكا]

غادة ازيك ياقمر

بصى بقى انجدينى

انا بقالى سنين بعمل ريجيمات
كل مابخس بتخن تانى دى اول مشكلة

تانى مشكلة انى بخس من تحت بس ومن فوق حاجة بسيطة

انا تعبت جداااااااااااااا
ونفسيتى تعبانة جدا من الموضوع دة

[مرمريكا]

غادة نسيت اقولك انى عندى غدد صماء
وتخنى مش اكل
انا تقريبا مش باكل
ولو اكلت اكلى ضعيف وعادى
وشهيتى مقفولة مش مفتوحة

[جيهان عبدالله على ربع]

مهما تعملي يا مرمريكا
برضه طن ونص زي ما انتي
هههههههههههههههههههههههه
صباح الفل عليكي انتي وغادة

[مرمريكا]

ماشى ياجيجى طن ونص
اضحكى بكرة تبقى 10 اطنان وانا اضحك عليكى بقى
صباح الفللللللللللل

[غاده الصايغ]

ازيك يا غادة واحشانى واللة ومشكورة يا قمر انك دخلتى وبركتيلى وعقبال اولادك يا رب معلش يا غادة عايزة اسال على حاجة جسمى فية ماية زيادة عشان كنت باكل طماطم فى السلطة وكنت بحط عليها ملح وخل كتير وعرفت انها بتحبس الماية فى الجسم وعايزة انزل الماية دى منى جسمى اعمل اية وجزاك الله خيرا احنا تعبينك معانا والله

لا يا جميله ولا تعب ولا حاجه
بسي يا بسبوسه اولا بالنسبه للطماطم ياريت ماتخديش اكتر من 2 طماطم في اليوم لان نسبة الاملاح فيها عاليه شويه لكن متلغيهاش لانها ليها فوايد تانيه حلوه
وطبعا علي السلطة كفايه خل او ليمون بلاش الاتنين مع بعض
فالحاجة الهايله جدا لنزول المايه الزياده من الجسم
الشاي الاخضر - الجنزبيل - البردقوش
التلاته هايلين جدا ممكن تعملي مكس بنهم بس تبقي حريصة انك تشربي مايه كتير
علشان مضريش نفسك وانتي مش وخده بالك
احبك في الله

[غاده الصايغ]

حبيبتي غادة ازيك انشاللة تكونب قضيتي اجازة حلوة المهم باعسل عايزة اخسسسس
وكنت مستنياكي لما ترجعي ؟؟؟؟؟

حبيبة قلبي ربنا يخليكي ليا
وسعيده جدا بثقتك الغاليه دي
بس انا يانور عني رديت عليكي قبل ما اسافر علي طول
في صفحة 9 من نفس الموضوع
وابقي قوليلي ايه رايك
ولو عوزه اي حاجه انا معاكي يا قمر
احبك في الله

[غاده الصايغ]

غادة ازيك ياقمر

بصى بقى انجدينى

انا بقالى سنين بعمل ريجيمات
كل مابخس بتخن تانى دى اول مشكلة

تانى مشكلة انى بخس من تحت بس ومن فوق حاجة بسيطة

انا تعبت جداااااااااااااا
ونفسيتى تعبانة جدا من الموضوع دة

ازيك يا حبيبة قلبي
مرسي جدا علي الثقة الغاليه
بسي يا قمر
انتي مهما عملتي رجيم مش هينفع
طالما انك عند خلل في الهرمونات لانها هي السبب الاساسي عندك في السمنه
فلازم تروحي اولا لدكتور غدد صماء
هو هيدكي العلاج واللي هيظبطلك الخلل ده وبعد كده هتلاقي موضوع الرجيم ده اسهل منه مفيش لان اساسا الخلل اللي بتسببه الغدد بيعمل علي حبس المايه في الجسم
وان شاء الله هكون معاكي وباذن الله هقولك علي نظام لتثبيت وزنك علشان مترجعيش تاني
بس الاول روحي لدكتور الغدد هيدكي علاج بسيط جدا
وانا معاكي يا قمر
احبك في الله

[nosha_ali2010]

جزاك الله خيرا يا غادة وانا كمان بحبك ف الله مشكورة على اهتمامك

[شيبست]

السلام عليكم
انا شيبست
انا طويله طولى 167
وزنى 65ك
انا جسمى حلو بس من الرجل من فوق تخينه شويه وعندى بطن
ارجوكى اعطينى نظام رجيم حلو امشى عليه
انا مش عيزه اخس اوى بس عيزه انزل البطن شويه
وارفع رجلى شويه
وخصوصا خطوبتى قربت
ارجوكى سعدينى

وشكرا لكى

[غاده الصايغ]

السلام عليكم

انا شيبست
انا طويله طولى 167
وزنى 65ك
انا جسمى حلو بس من الرجل من فوق تخينه شويه وعندى بطن
ارجوكى اعطينى نظام رجيم حلو امشى عليه
انا مش عيزه اخس اوى بس عيزه انزل البطن شويه
وارفع رجلى شويه
وخصوصا خطوبتى قربت
ارجوكى سعدينى

وشكرا لكى

اهلا بيكي يا قمر
منوراني في قسم الرشاقة
والف مبروك علي خطوبتك ربنا يسعدك دايما
ماشاء الله عليكي
بسي طبعا انا مش هقولك امشي علي نظام معين لكن اهم حاجه حاولي ان اكلك يكوني غني بالالياف لانها ممتازه للارداف
اما البطن في مشروب سحري انا شخصيا بشربه
هو مقادير متساويه من الاتي
شاي اخضر +شمر+كمون +روزماري +نعناع + جنزبيل
دلو يطحنه مع بعض وتحفظيهم في برطمان زجاجي
تاخدي منهم ملعقة صغيره علي كوب ماء مغلي +ليمونه وتغطي وتسبيها لحد ما تبرد وبعدين تشربيها 3 مرات في اليوم علي الريق وبعد الغذاء بساعة وبعد العشاء قبل النوم مش عوزه اقولك هايل الخلطه دي اد ايه عن تجربه
ولو مقدرتيش تروحي جيم ادخلي علي الربط ده لان الرياضه لاغني عنه
http://forums.fatakat.com/thread22652
ولو احتاجتي اي حاجه انا معاكي
احبك في الله