[غاده الصايغ]

ازيك يا غادة كل سنة انتى طيبة يا حببتى فكرانى يا غادة انا كان وزنى 81 ونص ووصلت دلوقتى ل72 وطولى 160 غادة انا حصلتلى مشكلة جامدة وانا تعبت جامد وظغطى وطى ووصل لدرجة الموت ورحت المستشفى وتعتب اوى المهم انا دلوقتى الحمد لله كويسة بس لسة صحتى مش قد كدة الحمد لله
وانا دلوقتى خايفة اتخن الى خسيتة عايزاكى تقوليلى اعمل اية عشان مرجعش اتخن الفترة دى وبعد كدة ابقى اعمل ريجيم
وكل سنة وانتى طيبة يا قمر

اولا الف الف سلامه عليكي يا حبيبة قلبي
اكيد انتي اهملتني في نفسك ومكنتش بتاكلي كويس
علي العموم الحمدلله علي قد كدا
قدر الله وما شاء فعل
وان شاء الله تبقي زي الفل
ثانيا
كل سنه وانتي بالف خير
بصي بقي انتي دلوقتي المفروض تاكل في حدود السعرات الحراريه المحتاجها جسمك
وهي حوالي 1600 سعر حراري
يعني كلي في الحدود المسموحة ليكي فقط
بس نصحتي الاكل الصحي هو الاكل الخالي من الدهون خلي الكلمة دي دايما ترن في ودنك
وطبعا الرياضة الحل الامثل في نظام تثبيت الوزن
والشاي الخضر لازم 3 مرات في اليوم
المايه 2 لتر في اليوم

وطمنيني عليكي ا بسبويه
وانا معاكي
احبك جدا في الله

[غاده الصايغ]

شكرا يا قمر على الموضوع الجميل ده

وكل سنة وانتى طيبة واسئلك الدعاء لى

وانتي بالف خير
لا شكر علي اجب دا حق الاخوات علي بعض
وان شاء الله ربنا يدكي كل اللي بتتمنيه

احبك في الله

[غاده الصايغ]

السلام عليكم يا غاده ويارب تكونى بخير.

انا مش عارفه امشى ع رجيم رمضان لانى بشرب سوائل محلاه بسكر كتير مثل (التمر هندى - الكركديه - البيبسى - فيروز -مشروب رمضان:قمر الدين عصبر+ مشمشيه + بلح + قراصيا + تين# - ليمون بسكر-.....إلخ )بس الاكل مش كتير قليل جدا لدرجه انى ساعات بنسى الاكل خالص

ساعدينى انا مكتئبه جدا من وزنى 93 وطولى 156 مكعبره فى نفسى وبنال سخريه من الاخرين لكننى لم يكن لى اى زنب والله انا جسمى كده اعمل له ايه


ساعدينى ارجوكـــــــــــــــــــــــــى.
يارب يكون رمضان عليكى بالخير يكون مسواكى الجنه ان شاء الله.
السلام عليكم ورحمه الله وبركاته.


أحبـــــــــــــــك فــــى الــلــه.

وعليكيم السلام ورحمة الله وبركاته
واياكم
والله يبارك فيكي

اولا ازي عني مش عارفه تمشي علي نظام رمضان دا سهل منه مفيش
وبعدين انتي ممكن تشربي كل الحاجات دي بسكر دايت او سكر الفاكهة السعرات الحراريه للملاعقة الوحده16 سعر حراري

وبعدين حاولي تشيلي من دماغك موضوع الاكل اعتبري نفسك لسه صايمه عن الاكل الدسم والسكريات

وممكن كمان تجيبي كبسولات سليماكس من الصيدليه حلوه اوي وملهاش اي اثار جانيبة
هتسد نفسك
بس دا لو انتي عوزها تتسد اما لو فضلتي تقولي اصلي اللي حاوليا بيكلوا كذا وكذا يبقي مش هيعمل حاجة
لان الاراده مش هتيجي غير من جواكي انتي

وبردوا قلت الاكل مش يتخسس لان الاكل هو اللي بيحرك الحرق للوزن القديم

خدي قرارك وبلغني بيه وانا معاكي
في اي لحظة
احبك في الله

[هبه مجدى]

انا نفسى افضل زى ما انا لانى وزنى مثالى الحمد لله بس خايفه من رمضان لانى بضعف ادام الحلويات ودى كارثه

[غاده الصايغ]

ازيك عامله ايه انا مشكلتي كبييييره اوي
اولا انا كل ما اقول اعمل ريجيم انزل5 كيلو وبس وافرح بنفسي كده مع اني محتاجة ريجيم قاسي وبجد مش عارفه اعمله وخصوصا وانا في الجامعه
انا عمري22 سنة ووزني92 وطولي160 المفروض اكون كام علشان يكون جسمي مضبط انا تعبت وعاوزه ريجيم يساعدني
ثانيا مشكلتي في اختيار الملابس مش عارفه اختار الملابس الي بتليق عليا وتداري العيوب ياريت تقوليلي على الحل يعني انا عندي ارداف اختار ازاي البنطلون الجينز وممكن الاقي فين
مشكوره اوي على المساعد مقدما انا عارفه انك هتفيديني كتير
لان كمان فرح اختي قرب ولازم انزل بجد في الوزن وكمان معنديش وقت للرياضه
كل سنة وانتي طيبه

وانتي طيبة وبالف خير
اهلا بيكي ا جميله
المنتدي كله نور بوجودك فيه

انتي بقي محتاجة تنزلي حوالي 35 كيلو يلا بقي خليكي شطوره واعملي نظام رمضان اللي في الرابط ده http://forums.fatakat.com/thread49710
وانا معاكي بعد رمضان وهديكي كل اسبوع نظام بس الاول اشوف نتيجه بعد رمضان
والرياضة اما قبل الافطار بساعة او بعده بساعتين احسن
في الرابط ده http://forums.fatakat.com/thread22652
واشربي المشروب السحري 3 مرات بعد الافطار وبعد السحور وفي النصف مره
والمشروب السحري
مكون من
شاي اخضر +شمر+كمون +روزماري +نعناع + جنزبيل
دول يطحنه مع بعض وتحفظيهم في برطمان زجاجي
تاخدي منهم ملعقة صغيره علي كوب ماء مغلي +ليمونه وتغطي وتسبيها لحد ما تبرد وبعدين تشربيها 3 مرات


واي حاجة انا معاكي
احبك في الله

[غاده الصايغ]

انا نفسى افضل زى ما انا لانى وزنى مثالى الحمد لله بس خايفه من رمضان لانى بضعف ادام الحلويات ودى كارثه

اهلا يا هوبه
والله الموضوع زاده شرف بوجودك فيه
وكل سنه وانتي طيبة يا جميله

بصي الحلويات دي مشكله لانها بتفتح الشهيه
حاولي تقنعي نفسك اننا بناكل علشان نعيش مش بنعيش علشان بناكل
هي دي حل المعادله الصعبه
ادخلي علي الدايت بتاع رمضان هتلاقيالسعرات الحراريه بتاعت الحلويات شوفيها
وشوفي هتقولي لنفسك ايه
واشربي شاي اخضر 3 مرات لانه بينزل 200 يعر حاري لل600 ميلي يعني 3 ماجات
والعبي رياضة علي الاكل امشي او انزلي واطلعي السلم لمدة 10 دقائق يبقي هايل جدا

يارب اكون قدرت افيدك
احبك في الله

[ياسوو]

حبيبتى مشكورة على الموضوع
عندى سؤالين
اولا كوب من العرقسوس كم عدد سعراته؟
ثانيا انا وزنى 75 وطولى 155 يعنى عايزة اخس 20 ك فكم عدد السعرات المناسبة لى على الفطور والسحور
علما بان حركتى قليلة لانى معظم الايام في الاجازة قاعدة في البيت
ارجو الافادة

[nosha_ali2010]

متشكرة اوى على اهتمامك يا غادة وكل سنة وانتى طيبة يا قمر

[منى شلبى]

يا غاده انتى فهمتينى غلط انا يعتبر مابكلش اصلا بس بشرب عصائر كتير جدا بس.

انا عندى اراده قويه جدا وهى دى اللى مخليانى مابكلش بس انا بحب العصائرو المياه الغازيه مــــــــوت.
ممكن تقوليلى هل المياه الغازيه تزود الوزن ام لا؟.
انا كمان محبش الحلويات(كنافه - بسبوسه - جلاش - قطائف) بس بحب الشيكولاته وبضعف امامها لكن مبقتش اجيبها (شوفتى العزيمه؟) ارجوكى ياغاده احتوى مشكلتى انا مكتئبه من وزنى جدا .
ارجوكى يارب يوفقك فى حياتك خليكى جانبى فى مشكلتى.
السلام عليكم ورحمه الله وبركاته.


أحـــــــبــــــــك فى الــــلـــــه

[غاده كمال]

مشاركة في غير مكانها المخصص

[هبه مجدى]

شكرا يا غاده ربنا يكرمك ويبارك فيكى بحبك فى الله

[ورقة شجر]

السلام عليكم ورحمة الله وبركاته
ازيك يا غادة اسال الله ان تكوني في احسن حال
انا عضوة جديدة لسه من نص ساعة بس وعندي مشكلة كبيرة جدا
الا وهي اني تخينة جدا جدا جدا
وزني 80 كيلو وطولي بكعب 150
كدة برضه بتضحكي على
طيب انا سحلت منك ومخمصاكي
بس يلا احنا في رمضان والمسامح كريم
نكمل الموضوع .....
مشكلتي الاكبر بقة اني مش بعرف اعمل كنترول على نفسي في الاكل وقت مكون تعبانه نفسيا وما اكثرها هذه الاوقات لدرجة اني مرة والله كلامي ده صحيح فوجئت لقيت اني واقفه امام الثلاجة وفاتحة حاجة ساقعة وفي ايدي طقعة تورتة والايد التانيه واحدة بتيمجان مخلل
طبعا مقدرش امنع حد من انه يسقط ارضا من الضحك على بس هي ديه الحقيقة
بغمس العسل الابيض بالمش
وحاجات تانية كتير تسببت في اني زاد وزني في خلال عام 37,5 كيلو
تقدري تساعديني ولا اروح ادفن نفسي وارتاح

[غاده الصايغ]

حبيبتى مشكورة على الموضوع
عندى سؤالين
اولا كوب من العرقسوس كم عدد سعراته؟
ثانيا انا وزنى 75 وطولى 155 يعنى عايزة اخس 20 ك فكم عدد السعرات المناسبة لى على الفطور والسحور
علما بان حركتى قليلة لانى معظم الايام في الاجازة قاعدة في البيت
ارجو الافادة

اهلا بيكي يا قمر
سعيده بوجودك في المنتدي
طبعا انتي يا سكره مش محتاجة 20 كيلو بس انتي محتاجة حوالي 30 او 35 سعر
بس لو قدرتي علي 20 تبقي هايله
وانا حسه ان ثقتي فيكي كبيره لانك انتي اللي كتبتي وزنك بايدك

يلا بقي اولا ادخلي علي الرابط ده http://forums.fatakat.com/thread49710دا لو مشيتي عليه هتنزل في الشهر من 8 الي 10 كيلو

وطبعا المشي علي الاقل 2/1ساعة يوميا

الرياضة هنا وملكيش حجة جبتلك جيم في بيتك
http://forums.fatakat.com/thread22652

واشربي المشروب السحري 3 مرات بعد الافطار وبعد السحور وفي النصف مره
والمشروب السحري
مكون من
شاي اخضر +شمر+كمون +روزماري +نعناع + جنزبيل
دول يطحنه مع بعض وتحفظيهم في برطمان زجاجي
تاخدي منهم ملعقة صغيره علي كوب ماء مغلي +ليمونه وتغطي وتسبيها لحد ما تبرد وبعدين تشربيها 3 مرات

اما بالنسبه للعرقسوس
سعراته الحراريه بتجي من السكر اللي بتحطيه فيه
يعني معلقة السكر فيها 50 سعر حراري
شوفي انتي بقي
استعملي سكر الدايت هايل جدا ووفري السعرات الحراريه دي لاحاجة افيدلك

وانا معاكي يا بسبوسه في اي حاجة تحتاجيها
احبك في الله

[غاده الصايغ]

يا غاده انتى فهمتينى غلط انا يعتبر مابكلش اصلا بس بشرب عصائر كتير جدا بس.

انا عندى اراده قويه جدا وهى دى اللى مخليانى مابكلش بس انا بحب العصائرو المياه الغازيه مــــــــوت.
ممكن تقوليلى هل المياه الغازيه تزود الوزن ام لا؟.
انا كمان محبش الحلويات(كنافه - بسبوسه - جلاش - قطائف) بس بحب الشيكولاته وبضعف امامها لكن مبقتش اجيبها (شوفتى العزيمه؟) ارجوكى ياغاده احتوى مشكلتى انا مكتئبه من وزنى جدا .
ارجوكى يارب يوفقك فى حياتك خليكى جانبى فى مشكلتى.
السلام عليكم ورحمه الله وبركاته.


أحـــــــبــــــــك فى الــــلـــــه

احبك الذي احببتني فيه

بصي يا سكره
انتي عارفه معلقة السكر فيها كام سعر حراري
50 سعر حراري
والكانز الوحده فيها كام سعر
اشربي اللي انتي عوزه بسسسسسسسسسسسسسسسسسسسسسسسسس بسكر دايت واشربي مشروبات غاذيه بس دايت او زيرو
وعلي فكره اكل الفاكهه احسن كتير من عصرها
حوالي تعودي نفسك علي الاكل الصحي

عارفه يا منمن الرجيم مش محود نظام تمشي عليه لمده معينه لحد ماتنزلي وزتك وبعدين ترجعي للاكل تاني
الرجيم دا نظام للحياه الصحيه
حاولي تظبطي نفسك بانك تخافي علي صحتك شويه
وعلي فكره انتي ممكن تاكل شكولاتيه مره وحده في الاسبوع وايه يعني
ولو بتحبيبي الميلك شوكلت ممكن جدا بس بالكاكاو او الشوكولاته الخاليه من السكر
عارفه بتبقي موجوده عند العطار او من عندالسوبر ماركت
قولي عوزه كاكا غامق للحلويات خالي من السكر
استعمليه برحتك ممكن تاخدي 2 ملعقة في اليوم مع قليلي من اللبن الخالي الدسم
هتبقي سعيده جدا اكيد
يعني نوعي علشان تحبي الرجيم والرجيم يحبك
ابتكري في اكلك بس من غير زيت

وربنا معاكي ويوفقك
وانا معاكي لو عوزه اي حاجة متترديش

احبك في الله

[غاده الصايغ]

السلام عليكم ورحمة الله وبركاته
ازيك يا غادة اسال الله ان تكوني في احسن حال
انا عضوة جديدة لسه من نص ساعة بس وعندي مشكلة كبيرة جدا
الا وهي اني تخينة جدا جدا جدا
وزني 80 كيلو وطولي بكعب 150
كدة برضه بتضحكي على
طيب انا سحلت منك ومخمصاكي
بس يلا احنا في رمضان والمسامح كريم
نكمل الموضوع .....
مشكلتي الاكبر بقة اني مش بعرف اعمل كنترول على نفسي في الاكل وقت مكون تعبانه نفسيا وما اكثرها هذه الاوقات لدرجة اني مرة والله كلامي ده صحيح فوجئت لقيت اني واقفه امام الثلاجة وفاتحة حاجة ساقعة وفي ايدي طقعة تورتة والايد التانيه واحدة بتيمجان مخلل
طبعا مقدرش امنع حد من انه يسقط ارضا من الضحك على بس هي ديه الحقيقة
بغمس العسل الابيض بالمش
وحاجات تانية كتير تسببت في اني زاد وزني في خلال عام 37,5 كيلو
تقدري تساعديني ولا اروح ادفن نفسي وارتاح

الحمدلله يا سكره
كويسه انتي عمله ايه
ومش هتدفني نفسك في التراب ولا حاجة
احنا اكبر من كدا بكتيييييييييييييييييييييييييير

اولا اللي قولتيه دا عادي والشراهة في الاكل دا عندنا تقريبا كلنا
بس خلاص زمن الشراهة عدي وولاا من ساعة ماكتبتيلي مش كدا والا ايه

يلا بقي ابدائي في الرجيم الخاص بشهر رمضان
http://forums.fatakat.com/thread49710 دا ان شاء الله هيساعدك في انك تبدئي
علشان الشراهة بقي جيبي بقي سليماكس دا تاخديه اول حاجة قبل حتي العصير كبسوله وحده 15 جرام هيسد نفسك وهيبعد تفكيرك عن الاكل
بس لازم تكوني وخده قرارك وانك اقوي من نفسك لو امرت بالسوء
ماشي واشربي العصير بعدين قومي صلي وبعد كده ابدائي باكلك الجميل المريح للمعده
وبعد كده قومي شوفي ايه اللي وراكي
اعملي اي حاجة بس المهم تحطي قدام عنيكي شكلك وانتي 50 كيلو من غير اي دفوهات ياااااااااااااااااااااااااااه
هتبقي زي العسل والله

حاولي تمشي بقي 2/1ساعة حتي ولو في المكان او انزلي واطلعي علي السلم لمده 10 دقائق متواصله
الرياضة بلا بقي جيم معاكي في البيت
http://forums.fatakat.com/thread22652

واشربي المشروب السحري 3 مرات بعد الافطار وبعد السحور وفي النصف مره
والمشروب السحري
مكون من
شاي اخضر +شمر+كمون +روزماري +نعناع + جنزبيل
دول يطحنه مع بعض وتحفظيهم في برطمان زجاجي
تاخدي منهم ملعقة صغيره علي كوب ماء مغلي +ليمونه وتغطي وتسبيها لحد ما تبرد وبعدين تشربيها 3 مرات

وانا معاكي يا بسبوسه في اي حاجة تحتاجيها
احبك في الله

[غاده الصايغ]

متشكرة اوى على اهتمامك يا غادة وكل سنة وانتى طيبة يا قمر

شكرا يا غاده ربنا يكرمك ويبارك فيكى بحبك فى الله

نوشا وهبه
لا شكر علي واجب دا حق الاخوات علي بعض
وكل سنه وانتوا طيبين
احبك جدا في الله

[pinky]

اولا شكرا يا حبيبتي علي الموضوع

ثانيا بقا انا مشكلتي ان انا عندي كروشيييييييييييي كبير اوي وانا اصلا رفيعه يعني ايدي ورجلي رفيعين اووووووووى مش مناسبين اصلا مع الكرش اللي طالع لوحده ده

ممكن عشان خاطري تشوفيلي حل

[جورى القمر]