المشاركة الأصلية كتبت بواسطة hagar hend
|
السلام عليكم
ميرسي جدا على اهتمامك
انا هاجر 20 سنة بعانى من زيادة الوزنانا طولى 170 ووزنى 85 ممكن جدا اعمل رجيم وعندى ارادة وكله تمام
بس المشكلة عندى فى الحالة النفسية على طول سيئة وانا لما اكون فى حالة نفسية سيئة باكل بشره وبناااااااام كتيييييييييرجدا
فابالتالى بيزيد وزنى
وعندى بردوا مشكلة الجناب دى
وميرسي جدا على اهتمامك مرة تانية وعلى مساعدتك
|
اسفة جدا علي التاخير في الرد
اولا اهلا بيكي يا سكره نورتني في الموضوع وفي قسم الرشاقة
ماشاء الله عليكي
جميله اوي الاراده طبعا واحلي ما فيها انها بتساعدنا علي الاستمرار
طبعا انا انتي عندك حوالي 15 كيلو زياده في وزنك
عوزه اقولك حاجة يا جميله
عوزه نفسك هي اللي تتحكم فيكي والا انتي اللي تتحكمي فيها
اولا مش عوزاكي تقولي تاني انك لما تكوني متضيقة بتاكلي كتير لاتك اكيد بعد ما بتاكلي بتضيقي اكتر
يبقي ايه الفايده
يعني لما تحسي نفسيتك تعبانه ممكن جدا تخرجي او اتكلمي في التليفون مع اي حد بريحك او حتي ابعتيلي علي الخاص مفيش مشكله
او حتي لو خلاص عوزه تاكلي حاجة قربي دايما ادام عينك الفاكهة اللي انتي بتحبيها حتي لو من الفاكهة الممنوعة
وممكن جدا كمان تاخدي شاور منعش كده وظريف وحطي معاه في المايه زيت اللافندر مهدي اوي للاعصاب
وبعدين انتي طبعا لازم تمشي والمشي حلو اوي بيغير في الكيماء بتاعت الجسم كله
وبعدين انتي ان شاء الله سرعة الحرق عندك حلوه بالنسبة لسنك
يعني يا جميله معندكيش حجة لا الزعل ولا غيره
يلا بقي عوزه اشوف شطاره ادخلي علي الرابط ده
http://forums.fatakat.com/thread49710
وانا معاكي بعد رمضان وهديكي كل اسبوع نظام بس الاول اشوف نتيجه بعد رمضان والرياضة اما قبل الافطار بساعة او بعده بساعتين احسن
في الرابط ده
http://forums.fatakat.com/thread22652
واشربي المشروب السحري 3 مرات بعد الافطار وبعد السحور وفي النصف مره
والمشروب السحري
مكون من
شاي اخضر +شمر+كمون +روزماري +نعناع + جنزبيل
دول يطحنه مع بعض وتحفظيهم في برطمان زجاجي
تاخدي منهم ملعقة صغيره علي كوب ماء مغلي +ليمونه وتغطي وتسبيها لحد ما تبرد وبعدين تشربيها 3 مرات
احبك في الله
؟
