[غاده الصايغ]

انا عندى مشكله انى طولى 175 ووزنى 80 ك
لانى طويله مش باين على لكنى اتمنى انقاص وزنى ممكن اعرف كيف ذلك
لانى فعلا متضايقه لهذا الوزن لكنى لست ثقيله الحركه
ارجو حل مناسب لى

حنين اهلا بيكي في منتدنا بين اخواتك
وسعيد بوجودك معايا في قسم الرشاقه
احب اقوللك كمان ماشاء الله برافوا عليكي انك بتعملي حساب لوزنك من دلوقتي قبل ما تدخلي في مراحل زيادة الوزن
لان انتي كده مدخلتيش حتي في مرحلة زيادة الوزن بس ميمنعش انك تاحدي بالك من نفسك انتي مش محتاجه تخسي اكتر من 10 كيلو اكتر من كده بلاش لان كل جسم وله مقايسه
وال10 كيلو دول انتي ممكن تخسيهم لو حولتي اكلك بطريقه صحيه يعني بدل السكر العادي سكر دايت
بدل الاسانسير السلم
بدل الحلويات فاكهة
بدل المشروبات الغازيه العاديه تبقي دايت
بلاش حوادق وملح كتير لانه بيحبس المايه في الجسم
تشربي 2 لتر مايه ميدحلش فيه مشروبات ساخنه او بارده
لو اكلتي عيش متكليش ارز امكرونه او بطاطس
الفاكهة بعد الاكل بساعتين او قبله بساعتين
الاكل بزيت اما ذره او زيتون
اللحوم اما مشويه او مسلوقه
السلطه اساسي علي الافطار والغداء والعشاء يكون خفيف جدا (فاكهة -زبادي بسكر دايت -طبق سلاطه ) ويكون قبل النوم بساعتين علي الاقل
حاولي تمشي كل يوم 2/1 ساعة ان امكن
وده هينزل المعدل المطلوب بأذن الله

[غاده الصايغ]

[quote=manal0900;349889]شكرا يا غادة على الرد الجميل ده وادعيلى أقدر اعمل التمارين دى شكلها مش كلها سهلة
لا شكر علي واجب احنا هنا كلنا اخوات وده حق الاخت علي اختها
وانتي ان شاء الله تقدري دا انتي قدها وقدود ربنا معاكي يا جميل ويجعلك الصعب سهل ان شاء الله
اما بالنسبه للتمارين انتي تبتدي بي 4 مرات لكل تمرين وتبدائ اولا بالاحماء وده موجود عندك في نفس الرابط
وتكملي علي الاساس ده 2/1 ساعه يوميا وافضل وقت اما الصبح بدري او بعد العصرعلي ان تزيد مرات التمرين حسب قدرتك

[غاده الصايغ]

Hi ya 3'ada
Ana 3yza Diet ykon sahl w sree3 y5ssny 10 kiloes 3l a2l fe 2 weeks w ana htb3 m3aky hna w hltzm 3shan 3yza a3ml new look kda le gozy
ana wzny 79 w toly 169 w ya ret blash wsfat feha 7agat 3geba kda l2ny mb3rfsh agebha ya ret 7agat baseeta y3ny w yarb tgeb nateega
w lw fe dwa by5ss brdo ya ret t2olely 3leh bs bythy2ly l adwya msh kwysa bs ana 3yza ay 7aga sree3a w yaret tsa3deeny

اهلا بيكي حبيبة جوزها شرفتني في موضوعي بصي يا جميل هل ينفع انك تعملي لجوزك نيو لوك علي حسلب صحتك ؟؟؟؟؟!!!!!!
طبعا لا
لان هو مش هيكون مبسوط لو حصلك اي حاجه
لان الرجيم السريع غلط غلط غلط مش عوزه اقولك اد ايه انتي عارفه انا مره عملت رجيم نزلني 7 كيلو في اسبوع خلاص مش عوزه اقولك عمل فيا ايه كنت عصبيه جدا قصاد تصميمي اني اكمله علشان 7 كيلو بقي
لكن تخيلي تاني يوم عملت فري بقي مكنتش بشرب لبن ولا عيش
فقولت اعمل فري بس بسيط عادي يعني تصوري !!!! ان تاني يوم بوزن نفسي لقتني زدت 1.5 كيلو والله مكلتش حاجات فظيعه يعني
ود طبعا لان الجسم كان مفتقد لحاجات كتير هي عاديه بس هو اخدها حولها علطول
دا نهيكي عن اني بعدها حسيت اني مش مظبوطه رحت للدكتور طلب مني تحليل انيميا طلعت نسبة الهمجلوبين 10.3 هي متعتبرش ضعيفه اوي لان عند السيدات بتكون 12 بس بردو الانيما دخلت جسمي وخلاص معرفتش ارجع زي الاول وبقيت كل لما اعمل رجيم لازم اخد فيتامين فيه نسبه حديد زياده لان لو معملتش كده هتظهر تاني وكمان في حاجه مهمة جدا الرجيم السريع بسيح الدهون بس لكن مبيكسرهاش يعني مع اول اكله تمام هترجع الدهون تاني وبيقي كانك معملتيش حاجه
فخليكي حذره انا والله بنصحك كأني بنصح نفسي
بصي ادخلي علي الرابط ده وقوليلي ايه رايك http://forums.fatakat.com/thread15486
ماشي يا قمر

[7abibet gozha]

merci ya 3'ada rbna y5leky l diet dh 7lw w ana isa hbd2 mn l nharda
w gozy wlahy ma 2aly 7aga bs ana 3yza a3'yr mn nfsy shwya 3shany w 3shano
ad3oly ya bnaat

[غاده الصايغ]

انا ماريا عضوة جديدة عجبنى كتير المنتدى بتاعكم وميرسى غادة على الموضوع الجميل وانا عندى شوية اسئلة بعد اذنك اول شئ انا وزنى 60 وطولى 160 ومشكلتىزى مشكلة منال جنابى زعجانى جدا لدرجة ان شكلها شكل الكورة الركيت مدورة وبارزة وبمشى ساعة فى اليوم وساعات بجرى وبخس من المنطقة اللى فوق وشفت ريجيم الارداف وابتديت فى وانا الحمدلله عندى ارادة قوية انى اعمل ريجيم بس مش عارفة انزل وزنى كام كيلو وياترىريجيم الارداف هينفع معايا ارجوكى تفدينى لان الموضوع دة مضايقنى جدا لدرجة انة بيجبلى اكتئاب

اهلا ماريا نورتي المنتدي كله
شوفي يا جميل انتي المفروض يكون الوزن المناسب ليكي ولصحتك علي حسب طولك من 49 الي 65يعني انتي مش محتاجه غير 4 كيلو لانك لو نزلتي اكتر من كده هتدخلي في النحافة وده مش كويس علي الاطلاق
فالحل هو انك تاكلي اطعمه غنيه بلالياف كتر يعني مش لازم تلتزمي برجيم معين
يعني تاكلي قشرة التفاح الفراوله الكيوي البرتفال اليوسقي الجرب فروت الخوخ والمشمش والبرقوق
الخضار كرنب خيار قرنبيط بروكلي والخس والفجل والطماطم والسبانخ والجزرو الجرجير و الخرشوف و الخبيزه والفلفل الرومي
البروتينات تكون من الحبوب بجانب القليل من اللحوم
تاكلي العيش الاسمر بدل من العيش الابيض لغناه بالقمح الكامل (الرده)
وطبعا علشان معدتك بلاش تكتري من الالياف مره واحده ولكن بالتدريج يعني انتي المفروض ليكي في اليوم من 2ال4 وجبات فاكهة ومن 3 الي 5 وجبات خضار الي جانب قدر مناسب من الحبوب والخبز الاسمر
طبعا كل ده بجانب الرياضه ولا مفر منها وادخلي علي الربط ده هفيدك ان شاء الله
http://forums.fatakat.com/thread22652
وياريت تبلغني بالنتيجه

[أم روان]

ازيك يا غاده يا حبيبتى
انا مضطره اتابع معاكى موضوع التخسيس
لسبب انا مش ثمينه
لكن دايما اللبس الى بيعجبنى اقل بنمره بشتريه وبعدين اخسلوا علشان ابقى عامله رقابه بس ده طبعا متعب

[غاده الصايغ]

ازيك يا غاده يا حبيبتى
انا مضطره اتابع معاكى موضوع التخسيس
لسبب انا مش ثمينه
لكن دايما اللبس الى بيعجبنى اقل بنمره بشتريه وبعدين اخسلوا علشان ابقى عامله رقابه بس ده طبعا متعب

ازيك انتي يا قمر
مرسي علي ثقتك ليه بس يا جميل ليا طلب عندك ممكن تبعتيلي طولك ووزنك علشان اقدر افيدك اكتر
اكون مشكوره ليكي جدا

[ريتا ميشيل]

انا طولى 168 ووزنى 86.5

[ريتا ميشيل]

انا طولى 168 ووزنى 86.5

[ولاء محمود]

ربنا يخليكى كنتى فيم من زمان يا جميل بصى يا ستى انا طولى 165 ووزنى دلوقتى 70 كيلو بعد ولادة الانسة سيمو قبل الحمل كنت65 كيلو دلوقتى انا عندى اجناب عالية اوى لدرجة انى مش عارفة اشترى بناطيل ولازم البلوزة تكون طويلة اوى عشان مش يبانوا أرجوكى قوليلى اخسسهم ازاى وياريت برده اعرف بطنى بعد الولادة مش راضية تدخل تانى مكانها مع انى ماكنش عندى بطن خالص
ماما كانت دايما تقول ولاء بطنها لازقة فى ضهرها
أرجوكى ساعدينى

[حبيبة بابا]

بصى يا غدغود انا قلت لك مشكتى قبل كده ..
انا ما عنديش ارادة خااااالص للرجييم .. وزى ريتا ميشيل مشكلتى فى الحلويات وكمان عدم الحركة من البيت للشغل ومن الشغل للبيت بالعربية واى مشاوير بالعربية
نزلت امبارح اشترى بنطلون فوجئت ان مقاسى باه 50 كنت بالبس 48 المهم جالى اكتئاب وقعدت اكل زى المجنونة ههههههه
بجد انا مش طويلة ووزنى اخر مرة من اسبوعين كان 78
الحقينىىىىىىىىىىىىىىىىى

[جين صبرى]

بعد أذن غاده

حبيبة بابا ممكن تعملى رجيم الموز جميل جدا أنا طولى 165 ووزنى كان أكثر من 70 بس قبل الزواج نزلت وزنى 63 والآن أنا أم لـ 3 بنات بولاده قيصريه الثلاثه ووزنى 67 أوأقل كمان
يعنى يعتبر مناسب لكونى متزوجه وأم وبالنسبه للوجه بدهن وجهى كل يوم زيت لوز ومرات جنين القمح عشان يبقى مناسب لجسمى وبشرب ميه كتير وباكل فاكهه كثير وبقلل من العيش والعشاء قبل ما أنام بكذا ساعه ولوجعت بعد كده باكل أى فاكهه
قبل ماأتجوز لورحت أشترى حاجه البياع يقولى عايزه حاجه يا مدام
وبعد الجواز عايزه حاجه يا أنسه ههههههههههههه

[غاده الصايغ]

انا طولى 168 ووزنى 86.5

ريتا حبيبة قلبي انا اسفة اذا كنت اتأخرت عليكي بس والله كان عندي مشاوير اد كده انهارده
بصي يا قمر علشان توصلي لوزنك الصحي علي حسب طولك المفروض يكون من 54الي 72 كيلو يعني علشان توصلي للامان اللو قدرتي توصلي لحد 60 ك يبقي هايل جدا
وده توصلي له ازي
اولا تتبعي نظام غذائي بالسعرات الحراريه يعني نظام متكامل فيه كل حاجه
http://forums.fatakat.com/thread15486 ده هتستمري عليه شويه وبعد كده هقوللك علي نظام تاني
وانا معاكي يا حبيبي

[غاده الصايغ]

ربنا يخليكى كنتى فيم من زمان يا جميل بصى يا ستى انا طولى 165 ووزنى دلوقتى 70 كيلو بعد ولادة الانسة سيمو قبل الحمل كنت65 كيلو دلوقتى انا عندى اجناب عالية اوى لدرجة انى مش عارفة اشترى بناطيل ولازم البلوزة تكون طويلة اوى عشان مش يبانوا أرجوكى قوليلى اخسسهم ازاى وياريت برده اعرف بطنى بعد الولادة مش راضية تدخل تانى مكانها مع انى ماكنش عندى بطن خالص
ماما كانت دايما تقول ولاء بطنها لازقة فى ضهرها
أرجوكى ساعدينى

انا اهو ياولاء انتي اللي كنتي فين
ههههههههههههههههه
نورتيني والله
بصي يا قمر طبعا انتي مش محتاجة علشان توصلي لوزنك اللي هو المفروض يكون مابين 53 الي 70 ك يعني انتي علي حافة الهاويه
يبقي لازم تتبعي نظام غذائي غني بالاليف علشان جنابك وكمان يفيدك في موضوهع بطنك ادخل علي الرابط ده قوليلي ايه رايك
http://forums.fatakat.com/thread16406
خلصيه وقوليلي ايه النتيجه هتلقيني ان شاء الله مستنياكي
وطبعا مفيش مفر من الرياضة فادخلي كمان علي الرابط ده http://forums.fatakat.com/thread22652
بصي كمان يا حبيبة قلبي لو قدرتي تشربي كلي يوم علي الريق وقبل النوم اخر حاجه تعمليها
كوب ماء دافي ونصف ليمونه +طرف الملعقه جنزبيل ده حلو اوي علشان البطن
وان شاء الله يكون فيه نتيجة
اوعي تنسي تبوسيلي سيمو ربنا يخليهالك ويفرحك بيها ودخلك الجنه

[غاده الصايغ]

بعد أذن غاده

حبيبة بابا ممكن تعملى رجيم الموز جميل جدا أنا طولى 165 ووزنى كان أكثر من 70 بس قبل الزواج نزلت وزنى 63 والآن أنا أم لـ 3 بنات بولاده قيصريه الثلاثه ووزنى 67 أوأقل كمان
يعنى يعتبر مناسب لكونى متزوجه وأم وبالنسبه للوجه بدهن وجهى كل يوم زيت لوز ومرات جنين القمح عشان يبقى مناسب لجسمى وبشرب ميه كتير وباكل فاكهه كثير وبقلل من العيش والعشاء قبل ما أنام بكذا ساعه ولوجعت بعد كده باكل أى فاكهه
قبل ماأتجوز لورحت أشترى حاجه البياع يقولى عايزه حاجه يا مدام
وبعد الجواز عايزه حاجه يا أنسه ههههههههههههه

اهلا اهلا ببلدياتي نورتي المندره والله
انا كمان من اسوان جعفريه من المنصوريه
سعيده طبعا بوجودك معنا نورتينا يا قمر
مرسي طبعا علي نصحتك بس انتي مكتبتيش ايه هو الرجيم
وحاجه تانيه الوزن مالوش علاقه بكونك متزوجة وام بولاده قيصريه
الوزن الصحي واحد علي الام والبنت
يعني انتي علي حسب طولك المفروض يكون وزنك من 53 الي 70 كيلو يعني انتي علي حافة الهاويه يعني 2/1 كيلو زياده هتبقي دخلتي في مرحله زيادة الوزن
فخلي بالك من نفسك يا عسل
وسلامي لكل اسوان
وقوليلي انتي منين في اسوان
عشان انتي عارفه ان الدم بيحن
باي يا حبيبي

[غاده الصايغ]

بصى يا غدغود انا قلت لك مشكتى قبل كده ..
انا ما عنديش ارادة خااااالص للرجييم .. وزى ريتا ميشيل مشكلتى فى الحلويات وكمان عدم الحركة من البيت للشغل ومن الشغل للبيت بالعربية واى مشاوير بالعربية
نزلت امبارح اشترى بنطلون فوجئت ان مقاسى باه 50 كنت بالبس 48 المهم جالى اكتئاب وقعدت اكل زى المجنونة ههههههه
بجد انا مش طويلة ووزنى اخر مرة من اسبوعين كان 78
الحقينىىىىىىىىىىىىىىىىى

اميره حبيبة قلبي وحشتني موت ياجميل
سعيده بمرورك عليا جدا
بصي يا جميل ادخلي علي الرابط ده وقوليلي ايه رايك هيريحك جدا http://forums.fatakat.com/thread15486
وده رابط للرياضه لانها مهمة جدا http://forums.fatakat.com/thread22652
وبصي يا اميره عاوزه اعرفك حاجه الحلويات لو اكلتيها مش هتعرفي تبطليها
ليه لان السكر بيخلي الواحد مش قادر يبطل يعني لو اخدتي حتة بسوبسه صغيره هتقولي طب اخد حته كمان وهتفضلي تاكلي حلويات لحد ماالطبق اللي في ايدك يخلص
انتي طبعا هتمشي علي النظام ده ولو راحت نفسك علي حاجه مسكره ولو انه المفروض مايحصلش غير مره وحده في الاسبوع كلي وراها حتة جبنه حادقه علشان تقفل نفسك
وجربي وابقي قوليلي النتيجة ماشي
باي يا حبيبي

[Om Hassan]

مجهود رائع بجد
شكرا لردك واهتمامك
جزاك الله كل خير