[غاده الصايغ]

ليه محدش رد عليا

هبههوبه انا رديت علي سوالك من اربع ايام موجود في صفحة 7 من نفس الموضوع
واديني ياستي بردو برد تاني ولا يهمك انتي تامري
ابعتيلي وزنك وطولك وسنك علشان اقدر احدد انتي ليكي كام سعر في اليوم وتثبتي وزنك
ماشي يا جميل مستنياكي

[وهج]

حبيبي ازيك على فكرة انا استخدمت السبتريم من شهر ونزلت من وزن 95كجم وصلت الى 85كجم بس عايزه انزل اكتر من كده علما بان طولي 167 سم

[وهج]

حبوبة الحقيني بجد كرهت جسمي اووي وشكرااا

[غاده الصايغ]

حبيبي ازيك على فكرة انا استخدمت السبتريم من شهر ونزلت من وزن 95كجم وصلت الى 85كجم بس عايزه انزل اكتر من كده علما بان طولي 167 سم

اهلا وهج
صباح الرشاقة
برافوا عليكي والف مبروك نزول جسم 10 ك في شهر
دي حاجه جميله جدا لان كدا ماشاء الله نسبة الحرق في جسمك مظبوطه
يلا خدي عنك
الافطار
كوب لبن خالي الدسم + ثمرة فاكهه من المسموح بيها
الغذاء
بروتين (صدر فرخة او 2 قطعة لحمة او 2 سمكه متوسطة او علبة تونه كبيره مصفاة من الزيت او 2 بيضة مسلوقه اوقطعة جبن قريش كبيرة او فنجان فول ) + طبق سلطه كبير او طبق خضار ني * ني او مسلوق بشوربة لحمة من البيت بدون دسم
العشاء
كوب زبادي كبير خالي الدسم +ثمرة فاكهة او 2خياره
ملاحظات
ليكي 2 ملعقة سكر في اليوم
2 لتر ماء
ممنوع الاكل بين الوجبات لو جعتي اشربي مايه
المشروب السحري للبطن
مقادير متساويه من الاتي
شاي اخضر +شمر+كمون +روزماري +نعناع + جنزبيل
دلو يطحنه مع بعض وتحفظيهم في برطمان زجاجي
تاخدي منهم ملعقة صغيره علي كوب ماء مغلي +ليمونه وتغطي وتسبيها لحد ما تبرد وبعدين تشربيها 3 مرات في اليوم علي الريق وبعد الغذاء بساعة وبعد العشاء قبل النوم مش عوزه اقولك هايل الخلطه دي اد ايه عن تجربه
لو احتاجتي اي حاجه انا معاكي بس اعذرين هسافر الاسبوع ده
وبعد كده ان شاء الله هكون معاكي لحد ما توصلي لوزنك المثالي اللي هو المفروض 75 واثبت لك وزنك كمان بأذن الله بس انتي خليكي ماشيه علي الرجيم بالمظبوط ان شاء الله هتنزلي الوزن وانتي مرتاحة جدا
وعلي فكره لو حسه ان ان السيبوترم مش زي الاول لان ممكن تكوني اتعودي عليه
في نوع تاني اسمه سليماكس دا بردوا هايل جدا انا ماشيه عليه حاليا وبردوا ملوش ان شاء الله اثار جانبية مضره
احبك في الله

[عصفورتي]

انا ولدت قبل 5 شهور وابغى انحف وماني عارفه كيف...جربت الرياضه مانفع..لبست مشد مانفع...ايش الحل؟؟

[أم يوسف22207]

السلام عليكم و رحمة الله و بركاته

أنا عندى مشكلة فظيعة مع الرجيم ان انا و هو فى حالة صراع دائم و طبعا البقاء للاقوى و هى السمنة
انا زهقت من شكلى و مش عارفة اعمل اية كنت زمان لما احس ان البنطلون هيبتدى يديق اعمل حساب للباكلة و ارجع احسن من الاول
مش عارفة اخس و رحت لداكترة كتير بلا فايدة

[حب فى الله]

ازيك اختى والله انا اكتر واحدة محتاجة مساعدة
فرحى قرب
بصى ياستى اناطولى160 ووزنى 80 والمشكلة عندى فةى منطقة الجناب والارداف والصدر واكتر حاجة مديقانى هى منطقة الصدر ارجوكى قوليلى امشى على اى نظام ووعدك همشى علية مستنية ردك بسرعة

[roseofsunset]

أختى العزيزة
انا مروة من مصر كان وزنى 136.5 و خسيت الى 87 كيلو و ده عن طريق طبيب و ايضا رياضة و الآن انا وزنى ينزل ببطء شديد و خايفة امل من الدايت عشان مش بنزل
و المشكلة الثانية نفسى اعمل اعادة تشكيل للجسم و انا عارفة انه فيه تمرينات خاصة للجسم كلهلعمل reshaping لكن مش عارفة التمارين دى ايه و انا للاسف ظروفى مش مسعدانى انى انزل جيم مع ايضا مشكلة الترهلات فى الأرجل و زيادة فى المؤخرة عن باقى الجسم
برجاء مساعدتى و شكرا لك

[shofolofa]

السلاااام عليكم
أزيكوا يا بنات معلش ع الغياب ده راجع لظروف الدراسة (و الدح)هههههههه
المهم
أنا عندى مشكلة بس بينى و بينكوا
أنا عندى بطن من و أنا عندى 7 سنين و دلوقتى عندى 15 سنة
و الحمد لله مفيش حاجة عضوية
بس المشكلة انى جسمى قليل من فوق بس كتافى عريضة شوية
و مش عارفة ألبس لبس خاااااااالص و دى حاجة مضيقانى
أنصحونى بقه يا فتكوتات

[ام هيوي]

السلام عليكم ارجوكي تفيديني بحل لمشكلتي بس يكون بسيط لاني بعترف اني فعلا كسلانه وفي نفس الوقت عندي بنت عندها 5 شهور ومابعرفش اعمل اي حاجه منها باختصار انا بعد الولاده ظهرت عندي ترهلات في بطني شكلها فظيع مع علامات بيضه كتيره علما باني ولدت قيصري وكتير قالولي ان بطني مش ممكن تنزل علشان انا مش والده طبيعي ارجوكي تفيديني وليكي عليا اني ادعيلك دعوه حلوه ان شاء الله تكون من نصيبك

[lamianoh]

السلام عليكم
ازيكم يا جماعه
بصو بقى بسرعه كده
انا طولى 164
ووزنى 72
ييعنى الفرق مش بعين
لكن كل المشكله
انى الوزن الزايد كله متمركز
فى المنطقه الخلفيه
حاسها اكبر من العادى
عايزة نصايحكم ازاى اخلى المنطقه دى تخس
هستنى الرد
سلام

[safia]

اختي لو يمكن تساعديني على التخلص من هده الكرش اكن ممتنتا لك جدا -لقد جربت خلطات كتيرة لكن ما نفعت معي انا طولي 160 ووزني 65 وقوامي ما شاء الله جميل لكن ال5 كيلو اللي هي زيده عندي في الوزن كلها متراكمة في الكرش نبغي حل لها الله يحفضك

[safia]

نسيت اختي ان اقول لك عن معاناتي مع حجم الارداف -اد كبر حجمها خاصة في الاونة الاخيرة فلو تكرمتي باعطائي وصفة تليق بتخسيس الكرش والارداف وجزاك الله خيراالله في عون العبد مادام العبد في عون اخيه

[رودينا اسلام محمد احمد]

اخواتى انا بحاجة ماسة لمساعدتكم انا ولدت قيصرى من 3 اشهر ووزنى زاد اثناء الحمل 25 كيلو ولم افقد منهم سوى 5 كيلو بعد الولادة واصبح وزنى 80 والوزن الزايد متركز فى البطن والارداف والصبح جسمى مترهل بعد ان كنت ممشوقة القوام اريد رجيم يعيدنى الى حالتى الاولى او على الاقل لحالة مقاربة و فى نفس الوقت لا يؤثر على الرضاعة
مع العلم انى لا استطيع ممارسة تمارين البطن لانى جربتها و حصللى فتق مكان الجراحة و اخشى ان يحدث ذلك مرة اخرى
و لكم جزيل الشكر

[ام هيوي]

اختي غاده الصايغ ليه ما رديتيش علي سؤالي

[غاده الصايغ]

السلام عليكم ارجوكي تفيديني بحل لمشكلتي بس يكون بسيط لاني بعترف اني فعلا كسلانه وفي نفس الوقت عندي بنت عندها 5 شهور ومابعرفش اعمل اي حاجه منها باختصار انا بعد الولاده ظهرت عندي ترهلات في بطني شكلها فظيع مع علامات بيضه كتيره علما باني ولدت قيصري وكتير قالولي ان بطني مش ممكن تنزل علشان انا مش والده طبيعي ارجوكي تفيديني وليكي عليا اني ادعيلك دعوه حلوه ان شاء الله تكون من نصيبك

طب اوعي تنسي الدعوه بقي
اهلا بيكي يا قمرايه وربنا يخليلك بنوتك ويفرحك بيها
واوعي تزعلي مني اني اتأخرت في الرد عليكي والله كنت مشغوله جدا لاني كنت مسافره بقالي اسبوع ولسه رجعه البيت يوم السبت
المهم نيجي بقي لمشكلتك واللي هي مش مشكله اصلا انتي بس بطلي كسل ومتعمليش حجه بالبنت انك مبتعرفيش تعملي منها حاجه لان السن ده افضل كتير من بعد كده لانها بالكتير هتكون اما عوزه تغير او تاكل او تاخد شاور وربنا يعينك عليها
بصي يا قمر اولا ياريت تبعتيلي طولك ووزنك علشان اقدر اقولك عوزه تنزلي اد ايه
وان شاء الله انا خلاص بقيت معاكي
مستنياكي
احبك في الله

[غاده الصايغ]

انا ولدت قبل 5 شهور وابغى انحف وماني عارفه كيف...جربت الرياضه مانفع..لبست مشد مانفع...ايش الحل؟؟

اهلا بيكي يا ياقمر....نورتي منتدانا الكريم
وسعيده بوجودك في قسم الرشاقة ....واسفه جدا علي التاخير في الرد
ومبروك البيبي وربنا يفرحك بيه
بس ياريت تبعاتيلي طولك ووزنك علشان افدر افيدك اكتر
وان شاء الله انا معاكي
احبك في الله

[غاده الصايغ]

السلام عليكم و رحمة الله و بركاته

أنا عندى مشكلة فظيعة مع الرجيم ان انا و هو فى حالة صراع دائم و طبعا البقاء للاقوى و هى السمنة
انا زهقت من شكلى و مش عارفة اعمل اية كنت زمان لما احس ان البنطلون هيبتدى يديق اعمل حساب للباكلة و ارجع احسن من الاول

مش عارفة اخس و رحت لداكترة كتير بلا فايدة

اهلا بيكي يا جميل
نورتي قسم الرشاقه
معلش اوعي تزعلي من نفسك لا خصميها لانها هي السبب
ابعتيلي انتي بس طولك ووزن و بأذن الله ربنا معانا
بس توعدي نفسك قبل ما توعديني ان خلاص اتمرد عليكي يا سمنه بقي حته جاتوه ولا صباع محشي هو اللي يكسرني لا والف لا
يلا يا قمرايه مستنياكي
احبك في الله

[رودينا اسلام محمد احمد]

الاخت غادة الصايغ اريد رد منك سريع ارجوكى
انا طولى 157 سم

[غاده الصايغ]

ازيك اختى والله انا اكتر واحدة محتاجة مساعدة
فرحى قرب
بصى ياستى اناطولى160 ووزنى 80 والمشكلة عندى فةى منطقة الجناب والارداف والصدر واكتر حاجة مديقانى هى منطقة الصدر ارجوكى قوليلى امشى على اى نظام ووعدك همشى علية مستنية ردك بسرعة

اسف علي التاخير جدا
وقبل اي حاجه الف الف مبروك وربنا يتمم علي خير
وتكون احلي عروسه لاحلي عريس
انتي طبعا عنك حوالي 25 كيلو زياده
ودول مش كتير ممكن ينزلو في وقت بسط بس مع عدم اللخبطه بسي يا قمر
ادخلي علي الرابطhttp://forums.fatakat.com/thread15486
وامشي عليه الاسبوع ده بس ياريت تقوليلي علي اليوم اللي ابتديتي فيه وتوزني نفسك تاني
مع الرابط ده برده لان الرياضة لا مفر منها مهمه جدا
http://forums.fatakat.com/thread22652
والمشروب السحري ده هايل جدا واوعي تقولي مش قاده اشربه حاولي وتعالي علي نفسك واعتبريه دواء والله انا بشربه مع العلم اني كنت مبحبش اصلا الاعشاب وحاليا ما شاء الله بقي شي اساسي عندي وهو :
مقادير متساويه من الاتي
شاي اخضر +شمر+كمون +روزماري +نعناع + جنزبيل
دلو يطحنه مع بعض وتحفظيهم في برطمان زجاجي
تاخدي منهم ملعقة صغيره علي كوب ماء مغلي +ليمونه وتغطي وتسبيها لحد ما تبرد وبعدين تشربيها 3 مرات في اليوم علي الريق وبعد الغذاء بساعة وبعد العشاء قبل النوم مش عوزه اقولك هايل الخلطه دي اد ايه عن تجربه
وانا معاكي لو عوزه تسألي عاي اي حاجه
يلا مستنياكي تقوليلي انا ابتديت خلاص وكل اسبوه بأذن الله هنغبر النظام لحد ماتوصلي للوزن المناسب
احبك في الله