تنبيهات هامة:
اولا) اذا وصلتك اي رسالة خاصة من عضوة تعرض عليك الانضمام لمنتدى اخر فارسلي رسالة خاصة فيها اسم العضوة الى احدى المشرفات لايقاف سرقة العضوات، ايضا اذا وصلتك اي رسالة خاصة من عضوة تعرض عليك بضائع للبيع فارسليها الى احدى المشرفات.
ثانيا) تجاهلي اي موضوع يتكلم عن شحن الجوال ببلاش او وجود ثغرة في موبينيل او فودافون او اتصالات حيث انها تسرق رصيدك!
ثالثا) الرجاء عدم اضافة مواضيع عن الجرائم او الصور المفزعة او صور فيها نساء متبرجات او اغاني او انتقاص من قدر اي شخص.
ازيك يا سندريللا يا حبيبة قلبى ازيك يا كريزى انا سعيده انى بتعرف عليك عايزه اسأل كريزى سؤال جامد شويه علشان انا عارفه الناس بتوع حقوق بيحبو الحاجات دى ايه رأيك فى: الازمه الاقتصاديه الحاليه
امريكا وماتخافيش وراكى ظهر جامد
ايه الحل فى عدم قدرة الشباب على الزواج
ليه سميتى نفسك كريزى أم روان
وانا طبعا يا ام روان يشرفني جدا اني اتعرف عليكي وعلي كل البنات كلام من قلبي بجد والله مش مجاملة كدة والسلام
ومش خايفة خالص انا بابا كان عارف انة في يوم حيجيبني من المعتقل بصي يا ام روان احنا عندنا ازمة اقتصادية معقدة بعقدة وشنيطة مفيش تخطيط اقتصادي صح في البلد متعرفيش بقي دة مقصود ولا مش عارفين نخطط ولا اية بالظبط بس حقيقي احنا دلوقت الشباب عاملين زي قنبلة موقوتة مهما طالت مدتها في يوم صدقيني حتنفجر وعشان ارد علي سؤالك انتي كدة عاوزة مني اني اخططلك اقتصاد قومي للبلد صدقيني انا مش ببالغ
ومش بس تخطيط اقتصادي لا عاوزة اننا نلم كل اللي بالعين البلد في بطنهم وننفيهم لا نفجرهم لحسن يروحوا يبلعوا بلاد تانية
عاوزة اننا نزرع الاخلاق الاسلامية من اول وجديد في المجتمع عن طريق جرعات مكثفة يعني كل واحد من الشعب يبقي ماشي ومعلق محلول اخلاق
عاوزة نرجع تاني للعادات الاسلامية في الزواج سيدنا محمد قال اذا جائكم من ترضون دينة فزوجوة مش قولوة هات شبكة بكذا الف ومهر اد كدة وفرش مش عارفة منين وشقة سبع اوض
المشاكل الاجتماعية اللي احنا فيها دي نتاج العادات الغلط والمفاهيم الغلط اللي بنطبقها
وكمان مش عاوزة انسي ان مش كل شاب يقول لا الظروف صعبة وتبقي دي الشماعة اللي يعلق عليها عجزة وضعفة لا المفروض كل واحد ينحت في الصخر وميقولش لا الشغلانة دي اقل من قيمتي وانا كنت باخد شهادة عشان اشتغل كدة احنا مش احسن من الانبياء والرسل وشوفي منهم اللي اشتغل خياط وحداد نجار وسيد الخلق كلهم رعي الاغنام
والبنات بقي ميبقاش همها واحد جاهز وشقة وعربية وعيشة سهلة يبقي كدة اشتراها وزيها زي اي كرسي في البيت لا البنت المفروض تتعب عشان تعيش حياة كويسة مع الانسان اللي تختارة
انا طولت اوي بيتهيالي
اما عن لية سميت نفسي كريزي توتا توتا دلع فاطمة وكريزي عشان انا هبلة هههههههههههههههههه
بصي يا نادو لو قريتي الموضوع من الاول
يلا المهم
يوم الجمعه بليل اول عضوه هترشح نفسها او عضوه تانيه
تدخل وتكتب الاسم اللي هي عايزاه
واول عضوه هي اللي هتكون معانا
اوك
واي حد ليه اقتراح بخصوص مين اللي هتقعد علي الكرسي
تبعتلي علي الخاص
ولازم اي مشاركه او رد يكون معاها سوال
سوالي
ايه اكتر اكله بتحبيها ؟
و بتعرفي تطبخي ولا هتكسفينا ؟؟
ازيكم ياقمرات ميرسى اوى ياسندريلا على موضوعك الرائع وفعلا هو حيوى وبيقربنا كثير من بعضنا وانا جاهزه ان اكون من ضمن العضوات الجالسات على كرسى الاعتراف وبحب اقول لتوتا كريزى نورتى الكرسى وربنا يقدرك علينا يارب وبسئلك ايه كيف تقدرين الصداقه او ماذا تعنى لكى هذه الكلمه بكل ما تحمله من معنى
بصي يا نونا حقولك حاجة احنا الحاجة الوحيدة اللي بنختارها في حياتنا هي اصحابنا بيتفرض علينا اهلنا وحتي اللي بنحبة بيبقي قضي كدة مش بنختارة انما الاصحاب هم الحاجة الوحيدة اللي احنا بنختارها وانا طول عمري قول انا مطلعتش من الدنيا غير باصحابي حبايب قلبي ويارب يخليهم ليا ويزيدني اصحاب وحبب الناس فيا ويخليني احب الناس اكتر واكتر
لا والله يا ام الطيب انا كنت اتمني انك
تساليني بس
انا اتكسفت اني ابعت وانا اللي علي الكرسي
وان شاء الله يمكن بعد مده كتير حد ممكن يختارني تاني
والله نورتي الموضوع
