يارب لك الحمد كما ينبغي لجلال وجهك و عظيم سلطانك - اليوم 1-11-2014 والساعة الآن 05:52 ص (جميع الأوقات بتوقيت جرينتش +2)

منتدى فتكات

 
الدنيا ربيع والجو بديع ومعانا احلى المواضيع عن التوفير
لازم بقى استغل الفرصة دى احسن استغلال وافرح الاولاد والراجل الشقيان وبابسط الطرق
 
لو بتدوري على صحبة و لمة و كلام من القلب و بسمة، و محتارة تروحي فين، هتلاقي فتكات موجودة فيها ايادى بالخير ممدودة: يلا تعالي مع احلى صحبة دنيا ودين!





موضوع مغلق   انشري في صفحتك على فيس بوك!   اضغطي هنا لاضافة الموضوع الى مفضلتك!
 
أدوات الموضوع التقييم: تقييم الموضوع: 4 تصويتات، المعدل 5.00.
الصيف يحلى مع الكولكشن التالت لربيع-صيف 2012 من بينكي 5 5.00 4
  #1  
31-5-2012 قديم 31/5/2012 03:55pm
الصورة الرمزية بينكي بيرل
فتكات ست الكل
وسام ألكسا لاستخدامها شريط ادوات ألكسا أثناء وجودها بالمنتدى
موظفة - مصرية
العضوة بينكي بيرل هي صاحبة الموضوع بينكي بيرل غير متواجدة حالياً
تاريخ التسجيل: 11/2009
المشاركات: 8,277
المواضيع: 119
مودي: مبسوطة

الصيف يحلى مع الكولكشن التالت لربيع-صيف 2012 من بينكي - العضوة بينكي بيرل هي صاحبة المشاركة

السلام عليكم

حقيقي وحشتوني اوي يا بنات وطبعا اكيد نفسي مكسورة زي اغلبنا لأ اكيد كلنا مش اغلبنا انا عادة مبحبش اتكلم في مواقف سياسية في موضوعي نهائي بس حقيقي مش قادرة المرة دي اسكت حزينة اوي على اللي وصلنا ليه ومكنتش حابة ابدا النتيجة دي واكيد ده شعور اغلبنا

بصوا انا مش حقول طبعا انا عايزة مين ومش عايزة مين لان ده يرجع لضمير كل واحدة فينا لكن اللي بقوله بكل وضوح ان الطرفين افشل من بعض مع احترامي وميستاهلوش بلدي العروسة الحلوة على طبق من دهب لان ولا طرف فيهم اثبت حسن نيته ووقف جنبها وقت ماحتاجته كله كان باصص على نفسه ومصلحته وطبعا على الكرسي ومع ذلك حروح انتخب وحقول صوتي وللاسف حختار احسن الوحش لان لما يكون وراك حفرة وقدامك لغم يبقى بايظة بايظة بس بتجتهد على قد ماتقدر وربنا يهديني سواء السبيل يارب استرها عليكي يا مصر وولي حد يخاف عليها يارب انتا مش بترضى بالظلم والفساد وانا عارفة انك مش حتخذلنا ابدا

اسفة بجد على المقدمة دي بس كانت في قلبي ولازم اطلعها ياللا بقى نغير المود شوية ونخش في الموضوع بتاعنا وسامحوني اني عاملاه في التوقيت ده بس ربنا عالم انا قلت نرغي مع بعض ونتواصل لاني مقدرش اغيب عنكم اكتر من كده + فرصه كلنا نغير شوية ونحاول نطلع من المود ولو لشوية

دلوقتي ححط ال rules المعتادة اللي الكل عارفها بس عشان لو حد جديد دخل:


*طبعا احنا زي ما متعودين انا بحاول احطلكم احدث الستايلات والالوان الموضه وبليق الحاجة بلمستي وذوقي الخاص بس ده مش معناه ان دي طريقة لبسها الوحيدة ده مجرد رايي وانتم كمان اكيد ليكم ذوقكم الحلو ونظام لبسكم وارجو اني اكون بساعدكم وبديكم افكار حلوة

*نظرا لظروف عائلية معينة فاللي عايز حاجة معينة سواء في القاهرة او براها ياخدها بالشحن او يقابلني في أي حتة في مساكن شيراتون اوفي سيتي سينتر مدينة نصر او الحرية مول في مصر الجديدة وهيا دي الاماكن الوحيدة اللي ممكن اشوفكم فيها وطبعا عارفة انكم حبايبي وهتعذروني في النقطة دي.

*انا حكتبلكم مقاسات الحاجة عادي يعني سمول ميديم لارج وهكذا وحكتب بس العرض من عند الصدر وطول القطعة بالسنتي واللي عايز معلومات ادق يرجعلي وانا اقيسله بقية المقاسات لان الحقيقة الموضوع ده بياخد مني وقت ومجهود واي حد حياخد حاجة ان شاء الله اوعدكم ان هيكون مطمن لمقاسهاوارجوكم لو استلمتم الحاجة شحن وشفتم مقاس مختلف علىالتيكيت ده مش معناه ابدا اني بعت مقاس غلط لان دي حاجتي واناعارفة كويس مقاساتها والمقاسات اللي بتتكتب على اللبس بتختلف من ماركة لماركة وانا كده كده باكتبلكم كمان اذا الحاجة تلبس اكترمن مقاس لان فيه حاجات بتكون فري سايز اوبتمط وان شاء الل حتلاقوا تنوع كبير عندي في المقاسات عشان كل الناس تبقى مبسوطة باذن الله.
*بالنسبة للناس اللي بتستلم شحن لومحتاجين ترجعوا الحاجة لسبب ما (وياريت ارجوكم يكون سبب مهم) لو في حاجة حترجعوها يبقى لازم تكلموني وتعرفوني نفس يوم الاستلام انكم حتبعتوها تاني وارجوكم توصلني تاني بعديها بيوم او يومين بالكتير لان اكترمن كده مش حقدر فعلا ارجعها اناعارفة الحمدلله ان ده نادر جدا لمابيحصل بس معلش اناحبيت برضه الفت نظركم للنقطة دي ومعلش في كل الاحوال الشحن على اللي طالبة الحاجة وكمان حتى لو حترجعها لان برضه في كذا موقف حصلولي بخصوص الموضوع ده وانا بتحرج ومبحبش اكسف حد.

*بالنسبة لمسالة الحجز دي مهمة اوي اوي عشان محدش يزعل ولضمان اني اكون عادلة مع الكل: اول حاجة الحجز حيكون على العام ولمااخلص موضوعي تماما واي صورة للحجز في نص الموضوع مش حتعتبر حجز وده اريح لينا كلنا بجد وحتكون الدنيا منظمة اكتر بكتير وحتشوفوا اد ايه هتعجبكم الفكرة دي ان شاءالله وكمان بالنسبة لوقت الحجز فانا مش حقدر احجز أي حاجة لاي حد اكتر من يومين فقط وبعد ال يومين دول الحجز بيعتبر لاغي وحتصرف في الحاجة المحجوزة وده بناء على مواقف حصلت ليا (معلش الكلام ده برضه ساري على الناس اللي بتعامل معاها اول مرة وده حقي طبعا اما الناس الدائمين الملتزمين معايا فهما خارج القصة دي) وحرجع بعد اسبوع باذن الله من تاريخ انشاء الموضوع احط كل الحاجات الموجودة او المتاحة في الموضوع عشان اريحكم وتبقوا عارفين المتبقي. ومعلش لو عايزة تحجزي اكتر من قطعة بس لسه شاكة في المقاسات ومحتاجة تقيسي يبقى مش هينفع تحجزي اكتر من 3 قطع تكوني يعني شبه متاكدة انك عايزاهم او مقاسهم حيكون كويس عليكي عشان ادي الفرصة للي عايز ياخد الحاجة فورا اما الناس اللي كده كده دايما بتعامل معاها وعارفة مقاسها وببعتلها شحن طبعا تحت امركم في اي عدد قطع عايزينها وطبعا انا بقولهم رايي بالنسبة للمقاسات عشان انا شفت اجسام معظمكم والباقيين اللي ماشفتهمش عارفة برضه مقاساتهم وستايلاتهم .


*معلش سامحوني بس الاسعار ثابتة لان انا مش مزودة ربحي فيها خالص وده عشان خاطركوا وطبعا زي مانتوا متعودين الحاجة كلها وارد دبي وتركيا وبراندات من فرنسا والمانيا وبرضه للامانه بيكون في كام قطعة صيني بس طبعا الصيني الدرجة الاولى اللي بيروح دبي مش بتاع مصر فاهمني طبعا يعني فرق الجودة كبير وبتكون قطع قليلة جدا. وباكد عليكو الحاجات دي كلها براندات اصلية وطبعا انتوا عارفين اقل حاجة براند في المولات سعرها ضعفين السعر اللي انا عارضاه وكله عشان خاطر عيون احلى فتوكات . وكمان الحاجات جايالي بالشحن فمش قادرة اقولكم اتكلفت اد ايه.وانا من القاهرة وباشحن للمحافظات وانا تحت امركم جوه او بره القاهرة ان شاء الله.

* مش عارفة اذا هعمل موضوع الشهر الجاي لو عشنا ولا لأ ده هيكون بناء على ظروف معينة عندي ولو الامور مشيت كويس باذن الله اوعدكم اني اعمل احلى موضوع باذن الله

* اي حد بيشتري مني لاول مره ارجوكم يكون واثق في حاجتي وعارف جودتها وخامتها لان التقليد كتير وبرضه بطمنكم اناللي حيجيب حاجة ان شاء الله من حاجتي 1 في المية اذا لقى حاجة شبهها.



*معلش بنات ارجوكم في حاجة احب انوه ليها ومن غير زعل وبكل حب ومودة لو حجزتي حاجات كتير اولا مينفعش تجي ترجعيها كلها وتقوليلي ولا حاجة ظبطت كده عيب بجد وبتضيعي وقتي ومجهودي وبتضيعي الفرص على غيرك الصور والمقاسات والاطوال واضحة قدامك الحقيقة حصلي الموقف ده من فترة وزعلانة جدا من صاحبته عشان حسيت باستهتار ولا مبالاة من التصرف ده فبنبه تاني ونقطة تانية مينفعش الحاجة تقعد عندك اكتر من اسبوع وتقوليلي هرجعها بحاجة تانية من الموضوع لان بكل صراحة انا واخويا في دبي شركاء وبالتالي اي حسابات بتتعمل بعد كده بيكون خلاص دخل فيها اللي دخل وطلع اللي طلع فارجوكم انا مش بعترض ابدا على مبدا انك ترجعي حاجة بس معلش في حدود المعقول اللي هوا يوم او يومين على الاكتر غير كده بجد صعب اوي ومتزعلوش مني *وعشان خاطري وعشان تناسق الموضوع محدش ارجوكم يرد غيرلما اقولكم اني خلصت خالص وساعتها مش حسيب حد مش حرد عليه ان شاء الله ولما اخلص حنبهكوا في اخر الموضوع اني خلصت


بناتيت انا اضفت طقم في صفحة 9 + كام حاجة كانوا فاضلين من القديم متنسوش تبصوا على صفحة 9
والتجميع الخميس الجاي باذن الله + كام حاجة جديدة زي عوايدنا
بسم الله:

الطقم الأول:

الصيف يحلى مع الكولكشن التالت لربيع-صيف 2012 من بينكي

*بلوز شيفون ناعمة موت والوانها تجنن ماركة EDC الشيفون بتاعها ناعم وهفهاف يجنن الوان الموف والبينك والتركواز الناعمة الصدر V كروازيه الوسط كمر استك واخر الكم عند الاسورة استك المقاس المكتوب اكس لارج بس اخره بيلبس ميديم لارج الصدر بالمازورة 53 سم والهانش 60 سم والطول 78 سم وسعرها 160


الصيف يحلى مع الكولكشن التالت لربيع-صيف 2012 من بينكي


*الساندال سو كيوت من هنا لبكرة تركواز كروسات مضفرة جلد قيم جدا طبعا وخرز بيضاوي رقيق بالوان الباستيل الهادية منتورة على الوش كله ومن ورا SEMI-SHOES بيتقفل بسوسته ومقفول على كعب الرجل مش مفتوح زي السابوه مقاسه 39 ولكن ركزوا معايا لو رجلك 38 بس طويلة شويه او مليانه هيبقى بيرفيكت عليكي وطبعا كمان بيلبس 40 بس على شرط تكون رجليكي مش عريضة اوي ورفيعة شوية سعره 120

الصيف يحلى مع الكولكشن التالت لربيع-صيف 2012 من بينكي

الصيف يحلى مع الكولكشن التالت لربيع-صيف 2012 من بينكي

* معلش الجينز اللي معاه OUT OF SALE عشان بتاعي


الطقم التاني:

الصيف يحلى مع الكولكشن التالت لربيع-صيف 2012 من بينكي

*تونيك لطيف اوي والوانه عسوله ماركة MAX الخامة قطن طري ناعم هفهاف لكن مش بيمط الارضيه التركواز المخضر ال AQUA وعليه ورود الربيع بلون البينك والموف واللبني الصدر مكشكش زي الفراشة والكم جابونيه الوسط كمر عريض استك المقاس 16 يعني بيلبس ميديم ولارج الصدر 46 سم والهانش 63 سم والطول 84 سم وسعره 140 ( اللي يعرفوا جسمي انا ميديم والصدر 50 لكن لما قيسته كان كحكحة وبيرفيكت عليا رغم انه مش بيمط)

الصيف يحلى مع الكولكشن التالت لربيع-صيف 2012 من بينكي

*بوليرو بينك عسول اوي البينك بتاعه عسول درجة كده باستل هادية وناعمة وبتنور الوش جدا خامته قطن ناعم ليكرا بيمط كويس فري سايزمن ميديم لحد دبل اكس لو وزنك 80 مثلا او فوق شويه
شكلهم سوا:


الصيف يحلى مع الكولكشن التالت لربيع-صيف 2012 من بينكي


*الايشارب شيفون ناعم يجنن مستطيل طبعا والوانه عسوله ومنتور عليه ستراس ملون خفيف بس على الحروف بس سعره 65

* الساندال والجينز والشنوطة انتو عارفينهم


الطقم التالت:


الصيف يحلى مع الكولكشن التالت لربيع-صيف 2012 من بينكي

*تونيك الوانه مبهجة ولطيفة اصفرات في اورانج وكافيه ماركة ROXY الخامة قطن تقيل ناعم بس مش بيمط خلوا بالكم فيه امبير تحت الصدر استك بيمط الصدر حمالات بني جلد مضفر فيها حلقات خشب مدورة بجد تري شيك وقيم وليه جيبين من قدام ومبطن من تحت كمان المقاس سمول وومكن اول الميديم لو مش مليانه اوي الصدر 44 سم اقصى امتداد ليه لما يمط وطوله 74 سم وسعره 155 طبعا حيكون قمر مع بوليرو اورانج او اصفر لون ال MUSTARD او حتى كافيه وممكن كارديجان لو حبيتي برضه

الصيف يحلى مع الكولكشن التالت لربيع-صيف 2012 من بينكي

ضهر التونيك للتوضيح:

الصيف يحلى مع الكولكشن التالت لربيع-صيف 2012 من بينكي

*معاه شنطة خوص ستايلش وعلى الموضه للمصايف والخروجات الصباحية لونها GRAPE او لون العنب الاحمر الايد جلد اسود ومبطنة بقماش اسود من جوة ماركة MAX سعرها 90

الصيف يحلى مع الكولكشن التالت لربيع-صيف 2012 من بينكي

*بقية الحاجة قلت عليها

الطقم الرابع:

الصيف يحلى مع الكولكشن التالت لربيع-صيف 2012 من بينكي

*اااااه يا قلبي دي بقى جننتني مامي بعتت 2 خدت واحدة معلش الحاجة الواو ميختلفش عليها الناسابتسامة بجد تري شيك وقمر من هنا للسنة الجاية شيفون طري وهفهاف كده طبعا لمناسبات او خروجات ابريميديه حتتالقي وتتشيكي الوانها جديدة ومميزة ورقيقة اوف وايت في موف والنقوش اللي عليها اسلاميه على الكنار والصدر عشان تديها شياكة وقيمة خرز كريستال مدور موف واسود على الصدر وبتتربط بفيونكة على الصدر الماركة ALC DIAMOND GIRLS القصة بتاعتها سوبر كيوت لانها بتلبس كل المقاسات وحفهمكم ازاي هيا قصة الفراشة بتلبس من ميديم مثلا وممكن لدبل اكس لان ليها حزام شيفون طالع من الجنبين بتتلبس بكذا طريقة ممكن الحزام يتربط من قدام على الجنب وممكن من ورا عادي بتشديه وتربطيه حسب مقاس وسطك وطبعا مينفعش موديلها يتقاس بالمازورة لانها شيب الفراشة بس طبعا مفهوم من الوصف اللي قلته طولها حلو جدا جدا بتغطي الهانش مرتاح وسعرها 180 عايزة تحتها بدي طبعا بكم موف او اوف وايت حسب ذوقك

الصيف يحلى مع الكولكشن التالت لربيع-صيف 2012 من بينكي



ودي طريقة لبسها والحزام من قدام:

الصيف يحلى مع الكولكشن التالت لربيع-صيف 2012 من بينكي


وهنا الحزام من ورا وانا مضيقاه على اساس واحدة مثلا مقاسها ميديم:

الصيف يحلى مع الكولكشن التالت لربيع-صيف 2012 من بينكي

الطقم الخامس:

الصيف يحلى مع الكولكشن التالت لربيع-صيف 2012 من بينكي

*تونيك جديد وقمر اوي ساتان ناعم جدا والضهر بس من فوق هوا اللي ليكرا اسود سادة النص الفوقاني بس الماركة JUS D'ORANGE فرنساوي الصدر V كروازيه الوسط كمر استك عريض ليكرا اسود واطراف او حروف التونيك كلها بالليكرا الاسود الناعم الالوان موف في تركواز واسود ونغمشة ابيض لؤلؤي كده القصة نازلة على واسع من تحت زي SHAPE المثلث شوية وليه حزام رفيع بيتربط على الضهر السايز سمول ميديم ولكن بيمط حلو جدا الصدر 45 بيمط ل 51 سم لان النص الفوقاني من الضهر ليكرا زي ماقلت الهانش 70 سم والطول 100 تقريبا وسعره 155

الصيف يحلى مع الكولكشن التالت لربيع-صيف 2012 من بينكي

طبعا يبقى قمر لو معاه فوقيه بوليرو اسود او تحتيه اي شميز ساتان ناعم زيه وبقية الحاجات المعروضة قلت عليها والبوليرو الاسود مش موجود

الصيف يحلى مع الكولكشن التالت لربيع-صيف 2012 من بينكي

لسه طبعا كتير خليكم معايا لسه كتير طبعا
التقييم: تقييم الموضوع: 4 تصويتات، المعدل 5.00.


انشري في صفحتك على فيس بوك! انشري في تويتر!

عنوان الموضوع للنسخ

الصيف يحلى مع الكولكشن التالت لربيع-صيف 2012 من بينكي

http://forums.fatakat.com/thread2979946
بينكي بيرل بينكي بيرل http://files.fatakat.com/customavatars/avatar186204_5.gif فتكات ست الكل Fatakat القاهرة - مصر

صورة توقيع بينكي بيرل في منتديات فتكات

للتواصل مع بينكي او الاستفسارات 01221198223
اخر COLLECTION شتوي لبينكي بيرل

التعديل الأخير تم بواسطة : بينكي بيرل بتاريخ 31-5-2012 الساعة 11:45 م.
  #2  
31-5-2012 قديم 31/5/2012 03:58pm
الصورة الرمزية بينكي بيرل
فتكات ست الكل
وسام ألكسا لاستخدامها شريط ادوات ألكسا أثناء وجودها بالمنتدى
موظفة - مصرية
صاحبة الموضوع بينكي بيرل غير متواجدة حالياً
تاريخ التسجيل: 11/2009
المشاركات: 8,277
المواضيع: 119
مودي: مبسوطة

رد: الصيف يحلى مع الكولكشن التالت لربيع-صيف 2012 من بينكي - العضوة بينكي بيرل هي صاحبة المشاركة

الطقم السادس:

الصيف يحلى مع الكولكشن التالت لربيع-صيف 2012 من بينكي

* تونيك اخضر جنزاري درجة تجنن بكاروهات كحلي وابيض بجد تري شيك الخامة قطن ناعم تقيل وماسك نفسه شبه الكتان بس انعم ومفيهوش الكرمشة بتاعة الكتان من تحت وليه جيبين من قدام لذاذ اوي المقاس ميديم وممكن لارج الصدر 53 سم والهانش 61 والطول 94 وسعره 165طبعا حيكون قمر لو تحته شميز ابيض او فوقيه بوليرو او SEMI-CARDIGAN

الصيف يحلى مع الكولكشن التالت لربيع-صيف 2012 من بينكي

* بوليرو او SEMI-CARDIGAN يعني مابين الكاردي والبوليرو مش الطول اوي بتاع الكاردي ومش قصر البوليرو لذيذ جدا في اللبس وعملي على مليون حاجة بس معلش هوا محجوز حاليا ، شكلهم سوا

الصيف يحلى مع الكولكشن التالت لربيع-صيف 2012 من بينكي


* الشميز الابيض بتاعي لتوضح الفكرة فقط والباقي انتوا عارفينه وشكله مع الشميز:

الصيف يحلى مع الكولكشن التالت لربيع-صيف 2012 من بينكي




الطقم السابع:

الصيف يحلى مع الكولكشن التالت لربيع-صيف 2012 من بينكي
*تونيك لونه قمر بينك موفيه هادي اوي وناعم الصدر كروازيه V الوسط عريض بكمر درابيه شيك اوي وبيخسس موت في القصة دي الخامة شيفون ماسك نفسه فيه الضي بتاع الاورجانزا كده خامة قيمة اوي الماركة KAJA مبطن بشيفون ناعم روز من تحت ونازل بليسيهات عريضه من تحت (زي بنس كده) PERFECT للمناسبات والخروجات الابريميديه وكمان للناس اللي بتحب التونيكات الطويلة المقاس المكتوب اكس لارج لكن بيلبس سمول وميديم الصدر 48 سم الهنش 73 سم والطول 112 السعر 170
طبعا تقدري تلبسي تحتيه شميز ابيض او فوقيه بوليرو ساتان او حرير مثلا بلون الموف او البتنجاني الغامق يبقى سوبر


الصيف يحلى مع الكولكشن التالت لربيع-صيف 2012 من بينكي



* ايشارب شيفون ناعم هفههاف وطويل لون الليوبار شامبين في بني انا بتكلم هنا عن الغامق شوية عشان خامته مختلفة ناعمة موت وطويل سعره 60 اما التاني الروز في موف اوبني ليوبار شيفون ماسك نفسه شويه وبرضه طويل وعريض وسعره 50


الطقم التامن:


الصيف يحلى مع الكولكشن التالت لربيع-صيف 2012 من بينكي

شميز او بلوز كمه جابونيه عسول اوي H&M مقلم بالطول اسود في ابيض الصدر مكشكش زي الفراشة الوسط فيه حبل بيتشد ويتزم ويتربط فيونكة الخامة قطن كتان ناعم السايز المكتوب 46 او 16 مقاسه كويس على فكرة ميديم لارج مرتاح جدا الصدر 54 سم والطول 69 سم والسعر 155
الصيف يحلى مع الكولكشن التالت لربيع-صيف 2012 من بينكي

*معاه الشنوطة وتحتيه الشميز الابيض بتاعي

شكلهم سوا:

الصيف يحلى مع الكولكشن التالت لربيع-صيف 2012 من بينكي
الطقم التاسع:

الصيف يحلى مع الكولكشن التالت لربيع-صيف 2012 من بينكي

*تونيك عسول قطن كتان ناعم مش بيمط الارضيه اوف وايت بورد صغنون موف وبني ماركة GINA BENOTTI ايطالي الصدر عليه بليسيهات خفيفة يمكن تكون مش باينة اوي في الصورة لكن تري شيك المقاس المكتوب 44 بيلبس ميديم لارج مرتاح الصدر 53 سم الهانش 62 والطول 78 بيغطي الهنش سعره 155

الصيف يحلى مع الكولكشن التالت لربيع-صيف 2012 من بينكي


معاه الشنوطة اياها

الطقم العاشر:


الصيف يحلى مع الكولكشن التالت لربيع-صيف 2012 من بينكي

*توب قمر الوان الربيع المبهجة تركواز في ابيض وبينك وكحلي الخامة قطن كتان ناعم ماسك نفسه اوي وطري وناعم في نفس الوقت للصيف والحر الماركة H&M الكم جابونيه والصدر مدور وبيتربط بفيونكة من قدام الوسط كمر استك ونازل على وسع وطبعا الستايل ده PERFECT للي عندهم ديفوه عند البطن لانه بيداريها خالص السايز المكتوب 40 بس هوا بيلبس سمول ميديم الصدر 50 والطول 70 والهنش 65 سم ممكن فوقيه بوليرو زي الكحلي او اي لون او تحته شميز او بدي ابيض زي ماتحبي السعر 155

الصيف يحلى مع الكولكشن التالت لربيع-صيف 2012 من بينكي
بقية الحاجات معروفة طبعا


شكلهم سوا:

الصيف يحلى مع الكولكشن التالت لربيع-صيف 2012 من بينكي

الطقم ال 11:

الصيف يحلى مع الكولكشن التالت لربيع-صيف 2012 من بينكي

*شميز من VEROMODA مضلع منه فيه ازرق زهري BRIGHT ومنور بليسيهات خفيفة عند الصدر وعند الوسط بعد الصدر حزام رفيع عسول وطبعا بيتقفل بزراير من اوله لاخره والكم تلتين السايز ميديم وممكن لارج لو صدرك مش مليان الصدر 54 والهانش 66 والطول 80 الخامة قطن كتان ناعم اوي السعر 155وطول الكم 40 سم

الصيف يحلى مع الكولكشن التالت لربيع-صيف 2012 من بينكي
* بقية الحاجات اللي معاه انتوا عارفينها
الطقم 12:

الصيف يحلى مع الكولكشن التالت لربيع-صيف 2012 من بينكي

*شميز او بلوز كاجوال قمر ماركة COLOURS OF THE WORLD خامته قطن كتان ناعم والوانه سو كيوت موف غامق في جنزاري في جراي فاتح كاروهات توليفة الالوان لطيفة ستايل الشميز بزراير كباسين موف عسولة الكمر على الوسط استك وليه حزام بيتربط من ورا او قدام على الجنب زي ماتحبي وليه جيبين من قدام على الصدر والشميظ طويل بيغطي الهانش مرتاح بيلبس ميديم لارج مرتاح جدا الصدر 56 سم الهانش 65 والطول 74 سم والسعر 155 طبعا ممكن تحته بدي جراي او موف وممكن شميز ابيض

من قريب:

الصيف يحلى مع الكولكشن التالت لربيع-صيف 2012 من بينكي

ومعاه بقية الحاجات اللي انتوا عارفينها

لسه طبعا بكمل يا بناتيت ومفيش حجز في نص الموضوع سعيدة قوي


0

انشري في صفحتك على فيس بوك! انشري في تويتر!

عنوان الموضوع للنسخ

الصيف يحلى مع الكولكشن التالت لربيع-صيف 2012 من بينكي

http://forums.fatakat.com/thread2979946
بينكي بيرل بينكي بيرل http://files.fatakat.com/customavatars/avatar186204_5.gif فتكات ست الكل Fatakat القاهرة - مصر

صورة توقيع بينكي بيرل في منتديات فتكات

للتواصل مع بينكي او الاستفسارات 01221198223
اخر COLLECTION شتوي لبينكي بيرل

التعديل الأخير تم بواسطة : بينكي بيرل بتاريخ 31-5-2012 الساعة 04:37 م.
  #3  
31-5-2012 قديم 31/5/2012 04:00pm
الصورة الرمزية بينكي بيرل
فتكات ست الكل
وسام ألكسا لاستخدامها شريط ادوات ألكسا أثناء وجودها بالمنتدى
موظفة - مصرية
صاحبة الموضوع بينكي بيرل غير متواجدة حالياً
تاريخ التسجيل: 11/2009
المشاركات: 8,277
المواضيع: 119
مودي: مبسوطة

رد: الصيف يحلى مع الكولكشن التالت لربيع-صيف 2012 من بينكي - العضوة بينكي بيرل هي صاحبة المشاركة

.....................

0

انشري في صفحتك على فيس بوك! انشري في تويتر!

عنوان الموضوع للنسخ

الصيف يحلى مع الكولكشن التالت لربيع-صيف 2012 من بينكي

http://forums.fatakat.com/thread2979946
بينكي بيرل بينكي بيرل http://files.fatakat.com/customavatars/avatar186204_5.gif فتكات ست الكل Fatakat القاهرة - مصر

صورة توقيع بينكي بيرل في منتديات فتكات

للتواصل مع بينكي او الاستفسارات 01221198223
اخر COLLECTION شتوي لبينكي بيرل
  #4  
31-5-2012 قديم 31/5/2012 04:01pm
فتكات هايلة
ربة منزل - مصرية
ام عموووره وعلي غير متواجدة حالياً
تاريخ التسجيل: 2/2012
المشاركات: 1,040
المواضيع: 39
مودي: متفائلة

رد: الصيف يحلى مع الكولكشن التالت لربيع-صيف 2012 من بينكي - العضوة ام عموووره وعلي هي صاحبة المشاركة

بسم الله ماشاء الله الحاجات تحفه اوي ربنا يرزقك ويوسع رزقك يارب

0

انشري في صفحتك على فيس بوك! انشري في تويتر!

عنوان الموضوع للنسخ

الصيف يحلى مع الكولكشن التالت لربيع-صيف 2012 من بينكي

http://forums.fatakat.com/thread2979946

  #5  
31-5-2012 قديم 31/5/2012 04:02pm
الصورة الرمزية بينكي بيرل
فتكات ست الكل
وسام ألكسا لاستخدامها شريط ادوات ألكسا أثناء وجودها بالمنتدى
موظفة - مصرية
صاحبة الموضوع بينكي بيرل غير متواجدة حالياً
تاريخ التسجيل: 11/2009
المشاركات: 8,277
المواضيع: 119
مودي: مبسوطة

رد: الصيف يحلى مع الكولكشن التالت لربيع-صيف 2012 من بينكي - العضوة بينكي بيرل هي صاحبة المشاركة


الطقم 13:

الصيف يحلى مع الكولكشن التالت لربيع-صيف 2012 من بينكي

*تونيك امور اوي اسود في ابيض في اصفر بتوك مدورة صفرا على الصدر وحبل مضفر اسود في ابيض الستايل بتاعه زي طبقتين شيفون كده فوق بعض PERFECT لو حامل او عندك بطن شوية وعايزة تخبيها بيلبس ميديم الصدر 50 الهنش 65 والطول 80 والسعر 155

الصيف يحلى مع الكولكشن التالت لربيع-صيف 2012 من بينكي


طبعا فوقيه بوليرو اسود او اصفريكا او ابيض يبقى قمررررررر بس الاسود المعروض مش متاح

الصيف يحلى مع الكولكشن التالت لربيع-صيف 2012 من بينكي

الطقم 14:

الصيف يحلى مع الكولكشن التالت لربيع-صيف 2012 من بينكي

*تونيك جديد في الوانه كحلي في بلو هادي المفاجاة اني اول مرة اجيب تونيك كاجوال طويل السايز ده بيلبس اكس ودبل اكس المقاس المكتوب 48 الخامة قطن كتان ناعم اوي وماسك نفسه ومش بيمط الماركة GREAT LOOKS وطبعا بزراير من الاول للاخر الصدر 62 سم الوسط 60 الهنش 70 سم والطول 96 سم والسعر 165

الصيف يحلى مع الكولكشن التالت لربيع-صيف 2012 من بينكي

طبعا ممكن فوقيه بوليرو كحلي زي مانا عاملة هنا كده ولو حبيتي ممكن تحتيه بدي كحلي اوي بلو

مع بعض:

الصيف يحلى مع الكولكشن التالت لربيع-صيف 2012 من بينكي

الطقم 15:


الصيف يحلى مع الكولكشن التالت لربيع-صيف 2012 من بينكي

*توب الوانه سو كيوت قطن ليكرا ناعم اوي وبيمط حلو جدا ماركة REMETTO BENE فرنساوي الوانه بني في اخضر لموني الصدر درابيه خفيف وحمالات فيها كور خشب ومن تحت الجنبين واخدين شيب اطول من النص فلذيذ طبعا عايز فوقيه كارديجان او بوليرو بني او اخضر لموني حيكون تري شيك بيلبس سمول ميديم الصدر 48 سم بيمط ل 54 والطول 73 والسعر 150

الصيف يحلى مع الكولكشن التالت لربيع-صيف 2012 من بينكي

الطقم 16:

الصيف يحلى مع الكولكشن التالت لربيع-صيف 2012 من بينكي

* توب او بلوز شيفون ناعم مبطن الوانها لطيفة اوي جراي في موفات في ابيض ماركة S.OLIVER الصدر عليه تطريز بشكل مربع وزراير كور اوكسيديه وعلى الاطراف شريط قطيفة موف بيتربط فيونكة بجد الستايل بتاعها تري شيك والوانها لذيذة عايزه حد مليان شويه المقاس المكتوب 48 الصدر 56 الهنش 64 والطول 94 بتلبس لارج واكس وممكن دبل كمان السعر 170

الصيف يحلى مع الكولكشن التالت لربيع-صيف 2012 من بينكي

وانتوا عارفين الباقي

الطقم 17:

الصيف يحلى مع الكولكشن التالت لربيع-صيف 2012 من بينكي

*توب قمر بطيخي غامق الخامة قطن كتان والقماش منغمش منه فيه بكور بارزة الكمر على الهانش استك عريض بيمط والصدر عليه حبل بيتربط فيونكة والكم جابونيه عسل للحر والصيف المقاس 16 بيلبس ميديم لارج وممكن اكس الصدر 57 والطول 71 سم والسعر 100

الصيف يحلى مع الكولكشن التالت لربيع-صيف 2012 من بينكي

الصيف يحلى مع الكولكشن التالت لربيع-صيف 2012 من بينكي


* حطيت معاه شنوطة قمر بيج فاتح والوش من قدام مطبوع عليه بالبطيخي والدهبي الوانها مفرحة وقمر تنفع للصيف والخروجات الصباحية وفيها ستراس دهبي خفيف منتور وحجمها متوسط مش كبير ولا صغير يعني حاجة كده في الكاجوال وسعرها 100

الصيف يحلى مع الكولكشن التالت لربيع-صيف 2012 من بينكي


الصيف يحلى مع الكولكشن التالت لربيع-صيف 2012 من بينكي

*عقد عسول كور احجار بطيخي والعقد حبل برضه FUNKY ولذيذ سعره 30

الايشارب وبقية الحاجة اياها


الطقم 18:

الصيف يحلى مع الكولكشن التالت لربيع-صيف 2012 من بينكي
*تونيك قمر وتري شيك شامبين روزيه لؤلؤي H&M حرير ناعم مووت وهفهاف طبعا PERFECT للمناسبات والخروجات الابريميديه الصدر بليسيهات شيك مضغوطة الكم تلتبن او اطول شويه وبرضه حرف الكم عليه بليسيهات مضغوطة الوسط عليه حزام حرير رفيع بيتربط على الضهر السايز سمول وميديم او 38 الصدر 46 سم والوسط 52 والهانش 70 وطول الكم 50 سم سعره 175

الصيف يحلى مع الكولكشن التالت لربيع-صيف 2012 من بينكي

الطقم 19:

الصيف يحلى مع الكولكشن التالت لربيع-صيف 2012 من بينكي

*تونيك الوانه مبهجة والحركة العسوله فيه ان بيتربط على الرقبه بعقد اسود عريض بيمط لانه استك ومش بيضايق طبعا خالص الوان التونيك ورود صفرا في ابيض في اخضر لموني واسود الخامة قطن ليكرا ناعم جدا وبيمط حلو اوي الكمر اسود ليكرا عريض من تحت وممكن تنزلي التوب كده بلوزون فوق الكمر لو حبيتي او تسيبيه مفرود عادي المقاس من اول ميديم لحد لارج الصدر بيمط ل54 والطول 72 سم طبعا عايز كارديجان اسود او ابيض وسعره 160

الصيف يحلى مع الكولكشن التالت لربيع-صيف 2012 من بينكي

الحاجات اللي معاه انتوا عارفينها

اوعوا تروحوا في اي حته استنوني لسه بكمل يا حبايبي اهو

0

انشري في صفحتك على فيس بوك! انشري في تويتر!

عنوان الموضوع للنسخ

الصيف يحلى مع الكولكشن التالت لربيع-صيف 2012 من بينكي

http://forums.fatakat.com/thread2979946
بينكي بيرل بينكي بيرل http://files.fatakat.com/customavatars/avatar186204_5.gif فتكات ست الكل Fatakat القاهرة - مصر

صورة توقيع بينكي بيرل في منتديات فتكات

للتواصل مع بينكي او الاستفسارات 01221198223
اخر COLLECTION شتوي لبينكي بيرل

التعديل الأخير تم بواسطة : بينكي بيرل بتاريخ 31-5-2012 الساعة 04:56 م.
  #6  
31-5-2012 قديم 31/5/2012 04:05pm
الصورة الرمزية بينكي بيرل
فتكات ست الكل
وسام ألكسا لاستخدامها شريط ادوات ألكسا أثناء وجودها بالمنتدى
موظفة - مصرية
صاحبة الموضوع بينكي بيرل غير متواجدة حالياً
تاريخ التسجيل: 11/2009
المشاركات: 8,277
المواضيع: 119
مودي: مبسوطة

رد: الصيف يحلى مع الكولكشن التالت لربيع-صيف 2012 من بينكي - العضوة بينكي بيرل هي صاحبة المشاركة


الطقم 20:

الصيف يحلى مع الكولكشن التالت لربيع-صيف 2012 من بينكي

*تونيك او شميز MAX كافيه عسول اوي بزراير عريضه وحزام كافيه استك منفصل وعليه حليات بني جلد ليه جيبين من قدام الستايل بتاعه SAFARI الخامه قطن وفيها نسبة ليكرا بس مش بتمط اوي المقاس المكتوب 16 بيلبس سمول وميديم الصدر 50 والهنش 57 والطول 83 سم والسعر 155

الصيف يحلى مع الكولكشن التالت لربيع-صيف 2012 من بينكي

الايشارب اللي معاه الكافيه المشجر شيفون ناعم ماسك نفسه وسعره 45
وطبعا انتوا عارفين الايشاربين اللي معاه

الطقم 21:

الصيف يحلى مع الكولكشن التالت لربيع-صيف 2012 من بينكي

* فستان تري شيك الخامة ملهاش حل قطن ليكرا بس يجنن مش اللي بيلزق الطري اللي زي الفسكوز لأ طبعا تقيل وقيم وماسك نفسه النقشة snake بيتربط على الرقبه بحبل اسود ليكرا عريض والصدر عليه شكل مستطيل بستراس اسود مفضض بارز منه فيه المقاس المكتوب اكس لارج وهوا بيلبس ميديم لارج وعايز بنوتة طويلة شويه مش قصيرة عشان يبان زهوته ويدي شيب حلو والضهر استك الصدر 50 والطول 140 سم اللون كافيه في طوبي او BRECK وعندي ايشارب شيفون الوانه تجنن ولايقة معاه بس نسيت اعرضه سعر الفستان 180

الصدر من قريب:

الصيف يحلى مع الكولكشن التالت لربيع-صيف 2012 من بينكي

* الكارديجان طبعا بتاعي sorry والله بس اي حد عايز كارديجان اي لون يقولي عندي الحقيقة معظم الالوان منهم بس كالعادة عند صديقة ليا في اوبن داي وبجيبهم بالطلب

شكلهم سوا وممكن طبعا تجيبي كارديجان اقصر شوية لو حبيتي انتي ومزاجك

الصيف يحلى مع الكولكشن التالت لربيع-صيف 2012 من بينكي



الطقم 22:

الصيف يحلى مع الكولكشن التالت لربيع-صيف 2012 من بينكي

* شميز او بلوز قطن كتان ناعم ماسك نفسه مش بيمط مارك’ TOMMY HELFIGER ودي طبعا ماركة غنية عن التعريف وقيمة جدا واشهر ماركات الكاجوال والجينز اللون كاروه كحلي في احمر وابيض اللي هيا التوليفة الكلاسيك اللي عمر موضتها ما بتروح الياقة V وبزرارين من قدام على الصدر الكم جابونيه تقريبا وفيه على كل كم شريطة رفيعه بتتربط فيونكة الوسط كمر رفيع فيه حلقتين معدن طالع من كل واحدة شريط بيتربط ويتزم المقاس المكتوب سمول بيلبس سمول ميديم بس الصدر 49 سم والوسط 43 سم الهنش 53 والطول 71 والسعر 155

الصيف يحلى مع الكولكشن التالت لربيع-صيف 2012 من بينكي

الصيف يحلى مع الكولكشن التالت لربيع-صيف 2012 من بينكي


الطقم 23:


الصيف يحلى مع الكولكشن التالت لربيع-صيف 2012 من بينكي

*شميز ابيض مقلم رييه منه فيه الخامة قطن كتان ناعم وطري جدا للصيف زراير من اول الصدر لحد الوسط ومن تحت كمر على الهنش طالع منه رباط بيتشد حسب مقاسك ماركة ZEEMAN المقاس المكتوب لارج بيلبس ميديم لارج مرتاح الصدر 54 الهنش 60 سم والطول 75 سم والسعر 155 وفيه فتحة صغنونة في كل جنب

الصيف يحلى مع الكولكشن التالت لربيع-صيف 2012 من بينكي

* الشنوطة جلد قيم اسود في ابيض من الموضوع اللي فات ب 150

الطقم 24:


الصيف يحلى مع الكولكشن التالت لربيع-صيف 2012 من بينكي

*شميز او بلوز قطن ناعم كتان سو كيوت موف هادي بتشجيرة خفيفة بالاسود والابيض ورد وليها زراير وبليسيهات مضغوطة من اول الصدر لحد الوسط قمر بس للاسف مش باينة خالص في الصورة وبرضه فيه كمر عريض منه فيه على الوسط مش باين في الصورة ماركة BIAGGINI ايطالي المقاس المكتوب 46 بتلبس لارج واكس مرتاح جدا الصدر 60 سم الوسط 56 والهانش 68 والطول 77 بيغطي الهانش والسعر 155



الصيف يحلى مع الكولكشن التالت لربيع-صيف 2012 من بينكي


الطقم 25:

الصيف يحلى مع الكولكشن التالت لربيع-صيف 2012 من بينكي

*توب قطن ليكرا ناعم جدا فوشيا عليه فراشات اسود في جراي وستراس فضي بارز منتور بجد سو كيوت وكاجوال يبقى قمر على كارديجان جراي انتوا عارفين الفوشيا بيمشي جدا مع الجراي السايز ميديم لارج الصدر 51 سم وبيمط ل 55 الهنش 58 والطول 78 سم والسعر 135

الصيف يحلى مع الكولكشن التالت لربيع-صيف 2012 من بينكي

الطقم 26:

الصيف يحلى مع الكولكشن التالت لربيع-صيف 2012 من بينكي

توب لطيف والوانه مفرقعة اورانجات في بطيخي وموف ماركة miss etam الصدر V كروازيه وكمر عريض على الوسط سادة الخامة قطن ليكرا ناعم بيمط جامد اوي السايز اكس لارج بيلبس لارج واكس ممكن يتلبس مع بنطلون جوب يبقى لذيذ او جوب جينز وعليه بوليرواو كارديجان الصدر 55 بيمط ل 65 واكتر الطول 72 والسعر 145


الصيف يحلى مع الكولكشن التالت لربيع-صيف 2012 من بينكي

البنطلون ستايلش ومريح جدا ستايل الصيادين المعروف الكمر استك مريح جدا وبليسهات على الجنبين في الكمر ونهاية كل رجل استك مريح مش بيضايق يعتبر فري سايز من اول ميديم لحد اكس مثلا او 80 كيلو عشان يكون شكله معقول قطن ليكرا ناعم جدا وبيمط حلو اوي طوله 90 سم الوسط بيمط ل 54 سم والحجر 45 بيمط ل 61 السعر 135
الصيف يحلى مع الكولكشن التالت لربيع-صيف 2012 من بينكي

الطقم 27:
الصيف يحلى مع الكولكشن التالت لربيع-صيف 2012 من بينكي

*توب اسود في كافيه وسكري فاتح لذيذ موت وfunky الصدر درابيه وفيه قطعة سودة ليكرا لازقه منها فيها تحت الصدر مع ستراس اسود بارز منتور خفيف على التوب الحمالات مضفرة والضهر عليه دايرة كده مفرغة الخامة قطن ليكرا ناعم وبيمط كويس عايز بنطلون جوب يبقى قمر سعره 135وفي الصورة انا المفروض برضه حاطاه مع البنطلون الهافان ده

الطقم 28:

الصيف يحلى مع الكولكشن التالت لربيع-صيف 2012 من بينكي


* توب اسود قطن ليكرا ناعم جدا وبيمط فكرته جديدة الحمالات والوسط درابيه جلد مضفر بيخسس موت يا بنات وبيدي شيب قمر في اللبس سمول ميديم الصدر 43 بيمط ل 51 والطول 72 والسعر 135
الصيف يحلى مع الكولكشن التالت لربيع-صيف 2012 من بينكي



بنات معلش فاضل تقريبا طقم واحد مش هعرف احطه في المشاركة دي عشان عدد المشاركات خلص فححطه وهشوف هيطلع في صفحة كام واقولكم في بداية الموضوع عشان اللخبطة + حاجتين 3 متبقيين من الموضوع اللي فات

تقدروا كده تحجزوا عادي خالص لاني خلصت الحمدلله وارجوا اني اكون عند حسن ظنكم زي كل مرة

0

انشري في صفحتك على فيس بوك! انشري في تويتر!

عنوان الموضوع للنسخ

الصيف يحلى مع الكولكشن التالت لربيع-صيف 2012 من بينكي

http://forums.fatakat.com/thread2979946
بينكي بيرل بينكي بيرل http://files.fatakat.com/customavatars/avatar186204_5.gif فتكات ست الكل Fatakat القاهرة - مصر

صورة توقيع بينكي بيرل في منتديات فتكات

للتواصل مع بينكي او الاستفسارات 01221198223
اخر COLLECTION شتوي لبينكي بيرل

التعديل الأخير تم بواسطة : بينكي بيرل بتاريخ 31-5-2012 الساعة 06:08 م.
  #7  
31-5-2012 قديم 31/5/2012 04:29pm
ممنوعة من المشاركة
وسام ألكسا لاستخدامها شريط ادوات ألكسا أثناء وجودها بالمنتدى
موظفة - مصرية
ذكريـــات غير متواجدة حالياً
تاريخ التسجيل: 10/2009
المشاركات: 8,644
المواضيع: 116
مودي: متضايقة

رد: الصيف يحلى مع الكولكشن التالت لربيع-صيف 2012 من بينكي - العضوة ذكريـــات هي صاحبة المشاركة

الله على الزوق
ف منتنهى الشياكة بصراحة

0

انشري في صفحتك على فيس بوك! انشري في تويتر!

عنوان الموضوع للنسخ

الصيف يحلى مع الكولكشن التالت لربيع-صيف 2012 من بينكي

http://forums.fatakat.com/thread2979946

  #8  
31-5-2012 قديم 31/5/2012 04:40pm
الصورة الرمزية صوت العيون sm?
فتكات ست الكل
خريجة - مصرية
صوت العيون sm? غير متواجدة حالياً
تاريخ التسجيل: 7/2011
المشاركات: 6,607
المواضيع: 287
مودي: ----

رد: الصيف يحلى مع الكولكشن التالت لربيع-صيف 2012 من بينكي - العضوة صوت العيون sm? هي صاحبة المشاركة

بالتوفيق ان شاء الله

0

انشري في صفحتك على فيس بوك! انشري في تويتر!

عنوان الموضوع للنسخ

الصيف يحلى مع الكولكشن التالت لربيع-صيف 2012 من بينكي

http://forums.fatakat.com/thread2979946

  #9  
31-5-2012 قديم 31/5/2012 04:48pm
سوبر فتكات
وسام ألكسا لاستخدامها شريط ادوات ألكسا أثناء وجودها بالمنتدى
--- - مصرية
نايتي كات30 غير متواجدة حالياً
تاريخ التسجيل: 2/2012
المشاركات: 4,521
المواضيع: 66
مودي: ----

رد: الصيف يحلى مع الكولكشن التالت لربيع-صيف 2012 من بينكي - العضوة نايتي كات30 هي صاحبة المشاركة

زوقك جامد قوى بجد احيكى من هنا للصبح

0

انشري في صفحتك على فيس بوك! انشري في تويتر!

عنوان الموضوع للنسخ

الصيف يحلى مع الكولكشن التالت لربيع-صيف 2012 من بينكي

http://forums.fatakat.com/thread2979946

  #10  
31-5-2012 قديم 31/5/2012 04:50pm
الصورة الرمزية Eamy love
فتكات ست الكل
خريجة - مصرية
Eamy love غير متواجدة حالياً
تاريخ التسجيل: 5/2011
المشاركات: 7,094
المواضيع: 68
مودي: متضايقة

رد: الصيف يحلى مع الكولكشن التالت لربيع-صيف 2012 من بينكي - العضوة Eamy love هي صاحبة المشاركة

مووووووووووووووووفقة

0

انشري في صفحتك على فيس بوك! انشري في تويتر!

عنوان الموضوع للنسخ

الصيف يحلى مع الكولكشن التالت لربيع-صيف 2012 من بينكي

http://forums.fatakat.com/thread2979946

موضوع مغلق



تعليمات المشاركة
لا تستطيعين كتابة مواضيع
لا تستطيعين كتابة ردود
لا تستطيعين إرفاق ملفات
لا تستطيعين تعديل مشاركاتك

كود [IMG] متاحة
كود HTML معطلة

أقسام فتكات


اي مشاركة في الموقع و المنتدى تعبر عن رأي كاتبتها دون ادنى مسئولية على ادارة الموقع
جميع الحقوق محفوظة لمنتدى فتكات، يحظر نقل او نسخ اي اجزاء من الموقع الا بإذن الكتروني من ادارة الموقع
vBulletin، Copyright ©2000 - 2014، Jelsoft Enterprises Ltd.
تصميم المواقع وبرمجة المواقع انترنت بلس - استضافة المستضيفون العرب
مواضيع مميزة
مواضيع جديدة
استعلامات




ايوه هي دي فتكات اللي بيقولوا عليها :) انتي مش مشتركة ليه؟! بصي الفتوكات بيقولوا ايه: فرحانة سعيدة مبسوطة متأثرة محتارة مصرية فخورة مربية شابة هاه؟ ح تنورينا؟ اشتركي الآن!