هام: من فضلك اذا كانت عندك اي مشكلة فاكتبي موضوعا في قسم الشكاوى او راسلي اي مشرفة، سيتم ايقاف الاشتراك عند اي تجاوز!
هام: الرجاء تجاهل اي موضوع يتكلم عن شحن الجوال ببلاش او وجود ثغرة في موبينيل او فودافون او اتصالات حيث انها تسرق رصيدك!
هام:
اذا وصلتك اي رسالة خاصة من عضوة تعرض عليك بضائع للبيع فراسلي اي مشرفة او مراقبة منتدى فورا و ارسلي لها نسخة من الرسالة و اسم العضوة.
نتيجة مسابقة فتكات!
كل سنة و انتم طيبين بمناسبة مرور سنة على انشاء فتكات :) و عقبال 100 سنة و احنا عيلة واحدة
بصي يا هوب
علي حسب لون بشرتك يعني اللي
تحسي انه هيكون اجمل عليكي
اعمليه
لازم تشوفي انهي لون يليق عليكي اكتر
يعني لو سمرا ابعدي عن الموف ولو بيضا يبقي اكيد احمر او موف
هي علي حسب لون البشره مش اكتر
و ربنا يتمم بخير
بصى يا ايتاب
أنا فستانى كان قطعتين جيليه قصير والجيبه كانت ضيقه من فوق ونازله على واسع أورجانزا على شيفون وفى دانتيل وكان فيه
بصى انا بصراحه مش عارفه اوصف كويس ومش بفهم فى اسم القماش لانى اشتريته جاهز
والخطوبه كان تركواز وكان نفس تفصيلة الدخله بس الخطوبه كان cut
والدخله بكم شفاف ورقبه عاليه بس انا عملت الموضوع عائلى بنات بس اللى شافونى عشان أنا بلبس الاسدال
انا فستانى كان فضى فى ازرق وعريان مع ان الفرح كان فى عز البرد
وفستان الفرح كان من امريكا من فوق بلسيه مطرز باللولى ومن تحت شيفون منفوش
شوفتو انا اشطر واحده عرفت توصف فستانها
واللة انا الخطوبة بتاعتى كانت فى البيت ومنكنتش عاملة فستان بس الشهر الجاى هبدا فى فستان الفرح ان شاء اللة ونفسى اعمل فستان لسة مااتعملش قولولى بقى افكار جديدة اعملها فى الفستان
فستانك حلو اوى يارانيا
ولاحمر هيكون حلو والموف برده
انا فستان الخطوبه كان نبيتى حمال وعليه شال ستان ومطرز من فوق بالدهبى والفضى وكان برباط من عند الصدر للوسط ونازل على واسع ستان وعليه شفون
كان فيه لمعه وكان من امريكا كان لسه تفصيله جديده
فستان الفرح طبعا ابيض الكم شفاف بدايته كانت من الكتف ومطرز بالولى ونازل على واسع كان بسيط جدا ومفهوش غلبه
ألف مبروك وربنا يتمم بخير - شوفى ياستى أنا فستان خطوبتى كان فستقى هادىء بدانتيل على الصدر ومنفوش من تحت - وفستان الفرح كان بكم شيفون ومن تحت دانتيل ولولى .
بص يا ستى فستان خطوبتى كان فضى بالجبير ومطرز الصدر كله ومنفوش وعليه من تحت وحدات جبير مطرزه
اما فستان الفرح كان ستان عليه طبقة اوراجنزا ومطرز كله على هيئة ورق شجر بالفضى والديل من تحت زى الصوره ده بالضبط ونص كم شيفون مطرز
واهم حاجه انه كانت الجيبونه تل كتير
اما بالنسبه للون فستانك يا هوبه انا بفضل انه يكون احمر علشان انت بيضا
حيديكى بهجه ومبروووووووووووووووووك وعقبال بنتى
شوفي ياعسل فستان خطوبتي كان ستان كورساج وديل قطعتين وكان لونه اخر درجه في اللموني مع اول درجه فالاخضر لونة غريب كده يوجه العين وكان التطريز فيه اخضر وروز واصفروطبعا محجبات
بالنسبة لفستان الفرح طبعا ابيض ساتان وجيبير خفيف جدا ومطرز بالاحجار الروز وفيه وردتين ريش روز واحده فالديل علي جنب والتانيه علي الصدر جنب الكتف كده والطرحة كانت تلات انواع التل المطرز بالفضي والتل الكريستال ونفس نوع الجيبير المطرز بالاحجار
بص يا ستى فستان خطوبتى كان فضى بالجبير ومطرز الصدر كله ومنفوش وعليه من تحت وحدات جبير مطرزه