[جين صبرى]

يلا يا فتوكات أعملوا الحمام ده قبل المقابله
عشان تلعلطواااااااا بكره 19/6 أن شاء الله

السلام عليكم يا حبيباتى
وحشتونى من آخر موضوع

محتاجه من وقتك أسبوع لمصلحتك ...أه والله
عايزه منك كل يوم ولمدة أسبوع تاخدى الحمام ده وهو عباره عن :-

شاور ( أى نوع تحبيه ) -- ماء ورد -- زيت زيتون
الطريقه:-
هاتى الشاور بتاعك وفرغى الكميه اللى حتستخدميها فى أى حاجه
( أنا مثلا مخصصه علبه بلاستيك بتاعتى محدش يستجرى يقرب لها )
وضيفى عليها زيت زيتون ... مقدار غطاء الزجاجه
وزودى ماء ورد بسسسسسسسسس
ورشى جسمك بماء دافىء الأول وبعدين هاتى ليفتك وخدى حمامك وياريت بلاش الرقه وأنتى بتاخدى الحمام ده ... يعنى أتعافى على نفسك شويتين
وبعد ماتاخدى الشاور المتين أدهنى جسمك بكريم جلسرين المضاف ليه زيت اللوز والليمون وكبسولات فيتامين e

والله أسبوع وبس ... وشوفى أنتى الفرق أنا مش حقول بيعمل أيه عشان مستنيه أنتوا تردوا وتقولولى بنفسكم
بس مش بعد التغيير الجميل ألاقي بنات المنتدى مقدمين فالفوازير ههههههههه
أنا مش مسئووووووووووووله

أنا أبتديت ... بس عشان خاطركوا حبتدى من الأول معاكوا
مين الجميله النظيفه اللى حتبتدى معايا

نسيت أقولكم بعد الحمام ماتنسيش تجيبى بخاخه فاضيه وتحطى بيها ماء ورد وبعد ماتنتهى من حمامك نشفى جسمك وبعد كده رشيه بماء الورد وياريت يكون ساقع

[حبيبة بابا]

انا انا انا يا قمر تسلمى
يلا يا بنات كل واحدة تجيب الليفة وتجرى على الحمام

[nona79]

تسلمي يا جين زي العسل والله

يلا انا كمان حجرب

[rawan432]

[جين صبرى]

حبيبة بابا ونونا وروان
شكرا على مروركم بس والله حمام مش عااااااااااااااااااادى
حبتدى معاكوا من السبت أوك
والله مش عادى واللى مش حتستحمى معانا هى الخسرانه

[@@خبيرة تجميل متخصصة@@]

انتي عسل بجد جين
وانا معاااااااااااااااااااك يااااااااااااااااجميل
بس انا بستحم كل يوم تنفع الوصفة دي كل يوم
بس عايزه اعرف اد ايه الكبسولات وزيت اللوز
النسب يعني
وكمان انا حاخد منك الوصفة علي ضمانتك

[rawan432]

كله تمام يا جين

[جين صبرى]

روان حبيبتى شكرا على مرورك وماتنسيش بعد الحمام رشى جسمك بماء الورد الساقع حطيه بالبخاخه

[جين صبرى]

خبيرة التجميل ده شرف لى ياحبيبتى... وأستعمليها وعلى ضمانتى
والحمام كل يوم بالطريقه دى لمدة أسبوع وحنبتدى من بكره أن شاء الله ونتقابل يوم السبت الجاى أن شاء الله
أما بالنسبه لعلبة كريم الجلسرين تكون علبه كبيره بس قبل ماتشتريها ياريت تاخدى بالك من نوع البشره يعنى تشترى حسب نوع بشرتك
الطريقه :- تجيبى علبة الكريم وحوالى 6 كبسولات فيتامين E وحوالى ملعقه كبيره زيت لوز وتخلطى المكونات كلها مع بعض وأتركيها يوم تقريبا لحد ماتلاحظى أن الكبسولات دابت بالكريم والعسل وبعد كده أعصرى عليها عصير ليمونه كبيره كامله وقلبيهم جيدا بطريقتك وأحفظيها بالثلاجه وتستخدم بعد كل حمام حتى بالركب والأكواع وكمان بين الفخدين وبالمنطقه وتحت الأبط
لون موحد بالبشره ورائحه منعشه

[حبيبة كريم]

جين بجد وصفاتك تحفة ودايما بتفدينا
بس عاوزة اعرف اية الكبسولات دى واجيبها منين وبس كدة

[جين صبرى]

حبيبة كريم أيه الصوره الجميله دى
شكرا على مرورك يا حبيبه
بصى طريقة الكريم وكبسولات الفيتامين مكتوبين فالرد على خبيرة التجميل
قبل مشاركتك على طول

[جين صبرى]

شىء غريب المشاهدات عدت ال100 والمشاركات 6 بس
هو مافيش حد بيحب يستحمى ولا أيه
ده حتى الدنيا حر ... أنتو حررررريييييييين
دى حاجه متجربه

[القطه]

طيب انا بستحمى كل سنه يوم عيد ميلادى تستنونى
هههههههههههههههههههههههههههههههههههههههه
يا ست الاواررررريب
ماعرفش ايه فيتامين e وبعدين ادهن جسمى كله ولا اجزاء وبعدين انتى عامله مشاكل فى الحمامات ليه ها
يعنى اقترحى عالمنتدى يعمل حمام جماعى
كلنا نشتحمى مع بعض وننضف مع بعض نحس ببعض
ومافيش جرايد ولا الجو الفاسد ده
انا طبعتها وهنفذ معاكى بس زيت اللوز هنا وفى الركب المتفحمه حلو ولا مر
انا مالقيتش المر لاقيت الحلو وما جبتوش ها قولى يا ستى يلا
يا اررررررروووووووووووووووبه

[umaesha]

ازيك يا جين عامله ايه انا النهاردة هقولك انا عملت ايه امبارح
ابدا جبت كل مكونات واصفاتك وعملتهم وحطيتطهم وازايز الدواء بتاعت عائشة البلاستيك الشفافه وابتديت من امبارح والصراحة ابتديت تجيب نتيجة بالنسبة للركب و المنطقة الحساسة هى نتيجة بطيئة شوية بس عايزة صبر وانا ان شاء الله ناوية اصبر للاخر
وبالنسبة للحمام انا برضه(وراكى وراكى )ناويه ابتدى يمكن اغير من الحال شىء
جزاكى الله خيرا يا جين

[umaesha]

كبسولات فيتامين e اللى هى الفوار ولا حاجة تانيه
معليش ارجو التوضيح

[أم روان]

ماشى يا قمر هبتدى معاك مع انى بحب اعمل بالزبادى لوحده وساعات بزيت الزيتون لوحده يلا نجر ب الخلطبيطه الحلوه دى

[جين صبرى]

قطتى المحتاسه حنستنى عيد ميلادك وأمرنا لله
ههههههههههه
أكلمنا عالخاص يا قطتى وحنتابع أن شاء الله

[miss_soso]

هاي جين معلش هو كريم الجليرسين ده حضرتك تقصدي كريم ايفا بالجلسرين مثلا ولا جلسرين خام كمان سؤال معلش ازاي اعرف ان ماء الورد نقي مش عليه كيماويات ولو في طريقه للشعر الي بيطلع تحت الجلد ويعمل زي حبوب صغيره اسفه على التطويل

[القطه]

اسكتى يا ارررروبه لملمى الوصفات حتجنينينا
ارحمييييييييينا

[القطه]

مش نازله هتصل بالصيدليه من هنا الوقت اتاخر
وجوزى محمرلى عينيه هحاول الف عالصيدليات بالتليفون وامرى لله
انتى متعبه هههههههههههه