أناعندى مشكلة أناعندى دلوقتى 30 سنة ولسة ما حصلش نصيب بالزوج المناسب مع إن بيقولو إنى جميلة و بيتقدملى كتير وإما أنا برفض لاسباب حاقولهلكم
إما الاعجاب بيكون من برة برة وخلاص وما بيجيش العريس البيت وقد يكون السبب إن بيقولو إن أنابرفض كل إل بيتقدملى ومابيعجبنيش حد أما أسباب الرفض من ناحيتى هو إن أنا من عيلة كبيرة وذات أصل والبلد إل أنا عايشة فيها كلها عائلات وعرفين بعض وأحيانا بيتقدملى ناس من عائلات من العائلات إل معروفة بإن مالهمش أصل و قد يكون له مركز كويس وبينى وبينكم أنا نفسى أتجوز من زوج له أصل عشان ولادى
وبيتقدملى كما من العائلات الكويسة بس ممكن يكون مؤهلة العلمى أقل منى وممكن يكون ملهوش عمل معين وأنا معى مؤهل عالى وكمان إخواتى مراكزهم الاجتماعية مرموقة جدا وكمان كل بنات العيلة متجوزين أحسن جوازات ومن أحسن العائلات ومن مراكز كويسة وأنا بقى زهقت من الموضوع دة والناس بتقول عليا إن بطفش العرسان وإن الناس بتخاف تتقدملى
دلوقى متقدملى عريس هو إبن خالتى بس المشكلة أن ظروفه وحشة عندهم مشاكل مع عمه ومع الجيران على أراضى وبينهم قضايا ونزاعات دايما وأنا بأكره المشاكل وكمان فى جيران إتهموة إتهام كيدى بالاعتداء على بنت متخلفه عندهم فى الشارع إنتقاما منه لان هو فاهم فى القانون لانه محامى وهو ال واقف قدمهم فى المشاكل والموضوع دة قلقنى لان العيار إل مايصبش بيدوش ودى سمعه وأنا قبل كدة رفضت أخوة الأكبر منة بسبب القضاياوالمشاكل لانى ذى ما قولتلكم ما بأحبش المشاكل يا ريت تفكروا معايا خاصه موضوع الاتهام الكيدى دة لانة قلقنى لان الحاجات دى عمرها ما بتتنسى مع إن هو خد براءة والموضوع إتهام وتلفيق للانتقام وتشويه سمعتة ودة إل قلقنى أنا طالبة المشورة والنصيحة عشان بالى يهدء أنا أسفه للتطويل عليكم لكنها بجد مشكلة
والناس مش شايفه غير إن بأرفض وبس لكن الاسباب مابنقلش عليها وبنقول مافيش نصيب والوضع دلوقتى قلقنى أنا مستنيه رآيكم .
اذا اعجبك الموضوع و اردت نشره في المنتديات الاخرى فاستخدمي هذا الرابط:
محتاجة المشورة منكم أرجو تقديم النصيحة حتى ترتاح نفسي
http://forums.fatakat.com/thread30011
نور عيني 
