[3achi9at_alferdawss]

السلام عليكم ورحمة الله وبركاته
اخواتي اقترح ان يكون هذا الركن خاص لتجمع الحوامل اللي غايولدو ان شاء الله

و ذلك لكي نتشارك ما نعايشه من تجارب يومية و نستفيد من بعضنا البعض

ارجو ان تروقكم الفكرة وانا بانتظار انضمامكم لي

3achi9at_alferdawss

اذا اعجبك الموضوع و اردت نشره في المنتديات الاخرى فاستخدمي هذا الرابط:
تجمع خاص بالحوامل
http://forums.fatakat.com/thread30017

[nona79]

جميل اوي تجمع الحوامل عجبني ان شاء الله بعد ما احمل اجيلكم

ربنا يقومكم علي خير وسلامة

[سندريلا 18]

عجباني الفكره
انا دخلت بس اقلكوا
يااااااااارب
يقومكوا بالف سلامه
يااااااااااااارب
ويعجل ولادتكوا كلها سهله
خصوصا حبيبه قلبي هيام القمر
ربنا يقومها بالف سلامه

[ام سعيد]

على فكرة انا مش حامل بس حبيت اشارك معاكوا وأقولكوا يا رب يقومكوا بالسلامة

[loli]

ربنا يقومكم بالسلامة و انا ان شاء الله هحصلكم قريب

[drnahla]

فكرة حلوة وانا حامل
واول واحدة اشارك معاكو من الحوامل
يا سلام لو نتابع الحمل مع بعض للنهاية ونقضى الرحلة مع بعض
انا حامل ف الشهر الخامس
وولادتى ان شاء الله ع 8/11

[3achi9at_alferdawss]

رحبا باخواتي الله يفك وحايلنا و وحايل كل حماملة على خير
شكرا على تفاعلكم و اتمنى ان يكون لنا اجتماع يومي بهذا الركن ان شاء الله
انا اول حمل لي و راني دايخة بزاف دالحوايج ماكنلقا لهمش الاجوبة

ان شاء الله انا موعد ولادتي في شهر5/12 اتمنى لجميع الحوامل الفكاك على خير

[3achi9at_alferdawss]

كيفكم بنات والله انا داااااايما نعسانة نايمة راحت ايام لسهر واللي بحسه خمول وشوية غثيان اول مأصحا من لنوم
و صايبني جوووووووووووووووووووووووووووووع رهيب انشالله ما يطول............... ولكن باين عليه هيطول
وانا ما فيني وجع اللا نخزات بسيطة بالرحم عادي وانا باول لتاني لتالت....................على نااااااار
اتصدقون بنات انا صايره عصبيه زياده عن اللزوم هل الهرمونات في بدايه الحمل تلعب فينا جذه.
.شكرا مدامdrnahlaعلى رد ك أنتى عاملة أية مع الوحام وأخبار النونو بتاعك أية ربنا يرزقك ويرزق الجميع بالذرية الصالحة المعافاة .
وبشكر لأخوات loliوأم سعيد وسندريلاومنى ولله يعطيكم العافية أخواتي على ردودكم لموضوع وأتمنى الموضوع أو هذا التجمع يعجب كل الحوامل

الله يثبت حملنا كلنا يارب
أختكم عاشقة الفردوس

[بنوته شيك]

بجد موضوع جامد اوى ويستحق التثبيت

وارجو من كل وحدا تقيم الموضوع عشان فعلان هو مهم وهيفدنا كلنا

انا مخطوبه وقريبا هتجوز ازاى احسب فتره الدوره الشهريه وكمان انا حسا انها اتأخرت ومش عارفا ليه

هى بتيجى اخر الشهر وتاخود اول اسبوع من الشهر الجديد حصل كدا فى شهر 4

وخد اول اسبوع من 5 وانا فى اخر 5 واول سته مجتش لحد دلوقتى اعمل ايه ياترى فى ايه مش عارفا انا فرحى 5 شهر 8

[drnahla]

بجد موضوع جامد اوى ويستحق التثبيت

وارجو من كل وحدا تقيم الموضوع عشان فعلان هو مهم وهيفدنا كلنا

انا مخطوبه وقريبا هتجوز ازاى احسب فتره الدوره الشهريه وكمان انا حسا انها اتأخرت ومش عارفا ليه

هى بتيجى اخر الشهر وتاخود اول اسبوع من الشهر الجديد حصل كدا فى شهر 4

وخد اول اسبوع من 5 وانا فى اخر 5 واول سته مجتش لحد دلوقتى اعمل ايه ياترى فى ايه مش عارفا انا فرحى 5 شهر 8

بصى يا بنوتة
تاخير الدورة طبيعى يحصل وبالزات انتى ف فترة ضغط وقلق
المهم لو جات خلاص
لكن حاولى ع اول شهر 8 انك تاخدى حبوب لتاخير ميعادها عن ميعاد الفرح
لو حسيتى انها هتيجى ف ايام الفرح
زىGYNERA
.,,,,خى قرص يوميا من الشريط قبل ميعاد الدورة ب 5 ايام واستمرى عليها حتى ينتهى الشريط او عندما ترغبى ف نزول الدورة توقفى عن اخدها
بس اعتقد انها كدا اتظبتت لوحدها
يعنى احتمال هتيجى ع نصف شهر 6
وبالتالى هتبقى ع نصف 7
فلا تقلقى
والف مبروك ع الزواج يا عروسة

[drnahla]

#8
منذ 15 ساعات
3achi9at_alferdawss



بصى يا حبيبتى
انا مش عارفة اسمك
بس انا ف حملى الاول كنت بدوخ وعندى ترجيع
ومش طايقة ريحة الاكل
بس ف اول 3 شهور
لكن ف حملى التانى الان
لم اشعر سوى بالدوخة
وكشفت لقيت عندى فقر دم واعالجها الان

والحمد لله بتابع مع دكتورة طمنتى ع ان نموالبيبى جيد
وان شاء الله انزل مصر للولادة ع اول شهر 10

[قطرات الندى 2]

انا كنت بفكر فى التجمع ده لكن الحمد لله انكم عملينه
انا حامل فى الشهر الرابع واول شهرين حمل كانوا اصعب شهور عدوا عليا
وحاليا بقوم الصبح مش طايقه نفسى وبنام متاخر على فكره عشان ظروف زوجى فى شغله وكمان مباكلش خالص غير بالعافيه ومش عايزه اكل مع انى عارفه ان ده غلط لكن مش قادره والدكتور قالى انى ضعيفه ووزنى بيزيد بنسب قليله اوى ولسه بعانى من غثيان لحد دلوقتى مع انى اعرف انى فى الشهر الرابع ده المفروض كل حاجه تتحسن كان نفسى فى التجمع ده عشان تشجعونى انى افطر واتغدى واتعشى انى اكل تلت وجبات يعنى لانى مبكولش غير واجبه واحده فى اليوم تانى حاجه انا مش بطيقالمطبخ وطبعا لازم ندخله عشان تعملى الاكل كل يوم وتعبت فعلا من الحمل اوى
وساكنه فى الدور الخامس لو نزلت مشوار وخرجت مثلا بره لفتره ورجعت ببقى تعبانه جدا جدا جدا وكمان عندى صداع كل يوم موجود يروح ويجى يروح ويحى كنت بنام كتير نوم غريب كده لحد اخر الشهر التالت بس لقيت النوم بيضيع وقتى ومبلحقش اعمل حاجه فحاربت النوم بس معتش عارفه اعمل حاجه فى شقتى بجد مضايه كمان م الحكايه دى حاسه انى قرفانه من كل حاجه
كمان بطنى لسه مبنش عليه حمل امتى البطن بتبان؟وامتى البيبى بحس بحركته؟وانتى بعرف انه ولد ولا بنت؟ولو عندكوا حل لغلق الشهيه ده قولولى لانى حاسه ان ده خطر على الجنين؟وممكن قعد اكل فى شبسى وحاجات الاطفال لكن ما كلش اكل صحى

[drnahla]

بصى يا دودو
بالنسبة للكل انا مش باكل بردو
بس باخد فيتامينات زى ثيراجران
بردو باخد كالسيوم وفوليك اسيد
لكن باكل الخضروات كتير
زى الجرجير والخيار والجزروالطماطم
وباكل فاكهة
لكن لا اكل الارز واللحوم
بس الجبنة الاسطنبولى حلوة قوى مع الفلفل والخيار والطماطم
بالنسبة لبطن بتبان ف الشهر السابع اكتر
والبيبى بيتحرك ع نصف الشهر الخامس تقريبا
بتعرفى نوع الجنين بالسونار ع الشهر الرابع.......لكنه مش اكيد

[قطرات الندى 2]

اممممممممممممممممممممممممممممممممممم
يعنى مفيش حركه الشهر ده
جايز يكون كسلى عن الاكل عشان انا الى بنزل اجيب طلبات البيت بنفسى بس انا نفسى فى نظام امشى عليه اسكيما يعنى لو تعرفى تحطيلى نظام عشان انظم حياتى شويه يبقى جزاكى الله خير لانى تعبت اوى

[بنوته شيك]

مرسى لردك يا قمر

[مهوهه]

وأنا كمان حشارك معاكو أنا حامل في آخر السابع وولادتي إن شاء الله في 20 /8 يعني تقريبا كمان شهرين وبالنسبة لدودو عشان تخففي من الغثيان حاولي قبل ما تقومي من السرير تاكلي توست محمص أوبسكوتة مع عصير وبعد ربع ساعة كدة قومي عادي وكلي وجبات صغيرة وكتيرة وربنا يسهلك
والمرة الجاية حكتبلكوا أدعية لتثبيت الحمل وتسهيل الولادة إن شاء الله
يلة أستودعكم الله

[ولاء محمود]

حلو أوى التجمع ده أدعولى اكون معاكم قريب وربنا يقومكم بالسلامة وتجيبوا بنات وولاد أشقية جدا وعسولين وسكر

[قطرات الندى 2]

مرسى ليكى يا مهوهه وياريت فعلا تجيبيلنا الادعيه دى وفكرة البسكوت دى قرتها قبل كده فى النت لكن معملتش بيها لكن باذن الله هبدء اشتريها واطبئها
وعندى حبيتين باخدهم واحده كالسيوم والتانيه حديد وطعمهم مر جدا و حباية الكالسيوم كبيره اوى بخلى جوزى يقسمهالى كل يوم الصبح عشان اعرف ابلعها ودى بتتاخد بعد الفطار ومشكلتىا نى مش بقدر افطر هجرب كده البسكوت عشان اعرف اخد حباية الكالسيوم دى حتى انشاء الله ربنا يسهل ولادتنا كلنا وتكون فى ساعه مفترجه يارب
وانا ناويه اجبلكم مجموعه عن رشاقة الحامل

[ميرامار]

انا عجبني اوي الموضوع دا ....وانا هشارك معاكوا ...انا في لسة مخلصة الشهر الرابع امبارح والنهاردة اول يوم في الخامس ...كل شهر والنونو طيب .ههههههههههه ......... بس انا مبسوطة اوي لأني حسيت امبارح بأول حركة للنونو وانا ولادتي انشاء الله على14\11ربنا يقومنا كلنا بالسلامة يااااارب ويخللي الولادة سهلة انا نفسي اولد طبيعي ... وانا كمان على فكرة عندي ادعية تسهيل الولادة هابعتهالكوا على طول .... وربنا يكملنا كلنا على خير

[ميرامار]

يا جماااااعة انا جبتلكوا الادعية(نقل الامام السيوطي رضي الله عنه فيي (الاتقان)عن ابن السني انه لما دنت ولادة السيدة فاطمة الزهراء رضي الله عنهما,امر النبي صلى الله عليه وسلم زوجته السيدة ام سلمة والسيدة زينب بنت جحشرضي الله عنهما ان يأتياها فتقرءا عندها:
_اية الكرسي.
_وقوله تعالى (ان ربكم الله الذي خلق السموات والارض في ستة ايام ثم استوى على العرش يغشي الليل النهار يطلبه حثيثا والشمس والقمر والنجوم مسخرات بأمره ألا له الخلق والأمر تبارك الله رب العالمين).
_ المعوذتين..)


يااااااارب يا جماعة اكون افدتكوا ادعولي بالطفل السليم الله يخليكوا...وربنا يقومنا كلنا بالسلامة ......