تنبيهات هامة:
اولا) اذا وصلتك اي رسالة خاصة من عضوة تعرض عليك الانضمام لمنتدى اخر فارسلي رسالة خاصة فيها اسم العضوة الى احدى المشرفات لايقاف سرقة العضوات، ايضا اذا وصلتك اي رسالة خاصة من عضوة تعرض عليك بضائع للبيع فارسليها الى احدى المشرفات.
ثانيا) تجاهلي اي موضوع يتكلم عن شحن الجوال ببلاش او وجود ثغرة في موبينيل او فودافون او اتصالات حيث انها تسرق رصيدك!
ثالثا) الرجاء عدم اضافة مواضيع عن الجرائم او الصور المفزعة او صور فيها نساء متبرجات او اغاني او انتقاص من قدر اي شخص.
.السلام عليكم ورحمة الله وبركاته ياجماعة انا جيبلكم موضوع ويار يعجبكوا أيه رأيكم كل وحدة مرت بتجربة جامدة اوى تحكيلنا عليها وتقولينا أيه كان تصرفها علشان نتعلم منها وكمان لو وحدة فى مشكلة وش عارفة تتصرف تقولينا وممكن نحلها مع بعض ويارب يعجبكوا(نجمةةةةةةةةةةةةةةةةة) .
الفكره حلوه اوى يا جماعه
وعجبتنى جدا لإن الواحده بتحب ساعات كتير انها تتكلم مع حد وخصوصا اما تكون ست زيها وبالذات لو قاعده لوحدها زيى كده تعد حوائط البيت
مفيش مشكلة ملهاش حل يا سندريلا ...
أنا عن نفسي معنديش خبرة في موضوع الشقق ، ولكن مش ممكن تجددي الإيجار لنفس الشقة؟ ولو لفترة قصيرة لغاية مايكون معاكم المبلغ المطلوب ....
استعيني بالله وصلي ركعتين (الحاجة) وادعي وأكيد في حل....ربنا معاكي.
فكرة المشكلات وحلولها دي جميلة وعجباني وعايزة أشارك فيها، وبالنسبة ليك يا سندريلا لو المبلغ اللي معاكو يجيب لكم شقة حتى لو صغيرة لأن انتو لسه في بداية حياتكم تتنقلو لها ولما ربنا يفتح عليكم تجيبو حاجة أحسن وعليك يا حبيبتي بالاستغفار ربنا يفتح عليكم ويرزقكم ويلهمكم اللي فيه الخير لكم.
أزيكوا أنا ماكنتش عارفة أنى ممكن ألاقى الردود دى كلها بس شكرا قوى بس انا ممكن قول حاجة (لسندريلا) أنا معاكى أن الشقق أه بقت نار بس كل مكان وسعره يعنى مثلا أنتى لومن القاهرة لوروحتى اجرتى شقة على النيل أقل حاجة 4000 جنيه بس مثلا فى أماكن مثلا زى الهرم - امبابة وفيها أسعار كويسة بس بليز لما تحبى تأجرى شقة أهم حاجة تعمليها وتكون فىالأ عتبار راحتك وراحة جوزك مش لازم تكون جنب ماما او فى مكان هاى قوى وربنا يكرمكوا أنشاء وتلاقى حاجة كويسة
انا معاكم جدا في القسم دة وبصي يا سندريلا في دلوقتي الشقق القانون القديم او التنازل مش شرط تبقي في منطقة راقية انتي لسة في اول الطريق وبعدين في حل تاني خدي قانون جديد بس اشرطي في العقد مدة طويلة يعني ممكن تكون5 سنوات وفي المدة دة ربنا يرزوقك انتي وجوزك ودعي ادعية سعة الرزق وفي دعاء مهم جدا كانت بتدعي بية السيدة عائشة اللهم يا فارج الهم وكاشف الغم ومجيب دعوة المضطرين رحمن الدنيا والاخرة وحيميهما ارحمني رحم تغنني بها عن رحم من سواك
يا جماعه انا بشكركم جدا بس انتم ليه شايفين ان انا عاوزه شقه كبيره وفى منطقه هاى والحاجات الجامده دى
يا جماعه انا كل اللى بدور عليه شقه عاديه فى اى منطقه فى المدينه اللى انا قاعده فيها
اما بالنسبه للايجار القديم فمش موجود خلاص يا جماعه والايجار الجديد مش مستقبل برضو
انا شقتى الحاليه ايجار جديد ومدته خلاص فطبعا هاقعد اتنقل من هنا لهنا كل شويه
اكيد يا جماعه مش ينفع ابدا
انتو عارفين انا نفسى بس الاقى شقه تمليك ويكون سعرها ابن ناس كده مش كبير
وساعتها بقى الدنيا وما فيها والحمدلله على كل شىء
حبيبتى صلى ركعتين استخارة وربنا يوفقك ولا تنسى الدعاءبى اللهم يا فارج الهم وكاشف الغم ومجيب دعوة المضطرين رحمن الدنيا والاخرة وحيميهما ارحمني رحم تغنني بها عن رحم من سواك
ان اللة مع الصابرين ياحبيبتى ولاتفتكرى انك لوحدك فى هذة المشكلة دى مشكلة شباب كتير استعينى باالصبر والصلاة واسعى وعلى اللة التوفيق يعنى ماتازميش نفسك دورى دلوقتى على ايجار جديد تانى وعوضى الحكاية دى بحبك لزوجك وقولى كل شىء يهون واحنا سوى وحاولى تسعوا مثلا بفرصة للسفر لتحسين الدخل وارمى حمولك على اللة هو خير معين ان شاء اللة
جربي يا سندريلا انكو تدوروا في المدن الجديدة او اي مشروع سكن للشباب عرفا مشكلة السكن دي اصبحت مشكلة جيل كامل و محدش برحم صلي لربنا و ادعي انه يوفقك حاولي تدوري في اي مناطق حتى لو بعيدة عن منطقتك الان او حولي تمدى فترة الايجار شوية لحد متلاقي مكان جديد اتكلمي مع صاحب المكتن و ان شاء الله يتفهم الموقف و ربنا يوفقك
السلام عليكم ورحمة الله وبركاته ياجماعة انا جيبلكم موضوع ويار يعجبكوا أيه رأيكم كل وحدة مرت بتجربة جامدة اوى تحكيلنا عليها وتقولينا أيه كان تصرفها علشان نتعلم منها وكمان لو وحدة فى مشكلة وش عارفة تتصرف تقولينا وممكن نحلها مع بعض ويارب يعجبكوا(نجمةةةةةةةةةةةةةةةةة)
وانا وجوزى المبلغ اللى معنا مش كبير انه يجيبلنا شقه كويسه 
