[سندريلا79]

اهلا يا ريهام يا قمر
انا من مصر من القليوبيه

[سندريلا79]

ميرسى يا dondon على مشاركتك
وفعلا عندك حق دى مشكلة جيل كامل
وان شاءلله اكيد هنحاول الاول مع صاحب العماره وربنا يسهل

[دينا86]

رنا معاكى ياسندريلا
انا مشكلتى ياجماعة ممكن تستغربولها شوية انا شديدة الارتباط باسرتى لدرجة المرض مشكلتى انى بخاف من الزواج لانه هيبعدنى عن اهلى وخاصة ان معظم اللى بيتقدمولى من خارج محافظتى والحاجة الغريبة ان اخواتى اساسا في المستقبل مش هيعيشوا فيى نفس المحافظة لان لكل واحد شغله فى محافظة تانية وانا باه تايهة جدا ومش عارفة اعمل ايه وزخاصة لما ابص لقدام وافكر فالمستقبل اللى حاسة انه مجهول ومظلم بالنسبة ليا يعنى باختصار نفسي احس بالامان فى الزواج وحاسة ان ده مش ممكن يتحقق الا اذا كنت في وسط اسرتى واخواتى وده صعب انه يتحقق جدا
المشكلة ممكن تكون هايفة وبسيطة للكثيرات لكن هى فعلا بتؤرقنى بشدة
تفتكروا ايه الحل؟؟؟؟؟

[دينا86]

سندريلا اقصد
ربنا معاكى

[سندريلا79]

حبيبتى دينا اولا: كده اذكرى ربنا وابعدى النظره المتشأمه دى عن عنيكى
ثانيا بقى وهو الاهم :هى دى يا حبيبتى سنة الحياه والحياه لا تتوقف عند الزواج والبعد عن الاهل بالعكس دى البدايه يا حبيبتى
وانتى بنفسك قولتى ان اخواتك كل واحد فيهم هايروح محافظه تانيه علشان شغله يعنى علشان يبتدى حياته واكيد برضو هايدولا على شريكة حياته اللى هايبتدى معاها حياته وانتى كمان لازم تبتدى حياتك حياه جديده سعيده ان شاءلله مع زوج متدين ومحترم يصونك وتكونوا مع بعض اسره جديده زي والدك ووالدتك وكل الناس
وهيا دي سنة الحياة يا حبيبتي

[فطيمة]

شوفي حد من اهلك او اهل زوجك قبل ماتنزلو يشوف سمسار يشوف لكم كام شقه ايجار علي تمليك باسعار معقوله وانتو تختارو ناس كتير عملت كدة وان شاء الله تتسهل

[سندريلا79]

والله يا طمطم عملنا كده لكن اللى ايده فى الميه مش زى اللى ايده فى النار
والكل فاهم اننا معنا كنز وبيجيبولنا شقق وبيوت بأسعار نار نار نار
وغير كده محدش بيسأل والكل يقول هو ده الموجود
والحمدلله على كل شىء

[دينا86]

انا فعلا ياسندريلا عارفة ان نظرتى متشائمة وناس كتير قالولى كده بس التفكير ده بجد مسيطر عليا وغصب عنى مش قادرة افكر غير كده بس مش عارفة هى كل الناس زيي كده ولا انا بس اللى بفكر كده يعني اللى اتجوزوا قبلى كانوا بيفكروا كده ولا كانوا عاديين وشايفين ان ده شئ طبيعي؟؟؟؟

[فتكات]

تعرفي يا دينا الاحساس ده عادي جدا .. و اخواتي الكبارالبنات مروا بيه كلهم قبل الجواز .. فبعد الجواز ما بيقدروش يبعدو عننا اسبوع واحد و يشتغلوا عياط في التليفون .. و بعدين استني عليهم كام شهر لحد ما ييجي اول نونو .. صدقيني بتحايل عليهم عشان ييجو ..
عارفة يا دينا كل المخاوف دي هتروح منك و مش هتلاقيلها اثر لما تقابلي ابن الحلال او صاحب النصيب اللي هتنسى معاه كل حاجة ويملى عليكي حياتك الجديدة ..
انا بقول كده لنفسي من خلال تجربتي مع البنات اللي سبقوني بالجواز و منهم اللي اتجوزت في محافظة تانية لا و بلد تانية كمان ..
ايه رايك بقى ؟

[coca]

انا كمان عندى نفس مشكلة سندريلا انا متجوزة بقالى 7 شهور و وخدة الشقة ايجار بس لمدة سنتين و فات 8 منهم و انا خايفة من الى جى معيش فلوس تكفى شقة تمليك و الحاجات بقيت ولعة ومش عارفة اعمل اية ،،،،،،،

[اشرقت]

ربنا يوفك ياسندريلا

اختى دينا ان عندى نفس الاحساس ولما حد بيتقدم لى من مكان بعيد بارفض لانى نفسى استقر قريب من اهلى بس مش لازم نكون لازقيين فيهم عادى لو يكون بينك وبينهم ساعة او ساعة ونصف
وبالنسبة لاخواتك ادعيلهم كلهم بالسعادة ولازم كل واحد يشق طريقه فى الحياة
واكيد حتشوفيهم مش لازم بنفس عدد المرات قبل الزواج

[سندريلا79]

ربنا يكون فى عوننا يا كوكا يا رب
الايام بتجرى بسرعه جدا والواحد مش عارف يعمل ايه ربنا يسترها علينا

[فتكات]

و يرزقكم من حيث لا تعلمون يا كوكا .. ما تنسيش ان لينا رب كبيييييييييييير اوي اوي ، و بكرة ربنا يوسع عليكو و تجيبو تمن الشقة اللي عمرك ما حلمتي بيها .. و لكن عليك بالدعاء و التوسل الى الله دون جزع او قلق او ياس و ارمي حمولك على الله ، و لما الفرج ييجي ما تنسيش ان انا بشرتك .. اتفقنا يا جميل ؟

[مهاجز]

انا الحقيقة عجبني الموضوع كثير و بالنسبة لسندريلا ملازمش تقطعي رحمة الله لانه لوحده سبحانه و تعالى واحسن حل انك تستعيني به من اجل ان يساعدك و كمان لازم تفكري ازاي تعمل عمل اضافي من اجل تحسين الدخل و الله يسترها معاكو ان شاء الله و بقيتي في حبيبتي لاني بضايق كثير عندما احس ان اختي في الله تواجه مشكلة لكن صبر جميل و انا و كافة العضوات مساندينك بدعواتنا لله من اجل ان تجدي الحل الانسب .هل ليك اولاد عذرا من اجل سؤالي بس حابة اعرف بس .

[سندريلا79]

تسلمى يا اختى مهاجز على ردك وكلامك الجميل
وانا الحمدلله عندى ولد عنده 5 سنين ربنا يباركلى فيه

[جمانة]

فكرة جميلة بس حد يبدأ؟؟؟؟؟؟؟؟؟؟؟؟؟؟؟؟؟؟

[جمانة]

أرجوكم أدعوا لأمي بالرحمة والمغفرة لأنها كانت أحلي حاجة في حياتي

[مرام]

الله يعينك على المشكة دى بس فيه تقديم شقق بمجمع التحرير روحى ومعاك قسايم الزواج
بس انا للسف مبينفعش لانى فلسطينية وزوجى مصري
لازم الاتنين مصريين
وشوفى يا رب الله يوفقك

[مرمريكا]

ياجماعة انا كتبت تجربتى ارجوكم شوفوها وقولولى رايكم

[زوزو الهلالي]

الفكرة جيدة جدا وجميلة لكن الأجمل أن نجد حلاً للمشاكل المطروحة بشكل أكثر إيجابية
مثلاً لو الأخت سندريلا تذكر المدينة التي تعيش فيها ممكن لو إحدى الأخوات
1 عندها بيت فيه شقة ممكن تؤجرها لها بإيجار رمزي.
2 عندها جارة أو قريبة لديها شقة تؤجرها لها.
3 ربنا موسع عليها وعندها إمكانية المساعدة المادية.
4 وهكذا وهكذا وهكذا
يعني هذه بعض ما ورد في ذهني حالياً وأرجو أن تشارك الأخوات بشكل أكثر إيجابية ولكم الشكر.