[أم روان]

.السلام عليكم وحشوتونى يا احلى بنات ومشرفات ومراقبات وطبعا قمرة القمرات فتكات
الاول مبروك على قسم الاحلام
ثانيا كل واحده تدخل تقول اعترافاتها

اما الان
الاعترافات
كلنا لينا اعترافات وقرارات اثرت وبتأثر على حياتنا
انا هابتدى
اعترف اننى
بطلت العند
بدأت اسمع النصائح خصوصا ممن يحبوننى
اننى حنونه لدرجه تفرس
احب الحلويات لدرجة الخطر
دائما ابادر بالصلح مع زوجى فقط .....علشان ربنا بس
لو نمت جعانه باكل فى الحلم
قبل الزواج كنت اقدم ساعتى ساعه واحده عندمااخرج
الانطباعات الاولى تدوم فى تعاملى مع الناس
اخذت قرار نهائى ان ابيع الى يبعنى
احب شراء الملابس
عموما بحب الشوبنج
ادعوا من الله ان اقضى باقى عمرى فى مكه اوالمدينه

عاندى هوايات كثيره لاكن لايوجد عاندى الوقت
الحمل والولاده استنفذ قواى وبرغم ذلك
بادعى ربنا يدينى ثلاث ولاد على الثلاث بنات
همى فى الدنيا اسعاد الاخريين
عشت طفوله سعيده
أهم اعتراف اننى اشتقت لكم كما اشتاق لاهلى
احب فتكات
كل واحده تدخل تعترف قبل ما تطلع

.

[7abibet gozha]

اعترف ..
انى طيبة اوى مع الناس زيادة عن اللزوم
انا مش غبية و بفهم اللى قدامى كويس
انى بضايق ساعات من جوزى لما بيعند عليا
بضايق انى دايما انا اللى بصالحه بس بقول ان هو الراجل
بقالى شهرين مبسوطة جدااا اكتر من اى وقت ف حياتى من ساعة ما اتجوزت
بعترف انى عصبية
مبعرفش اطبخ
ساعات بحس ان اخوات جوزى فيهم شوية لؤم بس هما كويسين
بحب حماتى جداااااااااااا بجد
نفسى اخلص كلية عشان اخلف بقاااااااااااااااا
اعترف انىزعلانة جدا من نفسى عشان انا انهاردة اتعصبت على جوزى من غير لزمة يعنى عشان واحشنى اتخنقت معاه بس ميتنياه يرجع عشان اصالحه ربنا يرجعه بالسلامة
بس كدة

[dall3 ya dall3]

انا طيبه
بس عصبيه جداااااااا
وعنيدة
وعامله دايت ونفسى اوصل للوزن اللى عاوزاه عشان خطوبتى قريب
ومبعرفش اطبخ
انا مليش اصحاب غير بنات خالتى هما دول اصحابى واخواتى وحبايبى
نفسى تبقى حياتى سعيدة وان اللى هتجوزة يعوضنى عن بابا الله يرحمه ولو شويه
بحب الاغانى الاجنبى موووووووووووووووووت
وبحبكم كتير والله اووووووووووى

[أم روان]

dall3 ya dall3
انا كنت عصبيه وعنيده بس حالتى فيها تقدم كبير
7abibet gozha
يارب يرجعهولك بالسلامه
مرسى يابنات على التفاعل من التالى؟؟؟؟؟؟؟؟؟

[حتة سكرة]

انا حنينة اوى
بس دماغى ناشفة (جذمة يعنى )
خطيبى بيفرسنى بهدؤة الزيادة
قررت انى اكون باردة
بصراحة اكتر لسة بحاول
نفسى اتجوز
وربنا يرزقنى ببنت وتكون زى القمر
نفسى ربنا يكرمنى فى شغلى
ويخليلى اهلى
ويهدى يوسف (خطيبى)
عندى صاحبة واحدة بس (بحبها موت )
انا كمان بحاول اعمل دايت (كرش بس)
وبحبكوا اوى اوى اوى

[ننوسه]

بجد بحس نفسى طيبه اوى
اتغيرت عن زمان بقيت شريره شويه او بمعنى اصح مبقيتش هبله زى الاول
همووووووووووووووووووووووووووووووت واحب واتحب بس بالطريق الصح يعنى اتجوز وكده
اقسم بالله مستعده ادفع نص عمرى واحضن امى مره واحده( لا عمرى كله واموت تانى معاها)
اهتمامى بالناس مبقاش زى الاول
مش بستمتع بالحاجات زى زمان
حاسه انى كبرت اوى فى السنتين اللى فاتو دول
بموت فى اكل الفشه والمومبار

لو افتكرت حاجه تانى هبعت اقولكو

[أم روان]

ننوسه ربنا يفرح قلبك بأبن الاحلال وامه تكون حنينه وتوعوضك عن فقدان الام
يا جماعه الى بيدخل ويطلع على الفاضى يقول حاجه اى حاجه

[ام ملوكة]

انا طيبة اووووووووى مع الناس
لكن ااعترف انى عصبية جداااااااااااااا بمعنى اصح نرفوذة اوى وبتنرفذ بسرعة جداااااااااااااا
جوزى بيجننى بهدوووووووووووووووووووء اعصابة
بتنرفذ على بنتى كتير لكن برجع اصالحها بسررررررعة
بحب امى اوووووووووووووى ونفسى ربنا مايحرمنيش منها ابدا
كان ليا اصحاب كتير قبل الجواز لكن كلهم اجوزوا وانشغلوا عنى
اكتر صاحبة ليا دلوقتى هى امى اقرب واحدة ليا ربنا يخليهالى يارب قولوا امييييييييييييييييييييييييييييييين
زعلانة اوى من حماتى عشان عاملة مشاكل كتير اوى بينى وبين زوجى
عشان ابنها الوحيد وانتوا طبعا عارفين يعنى اية الابن الوحيد ادعوالها ربنا يهديها وتعاملنى زى بنتها( والله حاسة ان دة عمرة مايحصل كدة )
بحبكم اوووووووووووووى يا كل اخواتى فى المنتدى

[أم روان]

يارب يهديلك حماتك أم ملوكه ويهدى كل الحموات الى على وجه الارض فى ليله واحده نصحى نلاقيهم بقو ملايكه

[بنت ناس]

انا مش حقول انى طيبة بس الكل بيقلى انتى طيبة لدرجة الهبل

انا ماما وبابا منفصلين

اول اعتراف استعدوا انا مبحبش بابا خاااااااااااالص واى حاجة تحصل فيه او معاه مبتاثرش فيا خالص

تانى اعتراف انا بموووووت بماما يعنى بخاف عليها من الهوا الطاير

انا مدرسة رياضة

جسمى رشيق يعنى واصلة للوزن المثالى

مخطوبة وبحب خطيبى وفرحنا قريب جدا

وعلى فكرة انا مش ناوية اعزم بابا علشان بيهمنيش يحضر

انا عارفة الكل حينصدم بس هو الى عمل كدة فيه وفينا ويستاهل القسوة دى

بحب المكرونة بكل انواعها حتى لو مرشوش عليها سكر ههههههه

عصبية جدااااااا لدرجة انى بنسى مين واقف قدامى وانا منرفزة

بس بحاول اخفف اصل ماما بتقلى على كدة حتزورينا بعد اسبوع من فرحك بشنطة الهدوم فاهمين انتو صح

موضوع رائع جدا

[أم روان]

ايه يا بنت ناس ده برضو كلام
اعزمى بابا علشان خاطر اكتر واحد بتحبيه بتحبى ربنا؟
شوفتى انتى بتحبى خطيبك ازاى علشان الحب ده يوصل لاولادك وانا متأكده ان
فى يوم من الايام هتعرفى ان بباكى بيحبك

[بنت ناس]

شكرا يا ام روان يا عسل

بس دى قصة طويللللللللللة جدااااااااا صعب تنحل بكم يوم

انا عارفة ومتاكدة انو ربنا معايا لانى حاولت كتير بس ده الى بيحصل

القسوة بتزيد والبعد جفا

انا مشكلتى انى مبحبهوش علشان كدة مش متقبلة منو حاجة خالص

يا ستى ربنا يفرجها علينا ويسامحنا

[أم روان]

يارب يفرح قلبك يا قمريابنت ناس

[ايتاب]

عنديه
عصبيه
شخصيه قويه
غير قابله للتغيير
احب الحياه
احب اكل المطاعم
ما احبش حد يهزر معايا هزار تقيل نهايته سودا
احب اتعرف على كل الناس حتى لو فى المترو
بكره حماتى وبناتها احساس متبادل
احب اخوات زوجى الاولاد
يا خرابى طبعا بحب جوزى
بحب اخد حقى
بحب اضرب العيال الى اهاليهم مدلعاهم
رومانسيه تتخيلى يا أم روان

[ايتاب]

[hobe_ahmed157]

[السلام عليكم ورحمة الله وبركاته
انا هعترف بانى مبقتش اثق فى حد
فقدت حتى الثقه فى نفسى
وكرهت حاجات كتيييييييييييييييير

[7abibet gozha]

a3trf en gozy zy l 3assaaaaaaaaaaaaaal

[أم روان]

[السلام عليكم ورحمة الله وبركاته
انا هعترف بانى مبقتش اثق فى حد
فقدت حتى الثقه فى نفسى
وكرهت حاجات كتيييييييييييييييير

على فكره يا هوب عدم الثقه فى الناس دى بقت سمة العصر
لكن البديل تزداد ثقتك فى نفسك
انا بعمل كده مش بثق فى اى امرالا الى بعملو بنفسى
ولو كرهتى حاجات حبى حاجات احلى منها تغيير

[أم روان]

a3trf en gozy zy l 3assaaaaaaaaaaaaaal

ربنا يخليهولك يا جميل
انا بقى نسيت اقول ان جوزى قمر

[7abibet gozha]

ربنا يخليهولك يا جميل
انا بقى نسيت اقول ان جوزى قمر

Rbna y5lehomlna ya Rab w mby3dnash 3nhom abdn