[7abibet gozha]

اعترف انى ابتديت احس ب ملل
الامتحانات خلصت و مبقاش فى مزاكرة و لا بقى فى اى حاجة اعملها
و محمد بيصحى من 8 و نص افطره و البسه و يرجعلى الساعة 4 ياكل و ننام شوية و نصحى نعد ساعة سوا بعدين ينزل عل المحل و لا يسبنى ف البيت يا يودينى عند حماتى بس انا زهقت و هو حاسس ب كده بس اعمل ايه ماهو بيرجع الساعة 2 بليل و انا كل ده لوحدى يا عند حماتى
هى ست طيبة جداا بس برضه محدش بيرتاح الا و هو ف بيته و ف نفس الوقت ف البيت ببقى لوحدى مش قدامى الا ال نت
و لو على الخروج انا معرفش حد خالص هنااااا و حتى لو اعرف محمد غيور اوى و بيغير حتى من اصحابى البنات متعلق بيا تعلق الطفل ب أمه و انا بحب ده بس المشكله طيب انا هعد اعمل ايييه
الوقت اللى بيبقى موجود ف البيت بيبقى تحفة بس و هو نازل والله ببقى هعيط
واحشنى اوى بجد

[أم روان]

[مجروحة من اغلى حبيب]

من غير ضحك بموتتتتتتتتتتت في الزيتون المخلل وعامة في الحاجات الحادقة دمرتني والكلي قربت تبوظ بس مش قادره ابعد عنها ومش ببطل اكل وتخنت بس والله مش تخينة قوي بس هبتدي من بكرة اروح الجيم عشان اخس بس والله مش تخينة مكعبرة يعني انا جسمي حلو مش مرهرت كده كتير قالولي متخسيش كده جميل بس انا اتعقدت

[ضحي *]

أعترف أني متفانية زيادة عن الازوم
بحب أضحي ولو علي حساب راحتي وفاكرة أن ده صح ( غبية )
نفسي أشوف أبني الي في بطني
بكره تدخل حماتي وأخت جوزي في حياتي
بكره التقرير اليومي الي لأزم أديه لحماتي
زعلانه أن بابا عمره ما أخذني في حضنه
حاسة أني فاشلة
بحب الناس أوي وبموت في صحباتي
مش حاسه بالأمان

[أم روان]

حبيبه جوزها
مجروحه
ضحى
نورتو الصفحه يا بنات

[fatma eid]

اعترف اني عنيدة ولا احب سماع نصائح الاخرين وعندما احد يسيئ الي وانا علي حق ارد عليه بصوت عالي وبسرعه وهم يعتبروني بجحه

[دودينا]

انا عايزة اعترف اعتراف
بصو بقى يا جماعة
انا بعترف انى طيبة اوى اوى
بس بحس ان اقرب الناس ليا مش فهمنى
وكمان بتجرح من اقرب الناس ليا واللى بحبهم
وكمان كنت بحب جوزى اوى
لكن بدات اكرهوا اوى
وكمان اكتشفت انى بموووووووووووووووت فى بابا
مع انى كنت بعاندوا كتير بس بعد ما مات حسيت ان روحى راحت معاة
عايوة اقول انى مخنوقة اوى وبجد
مش عايزة اعيش شايفة ان الدنيا ملهاش لازمة
زهقيت ونفسى ارتاح ومش عارفة ارتاح ازاى
بس برتاح معاكم اوى
وبعترف كمان بحاجة مهمة اوى
الموضوع خطيرررررررررررررررررررررررررررر
تسلم ايدك يا قمر

[drnahla]

اعترف
انى حياتى تغيرت 180 درجة بعد جوازى من محمد
انا كنت عصبية جدا
ومريضة بالقلق النفسى..كنت دايما حاسة ان هيحصل انفجار ف اى وقت
ولما بسمع صوت الطيارات..كنت بدوخ وارتعش
كنت بحب كل الناس واثق فيهم
لكنى كنت بصدم في اغلبهم
عانيت كتير قووووووووووووووى ف فترة الكلية
كنت مش بعرف انام ايام متتالية
لو نمت احلم بكوابيس وكانت دائما ضربات قلبى غير منتظمة
كان نفسى اتخطب واحس باهتمام شخص بيا..
لكنى كنت مش متخيلة ان ده ممكن يحصل ابدا
كنت فاقدة الامل ف حاجات كتير...
افتقدت الحنان كتير قووى
لكن الحمد لله ربنا عوضنى بالزواج من زوجى
حبيته كتير قوى
وحاسة انه بيحبنى ويبادلنى نفس الحب
اخلص فى حبه جدا
والان انا الحمد لله
لم اعد اخاف من المستقبل ما عدا خوفى فقط من ضياع زوجى منى
لم اعد اخاف من صوت الطيارات
وبدات احس بالاطمئنان النفسى
كانت ليا زاكرة قوية جدا جدا ف الماضى لدرجة انى كنت بفتكر لون لبس زملائى ف كل موقف حدث ف الماضى
واحفظ الاسماء الثلاثية لاغلب دفعتى ف الكلية..بل درجات كل مادة كانوا يمتحونها
لكنى تعبتت كتير قوى
فقررت انى لا احفظ اى شىء ف زاكرتى
لان عقلى احسست انه سيصاب بالانفجار
هزة مشكلتى الان
فلا استطيع اتزكر معظم المصطلحات الطبية التى درستها
واشعر انى عندى برود فظيع
بس بقى
انا رغيت كتير قووووووووووووووووى

[drnahla]

مرسى ع موضوعك ام روان

[ايتاب]

انا عايزه اعترف انى النهارده فسرت احلام
وعيزه اعرف منك انا شاطره ولا لأ
يعنى اكمل
اصل انا بيعجبنى تفسيرك قوى

[أم روان]

اعترف اني عنيدة ولا احب سماع نصائح الاخرين وعندما احد يسيئ الي وانا علي حق ارد عليه بصوت عالي وبسرعه وهم يعتبروني بجحه

يعنى خير وسيله للدفاع الهجوم لكن لوسكتى الملايكه هايخدو حقك
وهتحافظى على صحتك
مش كده يا فطوم

[أم روان]

انا عايزة اعترف اعتراف
بصو بقى يا جماعة
انا بعترف انى طيبة اوى اوى
بس بحس ان اقرب الناس ليا مش فهمنى
وكمان بتجرح من اقرب الناس ليا واللى بحبهم
وكمان كنت بحب جوزى اوى
لكن بدات اكرهوا اوى
وكمان اكتشفت انى بموووووووووووووووت فى بابا
مع انى كنت بعاندوا كتير بس بعد ما مات حسيت ان روحى راحت معاة
عايوة اقول انى مخنوقة اوى وبجد
مش عايزة اعيش شايفة ان الدنيا ملهاش لازمة
زهقيت ونفسى ارتاح ومش عارفة ارتاح ازاى
بس برتاح معاكم اوى
وبعترف كمان بحاجة مهمة اوى
الموضوع خطيرررررررررررررررررررررررررررر
تسلم ايدك يا قمر

نورتينى يا دودينا على فكره الانسان بيحس بالاحساس ده لما يكون عنده مشكله اوفراغ كلنا ساعات بنحس بكده
ساعتها لازم نذكر الله علشان ينجينا من الحزن

[أم روان]

مرسى ع موضوعك ام روان

مرسى ليك يا قمر على المروروالاعتراف
انا كمان اتغيرت كتيير طبعا للاحسن والحمد لله
الزواج والغربه بتعلم كتير قوى

[أم روان]

انا عايزه اعترف انى النهارده فسرت احلام
وعيزه اعرف منك انا شاطره ولا لأ
يعنى اكمل
اصل انا بيعجبنى تفسيرك قوى

شطوره خالص يا ايتاب
تسلم ايدك يا قمر
كملى على بركه الله
وشكرا على الثقه الغاليه

[نوران الاسمر]

انا بعترف اننا اكبر مغفلة في الدنيا واكبر هبلة علي وجه الارض قبلت في مجال عملي وضيع زي اي ..... شايف نفسه شويهوده من سنة كان يعني في الماضي زييييييييي الملاك طيييييييييييييييييييييب لدرجت السهتنةوالخبث والوضاعة ظهر بانه ملاك برئ وكل همه انه يتجوز ويعيش حياة كريمة خالية من المشاكل والهموم برائة الدنيا كله في نظراته وقعد يفهمني انه الواد ايه خلاص بيسارع الايام والليالي عشان يقرب خطوة مني او ينول نظرة رضا للاسف دايما هبلي سابق عقلي وصدقته المهم رفضت الكلام معاه لما اللي بيشتغلوا معاه قلولي ابعدي عنه دا عامل فيها روميو وكل يوم مع بنت شكل بعبطي افتكرت انهم بيتبلوااااااا عليه وانا المخبول مظلوم بس بستر ربنا اني منعت كلامي معاه نهائيا والكلام في حدود البيزنس بس وتمر الايام وانا فاكرة ان خلاص قرب من نهاية مشروعة وهيتقدم رسمي واااااااااااااااااااااحلم واحلم واحلم ومرة بقي صحيت وفقت علي الحقيقة واروح المحل اللي بنزل منه طلبات محلي ولقيته مش موجود يا جدعان فين البه اللي هنا راح فين ككككككككككككككككله ساكت يا عم انتا فين ايه الموضوع يا خونة حد يفهمني صاحب المحل قرب مني كده وقال صحبنا ساب المحل ليه خيييييييييييييييييرسرق المحل ومشي يا نهار ابيض اصابني حالة من السكوت ووقفت اضحك علي نفسي لحد ما دمعت عيوني اد ايه انا مغفلة اد ايه انا عبيطة اد ايه انا هبلة بتعامل مع انسان بكل الوقاحة دي وانا مش داريه فعلا ليس كل ما يلمع ذهبا لاء والمفاجاءة الكبيرة ان كل البنات اللي عرفهم وكان بيلعب بيهم والي انا مصدقتش انه ليه علاقة بيهم كلهم اتسلسلوا قدامي واحدة ورا التانية لاء وايه يعيططططططططططططططوااااااومنهارين ومش مصدقين ومذهولين ازاي مش ممكن
المهم اني عرفت اني مغفلة ومش هقبل اكون مغفلة تاني والمهم الاكتر عرفت اد ايه ربنا حميني وكفاني شر هذا الابليس وعرفت حقيقته وحقيقة كل شاب غاوي لعب وبهرجة ورغي وكلام مفهوش فايدة



الف شكر يا ام روان موضوع اكثر من رائع واشتقنا لتفسيراتك لاحلامنا

[ash3010]

طيبة زايدة عن اللازم ( يعنى هبلة )
حسنة الظن بالاخرين ( يعنى بصدق الناس كلهم الى ان اتصدم فيهم )
مابعرفش اخد حقى ولا ارد الظلم عنى
ولا اقدر اواجه من ظلمنى
من الاخر ( شخصية ضعيفة )

[s.h.a]

تعرفى ان انا تعبانة فى حياتى جداااااااااااااا عارفة ايه السبب ان انا مثالية اوى بتعامل مع الناس بمنتهى الطيبة حتى لو غلطوا فية ببدا بالصلح بس ربنا سنحانه بيعوضنى رزقنى ام حنونة واب رائع وزوج بموت فيه واخت بحبها موت انا كمان بحبكم على فكرة انا حساسة جدااااااااااااااااااااا ببكى كتيررررررررر رومانسية موووووووت اجمل حاجة فى حياتى الحب

[أم روان]

نوران الاسمر
انا كنت فاكراكى شديده
خليك جبل
ويا جبل ما يهزك ريح
ash3010
كونى متأكده مافيش حق بيضيع
s.a.h
حبيبتى المثاليه مبدأ لاتتنازلى عن مبدءك
فى الحياه مهما بدوت خطأ
والناس صح
فى النهايه لايصح الاالصحيح
اسعدنى مروركم للغايه

[همس الحب]

انا بخاااااااااااااااااااااااااف موووووووووووووووووووووووت انا وجوزى نسيب بعض
زعلانه اوى ان اخته دخلت قبليا معا ان اخته مخطوبه قبليا
بيقولو عليا طيبه بغباء ومتواضعه لدرجه الارف
زعلانه اوى النهارده مش عارفه ايه سبب زعلى محمد نازل اسكندريه النهارده بس عندى احساس انه مش هيشفنى عشان عنده شغل كتير
بحب كل اونوااااااااااااااااااااااااااااع المكرنة وبعرف اطبخ بس مش كل الاصناف
بزعل اوى لاما محمد يشخط فيا حتى لو بهزار وببقا عاوزة اعيط معا انى بحبه
نفسى اوى ندخل انا وهو فاقرب وقت
نفسى دلوقتى يجى ياخدنى فحضتة واعد اعيط
نفسى حسن صاحب محمد يخطب حبيبتة اللى بقالوا خمس سنيين بيحااااااااول يخطبها واهلها مش موافقيين
نفسى لاما اقول لمحمد انت بتعرف الل بيدايقنى وبتعملوه ميقوليش انا بحب ادايقيك
ومكنش بكلمه فموضوع ويقفل السكه فوشى ال عشااااااااااااان ميقوليش كلمه تزعلنى
نفسى اكون بتناقش معاه وميزعلش منى ويخاصمنى اسبوع
ولا اقولك اقول نفسى اموت احسن عشان اريحه وارتاااااااااااااااااااااح