[om salma]

من منا لا يبحث عن السعادة في أمورحياته كلها وخاصة الحياة الزوجية

بكل تأكيد ليس هناك منا من تزوج أو يريد الزواج الا وهدفه ان يسعد في زواجه
الزوجة تريد اسعاد زوجها لتشعر بالرضى عن نفسها وبالنجاح في حياتها
وكذلك الرجل فهو يريد أفضل نوع من الحياة لزوجته ولا يتصور او يطيق تعاسة زوجته معه

ولكن

الحياة الزوجية لا تخلو من المشاكل فهي ملح الحياة

لذلك
دعونا نستفيد من تجارب بعضنا الآخر ومن خبرات الجميع
وها نحن نطرح هذا الموضوع ليكون دعوة للجميع ليقدموا نصائح تعلموها من خلال تجاربهم في الحياة الزوجية بحيث كل عضو يدخل يسجل لنا نصيحة من واقع تجربته الشخصية لتعم الفائدة على الجميع

بانتظار نصائحكم وخبراتكم
ومشاركاتكم القيمة

اذا اعجبك الموضوع و اردت نشره في المنتديات الاخرى فاستخدمي هذا الرابط:
شاركينا ---------=> بنصيحة من حياتك الزوجية
http://forums.fatakat.com/thread30241

[أم روان]

شوفى يا ام سلمى اوعى تكونى هالة بنت خالتى اصلها وحشتنى وانت فكرتينى بيها
انا زوجى بيرجع من العياده متأخر بكون خلصت شغل البيت
كل مره بيرجع بيعرف ان فى مفأجاه أكل حلويات انتكه تغير نيو لوك تغير نظام البيت الديكورات تبديل السجاجيد من مكانها لبس ومكياج والذى منه
بيخلص ويرجع هوا

[dall3 ya dall3]

انا لسه بصراحه متجوزتش بس بصراحه هتابع الموضوع عشان استفيد بعد كدة وبجد فكرة هايله

[ام الصبايا]

فعلا موضوع جميل ومفيد
انا متزوجة من 11سنة
واللة يديم المحبة والسعادة
واكيد زي ما كل عارف ان
الحياة الزوجية ما تخلى من
المشاكل ,, لكن زي ما تفضلتي
هية ملح الحياة والعلاقة الزوجية
وكثرة العشرة الوحدة بتعرف زوجها
ولكل زوج مفتاحة ,,
واذا انتي عرفتي هذا المفتاح بتبقى اكثر
طلباتك مجابة بس بالصبروخلي طلبك
ع نار هادئة جدا ولا تستعجلين الطبخة لانها
راح تحترق وتبقى ريحتهاموجودة في ذاكرتة
وذاكرتك
ولابد تعرفين الوقت المناسب وكمان النفسية ضرورية جدا جدا
اللة يسعد كل البنوتات الحلوات ويديم المحبة بين
الازواج والزوجات
اتمنى انكم استفدتو من الكلام والنصيحة
محبتكم ام الصبايا

[نوروندىالوكيل]

اهم حاجه بين الزوج والزوجه الاحترام
يعنى لازم تحترميه فهو غصبن عنه حيحترمك
ما تجيش فى يوم وتقوليله أهلك فيهم وبيهم لانه حيقولك وإنت أهلك كذا وكذا
ما تقوليلهوش دايما ماما قالتلى أعمل كذا خليه دايما فاهم إن تصرفاتك من دماغك وإن ما حدش بيمشيكى وراه
والمهم إنك تحبيه وتحسى إن ما لكيش غيره فى الدنيا

[توته1]

موضوعك جميل جدا
وأنا قيمته من أول ما قرأته لأنه يستحق التثبيت وكلنا نكتب ونستفيد
أنا عندي حاجات كتير.........
بس دلوقتي هقولكم على أول حاجه خطرت على بالي لما قرأت الموضوع
وهي حديث رسول الله صلى الله عليه وسلم :
( ان الخير لا يأتي إلا بالخير )
اعملي الخير ، والصح ، واللي يرضي ربنا وانت مغمضه عينك..
في ناس تقول لحسن يتعود عالدلع ، واللى تقول ادبحيله القطه .... والكلام الغريب ده
أنا رأيي ان الخير عمره ما بيروح أبداااااااااااا
حتى لو مبقاش في الدنيا هيبقى في الآخرة..
ومفيش حد في الدنيا أولى بأي خير تعمليه أو أي خير جواكي أكتر من زوجك حبيبك..........

توته

[توته1]

أرجو من المشرفات تثبيت هذا الموضووووووووووووووووووووووووع
لتعم الفائدة.......

توته

[Marwa Esmael]

اوعي تعاندي معاه العند بيجيب عند وبيورث الكفر والعياذ بالله لو عند معاكي في حاجه لاتقابلي العند بالعند ولما تهدي الامور هيشيل لك موقفك وحكمتك وعقلك في علاج الموقف

[saadelhelaly]

اقولكم على حاجة مفيدة جدا : ما تدخليش اي حد بينكم في اي موضوع انتي وهو بس قادرين تحلو كل حاجة حتي لو المشكلة اخدت وقت بس اكيد في النهاية في حل بإذن الله .

[om salma]

الف الف شكر لكل من قرا وكتب ونصح .........نصائحكم جدا رائعة ومفيدة ......... اتمنى ان يقدم هذا الموضوع كل ماهو مفيد ...... وانا شخصيا استفدت كثيرا من النصائح الرائعة التي دونتها اقلامكم الغالية ........الف شكر مرة اخرى لكل من لم يبخل علينا بنصيحة قد تغير مجرى حياة شخص باسرها .........بانتظار نصائحكم الغالية ...........اما نصيحتي لك يافتوكات بالإبتعاد عن النكد فلا تكوني زوجة نكدية لأنك بهذه الطريقة لن تحصلي علي اي مطلب لك ... حاولي ان تأخذي حقك بالكلمة الحلوة دائما ...... كما حاولي ان تقدري ظروفه دائما وحالته النفسية والمادية ....
تمنياتي لكم بحياة وردية وسعيدة ومتابعة لنصائحكم أحبائي ..........

[جرجرة]

موضوع في غااااااااية الروعة..

وأكيد كلنا نستفيد من نصايح بعض...

وأنا نصيحتي لا تتقبلها الكثير من النساء ولكن هي حقيقة...
هي بأن لا شيئ أسمه (عزتي - كرامتي ) بينك وبين زوجك كذلك الزوج

أما بالنسبة للعزّة : فقد تأخذكي العزة بالأثم - بمعنى آخر - أنكي لو عرفتي بأنك مخطئة أعترفي بالخطأ ولا تتكابري بأسم العزة وتتمادي بالخطأ

أما بالنسبة للكرامة: فلا تجعلي هذا حاجزاً بينك وبين طلب الرضا من زوجك

فقال رسول الله ( صلى الله عليه وآله ) : لو أمرت أحدا أن يسجد لأحد لأمرت المرأة أن تسجد لزوجها

لم يكن ذلك فقط لتعظيم مكانة الزوج، وإنما أيضاً أرضاء الزوج هو أساس الحياة الزوجية السعيدة.

لقد جربت بنفسي... وعرفت بأنه كلما أرضيت زوجي عني.. كلما زاد حبه لي وبالتالي لم يرفض لي طلباً ولم يخالفني أمراً وصرت ملاكه المدلل

[لونة]

جزاكى الله خير على الموضوع الرائع و أقول لك

عالجى أى موقف بإبتسامة و سعة صدر فالزوج عندما تحدث المشكلة و يخرج ثم يعود ناااااااااااسى ما قد كان فإن لم تنسى أنتى فتناسى حتى لا تكبر المشكلة

و دائما آخذ بمقولة أحد الصالحين لأخيه (موعدنا غدا نتعاتب )فيرد الآخر بل

(موعدنا غدا نتغافر) جعل الله بيوتنا جنان بفضله و منه

[توته1]

كوني متألقة دائما...

وليعلم زوجك أنك أنت الفتاة الجميلة الرقيقة التي اختارها من بين النساء لتكون زوجة له

فحافظي على :

1- نظافتك
2- رائحتك العطرة دائما

3- رقتك في الكلام والضحك والحركة

4- زينتك واهتمامك بملابسك

5- لباقتك في الحديث أمامه ، فلا تخرج منك كلمة سيئة أو أسلوب خشن ، أو صوت مرتفع


وليشعر زوجك دائما بتألقك..

اللهم أسعد المسلمين والمسلمات ، واحفظ بيوتهم من كل سوء......

توته

[مرموووره]

انا لسه مخطوبه
بس بجد بجد استفدت جدااااااا من الموضوع
ومن اراء الفتكوات الفاضلات

موضوع رائع ونصائح غاليه
ومستنيه المزيد

ملحوظه: برجاء تثبيت الموضوع لانه يستحق التثبيت

شكرا

[om salma]

انتوا فين يا فتوكات وفين نصايحكوا
ياللا شاركونا

[أم مهند الطيوبة]

بصو فى حاجة كمان لما جوزك يعملك اى حاجة كويسة مثلا هدية اوحاجة كنت عايزاها من فترة او قرار فرحك او حتى كيس شيبسى
لازم لازم تشكرية وتبينيلة فرحتك وربنا يخليك ليا وياسلام لو طولتى فى الموضوع هيعرف انك بتقدرية وهيفرح لفرحتك وهيعرف انو لو عايز لحظة رضا منك يبقى يفرحك ومايستخسرش فيكى حاجة

[om salma]

محدش عنده نصيحة تانيه
علشان باقى الفتوكات تستفيد منها

[om salma]

...............

[moonlight2008]

ربنا يكرم المسلمين والمسلمات
انا لسه مش اتجوزت
ادعولى وانا ابعتلكم نصائح كتيييييييييييييييييييييييييير

[نور79]

انا لسه ماتجوزتش بس على وشك ان شاء الله بس خلال معاملتى مع زوجى مع وقف التنفيذ لان مكتوب كتابى ان الرجاله مش بتحب النكد ولا بيحبوا الست النكديه يعنى ازاى مثلا ممكن زوجك يكون متنرفز وانتى تكونى بتتكلمى ويقولك حاجه تضايقك ويمشى وبعدين بعد شويه يهدى ولا كأن حاجه حصلت ويجى يكلمك تانى وانتى بقى تقلبى وشك وبوزك شبرين ماهوانتى كنتى بتكلميه وزعلك بقى ويحايل فيكى وانتى ولا حياته لمن ينادى وتجيبى بقى القديم والجديد وتبقى ليلته سوده النهارده وده عيب فى كتير من الستات المفروض ماتأخدى على كلام واحد مضايق ولا متعصب واللا يقولك عليه اعمليه واصبرى وشويه وهو هينسى هو كان زعلان ليه اصلا لان تركيبه مخ الرجل انه بينسى على طول انما الست تفضل بقى تحوش وتعبى لحد ماتيجى فى مره تطلع ده كله على دماغ الزوج الغلبان وهو لاحوله له ولا قوه كمان فى حاجه ماتعودى جوزك على فتره الزعل تطول بينكم لان دى مشكله خطيره بجد يعنى مثلا لو اتخنقتوا ماتسيبى بقى الشيطان يلعب فى مخك ويكبر مشكله تفه بسيطه ويعمل حاجه من لاحاجه وروحى عادى كلمى زوجك ولا كأن حاجه حصلت واعملى ليه كوب عصير يروق بيه دمه وعادى وانسى هتلاقيه والله هو الى يفتح معاكى الموضوع ويقولك حقك عليه ماتزعليش منى انا كنت متنرفز ويبوسك كمان وممكن على ده بقى يحس بذنب يخرجك ويعشيكى بره وتبقى هيصه بقى ليه تضيعى على نفسك كل ده وليه الواحده تفكر فى الجواز على انه دلع وفسح وخلاص ليه ماتستحملى الى ياما دلعك لحظه غضبه ليه ماتكونى النسمه الحلوه فى حياته وتصبريه وتعينيه على مصاعب الدنيا والله ساعتها هيحطك جوا عنيه لان لما فتره الزعل بطول خلاص مش بتبقى فرقه معه وهو بيتعود على كده وكمان احب اقول ليكم حاجه طبعا انتو عارفين ان الشيطان هو الى بيزين للانسان الخطأ والمعصيه وفى يوم بيجتمع فيه ابليس مع اقرانه فى الارض عشان يشوف احولهم ايه ويجى كل واحد يقولوا دانا خليت فلان يسرق والى يجى يقوله خليته يزنى وكذا وكذا ودى كلها اعمال مش عظيمة القدر عنده يجى واحد يقولوا انا وقعت بين فلان ومراته ده بقى بيكون اعظمهم قدر عنده ليه يا حبيبتى تفرحى الشيطان فيكى هو واقرانه وبس ده كان شويه كلام بسيط وارجو منكم ان تدعولى ان ربنا يجمعنى مع زوجى على خير ويكرمنا مع بعض واكون قرة عينه ان شاء الله ويوفقوا فى شغله امين يارب العالمين