[sadrose]

انا وخطيبى هنتجوز ان شاء اللة بعد العيد واتفقنا من النهاردة نمشى حياتنا على الاسلام عشان نتعود عليها واحنا متجوزين عايزين كل حاجة نعملها يكون لينا فيها بركة انا اتفقت معاة اننا نصوم كل اتنين وخميس ونقرا القران وعايزين كمان نصلى السنن واتفقنا بعد الجواز نحفظ كل يوم جزء من القران ممكن تقولولى اية كمان ممكن نعملة ونبدا فية من دلوقتى

اذا اعجبك الموضوع و اردت نشره في المنتديات الاخرى فاستخدمي هذا الرابط:
عايزة رأى جميع المشاركين
http://forums.fatakat.com/thread30304

[shimo_shiko]

عليكى باللإلتزام بالحجاب
و لاتنسي معاملتك مع الله بنقاء قلبك
و عليكي بصلاة الفرض أولا
و لا تدخلي بكل قوتك و حماسك لأن منيدخل في العبادة بحماس و تزمت أكيد هيخرج منها بسرعة و هيمل

[umaesha]

ربنا يسعدكم ويثبتكم ويجمعكم على خير
وانا هقولك ابدئى من يوم فرحك ازاى خلي فرح اسلامى ابعدى عن الاختلاط والاغانى الهابطة والبسى اللى انتى عايزه بين محارمك واوعى حد يشوفك وانتى عروسة غيرك محارمك بكده هتبدى صح وتكسبى ثواب نشر الفرح الاسلامى وتبعدى عن شبهات الافراح التانية
ثانيا ابتدوا من دلوقتىاتفقوا على ورد قراءة وركعتين قيام تدعوا فيهم ربنا يوفقكم
ربنا يتتمملكوا على خير

[Faith N Hope]

بسم الله الرحمن الرحيم

اللهم صل و سلم و بارك
على محمد و على آله

السلام عليكم و رحمة الله و بركاته

كل ما أقدر أفيدك بيه
في هذا الموضوع :

http://forums.fatakat.com/thread8607

أعلم أنه طويل و لكنه
أحياء لبعض سنن رسول الله
صلى الله عليه و سلم
في مختلف المواقف التي ترد
علينا طوال اليوم

و فقكم الله لما يحبه و يرضاه
و بارك لكم و فيكما و عليكما

و السلام عليكم و رحمة الله و بركاته

[totatota]

السلام عليكم يا قمر والف مبروك انا كمان هتجوز بعد العيد برده ان شاء الله بصي انا راي انك فعلا تبداي براحه وبهدوء وهم حاجه ان ربنا يكون بين عنيكي في كل خطوه بتعمليها في حياتك وتشوفيها حرام ولا حلال وكمان حتي وانت بتشتري حجات شقتك متنسيش تقولي دعاء السوق ولما تجيبيها تقولي دعاء الشئ الجديد وعلي طول شغلي قران في الشقه حتي وانت مش فيها ومتنسيش بالذلات سوره البقره بتبعد الشيطان وطبعا الفرح يا ريت يكون اسلامي فعلا ونيجي بقي لاهم نقطه الاولاد ان شاء اللله ربنا يرزقك باولاد صالحين يعني خدي بالك من اسمائهم تكون اسلاميه وطريقه تربيتك ليهم تكون برده ملتزمه بيعده عن الاغاني والافلام الهابطه وكده وصدقيني البيبي من وهو عنده سنه ممكن يبدا يفرق بين الحلال والحرام وطبعا وانت بتختاري مدرسته لازم تكون اسلاميه عشان يعيش في جو محترم علي طول ربنا يوفقك ويقدرك وادعيلي انا كمان اني اقدر ااكون اسره مسلمه

[emyaly]

ربنا يكرمك يارب ويتمم ليكى على خير
اول حاجه عايزه اقولهالك حدديث لرسول الله صلى الله عليه وسلم
(ان هذا الدين لمتين فاوغلوا فيه برفق )يعنى ادخلى واحده واحده عشان تقدرى تواظبى اهم من ان تكثرى فى العبادات بعدم مواظبه (احب الاعمال الى الله ادومها)
تانى حاجه زى ما قالوا الاخوات انك تبتدى من دلوقتى باللى تقدرى عليه من الحفاظ على الفرائض فى مواعيدها وصيام التطوع قدر المستطاع
بعد كده لو ربنا يكرمك وتعملى فرحك اسلامى والله والله هتستمتعى جدا بالفرح الاسلامى ومش هتندمى (انا فرحى كان كده على فكره)
بعد الفرح بقى ما تنسيش ركعتين ليلة الفرح انت وزوجك وتدعى فيهم باللى ربنا يقدرك عليه
وتبتدوا الالتزام من يوم الفرح يعنى ميسركمش الوقت وتقولوا احنا عرايس لاه ابتدى من يومها بانك تحافظى على الصلاه فى وقتها والسنن والدعاء
وربنا يارب يتمملك على خير ويرزقك بالذريه الصالحه
يارب اكون افدتك

[sadrose]

شكرا لكل اللى رد على موضوعى بجد كلامكوا حلو قوى وانا الحمد للة بصلى كل الفرائض بس السنن لا وان شاء اللة اواظب عليها وانى ابدا من دلوقتى تكون كل حاجة فيها اسم اللة وربنا يوفقك ياtotaونفرح بيكى يارب

[boby]

ألف مبروك يا جميل وربنا يثبتك ويباركلك في حياتك الي جاية
ونصحتي ليكي الآلتزام بالحجاب في يوم زفافك فهو يزيد يزيد جمال للوجةولا ينقص
والآلتزام بالصلاة في اوقاتها وعليكي بالمداومة فلا تضيعي فرض فتسمحي للشيطان ان يضيع منك فرائض وربنا يوفقك

[love forever]

اولا ربنا يوفقك

اضافه للى ذكرة اخواتى

عايزة اضيف بس بالنسبة لحفظ القران اهم حاجه الاتقان وانك متسيبيش صفحه الا وانتى حفظاها تماما لانك لو سرعتى فى الحفظ وفيه اخطاء على ما تخلصى السورة وتيجى تحفظى الى بعدها هتلاقيكى نسيتيها

انا مااقصد احبطك بس عن تجربه اهم حاجه التركيز والاتقان ومراجعه الى اتحفظ باستمرار وربنا يوفقك