[قطرات الندى 2]

.................................................. ......

اذا اعجبك الموضوع و اردت نشره في المنتديات الاخرى فاستخدمي هذا الرابط:
سؤال الى كا من مات ابو زوجها ماذا فعلتى ؟
http://forums.fatakat.com/thread30305

[drnahla]

بصى دودو
طبعا مهما كانت الزوجة رقيقة فعليها ان تضع نفسها مكان زوجها
وتعرف انه اكتر وقت يحتاجها للوقوف بجانبه
يعنى لازم تبقى معاه ف بيت ابوه وتقابلى المعزيين
وتواسى امه
فهى احسن وقت للتقرب من امه
وبالنسبة للحالة الصحية
ما دمتى تستطيعى الحركة والكلام فما الزى يمنعكى من مساندة زوجك
انتى اصبحتى الان واحدة من اهله
وتتعاملى ع هزا الاساس
ولا الناس هياكلو وشك
كل الناس هتسال عليكى
وهتستغرب ازاى انتى مش موجودة ف موقف زى ده
وخالى بالك ان جوزك واهله
هيفتكروهالك طول حياتكم مع بعض لو تركتيه وروحتى لاهلك
وسيبتيه
طبعا عييييييييب
لازم تبقى معاه
وتتعاطفى مع كل الموجودين وتتبادلى التعازى

[حبيبة بابا]

بصى يا دودو من سنتين توفى والد زوجى الله يرحمه
وانا وزوجى كنا معاه وجنبه على السرير لما مات ورفع صباعه الظاهر كان بيشهد
المهم لاقيت نفسى باعيط من غير صوت وجوزى هوه اللى عمال بصوت عالى يقوا ابويا ابويا ..
قعت احضن جوزى واطبطب عليه واقول الشهادة
وقعدت تلات ايام فى بيت اهل جوزى والحمد لله هم ناس مؤمنين بقضاء الله
مش حصل اى صويت ولا حاجة
بعد كده كنت باصبخ فى بيتى وابعت الاكل
لبست اسود لغاية الاربعين
جوزى كان قريب من ابوه اكتر من مامته عشان كده حسيت انه فى الفترة دى قربلى اكتر وان كمان حاولت اعوضه عن فقدان ابوه على قد ما اقدر
الله يرحمه كان والله غالى عليا جدا

[قطرات الندى 2]

امممممممممممممممممممممممممممممم بس ممكن بالنسبه ليا يكون فى شوية مشاكل ربنا المستعان

[زيزى]

والد زوجى توفى من 3 شهور(ربنا يرحمه) وده عمر ابنى يعنى كنت لسه والده بقالى 10 ايام بس واتصلو بينا وانا الى كنت ببكى وزوجى هو الى كان بيسكتنى بس بعد ما روحنا هناك قعد يبكى وانا حضنته وحاولت اواسيه اصل ابوه كان غالى عليه وعليا قوى والله يعنى مهما كنتى تعبانه لازم تروحى وتخففى عن زوجك وامه واخواته

[اموله المنفله]

انا ابو زوجى توفى من اربع شهور وبالصدفه زوجى كان فى مصرسافر لما عرف ان والده مريض وزوجى ارتاح نفسيا لان والده مات بين ايده وهو بيسبحه وانه شاف والده قبل مايموت وقاله انه راضى عنه وانا ماعرفت اسافرعلشان اولادى لاكن كنت بكلمه كل شويه وماحسسته انى بعيده وفعلا زعلت على والد زوجى وبكيت كتير عليه لانه كان طيب وبيحبنى وديما يوصى زوجى عليا الله يرحمه ويرحم اموات المسلمين جميعا

[EMO]

اللهم ارحم جميع موتى المسلمين
شوفى يا دودو أنا لم أمر بهذه التجربه ولكن
رأيى ان ده وقت مهم جدا جدا جدا لتكونى
واقفه جنب زوجك تخففى عنه وتواسيه لأن الزوج
ليس له الا زوجته تقف جنبه فى جميع ظروفه 0

[قطرات الندى 2]

اوكى يا جماعه معلش متخدوش عنى فكره وحشه بس انا قصدى امتى دورك ينتهى فى بيت اهل زوجك بعد الوفاه يعنى امتى تنسحبى من بيت اهله وترجعى بيتك وازاى تعملى كده ودورك هيبقى ايه بظبط هناك غير مواساة زوجك

[مهندسة ماجدة محمود]

بصى يادودو لاتفكرى كتير فى هذا الموضوع وسيبيه والاعمار بيد الله لانه فى هذه الحالة التفكير بيكون حاجة تانية خالص غير الى انت ممكن تكونى بتفكرى فيها او اخذت فيها قرار

[قطرات الندى 2]

صح معاكى حق انا نفسى بقول كده بس ايام ما كنت كاتبه الموضوع ده كنت بواجه مشكله فعلا لكن دلوقتى المشكله خفت شويه ومعتش قلقانه اوى زى الاول الحمد لله ربنا يارب يقدم الى فيه الخير لينا كلنا

[RONY_SAYED]

انا والد جوزى أتوفى بعد جوازى بشهرين وكان بقاله قبلها شهر بالظبط فى المستشفى بس هى كانت تجربة صعبة جدا مش قادرة اوصفهالكم جوزى لحد دلوقتى لما بيفتكر ابوه بيبكى بجد بس انا خايفة جدا من وفاة والدته لأنه إتعلق بيها أوى بعد وفاة والده مش قادر حتى يفكر انها ممكن تسيبه

[قطرات الندى 2]

لا ربنا معاكى يا رونى انا حاسه بيكى اوى وبالى انتى فيه بس احمدى ربنا جايز تكون دى اخر احزانك واحمدى ربنا انها حصلت دلوقتى يمكن يكون ده سبب من الاسبابالى هتقرب جوزك ليكى اكتر واكتر وبالنسبه لخوفك على زوجك من وفاة والدته
فانا عايزه اطمنك ان الراجل بالذات بيعدى عليه المواقف دى اسهل من البنات وبتبقى زكرى وعليك انك تصبريه وتقوليله اطلبلهم الرحمه يعنى انتى تتماسكى عشان تعرفى تصبريه وانشاء الله ربنا هيكون معاكى وهيصبره وهيخليه يعدى المحنه دى