[bosycat0200]

السلام عليكم ورحمه الله وبركاته
السحر والاعمالوالعفاريت
مين فيكم اتعمله عمل
او
شاف عفريت
او
عمل لغيره
او
راح لدجال
انتم اكيد عارقين ان الحاجات دى موجوده وكمان مذكوره فى القران بس كمان عارفين ان التعامل مع السحره او المشعوذين ده حرام مش كده وبس الساحر او المشعوذ اللى بيتصل بالجن لازم ان يكفر بالله والعياذ بالله علشان يقدر يسخر جنى
عزيزاتى الاتى يقمن بهذه الافعال المشينه اتقى الله فى نفسك وفى بيتك وفى من تقومى للفعل به هذا الازى
فهل تقبلى يااختى ان يفعل بيكى احد من هذه الاشياء
فارحمى نفسك من عذاب الدنيا والاخره
فان الله يمهل ولا يهمل

ودلوقتى حد يقولى هل وجد نفسه ضحيه لمثل هذه الافعال
احكى قصتك لو مررتى بتجربه وافيدى غيرك بالحل




وانا اعلم ان اذا قرا القران فى المنزل لايدخله شيطان
وخاصه (سوره البقره) قبل النوم
ارجو الرد والمشاركه وجزاكم الله خيرا

اذا اعجبك الموضوع و اردت نشره في المنتديات الاخرى فاستخدمي هذا الرابط:
العفاريت والاعمال والسحر
http://forums.fatakat.com/thread30441

[bosycat0200]

لسه محدش رد عليا ماااااااااااااشى

[dodo246]

الحمد لله انا عارفة ان فى اعمال و جن و حاجات كده بس مؤمنة ان قدرة ربنا اكبر من كده بس المشكلة ان حماتى تعتقد فى الحاجات دى و فى الحاجات القديمة زى مشعارفة تمسح باب الشارع و البيت بمية و ملح و ماية مغلى فيها نبات الرجلة

بس انا بقعد اقول لها ان الحاجات دى غلط بس اللى يصدق بقى

عموما لن يصيبنا الا ما كتب الله لنا

[bosycat0200]

شكرا ليكى على المشارك يادودو وربنا يبعد عنك الاذى ويحفظك

[crazy_tota]

انا مش عارفة والله اذا معمولي عمل ولا لاء
اصلي مرحتش لبتاع الاعمال قبل كدة
بس اقدر اقول اني اتحسدت قبل كدة وعييت بسبب العين وكان ممكن اموت واروح فيها
بس الحمدلله قدر الله وماشاء فعل

[bosycat0200]

شكرا لمروركيا توتا

[دوبه]

انا رحت لناس بس شيوخ فى الجوامع بس مريت بالمشكله دى كتير والله انا شفت واحده عليها جن والجن بيتكلم بلسانه وطريقه الكلام غريبه مش مثلنا كانه طفل بس مشفتش الجن نفسه انا سمعت صوته

[الزهره الحزينه]

انا ما بامن بلاعمال والسحر ولو اني تعرضت لبعض حالات مش طبيعيه بس ما صدقت كلام الشيوخ والفتاحين بس التجئت للقران لانو هو شفاء للنفوس والله اعلم

[heba saad]

انا بصدق في السحر والاعمال لان بالفعل بيحصل
وبيبقا بسبب غيرة او كرة او او او
انا اتعرضت لحالات وربنا يئذى المؤذى
وكنت بروح لشيوخ بيعلجو بالقران والاعشاب
ماقولتيش رايك انتى يا بوسي كات
هل تؤمنين بالاعمال والسحر ام لا؟

[toto s]

انا بآمن بالسحر
اللهم احمينا

[bosycat0200]

انا كنت لا اومن به ولاكن حدث لى شيى عجيب مكنتش انا مش تصرفاتى
انا على طول حبوبه واستقبالى بالناس حاار بس فجاه اتغيرت
حتى خالى لما دخل البيت قالى اقراى قران كتير وعلى طول شغلى سوره البقره
بس الحمد لله دلوقتى احسن كتير
بدات احس بانى رجعت زى مانا
شكرا ليكم وعلى مروركم

[hobastyle]

انا بؤمن بالجن والعفاريت والسحر كمان
بس عمرى مافكرت انى هروح لاى دجال ولا مشعوز
وماراح اعتقد فيهم ابدا
ربنا يحفظنا جميعا

[EMO]

السحر طبعا موجود فقد ذكر فى القرآن وأيضا الجن موجود
لكن عفاريت اظن انه لا يوجد ما يسمى بهذا والله اعلم
ومن يقوموا بفعل هذه الأعمال حسبى الله ونعم الوكيل فيهم
فقد خسروا آخرتهم لأن هذا كفر بالله ولعياذ بالله
أشهد ان لا اله الا اله الا الله وحده لا شريك له وأشهد أن محمدا عبده ورسوله

[عاشقة زوجها]

مشكوووووورة اختي على موضوعك

[shitos_lovely]

انا فعلا مقتنعه بالموضوع ده
لاني بخاف جدا من الموضوع ده
وفي واحده احنا نعرفها حكت لينا الحكايه دي
ان واحده جارتهم عملت لابنها عمل
ععشان هي مكنتش طايقه مراته
ومن اول يوم
وهما الاتنين مقطعين بعض
وبعدها كده بسنه ولا حاجه
جم يعزلوا من الشقه
فبيشيلوا السرير بتاعهم لقوا لازق في الخشب
عظمه مكتوب عليها بالاحمر
حاجه تشبه الدم
اسمه واسمها
ولما راحوا قاله لامه
قالت لهم
والمصيبه ان اخوه كمان هو كان مشترك مع امه في الموضوع ده
انا عمري ما كنت اتخيل ان ام تعمل كده
ده انا كنت بتناقش مع امي في يوم في الموضوعع ده
اني ممكن اكون حصل ظرف
ورايحه عند خالي
وبت مثلا
ونسيت عندها هدومي ولا عملت اي حاجه
ممكن تعمل عمل
انا اساسا بقى عندي فوبيا من الموضوع ده
لدرجة اني رحت قصيت شعري
صريت على اني اخد شعري
وماما كانت مستعجبه جدا من التصرف
بس فعلا لازم الوحد ياخد حذره جامد اوي
دي امه وعملت كده
تخيلوا بقه
صحبتك اللي ولثقه فيها

[nona79]

انا بؤمن بالسحر عشان مذكور في القران الكريم

بس في حاجات بتصير مبالغ فيها اوي والله اعلم

ساعات مش بصدق تصرفات بعض الناس

شكرا ليكي يا قمر

[bosycat0200]

شكرا على مروركم
وانا عايزه من كل الفتوكات اللى عندهم حكايه عن موضوعى تشارك
ربنا يبعد عنا الشر والاذى

[um_tareq]

شكرا يا قمر

اللي ما بآمن بالسحر و الجان معناته ما بآمن باللي جاء بالقرآن

لأنه انذكر بالقرآن الكريم

و العلاج هوه القرآن الكريم فقط ، قراءة أو مقروء على ماء

و جارة إلنا كان حدا عامللها عمل ... عظمتين صغار و كتابات بورقة على شكل مثلثات متعاكسه طبعا الكلام مو مفهوم أبداً.. شفتهم بعيني


وماما حضرت جلسة علاج إلها .. جابولها شيخ قرأ قرآن عليها

كانت اتضلها تتطلع على مزهريه(فازه) كبيرة عندها بالبيت و اتضلها مركزة نظرها عليها

بعدين انتبهو أنه أرجل المزهرية على شكل رؤوس شياطين

و كان فيها جنية بنت .. حكت على لسانها

أنا طبعا ما بقدر أحضر هيك جلسات أبدا

بقرا عنهم بسمع قصص عنهم بس أحضر جلسات لأ

بس الموضوع و لا أسهل منه

المداومة على أذكار الصباح و المساء
قراءة القرآن و بالذات سورة البقرة

و منع أولادنا من اللعب بعد المغرب

الله يحمينا

بسم الله الذي لا يضر مه اسمه شيء في الأرض و لا في السماء

[heba saad]

والله انتى جبتى الموفيد ما بقا في امان ابدا وبتحصل كتير ان ام او اقرب الناس ليكى ياذوكى
ربنا يرحمنا ويبعد عنا كل شر
طب في اكتر من ان عشان اتخنقت معاكى تعمليلي بانى اتجنن او اخرج عن دينى والعياز بالله
ربنا يسترها علينا
قل لن يصيبنا الا ما كت بالله لنا

[همس الحب]

ايوة انا بؤمن جدا بالحجات ديه وبخاف منها بس مبحطهاش فدماغى عشان متجنينش انا خالتى جوزها متجوز اتنين ومراته عملت لخالتى عمل وكنت صغيرة جدا عمرى مهنسى الموقف ده وكانت ماما اعده بتقرا قراءن وخالتى اعدت تصوت وتعمل حجات غريبه وجه الشيخ وقراه عليها وانا كنت بمووووووووووووووووووت من الرعب بس الحجات ديه للاسف موجوده
ده صاحبيت الشغل بتاعت جوزى ليها فالاعمال وكده ومبتحبنيش واعدت زى تلات اشهر اقول لمحمد الست ديه انا حاسه انها عايزة تعملى عمل وهو كان يعد يضحك ويقولى سيبيها على الله بس مش عارفه ليه كنت بحس الاحاس ده
ومشكورة على الموضوع