السلام عليكم
ازيكم يابنات؟؟
يارب تكونوا بخير
موضوع انهاردة عن الانجازات!!!!
اية رايكم كل واحدة تدخل تكتب عن حاجة هى عملتها
وشايفة انها انجاز.............. اى حاجة تفيدنا
وبأذن الله انا هبتدى,,,,,,,,,,,
انا كان ليا اخ اصغر منى بسنة بس هو كان معوق (مش بيمشى او يتكلم
يعنى مش ذهنيا) المهم انا كنت متعلقة بية اوى اوى
مات وهو عندة 18 سنة بس والله والله انه كان اكتر واحد بيحس بيا
وكنت لما يكون عندى مشكلة اقعد اتكلم معاة وصدقونى انى كنت بفهمة من عنية
كنت بحس انة بيرد عليا وبيواسينى كانت امى مش تعرف عنى اى حاجة
لانى كنت بحكيلة هو............... كان عندى بالدنيا وكنت مكتفية بية
كنا فى رمضان لما يلاقينا بنصلى كان يبقى عاوز يصلى زينا
ولما حسيت اد اية هو نفسة ف كدة كنت بشيلة واوقفه وامسكة من
ضهرة كدة واقرا القران وهو زى مايكون بيقول ورايا .
ولما كان يزهق كنت بشيلة على ضهرى (حليب يالبن) واقف فى الشباك بية
وعلى فكرة انا اللى كنت بحمية لانة والله والله كان بيتكسف من امى
هو مات على صدرى فى الفجر يوم راس السنة الهجرى
بعدها مش كنت عارفة اتاقلم مع اى حد وكنت مش مصدقة وحاسة
ان كل حاجة راحت............ بس بابا قالى افتكرى كل حاجة عملتيها معاة
هو معانا وحوالينا....... وعلى فكرة انا بحلم بية لما بكون فرحانة او زعلانة
ودايما بيجيلى فى الحلم ويطبطب عليا
انا شايفة ان وجودة فى حياتى كان كرم من ربنا زى الهدية كدة
وماما علطول تقولى اللى عملتية معاة يعتبر انجاز
عشان كدة انا كتبت عنة وعن اللى عملتة
ياريت تتفاعلو معايا وتحكولى عن انجازتكم
مستنياكم
اذا اعجبك الموضوع و اردت نشره في المنتديات الاخرى فاستخدمي هذا الرابط:
انجاز فى حياتى...........
http://forums.fatakat.com/thread30454
