[بشر الصابرين80]

انا زى ما قلت كده فى العنوان يا بنات انا وخطيبى مختلفيين فى الرأى سياسيا
وانا بنتخب رئيس وهو بينتخب رئيس تانى وبينا مشكلة جااااااااااااااااااااامدة اوى دلوقتى وهو قالى باللفظ كده
"انا متاكد اننا هننفصل بالطريقة دى عشان انا بينى وبينك ما صنع الحداد فى الرأى السياسى "
وكانت صدمة ليا اول ما قال كلمة ننفصل.......انا بحبه اوى ومتاكده من حبه ليا
اعمل ايه ؟؟؟؟
مش عارفة كل ما اقوله مش هتكلم تانى فى السياسة معاه ينفتح الموضوع ازاى معرفش
والاقى نفسى برد عليه رغم انى طلبت منه اكتر من مرة ما يكلمنيش فى السياسة
تعبت وهوو تعب والزعل بيكبر بينا
قولولى اعمل ايه ؟؟؟؟
انا زعلت اوى منه بسبب كلمته دى اننا هننفصل بسبب السياسة ومش قادرة اسامحه فيها
وكل ما يجى يبررها نتكلم تانى فى نفس الموضوع ونشد قصاد بعض ونقفل من غير ما نوصل لنتيجة

خايفة امررها عادى واسكت تتكرر تانى منه ومش عوزة اعاتبه تانى فيها نتخانق زيادة
ساعدونى اعمل ايه؟؟؟

[om aya yoyo]

هو انتخب ميييييين

[الدلوعه انتكا]

ربنا يصلح لك الحاااال

[الامورة هوبا]

سواء انتخبتى مرسى او شفيق
ف طنطاوووووووووووووووى مسك خلاص يا حبيبتى مش تخسرى خطيبك كبرىىىىىىىىىىىىىىى

[قوة الحب والتسامح]

لو انتى شفيق اكسرى وراه قله لو انتى مرسى يبقبى هارد لك
ياحبيبتى مشى امورك معاه قال يعنى الريس ايا كانهيغير حاجه
وغلاوتك المصريين هما اللى عايزين يتغيروا

[الشمـــ باب ـــس]

معقولة؟؟؟؟!!!!

سبب بصراحه تافهه ومتزعليش مني

لما تختلفوا بخصوص حاجه زي دي حتعملوا ايه لما تعيشوا في بيت واحد ويكون فيه قرارات مصيريه

وكل واحد يختار حاجه مختلفة

انتوا محتاجين تعدوا مع نفسكم ومع بعض تراجعوا طريقة تفكيركم شوية

شوفي هو بيتكلم جد ولا بيهزر

ولو انتي متاكده من حبكم لبعض خديه علي اد عقله في الموضوع ده وقوليله انت صح

[فتفوته فتكات المفتفته]

انتخب مين هو قوليلى

[يارب حققلى اللى بتمناه]

ربنا يصلحلك الحال بس مش مستاهله انه يقول نسيب بعض يعنى عشان الرئاسه ربنا يوفقك يا بنتى وييسرلك حالك وبعدين بالساهل كده عايزكوا تنفصلوا عشان السياسه حاولى تستخيرى ربنا وتفكرى تانى يا بنتى فى الخطوبه دى

[**مســك الجنـــــه **]

ربنا يهديكم لبعض
دة شيطان واقف قدامكم
وربنا يولى من يصلح

[اماراتية بعشقي مصرية]

وايه يعني اثنين مختلفين في الراي وايه الي هيحصل من ضرر نفسي ومعنوي يعني في بيتكم بعد كدة سبحان الله ما تنقهوش في السياسة وهو حر وانتي حرة