[القطه]

بسم الله الرحمن الرحيم
صينيه القرع العسلى بتاعتى
امبارح كنت عامله صينيه قرع عسلى تهبل
وكنت ناويه اكتبها ليكم
هى وصفه امى رحمها الله وبالصدفه وانا فى احدى المنتديات
لاقيتها والله ياربى كانهم واقفين معى
طريقه ووصفه ومقادير حتى الصور
مش مصدقه غريبه حسيت امى معايا وبتقولى اعملى كذا وكذا
كانى لسه بنت وبتعلمنى
قلت اجيبها ليكم عن ثقه بالمقادير والوصفه
واكيد ان شاء الله تعجبكم

المقادير:
1 حبه قرع حوالى كيلو
3 كوب سكر (او على حسب ما تحبوا اكتر او اقل)
مكسرات (زبيب - صنوبر - جوزهند) حسب ما تحبوا
2 كوب لبن
2 ملعقه دقيق
2 ملعقه زبده
1ملعقه نشا مذابه فى نصف كوب ماء

الطريقه :

تنزع القشرة من على القرع (مثل البطيخ) و يقطع الى قطع كبيرة ويوضع فى إناء عميق.

يضاف السكر ثم يوضع على نار هادئة حتى ينضج حوالى ساعتان او على حسب ما ياخد من وقت المهم ما يكونش ناشف ولا مهرى


بعد ما يستوى نأخذ قطع القرع من الإناء ويترك ماء القرع لأستعماله فى البشاميل






يهرس القرع جيدا و يوضع فى صينية للفرن ويضاف الزبيب و المكسرات فوقه






ثم نسكب البشاميل فوقه وطريقه الشاميل كالأتى:


نسيح الزبده ونضع عليهم قليل من الزيت لتجنب احتراقها ثم الدقيق ولازم الماده الدهنيه تغطى الدقيق ونقلب حتى يصير لونه اصفر ثم نضع اللبن والسائل المتخلف من القرع ونقلب جيده حتى لا يتكتل الدقيق وممكن نقلب بمضرب سلك وعند بدء الخليط فى الغليان نضع النشا المذاب فى نصف كوب ماء اليه ونرفعه من على النار ونقلب لأن (المهم البشاميل لا يكون خفيف مثل الماء ولا تقيل جدا)

ثم نسكبه فوق القرع





ثم يدخل الفرن على درجه 180 حتى يحمر وجهه






من الممكن اضافه بعض من جوزالهند والزبيب على الوجه حسب الرغبه





بس بتاعتى كان شكلها احلى
والى هتعملوها هتطلع احلى واحلى
انا ماقدرش اكل حاجه من غيركوا
المقادير والطريقه تمام ماتخافوش
بس رجاء الى يقرا وصفتى يقرا
الفاتحه لوالدتى الى علمتنى وخلتنى اعرف افتح بيت
ويدعى لها بالرحمه
الوصفه بتاعتى والصور منقوله
لعيونكم وبالهنا والشفا

[ام سعيد]

[rere2008]

تسلم ايدك

[umaesha]

جزاكى الله خيرا و تسلم ايديكى وعنيكى يا قطقوطة
الله يرحم والدتك ويجعل قبرها روضة من رياض الجنة ويجمعك بها فى جنة الخلد ان شاء الله
ليا عندك رجاء مش شرط نقرا الفاتحة للمتوفى لانها من البدعة ويكفيكى الدعاء والصدقة وصيام مالم يصومه مثلا
اللهم ارحم موتنا وموتى المسلمين.... امين

[القطه]

تعيشى يا ام سعيد وتسلمى ونورتى الموضوع بتشرفيك فيه حبيبتى
ريرى حبيبتى ربنا يكرمك وتسلمى انت عالمرور الكريم يا قمر

[القطه]

ام عيشه سلمتى من كل شر وغفر الله لكى ولنا وللمسلمين يا حبيبتى
نصيحتك وصلت وربنا يرحمنا اجمعين
المهم انتى وكل الفتوكات تكون عجبتكم صينيه القرع
وتجربوها ممتازه وزى العسل ومفيده موووت ومغذيه خاااااالص
وبالف هنا وشفا

[هيصه]

تسلمى شكلها تحفه

[Ann fajer]

الله يرحم والدتك ويتغمدها برحمته

[القطه]

تسلمى يا هيصه والله انتى منوره بوجودك انتى وكل
الفتوكات الحلويين القمرات
بجد بجد نورتونى ويا رب يكون عجبكم الموضوع
وتنفذوه

[القطه]

ربنا يكرمك يا فجر ومشكوره عالمرور يا قمر
وجربى وصفتى اكيد هتتجننى من جمالها يا حبيبتى
نورتينى ونوتونى كلكم وزاد الموضوع نور وجمال بتعليقاتكم وزيارتك