|
انا جديده و مخنوقه ومحتاجه اتكلم معاكو
انا جديده هنا اول يوم ليا شفت موقعكم قبل كده وحطيتوا في المفضله بس لما لقيت نفسي مخنوقه قوي ومش قادره اتكلم حتى مع صحبتي الوحيدا دودو حبيت ادخل هنا واشترك يمكن الاقي حد يكلمني ويشيل عني همي
انا اسمي قمرعندي 21 سنه ماسكة الشئون الادارية وشئون العاملين في شركة في اسكندرية وكنت مخطوبة لاحن واحد في الدنيا لسه سايبين بعض امبارح بمعني اصح هو اللي سابني ولما حب يرجعلي انا مرضتش عشان هو باعني ومكنش ينفع اني اشتريه هو بيشك فيا قوي قوي غيرت من نفسي كتييير قوي عشان ارضيه انا والله ماكنت وحشه ولا بعمل حاجه بس غيرت كل اللي كان مش عاجبه فيا وبرده منفعش كان بيشك فيا يدور في تليفوني ويتصل بالارقام اللي متسلجه باسم بنات عشان يشوف ولد ولا بنت واخد ايميلي وفتحه وكلم اصحابي اللي كلهم عارفين اني مخطوباله كان فيهم اولاد دي غلطتي بس والله ما كنت بكلم حد في حاجه خارجه عمل فيا كتير قوي بس على قد قسوته كان بيحبني بجنون وكان حنين قوي كل حاجه اتمنتها من ربنا لقيتها فيه ماعدا الشك دي اللي خلاه يسبني وانا بحبه قوي ومش قادره انا متدمرة من غيره بس مقدرش ارجعله لانه باعني بالرخيص كل مره كان يقولي مش عايزك ويرجع واسامحه لاني بحبه لكن المة دي قال لبابا انه مش عايزني وبرده بعدها جي يقولي سامحني بس مقدرتش لانه جرحني قوي قدام اهلي بيني وبينه كنت بستحمل لكن وصلها لاهلي ؟
انا مش عارفه انسا حد يكلمني ويرد عليا ويفهمني انا صح ولا غلط
|
حلويات رمضان 
ام عائشة
