[وصولة]

السلام عليكم ورحمة الله وبركاته

ازيكن ياإناث ياحلوات ياطعمات يامفتكييين

بصوا انا جيت انهارده عشان احذرواقولكو علي المأساه الي انا فيها بقالي تقريبا 8 شهور ان مكانش 4 سنين تقريبا

انا بشرتي من النوع الدهني المركب الي حد ما.. ومكنتش بعاني من اي حاجة مجرد بشرة طبيعية

كنت بحط ماكياج علي خفيف وانا نازلة الكلية وكنت بحرص علي الحاجات النضيفة واهم حاجة الصن بلوك والحمدلله جميع الانواع الي كنت بستخدمها كانت بتجيب معايا شغل جامد مع الشمس

جيت في اسبوع كده لقيت وشي بيلتهب بشكل جهنمي.. ومرة واحده لقيته كله زي حراشيف السمك وبيحرقني جدا من اي حاجة عليه وبقت حالته حاله

سألت صيدلي قالي دي اكزيما او حساسية تلامس مع حاجة انتي بتحطيها سواء كانت مستحضرات او عطور او معجون اسنان او الكلام ده... وقفي اي حاجة بتسخدميها وجربي كينا كومب

الصراحه انا اخدت بالي من كل الي بحطه وحطيت كينا كومب كام يوم والحمدلله كانت النتيجة مرضية.. الحراشيف دي خفت كتير والاتهاب بقي اخف.. وبطلته

وبعدين اخدت بالي من المستحضرات وبقيت اعرف انهي الي لما احطه الحساسية تزيد والي لو حطيته تخف..

الموضوع كمن تقريبا بنسبة 90% شوية كده بين كل حين وحين كانت بتيجي بشكل عابر خالص وكانت مرة اتنين كيناكومب والحمدلله كانت بتروح

جيت بقي من 8 شهور تقريبا ولمده 4 شهور كانت بتروح وتيجي بضراوة.. وبرضو كنت مراعية كل المستحضرات الي بستخدمها ومفيش فايدة.. وصل الامر ان حتي كريم نيفيا ودوف العاديين كانو بيعملولي التهاب عنيف
كنت بحط كينا كومب عليها تروح شوية وترجع تاني.. فضلت احطه لعل وعسي وبقي الامر ينتقل من سئ لاسوأ.. وكنت عاملة زي الي واخده بوكس في دقنها من الاحمرار والالتهاب

رحت لدكتورة.. الله يسامحها بقي رئيس قسم الجلدية في المنصورة كروتتني وادتني مرهمين واحد مضاد حيوي والتاني ملطف.. فيوسيكورت وستروبانتين

المهم كان العلاج اني استمر لمده اسبوع تقريبا .. استمريت وخفيت واول ماوقفت رجع الموضوع وكأن لم يكن

قالتلي استمري علي الملطف عشان المضاد الحيوي علي البشرة اخره 5 ايام.. وكأنك يابوزيد ماغزيت
رجعت تاني للكينا كومب وبقت الحالة بتسوء من سيئ لاسوأ ...... المساحة المصابة كانت الدقن كده كأنها سكسوكة وعلي ارنبة انفي ... ومع ازدياد السوء انتشرت بثور بيضا صغنونة كده علي الجبهة رغم انها كانت صافية جدا


رحت لدكتورة تاني الله يباركلها اسمها عبير .....ي ودي في شارع قناة السويس



قالتلي بقي السر هو........... كينا كومب.... والسبب ببساطة هو ان فيه كورتيزون
وان استخدامه فترة طويلة هو السبب

وشي بطبيعته حساس ولازمله معامله خاصة انما ده كان هو السبب

وكان العلاج هو كريم فيه كورتيزون خفيف عملنا بيه عملية سحب للكورتيزون من البشرة زي مابيعملو سحب للمخدر من الجسم بجرعات بتقل علي المدي لحد ماتقف
وكريم تاني ملطف ومضاد للالتهاب

دي كانت مفكرة اني بستخدمه من شهرين تلاتة ولما عرفت ان الموضوع من سنين كان هيجرالها حاجة..

بقالي تلات اسابيع اهو الحمدلله زي الفل
بس اتهبلت من يومين وكنت متخيلة اني خلاص خلصت من القصة دي وحطيت ميكب تاني وانا في البيت والله ومقولكوووووش صحيت الصبح بقي وشي اعنف اعنف اعنففففف من اي حالة وصلتلها
كما لو كنت حاطة ماسك ناشف عليه

كلمت الدكتورة وقالتلي ابدأ كورس العلاج الاخير تاني واتهد وابطل حط اي حاجة لمده سنة علي الاقل لحد مابشرتي ترتاح تماما

والمصيبة بقي ان فرحي بعد فترة وجيزة ان شاءالله قلتلها قالتلي استني شوية وبعدين نبقي نشوف موضوع فرحك هنعمل فيه ايه...




انا قصدت من القصة دي كلها اني اوضح حاجة قد نكون كلنا عارفينها بس محدش يقدرها غير الي اتلدغ منها

لا يستعمل الدواء الا باشراف الطبيييييييييييييب
ورغم اني بقرأ النشرة الي في الدوا كويس بس للاسف الموضوع ده مع الوقت واعتيادي ان كينا كومب هو الي كان بيرحني وخلاص نسيت موضوع لا يستعمل لفترات طويلة دي



ادعولي بقي الموضوع ده ينتهي لانه مأثر علي نفسيتي بشكل بشع بشع وخلوا بالكو علي نفسكو بقي

ومتنسوش تدعولي وتقيموا بالمرة عشان اكتر ناس تشوفه وتستفيد منو

والله من وراء القصد

[اْنوش]

والله الف سلامة عليى بجدا انا زعلانة جدااااا عليكى
وربنايشفيكى يارب
ومعلش الدكتورة دى كويسة شاطرة اوى يعنى
ولا ايه

[اْنوش]

انتى عارفة شهيرة مرات محمود ياسين
كنت بروضة عنده حاجةزى كدا مكنتش تقدر تحط ميك اب كان عنده حساسية
بس هى اتعالجت طبعا
انا سمعت انى فى مكياج طبى اسالى الدكتورة كدا عليه
علشان فرحك ياقمر
وربنا يشفيكى يارب

[tamtam bogy]

لا حول ولا قوة الا بالله
تعرفي ان اي حاجة في البيت بنحطلها كينا كومب
بجد جزاك الله كل خير وربنا يشفيكي سريعا وتبقى احلى عروسة في ليلة العمر

[ماما ليالي]

الله يشافيك ويرجعلك بشرتك زى الاول ويتمم عليكى الفرح باذن الله

[وصولة]

والله الف سلامة عليى بجدا انا زعلانة جدااااا عليكى
وربنايشفيكى يارب
ومعلش الدكتورة دى كويسة شاطرة اوى يعنى
ولا ايه

الله يسلمك ويعافيكي ويكرمك يارب.. الدكتورة عبير كويسة.. انا تابعت معاها كمان في تساقط الشعر لانه كان عندي جامد اوي وادتني دوا حلو اوي اسمه top hair هو لوسيون كده استعمال يومي خفيف وريحته حلوة.. وسبحان الله كان كأنه صمغ بحطه عالشعر في ساعتها بيخلي التساقط يقف
هي اسمها عبير الخولي في شارع قناة السويس في توريل في المنصورة.. لو عايزة رقمها انا تحت امرك ياجميل وهي علي فكرة استاذ مساعد في كلية الطب برضو

انتى عارفة شهيرة مرات محمود ياسين
كنت بروضة عنده حاجةزى كدا مكنتش تقدر تحط ميك اب كان عنده حساسية
بس هى اتعالجت طبعا
انا سمعت انى فى مكياج طبى اسالى الدكتورة كدا عليه
علشان فرحك ياقمر
وربنا يشفيكى يارب

انا برضو بقالي كام يوم بدور في الموضوع ده عالنت بس مش لقيت كلام كويس فيه فتوقعت انها ساعتها هتقولي عليه من نفسها يعني... تسلمي ياقمر ويارب يسمع منك

لا حول ولا قوة الا بالله
تعرفي ان اي حاجة في البيت بنحطلها كينا كومب
بجد جزاك الله كل خير وربنا يشفيكي سريعا وتبقى احلى عروسة في ليلة العمر

اهو احنا زيك كده والحمدلله كله بطل بس انا الي كنت لوحدي الي اتأذيت الحمدلله
ربنا يكرمك وان شاءالله كلنا نبقي تمام ويبعد عنا كل شر

الله يشافيك ويرجعلك بشرتك زى الاول ويتمم عليكى الفرح باذن الله

ربنا يخليكي ويكرمك ويفرح قلبك يارب ويسمع منك ومنكم كلكم يااااااااااااااااااارب


بحبكو اوي

[وصولة]

نسيت اقول كمان اني كنت بقالي فترة بستخدم عادي شبشب حمام بلاستيك.. بس طلعلي اكزيما في رجلي وقالتلي الدكتورة ابعد تماما عن البلاستيك عشان هو السبب.. وكنت بستخدم كينا كومب برضو عليها وكانت بتروح شوية وترجع تاني نفس القصة

وكان الحل والعلاج برضو هوا هوا

[ساره مصطفي]

لا حول ولا قوه الا بالله
ربنا يشفيكي يا قمر
بس انا عندي ملاحظه خطيره بلاش الصيدلي يا فتوكات الله يكرمكم روحي لدكتور حتي في مستوصف خيري ( لو مفيش فلوس يعني) وبلاش تروحوا لصيدلي ارجوكم
وبعدين يا حبيبتي الكينا كومب معروف ان فيه كورتيزون بيتحط لمده معينه وبكميه معينه
يارب ربنا يسعدك ويتمم فرحك علي خير ويرزقك الذريه الصالحه اللهم امين

[وصولة]

مكنتش اعرف
انا دراستي بعيده تماما عن الحاجات دي وحتي من مكونات الكريم ملقيتش فيه حاجة شبه الكورتيزون عشان اقول

بس الحمدلله علي كل حال.. موضوع الصيدلي كان عشان اني مكسلة اروح لدكتورة فقلت يمكن حاجة بسيطة مش مستاهلة اشوف دكاترة لاني بصراحه مش بحبهم
دنا مكملتش مع الاولانية عشان مجابتش نتيجة وكانت هتتعبني معاها وريحت نفسي وغيرتها

[اْنوش]

ياريت تبعتلى تليفونه
والله يشفيكى ياب
وعلى فكرة انا من المنصورة انتى منين بقى ياقمر