[RoOozaya]

السلام عليكم
ازيكوا يا بنات
انا كنت من فتره مش بعمل سويت فى المنطقه الحساسه خالص لانى كنت متعقده .. عملتها مره زمان اوووووى من سنين واتعذبت واتوجعت جامد اوى ومن يومها محاولتش تانى
ومن فتره قعدت اسأل كتير هنا فى المنتدى ازاى اعمل سويت وميوجعش .. بنات قالولى بالمخدر وسمعت ان المخدر مضر والله اعلم ..
وبنات قالولى معملش سويت واعمل بالموس ودا انا بكرهه مووووووووت لانه تانى يوم بيقوم طالع وعامل زى دقن الراجل تخين وبيشوك وحاجه متعبه (يمكن بيناسب بنات تانين لكن معايا مش بحبه ابداااااا) ..
وطبعا الكريم غنى عن التعريف .. اسوأ حاجه هيا الكريم لانه بيسمر مع الوقت وبيطلع الشعر بسرعه دا غير ريحته اللى تقرف ..
وطبعا فيه مكنة براون الملاقيط دى وهيا نفسها فكرة الموس يعنى برضه مليش فيها .. وعلى فكرا انا بستغرب جدا من البنات اللى بيقولوا بنستحمل وجع البراون ومنستحملش السويت !!! ازاااى مش عارفه
المهم انى سمعت عن جهاز الشمع وجبته من زمان وبعدين حاولت اجربه اول مره معرفتش اوى وكنت مجرباه الاول فى ايدى
وتانى مره جربته تانى وعرفت ازاى استخدمه كويس وعملت بيه ايدى واستخدمت المناديل اللى كانت جايه معاه وكانت كويسه وبقى فل الفل
تالت مره جيت استخدمه لقيت المناديل اللى كانت جايه معاه خلصت .. فروحت اشترى مناديل تانيه .. الراجل ادانى مناديل عبوه كدا ب 10 جنيه اخدتها وروحت البيت وجيت اجرب لقتها زفففففففففت مش بتشيل اى شمع خالص ولا بتلزق فيه اساسا
معرفتش اعمل ايه والشمع لازق فى ايدى ومش راضى يطلع بالمناديل الجديده دى .. فقعدت ادور لقيت عندى حتة سويت كانت باقيه من زمان .. فجبتها وفردتها على الشمع وشدتها لقتها طلعت الشمع كله ونضفت المكان من الشعر جدااااااا احسن من المناديل بكتييير .. وسريعه اوى ومش بتوجع خالص .. يعنى كأنك بتشدى الشمع بالمناديل بس بدل المناديل بستخدم السويت
وبقت دى طريقتى دايما كل مره بشيل الشعر بالطريقه دى
لو مثلا هعمل رجلى .. بجيب جهاز الشمع واسخنه واجهزه .. وعقبال ما يسخن بقوم مقطعه حتة السويت كور صغيره كتير وسيباها جنب الجهاز .. اول ما الشمع يسيح ويبقى جاهز للاستخدام بقوم فارده الشمع على رجلى كلها مره واحده .. وبعد كدا بجيب كوره من السويت اللى قطعته دا وافردها فوق الشمع واقوم شداها بسرعه كانى بعمل سويت عادى .. وهكذا لحد ما اشيل كل الشمع وبكدا اكون شلت كل الشعر ومن غير اى الم خالص

الحاجه اللى مفرحانى جدااااا بقى هيا انى جربت الطريقه دى فى المنطقه الحساسه وبقالى 4 او 5 شهور بعملها كل شهر وعلى فكرا قللت الشعر فى المنطقه جداااا وكمان بقى يظهر بعد 10 او 11 يوم بعد ما كان بيبدا يظهر بعد ما بعمله بالسويت العادى ب 4 او 5 ايام بالظبط

بس ملحوظه صغنونه : وانتى بتعملى فى المنطقه الحساسه ياريت تكونى قاعده على طرابيزه او سرير مثلا وسانده ضهرك للحيطه وفاتحه رجلك وحاطه قدامك مرايه عشان الجلد يكون مشدود شويه وتقدرى تتحكمى كويس فى السويت والشمع وكمان عشان تعرفى تشوفى المنطقه فى المرايه بوضوح
كمان حاجه : ياريت متفرديش الشمع فى كل المنطقه مره واحده .. لا .. افرديه فى حته حته وشليه بالسويت وبعدين افردى حته تانيه وشليها وهكذا .. لكن لو بتعملى ايدك او رجلك افرديه على كل رجلك مره واحده اسهل واسرع .. بس لو بتعملى اول مره وبتجربى لسه فاعملى حته صغيره فى رجلك وشليها وشوفى النتيجه وبعدين كملى كله مره واحده وقوليلى ايه الاخبار

جربوها بجد والله طريقه سريعه جدا والالم اقل جدااااااااا بالمقارنه مع السويت ..
يلا اللى تجربها تقولى عملت ايه

ياريت تدعولى ربنا يوفقنى انا وخطيبى ويبعد الشيطان اللى ما بينا داااا ويجمعنا سوا فى بيت واحد
وكمان عايزاكوا تقولولى على طريقه سريعه لتفتيح المنطقه الحساسه لان دى مشكلتى اللى لحد دلوقت مش لاقيلها حل نهائى

[ام مؤمن ومحمود احمد]

تسلمي يااقمر والله اهو الواحد بيعمل سويت وخلاص

[RoOozaya]

تسلمي يااقمر والله اهو الواحد بيعمل سويت وخلاص

جربى الطريقه دى احلى والله ومش بتوجع خالص لان اصلا الشمع مش بيوجع زى السويت والشمع هو اللى بيكون ملامس للجلد فمش بيوجع .. وكمان السويت بيلزق فى الشمع اووووى غير المناديل خالص وبكدا بيشد الشمع والشعر من جدوره بسهوله ..

[RoOozaya]

ايه محدش هيرد ؟؟؟؟
طب انا قولتلكوا تعملوا سويت بسهوله ازاى .. قولولى انتوا بقى افتح المنطقه بسرعه ازااااااااااااااااااااى ؟؟؟

[العفريت المر]

تسلمي عالوصفة يا قمر
بس جهاز الشمع انتي جيبه منين وبكام

[lolamena]

جزاكى الله خيرا

[فتكات حبيبة قلب ندى]

جهاز الشمع ده بكام

[دمعه فى قلب]

جزاكى الله خيرا

[وأفوض أمرى إلى الله]

جزاكى الله خيرا

[ريف الجوف]

ممكن صورة الجهاز؟