[عاشقة أمل بوشوشة]

طبعا لو عايزة يبان على بشرتك اللمعان والحيوية والنضارة وتبقى خدودك لونها وردي والناس تحسدك عليها يبقى مافيش قدامك إلا "البلاشر" أو أحمر الخدود وعلى فكرة أحمر الخدود مش بيتحط على الخدود وبس.. لا ده ممكن إنك تحطيه على الجبهة والأنف والدقن لإطفاء المزيد من الجمال على الوجه وإخفاء بعض العيوب اللي ممكن إنها تكون موجودة في الوجه زي المساحات العريضة للخدود وكمان لتحديد ملامح الوجه..
وعلشان كل ده يتحقق يبقى لازم تكوني عارفة كل حاجة عن البلاشر..
علشان كده هنعرف دلوقتي كل حاجة عنه..
أنواعه
أحمر الخدود البودرة



النوع ده ممكن إنك تستخدميه بعد ما تحطي البودرة أو بعد ما تخلصي مكياجك خالص... ويفضل استخدام الفرشاة الكبيرة في توزيعه عن طريق توزيع اللون على عظمتي الوجه..
أحمر الخدود الكريمي




والنوع ده من أحمر الخدود بيتميز بإنه بيكون ثابت على الوجه لأطول فترة ممكنة ده بالإضافة إلى إن لونه قوي جدا وعلشان كده بينصح باستخدامه بحذر.. وبيوضع بعد وضع كريم الأساس وقبل ما تحطي البودرة، وابدئي بعظمتي الخدين ووزعيه لأعلى.
وعلى فكرة أحمر الخدود ده يفضل إنه يوضع ويوزع على الوجه بقطعة إسفنج أو بأطراف صوابعك.
وخدي بالك إن النوع ده مش مناسب نهائي لأصحاب البشرة الدهنية.

أحمر الخدود السائل أو الجيل



والنوع ده بيدي للوجه اللمعان وكأنه لمعان طبيعي وممكن تحطيه بعد كريم الأساس على طول أو تحطيه على البشرة من غير ما تحطي كريم أساس لو كنتِ خارجة الصبح وعايزة جمالك يبان كأنه جمال طبيعي بدون مكياج.
ازاي نختار الألوان؟؟؟




1. عليكِ أن تختاري ألوان البلاشر اللي تكون مناسبة للون بشرتك ولون مكياجك كمان.
2. يبفضل أن يكون لون البلاشر أغمق بدرجة أو درجتين عن لون بشرتك.
3. خدي بالك إن الألوان الداكنة تقلل من عيوب وجهك بينما تبرز الألوان الفاتحة ملامح وجهك.
ازاي نوزع البلاشر؟؟؟





بعد ما عرفنا الأنواع والألوان إيه رأيك نشوف دلوقتي طريقة وضع البلاشر لأن فيه ناس كتير قوي بتحتار في وضعه وبيسألوا يا ترى نوزعه ازاي...
نشوف مع بعض..
1. أول حاجة تعمليها هي إنك تجيبي فرشاة كبيرة مخصصة للبلاشر وسيبك نهائي من الفرشاة الصغيرة اللي بتيجي مع علبة البلاشر وده لأن الفرشاة الصغيرة مش هتساعدك على التوزيع الجيد للون بينما تساعد الفرشاة الكبيرة على إعطاء مظهر طبيعي للوجه.
2. بعد كده حطي الفرشاة في البلاشر ثم هزيها قليلاً أو امسحي الزائد منها بأطراف صوابعك أو انفخي فيها وده علشان تتخلصي من اللون الزائد للبلاشر وبعد كده ضعي طبقة رقيقة على الخدين بداية من فوق تفاحة الخد متجهة إلى ناحية الأذن عند منابت الشعر..
وتعتبر الطريقة دي أحسن طريقة لتوزيع البلاشر.
طبعا هتسألي وتقولي ازاي أعرف أحدد مكان تفاحة الخدين ودي يا ستي علشان تحدديها كل اللي عليكِ إنك تضحكي بشدة أمام المرآة هتظهر لك تفاحة خدك.
3- بعد الانتهاء من وضع أحمر الخدود ممكن تطبطبي بس طبطبة خفيفة على خدك باستخدام منديل ورق لإزالة الزائد من أحمر الخدود كما يمكنك تقليل اللون أو التخفيف من حدته عن طريق وضع القليل من بودرة الوجه.

[فطيمة]

شكرا لكي ياقمر حلو كتييييييييييييير