[جالاكسى2006]

.

بسم الله الرحمن الرحيم

انا قرييت الموضوع ده فى منتدى وعجبتنى فكرته ايه رأيكوا كل عضوه تدخل على الموضوع ده تكتبلنا نصيحه من حياتها الزوجيه يعنى حاجه استفادت منها.. حاجه تقدر تنصح بيها المتجوزين واللى لسه هايتجوزا وشرط على كل عضوه تدخل انها تدعى للى بعدها بالسكن والموده والرحمه فى حياتها الزوجيه يلا بقى ورونى تفاعلكوا وعايزه نصايح ذهبيه.....

[كادبورى 81]

فكرة حلوة اوى يا جالاكسى
بصى يا ستى انا بنصح كل واحدة متجوزة او على وش جواز انها تنسى خااااااااااااااالص فكرة انها تغير من طباع جوزها او خطيبها لان دا كلاااااااااام فاااااااااارغ ههههههههههههه صدقينى مهما عملتى لن يتغير لان ببساطة الطبع يغلب التطبع يعنى انتى وافقتى على الشخص دا يكون شريك حياتك يبقى تاخدية كدة شروة على بعضيه بمميزاتة وعيوبه وما تتعبيش نفسك وتنكدى على روحك طول الوقت فى محاولات لتغيير العيب الفلانى لانك من الآخر كدة مش هتقدرى ودى مش دعوة منى للتشاؤم بالعكس دى دعوه صريحة الى الرضى
ارضى بشريك حياتك بكل عيوبة قبل مميزاته ((طبعا العيوب اللى فى حدود اللى ممكن العقل يتقبلها))
ويارب يوفقنا جميعا ويهدى الازواج والزوجات ويبعد عنهم وساوس الشيطان آآآآآآآآآآآآآآآآآآآآآآآآآآآآآآآآآآآآآميييييييييين

[بسمة الأمل]

السلام عليكم ورحمه الله وبركاته
أولا أنصحكى أختى بعد تجربه بالامور التاليه لعلها تفيدك انشاء الله
قبل اقدامك على الزواج استخيرى الله فهو الهادى للطريق الصحيح ثم اسألى عنه وعن علاقته بالله تعالى وعن علاقته بأمه فلو كانت علاقه قويه وحب فلا تترددى فى قبوله
أما بعد الزواج
عامليه معامله خاصه ليس كبقيه الناس حتى يشعر بمكانته فى قلبك وبحبك وحنانك وعندما يشتكى اليك استمعى له باهتمام لا تعانديه ولا ترفعى صوتك عليه اهتمى بطعامه ولباسه هناك عوامل كثيره تجعلك محبوبه من زوجك منها الاحترام والصبر
جزاكى الله كل خير على هذا الوضوع المفيد

[جالاكسى2006]

شكرا يابسمه على نصيحتك

[جالاكسى2006]

انا نصيحتى ان كل واحده ماتحاولش انها تاخد مكان جوزها بمعنى ان الراجل راجل والست ست اعرفى واجباتك عليه واعمليها وماتستنيش مقابل لان الراجل ياخد والست هيه اللى بتدى هيه اللى بتعطى الحنان والرعايه والاهتمام فماتستنيش العكس عشان ماتتعبيش وبقول لكل واحده متجوزه جديد او هاتتجوز قريب السنه الاولى من الحواز صعبه وعايزه منك صبر واوعى مشاكلكوا حد يعرفها ابدا وربنا يجعل زواجنا جميعا مبارك يارب

[temoon.pompa]

والله يا جالكسى انا بصراحه مش مجوزه ولا مخطوبه حتى بس بجد عجبتنى ردود بسمة امل وكادبورى وانتى كماااااااان كل كلامكوا صح وكلام كادبورى صح وبالذات ان العيوب اللى ممكن يقبلها العقل ولان مفيش حد خالى من العيووووووووب .....
الكمال لله وحده سبحانه.......
ويارب تهدى سر كل المتزوجين وتتمم بخير لكل المخطوبيين اللهم امين ...
اااااااااااااااااااه وترزق اللى لسه متخطبوش بالازواااااااااااااج الصالحين اللهم امين امين امين

[جالاكسى2006]

ربنا يرزقك ياتيمون يارب ونعرف منك بقى النصيحه بعد الجواز

[لولاية]

اناهنصح كل واحده متجوزه انها تراعى ربنا فى جوزها ابسط حاجه انها تمشى على كلام ربنا وتنفزه بلحرف بس هتلاقى ربنا بارك لها فى حياتها ويا رب يوفقكو كلكو

[أمة اللهHh]

نصيحتي لكل متزوجة
لابد أن تكوني امرأة حديدية بمعني ألا تجعلي زوجك غاضب عليكي
حتي لو كان هو السبب بعصبيته لايغمض لكي جفن لوبات متضايقا
من أي شئ وتعودي قبل النوم أن تسأليه
هل أنت راض عني؟ألك حاجة؟
واعلمي يقينا أنكما روحان ائتلفا مثل ائتلاف الأرض بالنبات
اللهم اجعل بيوتكم عامرة بالبر والخير والايمان والسكينة والمودة والرحمة والحب
اللهم زوج بنات المسلمين جميعا وارزقنا العفاف والغني والتقي
آآمين

[sadrose]

انا لسة مخطوبة كان نفسى افيدكوا فى الموضوع دة بس استفدت من كل الموجودين وادعولى ربنا يسهلها ليا

[جالاكسى2006]

مشكورين يا جماعه على مروركم الجميل

[برتقال سكرى]

أنا نصيحتى انك تفوتى
مش تبقى واقفة على الواحدة فى كل حاجة
علشان ما يحسش جوزك انه متجوز ظابط

[katkootaya]

موضوع رائع بارك الله فيك

ولي رجعه ان شاء الله

[شرين عمر]

فكرة جميلةولنا قعدة

[جالاكسى2006]

مستنياكوا ياقمرات علشان نفيد بعضنا وبشكركم جميعا على ردودكم الحلوه

[ماهى الشربينى]

أعتقد ان خبرتى مش كبيره لأنى لسه مخطوبه بس المهم نفيد بعضنا اليكم الاتى:
أوعى يكون متعصب وتصممى تجادليه لانه مش هايستحمل كلامك حتى لو مليون بيحبك
دايما حسسيه برجولته وانه أعظم راجل فى العالم
الراجل يمووووووووووووووووووت فى الست اللى تدلعه
بجد "أقرب طريق لقلب الراجل معدته"
أوعى تكونى مدلوقه عليه على طول لازم تخليه يشتاق ليكى
لازم تحسسيه ان راحته الاولى والاخيره معاكى انتى
اوعى تنسى اى كلمه "حلوه" قالهالك لان كده انتى فى نظره بتسمعى من ناحيه وتخرجى من التانيه
اتق الله أولا واخيرا فى معاملتك معاه واحفظيه فى غيبته يحفظك فى غيبتك
أوعى تقفى فى وش الريح,وبرده مش تعدى كل حاجه
أخيرا اياك والاهانه ,اذا سمحتيله مره وعدتيها هيتعود على كده على طووووووووول واذا أهانك لازم تحسسيه ببشاعة اللى عمله وتخليه يتأسفلك أكتر من مره عشان ميكررهاش تانى......
ربنا يهديلنا أزواجنا ياااااااااارب
بحبكو أوى يا فتكاوات

[أم روان]

ايه الموضوع الجميل ده
طيب انا عاندى شوية نصايح متجربه
بس الاول قولو ربنا يباركلك يا ام روان
لازم تكونى متجدده فى نفسك وروشه فى بيتك كل جوزك ما يشوفك يلاقيكى عامله حاجه جديده تلونى شعرك ترفعيه شويه تنزليه شويه تعملى زعرورتين
غيرى نظام البيت كتيربس يا ريت ومش هو قاعد
اوعى تخليه ينام زعلان اوتتخاصمو ولو كان هو الغلطان
والله هايشلهلك فى قلبو وهتنفع فى اوقات تانيه
لو حصل واتخاصمتو اعمليلو الاكل وكباية الشاى او القهوه بتاعتو واقعدى غصب عنك اشربى معاه
واوعى تسبيه وتنامى فى اوضه تانيه لا تيجيلك كوابيس زيى هههههه
اه والله ده كان بيحصلى بس بطلت
واخر حاجه تخلى ربنا يجبهولك لحد عندك
تصلى وتقرأى القرأن او تسمعيه لو مش فاضيه وتكونى كثيرة الذكر لله
ايه رأيك يا شيكولا جالاكسى

[جالاكسى2006]

ربنا يباركلك يا ام روان يارب وميرسى على النصايح الجميله دى وانتى يا ماهى ان شاء الله ربنا يكرمك بحياه زوجيه سعيده ياقمر

[s_baby20]

كل الاخوات بامانه اعطو نصاحيه جميلة جداااااااااااااا ومااقدر اضيف عليها شيء
اما عن نصيحتي فانها اولا تعامل ربنا تجاه زوجها وتخلص له بداخلها وماتخونه حتى بالتفكير وكمان اذا عصب تسكت هي وهذا الاهم ولاتظن انه بينزل من كرامتها تخليه يهدى بس ماتكون لها نظرات سخريه بسكوتها الا تبين انها مقهورة وبتشوفين كيف هو راح يسكت ويجي لعندك ويراضيك .

[drnahla]

يارب بارك لنا ف ازواجنا جميعا
موضوعك حلو قوووووووى
اقولكم
اهم حاجة تتدلعيه باحب الاسماء اليه
دايما اندهيله ب..بيبى
واوقات حبيبى وحياتى وعيونى وروحى
عشان لما تندهيله باسمه يعرف ان فيه شىء متغير
وانك زعلانة من حاجة بس مش عايزة تقولى
ف علاقتكم الخاصة
امدحى فيه بدون مبالغة
وان كل مرة احسن من اللى قبلها
واساليه دايما هوة بيحب ايه واعمليهوله
خليكى دايما مرحة معاه
لكن لو حسيتى انه هيتريق عليكى بينى انك زعلانة
عشان ميكررهاش
دايما خليكى متجددة ف شكلك وطريقة كلامك
وبرة البيت.......خليه يشوف شخصية وقورة واجتماعية وسيدة مجتمع
مش شلشوحة......
لكن جوة البيت انسانة بسيطة وتعامله ع انه سى السيد
حاولى دايما تخفى عيوبك عنه
ما تكلميش عن عيوبك وانتى صغيرة
او تسخرى من نفسك امامه
حاولى تظهرى نفسك باجمل صورة قدامه
بلاش تحكيله عن نقاط ضعفك
اوعى تقوليله بص,,,,,,,,انا كرشى زاد
انا مش عاجبنى شكلى
هتخليه ياخد باله من عيوبك
كمان اوعى تقرفيه منك.......
يعنى تقوليله ان عندى افرازات كريهة وكدا..لا عالجيها بسرعة
قبل ما ياخد باله