[saadelhelaly]

ممكن تدوني ارائكم
انا مسارة و بشتغل بره انا و جوزي طول السنة كويسين و تقريبا مشاكلنا لا تذكر و الحمد لله و اول ما يقرب الصيف قلبي بنقبض لان اكيد جوزي بيكون عاوز يسافر
المشكلة اننا لما بنسافر بيفضل قاعد في البيت الشهر كله اللي بننزله و مش بيتحرك من مكانه و المشكلة التانية ان اهله طول الشهر ده قاعدين عندي في شقتي يمكن ما تصدقوش بس هو ده الحاصل فعلا اهله كلهم ( الام و الاب و اخواته و اولادهم ) طول الاجازة ( الشهر ) يبدولو علينا الشفتات و لما اقوله تعالي نخرج يكون الرد: استني يمكن حد يجيى يسلم علينا
ولو محدش جه يقول طب و امي و ابويا اسبيهم انا نازل على شانهم !
المشكلة كمان انه طول السنة بيكون شغال و مفيش الوقت المناسب نخرج و نغير جو و كل سنة يقولي السنة دي غير كل مرة و تبدا سلسلة من الوعود
و على فكرة لو جات له فرصة للخروج لوحده مش بيتاخر ابدا و يجري في لمح البصر يكون جاهز !!!!
انا اهلي معايا في نفس البلد وعشان كده بطلب منه دايما انه يسافر لوحدة بس بتبقا اجازة خنقة لما بيسافر و يسيبنا و لما بنسافر معاه انا و الولاد بتكون اجازة متعبة و كلها مشاكل لاني بفضل قاعدة 30 يوم في البيت يعني من كل النواحي بكره الصيف بسبب السفر
ممكن تساعدوني ازاي ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

[فدووو]

حبيبتي انا كمان زيك ونفس وضعك وحولت ان نقضي الاجازه هنا داخلي يعني موفقش هنعمل ايه امرنا لله ونستحمل بقي وربنا معانا

[الزوجة الاولى]

حبيبه قلبى دول اهله ومحروم منهم طول السنه انا شايفه ان مفهاش حاجه
ولو على الخروج اقترحى عليه ان تخرجوا كلكم مع بعض اقصد اهله وغيرى جو
ماهو ياستى معاكى طول السنه يعنى مفهاش حاجه

[saadelhelaly]

على فكرة انتي مش واخدة بالك من حاجة احنا هنا من البيت للشغل و من الشغل للبيت وهو بيطلع الساعة 7 الصبح معانا و يجي البيت يتغدى و ييطلع الساعة 3 و يرجع الساعة 12
انا مش معترضة على اهله انا عاوزة اعرف هل كدة صح انهم يقعدو معايا اقامة دايمة 24 ساعة مش بقدر البس قميص نوم على راحتي ممكن ابقا في اوضة نومي و الاقي اي حد داخل عليا في اي وقت !!!!!!و احنا كمان من حقنا نغير جو ويبقا لنا خصوصية و لا ايه ؟؟؟

[جرجرة]

أهلا حبيبتي...
أنا كنت مثلك تقريبا...
ولكن الفرق بأن مش بس الاهل.. ولكن أصحابه يزورونا من الشمال ويباتو عندنا..

فكرت أكثر من مرة في الحل، ولقيت بأني أطلب من أهل زوجي مثل (أمه وأخته) بأننا نقضيها سهرة خارجية وطلبت منهم أنهم يعينوني على زوجي... وقلت لهم بكل صراحة بأن لي فترة ما طلعت من البيت وزوجي مش راضي يفسحني، عشان كذا أنا جيت أطلب منكم أنكم تقنعون زوجي بالسياسة....
حاولو معاه أكثر من مرة....وهو يرفض... وفي نفس الوقت كنت أزن عليهم....لحد ما (شهد شاهد من أهلها ) ... وقالو إحنا حنطلع عنكم إسبوع كامل.. هو حيطفش من الوحدة.. وأكيد راح يستجيب لطلباتك....

وبالفعل.. جات منهم.... وهم حسّو على دمهم شوي.. ولكن بالسياسة

والحين صرت أنا اللي أعزمهم عندنا بالبيت..

[ماجي2008]

انتي عارفه انك بتؤجر هو صحيح من المفروض تبقى فى راحة شوية بس ربنا اوصى بصلة الرحم واستحملى ياستي هو شهر اعتبري نفسك انتى كمان فى اجازة وبعدين انا شايفة اكيد راحة زوجك هتنعكس عليكي وربنا يهدي

[saadelhelaly]

عارفة يا ماجي انتي بتقولي اعتبريها اجازة المشكلة انك بتخدمي عيلة تقريبا كاملة في شقة غرفتين و مسؤولة عن اكلهم و شربهم و نظافة البيت وولادك و جوزك ومش من حقي الاعتراض !!!!و اعتبرها اجازة ازاي ؟؟بدل ما اهدي اعصابي انزل للدوخة !
انا عموما صابرة و بحاول امشي اموري
و هما متماديين و بيقولولي احنا عارفين ان احنا دخلاء عليكم
و معندهمش اي حل او نيه انهم يتغيروا
و يقولو لي مش بتخرجو ؟ طب ما انتو موجودين !! يردو : لا اخرجو و احنا نستناكم!!!!!!!!!!!!!!!!!!!!!!!! ادوني عقلكم !!!!

[reda mohamed]

أنا مع راى الزوجة الأولى وماجى ::::::: هو معاكى 11 شهر يعنى ماجتش على شهر يقضيه مع أهله ولو عايزه تخرجى اطلعوا كلكم مع بعض الفسحة ماتحلاش إلا باللمة .

[جرجرة]

مثل ما قلت لك...
خلي الكرة في ملعبهم...
وبالتالي خليهم هم يقنعو زوجك ويشوفون هم الحل

[drnahla]

هية مشكلة فعلا ربنا يعينك
بس بالنسبة ليا
انا بقى منتهى الدلع..وسايقة فيها
انا شقتى ف مصر
وهما ف بلد تانية
عشان كدا احنا اللى بنروح عندهم عشان كل اهلنا ف بلد جوزى
المهم ببقى انا ضيفة
وكلهم فرحانين بينا وبنخرج سوا لمة
والله بتبقى ايام حلوة
بالنسبة لكى
حاولى تقولى لاهله تيجى نغير جو
ونروح عندكم
وروحى عندهم قبل ما ييجو عندك
يعنى اسبقيهم
ولمحى انهم يعزموكى عند كل بيت شويه
منها تتفسحى
ومنها تقللى من الحمل اللى عليكى

[saadelhelaly]

ايه رايك بقا ان محدش عندهم يقدر يعزم الا مرة وحدة بس لان كلهم في بيت عيلة و في بلد في الريف و لو عزمونا مرة بيبقا يوم ملوش ملامح خدي عنك ناموس و حر خنقة ولما نروح بيفرض عليا ننام عندم على الاقل 3 ايام بلياليهم وانا و اولادي و جوزي ما لناش مكان و لا حتى اوضة نتلم فيها كل يوم ننام عند واحد و يبقا عامل فينا جميلة كانه شايلنا على راسه
ولو حد من ولادي جاع اعمل ايه انا رايحة ضيفة وولادي اللعب واخدهم يفضلو ساعة اتنين لحد ما يفكرو يتحركو يعملو حاجة
اصل العيلة تقيلة شوية مش عاوزة اقول باردين

[lol5]

الله يعينك

أنا معك الوحدة بدها إجازة إلها هي كمان.. ما هي طول السنة قاعدة هنا.. وأنا أدرى بجو الكويت.. شغل وما في أماكن كتير الواحد يطلع فيها.. إلا المجمعات والمطاعم يعني حتى لما بيكون الجو كويس يادوب اسبوعين تلاتة وقت تغيير الموسم صيف شتا.. او شتا صيف.. وبعد هيك سلامة تسلمك

يعني حتى هي من حقها مسكينة إنها تتنفس وتتفسح.. مش إجازة يتكتم على قلبها.. أقول لك.. لا تسافري بس لا تقولي لول حرضتني على زوجي هههههههههه

الله يعينك

مش عارفة شو أقول لك.. والله.. بس صعبتي عليي.. قلت أشاركك وجدانيا

سامحيني

[em salam]

بالفعل الله يكون بعونك
معلش استحملي حتعملي ايه
اتناقشي مع جوزك قبل السفر ويحلفلك انو مش حيعمل زي كل سنه
ولو مرضيش قوليله مش حسافر
فهميه انك مش معترضه على اهله ووجودهم معاك
بس انت من حقك تستريحي وتتفسحي
ويا رب تلاقي نتيجه
وبالتوفيق يا رب

[drnahla]

....,,.
ايه رايك تعرضى عليه انكم تاخرو ميعاد الاجازة لشهر يكون فيه مدارس
وبالتالى الناس اللى بيجيلكو يكون مشغولين مع اولادهم ف مدارسهم


او تعرضى عليه تروحو اسبوع مصيف اخر الاجازة
وممكن تاخدو امه وابوه بس معاكم
مش عقول العيلة كلها هتروح معاكم المصيف؟؟؟؟؟؟؟

[أم روان]

والله قلبى معاكى
بس عايزه اقولك ان الناس بيفرحو بينا
انا لما بروح لماما فى الاجازه البيت مش بيفضى
عاندى حل ممكن انت تجهزى للخروج وتحضرى الاكل وتحطى جوزك ادام الامر الواقع يقوم يضطر يخرج معاكم
وباعدين كام مره يجو مايلاقيكوش يعرفو انكو بتزهقو من البيت وبتخرجو
ولما تسافرى عاندهم خلى فى شنطتك علب جبنه للى يجوع

[ماجي2008]

ربنا يصبرك هو فعلا لو انا مكانك ممكن اضيق وخاصة الفلاحين ولا الصعايدة بتوع البلاد لما بروحو عند اقاربهم بيرحو ويبقوا مش عاوزين يمشوا الله يكون فى عونك ده فعلا الواحد بيخدم نفسه بالعافية ممكن تقولى لزوجك زي ما قالت الاخت سلمي وتتناقش معاه بهدوء وهو لو بيحبك كفاية اسبوع واحد وتقوليها كده بكل صراحة انا هافتح بيتى فى مصر اسبوع واحد فقط بعد سوريء مش هاستقبل حد عندي لان الانسان طاقة وانا طاقتى لحد كده وربنا معاكي ويارب يحسوا ويخففوا شوية

[saadelhelaly]

اشكركم و الله اسعدتوني بكلامك و دعمكم
مبسوطة بيكم و كانكم اخواتي