[نور إسلامنا]

السلام عليكم و رحمة الله و بركاته

انا رجعت تاني بعد ما قريت كل الموضوع و كتبت الحاجات اللي عايزاها عشان تبقى معايا دايماً

بص بقى انا عندي شوية اسئله كده

- انا ايدي بايظة من منتجات التنظيف (اصل انا عندي زمة اوي و بحب انظف دايماً و دايما بستخدم حاجات قوية زي الكلور) و منتجات بصراحة زي ما بتنظف بتخلي ايدي تحمر اوي و ممكن تورم كده و بعد شوية يروح الالتهاب و تبقى ايدي خشنة جداً من فوق و تحت و ساعات تقشر و بتبقى غامقه حتى الاظافر بتبقى مقصفة
انا نفسي ايدي تبقى ناعمة و بيضا و الاظافر بتلمع كده.. بس بردو مابطلش انظف...لحسن ماما تقطعني

- كمان عايزة اسألك على حكاية التشقير قبل ازاله الشعر..هو انا ممكن اشقر بعد الازاله يعني الشعر الباقي بس بدل ما اشقر شعر و اشيله و مابقاش مشتفيدة من التشقير ده.

- كمان عايزة اسألك في حكاية الثوم على الشعر ده...هو انا اجيب الثوم المفروم و احطه على الفروة ولا مثلاً اقسم فص الثوم و امشيه من الناحية اللي جوة علي الفروة؟ و اغسله الصبح عادي؟ ... يعني كل يوم حيتغسل ؟ طيب مش حيحصله اي ضرر من الغسيل المتكرر ده؟ ... اصل انا ماقدرش انزل بالثوم و هو في شعري لاني بشتغل...
طيب هو كريم فاشكول بالثوم بيدي نفس النتيجة ولا لأ؟ اكيد ريحته حتبقى ارحم من ريحة الثوم...

بصي كفايه اسئله زماني وجعتلك دماغك...
اما تجاوبيني بإذن الله حكتبلك الباقي...ok؟

و شكراً مقدما على ردك يا جميل

[مريله كحلي]

ازيك يا احلى قمر انا كنت بعتلك مسج على الخاص وانتي بجد مقصرتيش معايا وحبيت اشكرك اوووووي قدام كل الفتوكات وبجد بجد انتي زوق جدا جدا وبالمناسبه انا دخلت على البيج بتعتك اللي فيها ابداعاتك بجددددد فوق الوصف رائعه بكل المعاني وربنا يااارب يحبب فيكي الناس كمان وكمان
ومعلش بقى عندي كزا سؤال كمان دلوقتي بعد ما اعمل حمام البخار لازم احط الطمي المغربي دا ولا ممكن احط الماسك المغربي اللي جبتو من المنتدى هنا وكمان ممكن احط بدل شجرة الشاي بابونج ولا مش هيكون ليها تاثير زيو كدا؟ وانا قريت ليكي كزا ماسك واحد عن البشره المجهده والتاني عشان البقع السودا ينفع يكون البرنامج كالاتي اغسل وشي بصبونه وبعدين اعمل سنفره وبعدين اعمل حمام بخار وبعدو احط الماسك المغربي واستنى ساعه كدا وبعدين اقفل المسام بمايه بارده وتلج وبعدين احط ماسك البشره المجهده والبقع ؟ حاسه اني هعك اوي انا فهماكي ان الطمي دا والبخار كل اسبوع او 10 ايام بس معنديش وممكن مقدرش اجيبو بردو احط الماسك الغربي كل اسبوع ولا كل يوم عادي؟ والبنسبه لماسك البشره المجهده والبقع يبقى كل يوم ولا كل قد ايه ؟ رخامه مووت انا عارفه بس استحمليني =]]]

[مصر وطنى]

مووضعك رائع جدا ماشاء الله عليكى بس انا عندى كم سؤال كدا
شوفى ياستى انا شعرى وحش اوى اوى اوى يعنى كان تقيل وكويس ودلوقتى وقع بغزاره بقى خفيف جداجدا خصوصا من قدام كدا وكمان هايش وناشف وبيقع بغزاره انا سمعت عن وصفه هنا وبرجبها النهارده رابع مره اعملها وهيا (راس ثوم مفرومه +زيت الحيه+زيت دابر املا +زيت جنين القمح او لوز+زيت زيتون)اسخنهم على نار لمدة دقيقه واحطهم على شعرى واسيبهم تقريبا 5 ساعات بيقولوا هيمنع التساقط وكدا هيا الوصفه حلوه يعنى شعرى حاسيته رطب شويه بس لسه بيقع زى الاول بغزاره وعلى فكره جربت الحبوب الى هيا fornails and hair بس مجبتشى معايه نتجيه وكمان بتعمل زيادة وزن على الفاضى فياريت تقوليلى حل بالله عليك بس بلاش حبوب لان معدتى تعبانى .
ثانيا بشرتى دهنيه وفيها حبوب وبثور سوداء وبقع مكان الحبوب وكدا انا بستعمل ماء ورد ودلوقتى بدهنا كل يوم جلسرين وليمون بس لسه هشوف النتيجه دول كويسين ولاايه رايك بالنسبه لسنفرة الوجه هيا نفسها spa saltولا نووع تانى وممكن استعمل الملح العادى ملح الطعام يعنى لسنفرة الركب والكوع .
وياريت تشرحى طريقة لتشقير الشعر الزائد ودا يتعمل قبل نزعه بالحلاوه ولا بعده
وبجد انا متاسفه انى طولت عليكى بس بتمنى تجاوبينى وربنا يجعله فى ميزان حسناتك يارب

[اعتز بالاسلام]

بارك الله فيك اختي

علي هذا المجهود الرائع

جزاك الله خيرا

سؤال انا هو

عاوزة حاجة لتبيض اليدين

لانها سمراء من الشمس من عند الكوع حتي الكف

وزهقت من كتر الوصفات

و عايزة اعرف لما احط بودرة مائية احط فوقها بودرة عادية ولاكريم اساس

ولا يكفي البودرة المائية وايه احسن بوع البودرة العاديةوالبودرة المائية

علي فكرة انا سمراء

وكمان عايزة اعرف ازاي اضبط الكحل في عيوني

وكمان عايزة اعرف نوع كحل كويس لاني قرات مرة في انواع مش كويسة

وعايزة اعرف ايه الالوان اللي تناسب لي من الاي شادو

انا عيوني صغيرة ولونها عسلي

وازاي اخفي التجاعيد اللي حول العين

[رودى صغنونه]

الموضووووووع تحفه بجد يا جميله وعاوزين معلومات اكتر من خبراتك انا الحمد لله استفدت من الاسئله والاجوبه الموجوده بس حبيت اقول اشكرك من كل قلبى

[ممش24]

السلام عليكم
انا قريت ياقمر ال20صفحه تعبت بجد تعبت
بس كله فدى الموضوع الرائع ده
وطبعا قيمته من اول صفحتين
بصى ياستى
اولا صدرى صغير نفسى يكبر
ثانيا عايزة افتح الاماكن الغامقه
وبس
شوفتى حاجات سهله ازاى

[قمر الاسكندرية]

شكرا على كل الافادة دية بس انا عندى سؤال ازاى اخلى المنطقة الحساسة بنفس لون جسمى حتى لو باستخدام الكريمات بس فى وقت قصير وربنا يعطيكى كل خير ولو سمحتى انا عايزة الرد بسرعة

[ام عمر12]

ديديييييييي ربنا يعزك ويفرحك ويرزقك الزوج الصالح ويجملك في عينه اذا مش متزوجة واذا متزوجة ربنا يرزقك بالذرية الصالحة ويقر عينك بيها امين يارب العالمين

بصي انا مضايقة جداا بسبب شعر بنتي عندها 3 سنين ودلوقتي من كلامك اكتشفت اني كنت بعملها كارثة في شعرها وهي اني بحط زيوووت الدنيا علي شعرها نفسه بقالي بتاع سنة كدة او اقل والنتيجة ان شعرها جااااااااااااااااف من هنا لبكرة وهاااااااااايش من هنا لبكرة واحيانا بلاقيه بيقع انا بقي عاوزاكي تنقذيها وتخليها تدعيلي لما تكبر ان شاءالله مش تدعي علي
انا حطيت لها زبادي وعسل وزبدة ومايونيز بلاقي نتيجة بسييطة
الله يكرمك حدديلي ايه الزيوت اللي احطها لها بالظبط وكل كم يوم وبعد الغسيل ادهن لها ايه لاني بدهن لها كريم وشعرها يشربه ولا كانه حاطة ايييي حاجة وعاوزة اي حاجة تفرد لها التموجات والكسرات اللي في شعرها ودي عندي اهم حاجة بجد هل فعلا الاملج بيفرد الشعر مع زيت السمسم ولو ايوة ايه احسن طريقة للاملج؟؟
وانتي قلتي ان السيروم زيرو فريز حلو طيب ازاي اتاكد انه الاصلي مش التقليد واحطه بعد الغسيل وعند التسريح كل مرة؟؟؟
ولو فيه اي حمام كريم او زيت هيجيب نتيجة حلوة مع شعرها دليني عليه ربنا يدلك علي الخير

يارب تجاوبيني بسرعة لاني والله متضايقة ونفسي شعرها يبقي جميل
ربنا يسعدك يارب

[كتكوتة ♥lolo♥ فتكات]

بجد موضوع رااااااااائع يا ديدى وكلمة رائع قليل عليه والله ربنا يكرمك ويجازيكى خير يارب ويسعدك
بصى بقا انا اسئلتى 1-اعايزة احسن ماسك لتفتيح البشرة ويخليها صافيييييييييييية
وكمان ماسك او كريم اتفتيح الايد عشان مسمرة من الشمس اوى غير لون دراعى

2- الهالات بقا يا ديدى نفسى تروووووووح انتى قولتى احسن حاجة شرايح البطاطس بس مش فاهمة الطريقة اعمل اخد القشر احطة ولا اية بالظبط
3- شعرى بقاااا عايزة حاجة تخليه مش ناعم لا حرييييييييير طماعة انا
4-ياريت لو تعملينا حلقة عن المكياج يا ديدى يعنى احسن انواع ف كل حاجة عشان مبفهمش ف الانواع خالص والالوان اللى تليق على مختلف الوان البشرة

هو البرنامج الى كنت عاملاة للبنت اللى جبتلنا صورتها قبل وبعد كان البخار والطمى المغرب بس ولا عملتى حاجات تانية ياريت تكملى وتقوليلنا اصل الفرق حلو اوووووى
منتظرة ردك يا قمر وربنا يجازيكى خير يارب ومعللش لو كنت كترت عليكى ف الاسئلة

[hana a7med]

موضوعك هايل بجد جدا ربنا يكرمك عليه بس انا كنت عاوزه استفيد بقي من خبراتك وانتهازها فرصه خصوصا وانا قربت اتجوز وعندي مشاكل في بشرتي مضيقاني.كنت عاوزه حاجه لتبيض تحت الدراع والمنطقه الحساسه.كمان فيه شعر بيطلعلي في اماكن معينه عاوزه حل ليه ياريت ماتنسينيش وميرسي خالص ليكي ياقمر.