[ام عمر12]

حبيبتي ديدي مليون شكر علي ردك علي انا اللي سالتك عن شعر بنتي واني كنت بحط لها زيوت كتير بس انتي مقلتليش ازاي ارجع لها شعرها حلو وأحسنه انتي قلتيلي استعملها حمام كريم بجوز الهند(ياتري ايه احسن نوع؟؟) واني اغسل لها شعرها بالبلسم بس معقول مفيش اي حاجة تطريلها شعرها وتغذيه وتنعمه؟؟
معلشي انا مكسوفة منك بس عاوزة اكثف لها العلاج لان فعلا شعرها زي ماقلتي شبه محروق من الزيت
وبعدين انتي قلتي قبل كدة علي طريقة حلوة لتنعيم الشعر وفرده ممكن تقوليهالي الله يخليكي

[نوشا]

انا عارفه ان انا مصدعاكى بس انا جبت 2 حمام كريم فاشكول الواحد ب 53 ازاى ده مش الاصلى انتى قلتى الاصلى ب 60

بصي ياقمر
هو انتى جبتيه منين
اصل اللي انا جبته وان شاء الله هو اصلي
كنت جيباه من صيدلية الطرشوبي
معروفة انها صيدلية محترمةوحاجتها جيدة مش تقليد
وليها حوالي 5 فروع ف المنصورة
كنت جيباه ب45جنيه تقريبا
هي قالتلك انه مش اصلي لان الاصلي بالتوم او العسل بس
وتقريبا انتى قلتىانك جبتي بزيت الحية وحاجة كمان
نعلش ياقمر على تدخلي
بس قلت اقولك اللي اعرفه
على ماحنونة ترد عليكي

[the bright]

على فكرة يا ديدى موضوع جميل جدا
ومفيد جدا
وبجد ربنا يقدر كمان وكمان على افادة الناس
انا كنت عايزة اسألك على حاجة انا سمعتها ومش عارفة هى صح ولا غلط
فى ناس بتقول ان زيت الحية بيوقع الشعر ده فعلا صح ؟
وياريت اسمع رايك عن الزيت ؟
اصل بصراحة جايلى ازازة من بره وبقيت خايفة استعمله
ولو هو كويس استعمله ازاى ؟
انا اسفة يا قمر لو كنت تقلت عليكى

[marwa_elqueen]

يا جماعة فاشكول الاصلى بالتوم ومكتوب علية بالعربى ومصنوع فى ايطاليا دى مكتوبة بالانجليزى وشكل العلبة شكل الى موجودة فى اول صفحة بالظبط اصل فى مصنوع فى لبنان ودة تقليد وبيبعوة بنفس السعر الاصلى مهو محدش عارف حاجة بقى

[كــــابر]

علش يا ديدى هو بعد مادعك الفروة بالخل

اغسلها ولا اخليه على شعرى شوية معلش بتقل عليكى

ماقلتش تدعكي فروه راسك بالخل لوحده انتي كده هاتهري فروت راسك لازم معها شامبو او بلسم وياريت بلسم .. وتدعكي لمده دقيقه بالظبط وتغسلي بمايه دافيه .. عشان مسام راسك تفتح ويخرج الفطر بتاع القشره شويه بشويه .. ولا بتقلي ولا حاجه نورتيني

ميرسيييييييي جداااااااااااااا ليكي بجد مكنتش متوقعة انك هترضي علينا بسرعة كده واضح إنك نشيطة أوي ما شاء الله
انا هجرب زي ما قولتيلي انشاءالله بس ممكن تقوليلي إيه الفكرة في إني أحط الزيت الأول و بعديه المرطب بساعة؟ معلش أصلي بحب افهم انا بعمل إيه بالظبط, كمان لو عايزة أزود عليهم كبسولات فيتامينات ممكن أعمل خلطة علي بعضيها عبارة عن الزيت و الكبسولات و المرطب؟ لإني قريت اني ممكن أخلطهم مع المرطب.
عشان ياحبيبت قلبي تعرفي ايه المناسب اكتر لبشرتك وهل بشرتك استجبت اسرع لا ايه الكريم والا الزيت .. لازم تشوفي وتجربي كل حاجه وتعرفي المناسب اكتر حاجه .. وكمان عشان انا مش بحب اوي اخلط شي طبيعي مع شي صناعي بحب كل حاجه تكون لوحدها وانتي براحتك .. الكبسولات ممكن علي الكريم ويستحسن لوحدها ..
كمان انتي قولتي انك مش بتحبي الفرد و انا كمان والله بس الكويك سموث ده كويس وللا يعتبر فرد برضه؟ اانا شعري ناعم بس عيزاه عشان الهيشان و عشان يرحمني من العمايل لإني بحبه شكله حلو علي طول ..
انا بعشق منتجات تشي .. وبثق فيها كمان اسمعي .. توكلي علي الله وجربي وانا معاكي في اي حاجه ياقمر .. وان شالله خير
حاجة كمان هيه البيبي ليس دي أحسن من براون وللا هيه أساسا نوع من براون وللا إيه؟ كمان بالنسبة لشعر ضعيف و خفيف زي حالاتي مش هتضره إذا استعملتها علي خفيف مرة في الأسبوع مثلا؟
البيبي لس ده برند ياقمر يعني ماركه منفصله عن البروان وده اسمها .. بروان ماركه تانيه .. لا مكواه السيراميك اقل ضرر من الاستشوار ومن اي جهاز كهربائي تاني وده رائي جميع مصففين الشعر العالميين كمان .. احسن نوع علي فكره تشي وبعده بروان وبيبي لس

نورتيني ياقمرايه ..

السلام عليكم ورحمة الله وبركاته
اولا موضوعك رائع وجزاك الله خير عليه وعلى تقديم خبرتك لنا والرد على الاسئلة
ربنا يجعله فى ميزان حسناتك ويرزقك بالزوج الصالح والذرية الصالحة
وعليكم السلام ورحمه الله وبركاته .. ربنا يعزك ويعز قلبك مشكوره علي الكلام والدعاء الرائع ده .. بموت فيكي ..
انا خايفة انى اتقل عليكى بس انا كنت عايزة اعرف منك بعض الحاجات
تقلي عليا من هنا للصبح ..
انا بشرتى وشعرى دهنى كان عندى حبوب فى وجهى بس الحمد لله دلوقتى مافيش لكن فى بعض الاثار والحبوب الحمرا واكيد انت ادرى بمشاكل البشرة الدهنية
عايزه منك الطريقة والستحضرات اللى بها اوصل لبشرة صحيه وما تقلقيش انا بسمع الكلامبس ارجوك بتفصيل وعدد المرات
بالتفصيل .. كل حاجه كاتبها هنا بالتفصيل ولكن بالمجمل هاتعملي الاتي ..
حمام بخار
تشيلي الدهون والروس السوده بالابرا الخاصه وصورتها هنا ف الموضوع شوفيها
تعملي سكراب اوسنفره
وترجعي تعملي حمام بخار تاني
وبعدين تعملي ماسك مغربي وتحطي عليه نص ليمونه
بعده تقفلي المسام بالتونيك للبشره الدهنيه
والكلام يتعمل كل 15 يوم
وكل 3 ايام تفتحي كبسوله فيتامين E وتدهني بيها علي الامكان اللي فيها اثر حبوب او بقع ..
ويستحسن يكون قبل النوم عشان وقت النوم الخلايا بتتجدد
وتابعي معايا وقوليلي ايه اللي بيحصل ..
وكل اسبوع تعملي ماسك سنغره بالنعناع .. وده هاتيه جاهز او بالخيار والزبادي

اما شعرى فهو ناعم لكن بيهيش وبيوقع جامد جدا خصوصا انى برضع لكن هو كده من الاول
زيت جدايل الاخضر ده رائع لوقف التساقط والهايشان
والرضاعه ياحبيبت قلبي لازم شعرك يقع معها بس متخافيش ..
في انبولات اسمها ايفا بالصبار دي رااااائعه تجبيها من الصيدليه وعليها طريقه الاستعمال بجد هايله لوقف التساقط
واهتمي باكلك ياقمر كلي اي حاجه خضرا كتير اوي
بجد جزاك الله خير
ومعلش انا طولت عليكى
اللهم اجعلنا فى ظل عرشه يوم لاظل الا ظله

اللهم امين .. ربنا يخليكي للابنك او بنتك وجوزك يارب.. وتتجملي في عيونه اكتر واكتر

هاااااااااااااااى ديدى ممكن تستعدى انا مشاكلى كتيررررررررررر
اولا انا كنت اتحسد على نعومة بشرتى وصفاءها مفيش حتى فسفوسة مع انى انا سمراء لحد معملت كذا حاجة مش عارفة انهى منهم اللى بوظت الدنيا مبدأيااا استعملت زيت زيتون وجنين قمح علشان افتح شوية وكان فرح بنت عمى قريب فأشتريت بودرة مائية روزتا الله يسامح الست اللى بعتهالى اول ماحتطها شميت ريحة كبريت وحشة مهتمتش وكملت الميك عادى والفرح عدى على خير تانى يوم ظهرت حبوب بقالى 6 شهورررررر بعانى منها ومش عارفة اعالجها والافظع البقع اللى من اثار الحبوبعلى فكرة انا بشرتى مختلطة
ممكن تقوليلى اعمل اية بالتفصيل
وسورى للاطالة ربنا يجعلة فى ميزان حسناتك

لازم تروحي لدكتور ولو روحتي ياريت تقوليلي قالك ايه بالظبط لاني مش فاهمه سبب المشكله لحد دلوقتي .. وان شالله خير ماتقلقيش

السلام عليكم ورحمه الله وبركاته
وعليكم السلام ورحمه الله وبركاته
ازيك ياقمرايه اخبارك ايه؟؟
احمد ربي .. بخير
انا متابعتة معاكى الموضوع من الاول وبجد بجد موضوع جميل خالص
وانتى بتبذلى معانا بصراحة مجهود جبار ربنا يجازيكى خير ويكرمك دايما
ربنا يعزك ياقلبي مشكوره
انا بقى عاوزه اسالك على حاجه
انا عندى اسمرار تحت الابط واستعملت مرهم بيتادين بقالى اسبوع بحطه قبل ما انام واسيبه للصبح ابقى اغسله ومفيش اى تاثير واضح هل اكمل عليه لحد ما الانبوبه تخلص شهر كده ولا حاجه ولا هو فعلا ممكن ميجيبش نتيجه ومتقلقيش انا عندى صبر يعنى ممكن استعمله لفتره طويله كمان بس يجيب نتيجه ولو فى اى حاجه اقوى منه ياريت تقوليلى عليها
مرهم بيتادين للاماكن الحساسه اكتر نتيجه بيجبها لان المكان ده مش بيتهوي كويس فا بيكون عرضه للبكتريا والبتادين بيقتل البكرتيا اللي هيا مسببه للاسمرار
والاسمرار اللي تحت الابط هاتعملي الاتي
1 علبة جليسوليد + 2 معلقة شبه مطحونه +1 معلقة نشا + 1 مكعب مسك مطحون + معالق بودره تلك غير معطره + ماء ورد للخلط

الخلطه دى بتعمليها وتحطيها فى الحمام وبعد كل حمام تحطى منها وهى بتبيض وتخلى الريحه حلوهه اووى ولما تنشف زودى ماء الورد وتخلى الخلطه دى دايما عندك

سؤال كمان بقى وهو الاخير ياحبيبتى مش هتقل عليكى
انا بقى عاوزه اصرخ جاااااااااااااااامد الحقينى بجد
انا شعرى كان بيقع لمده سنتين بطريقه بشعه واتعالجت بحجات كتير جدا ورحت لدكاتره كتير ومفيش فايده وفى الاخر وقف لوحده مبقاش يقع بقاله سنه تقريبا وبقى تقيل نوعا ما عن الاول وبدأ يتظبط وكنت فرحانه بيه اوى وبهتم بيه كويس

فجاه بقى من 3 اسابيع بدا يقع بطريقه ابشع من الاول حللت انيميا جرى لقيتها عندى اخدت 18 حبايه لدلوقتى ومفيش فايده مش عاوز يبطل يقع انا بستعمل شامبو وبلسم بانتين قلت خلاص مش هغسل شعرى بالشامبو يمكن تقيل شويه على الشعر فى الوقت ده بقيت اغسله بالبلسم كويس ومفيش فايده لسه بيقع مبقتش احط عليه زيت ولا كريم ولا اى حاجه مفيش فايده خف جدا فى الفتره القصيره دى وحاسه انى هبقى قرعه عملت حمام زيت جنين القمح ودابر املا مفيش فايده مبقتش اسرحه كتير برده الحقينى عشان خاطرى انا هبقى قرعه خلاص
مع العلم ان انا مش بستشوره ولا بكويه ولا فى اى صبغه ولا اى حاجه لانه حلو بطبيعته مش محتاج الحمدلله
لازم اشوف شعرك .. لان بصراحه خايفه اقولك علي حاجه واضرك مش افيدك .. لان انتي مش ناقصه .. انا اسفه بس مش بحب اتكلم وخلاص
لكى منى كل التقدير والاحترام والشكر مقدما

شرفني وجودك ياعزيزتي

NOVELLده ياحببتى كريم تسريح ومكتوب عليه
aqua-mineral oil-peg-20glyceryl stearate-steareth-2steareth-bees wax -cetearyl alcohol-carbopol-fragrance B.H.T-

في بعض الكلام مكتوب غلط .. بس هوا كويس
استعمليه علي الشعر بسسسسسسس مايلمسش فروه راسك
وتتهني بشعرك يارب وان شالله بالفايده

جزاكى الله كل خير على موضوعك الاكثر من راااااااائع
وليا كام سؤال بعد اذنك انا ان شاء الله فرحى بعد شهرين وعاوزة اعمل برنامج امشى عليا وانا استفدت منك فى الخطوات اللى فاتت بس عاوزة اعرف لما اعمل حمام بخار للبشرة اعمل قبلها سنفرة ولا بعدها ؟؟؟

الف الف مبروك ربنا يتمم بخير ويهدي سرك .. اي حاجه تعمليها هاتكون بعد البخار عشان المسام تكون مفتوحه ونستفيد اكبر قدر من اللي بنحطه علي البشره
وكمان امسح الوجه بعد حمام البخار بقنطة لازالة الاوساخ ولا استخدم تونر على طول
الاوساخ دي تشيلها بالقطنه وانتي بتشتغلي علي البخار عادي
والابرا تشتيلي بيها الدهون والروس من علي المنخير وجوانب المنخير واخر خطوه هيا التونيك
وكمان بالنسبة للبيبى ليس انا لقيت براون العادية مش الديجيتال ب290 جنيه صينى
ياترى كويسة ولا اجيب نوع تانى اسمه بيبى ليس سمعت انه برده كويس
الاتنين كويسين لو شعرك خشن شويه هاتي بروان ولو عادي هاتي بيبي لس
وبالنسبة لحمام الشعر بزيت الزيتون ممكن اضيف الزيت على حمام كريم زى بوناويل بالخوخ او بزيت جنين القمح مثلا لانى بحس ان حمام الزيت لوحده بينشف شعرى مش بيطريه
عشان الزيت مكانه مش الشعر مكان الفروره فقط
والكريم مكانه الشعر مش الفروه
ولو عايزه تحطي زيت علي كريم اوكي ..
معلش طولت عليكى ...وبجد شكرا ليكى على موضوعك الرااااااااائع ده

طولي براحتك .. نورتيني

معلش نسيت اسألك انا شعرى اسود قوى و مش تقيل ولا خفيف وسط يعنى وبجد نفسى اعمله صبغة قبل الفرح لون يليق على بشرتى انا خمرية
انصحك بلاش تصبغي شعرك كله .. اكتفي بهاي لايت في كل شعرك وتكون بصبغه مش بودره اوعيييييييي مافيش بودره تلمس شعرك
لانك لو صبغتي هاتقولك عشان لون شعرك غامق لازم سحب لوون
والسحب بيكون بالبودره والاكسجين
هايكون حلو كالون ف الاول بس بعدين
هاتندمي ندم عمرك كله
اعملي خصل لون حلو كده زي مثلا الرمادي او البني المحمر
دي بتبقي وااااااو علي الشعر الاسود
دي نصحيه
فياريت تدلينى على حد كويس فى القاهرة يضبطلى الصبغة وميبوظش شعرى
وكمان اقترحى عليا لون يناسب بشرتى
شكرا ليكى يا قمر

بصراحه مابحب ارشح حد لاني وديت ناس كتير لانس اعرفهم وزعلوا مني لان اغلبهم للاسف مافيش ضمير
شوفي انتي بس هاتعملي امتا وقوليلي

ديدى ياقمر بصراحة مش عرفة اقولك ايه ميرسى على زوقك وردودك الوافية ولا على روحك الجميلة بجد انتى رااااائعة وجعله الله فى ميزان حسناتك
تسلميلي ياقمرايه .. بموت فيكي
ابدأ استغل خبرتك بقا بعد الكلام الحلو ده ههههههههههههه
هههههههههههههه ماشي
سؤالى الاول عن الركبة انا ركبتى مش سمرة بس المشكلة عندى مكان الصلاة ياترى اعمل السنفرة والجلسرين والليمون ولا فى حاجة تاينة
اه طبعا دي رائعه جداا
سؤالى التانى بقا طويل شوية معلش بس انا طمعانة فى كرمك
انا شعرى والحمد لله مش خفيف ونوعه مخلوط فيه شعرة ناعمة ورفيعة وشعرة سميكة ومجعدة تمام كدة ؟
استنى جيالك فى الكلام ههههههههههههههه
انا عندى بيبى ليس واستعملتها مرة من غير كريم لقيته ناشف ياترى ايه الكريم الكويس اللى استعمله قبلها ويكون مناسب لشعرى وخلاص كدة جاوبينى بقا هههههههههههه

انصحك بلاش كريم هاتي سيروم زيرو فريز سعره 45 جنيه
ده رائع ومعمول لقبل الاستشوار او الفير وبيحمي الشعر كمان من الحراره

السلام عليكم
ميرسى يا جميله بجد على كل مجهوداتك
واسهاماتك فى مجال التجميل ههههههههه وكل التجارب دى
ربنا يبارك لك يارب
تسلميلي يارب .. ربنا يعزك
بصى انا هسالك سؤالين واعزرينى لو مكررين
بس انا فعلا مقدرتش اغطى كل الاسئله

اولا شعرى المشكله انه خفيف مش زى طبيعته وانا صغيره
خفففف كتير
اعمله ايه يعنى حاجه لتتقيل الشعر مش لمنع التساقط
زيت جنين القمح وعليه زيت خروع
حمام زيت كل 3 ايام
علي الفروه فقط
ويترك ساعه ونص مع التدليل وبعدين يتغسل الفروه بالشامبو المخفف بالماء
والفروه فقط
وباقي الشعر بالبلسم

تانى حاجه بقى
موضوع الشعر الخفيف الى بيكون فى الجسم
يعنى واحنا بنوتات كده المناطق المعتاده هى الى بنشيلها
بس اكيد العرايس مش لازم يكون فجسمها شعره حتى لو خفيف
ولا انت ايه رأيك
طبعا ولو شعره .. جوزك يقرف منك علطووووول وحتي لو مش باينه الشعر الخفيف بيقلل النعومه في الملمس ..
فانا عايزه اعرف الشعر الى فى الضهر والبطن والمناطق الى صعب الواحد يطولها
مع العلم انه خفيف جدااا
انا زيك والحل هوا التشقيــــــــــــر
بيفتح اكتر من لونك وبيخلي الشعر مش باين ابدا وبامانه هوا الحل الوحيد للاماكن دي عن تجربه مليون مره قبل كده

انت ايه رايك الواحد يعمل المهمه دى ازاى
طبعا لان صعب كل مره تجيبى حد يعملك
وكمان صعب تبقى بشعرك كده وانت عروسه
مش صعب ولا حاجه .. شوفي انتي امتا وانا هاساعدك
بس المشكله ان فى ناس بتقول انه بيتقل لما بيتشال
انت ايه رايك قولى لى بخبرتك يا عسل انتى

ماتخافيش .. مش هايتشال اصلا كل مكانه ولو طريقه تعامل مختلفه في الجسم
بس قوليلي امتا واانا هاساعدك

ربنا يخليكى يا ديدى على معلوماتك القيمه دى والله يكون فى عونك ويزيدك من علمه وتنجحى فى الموضوع بتاعك لان
يااااااااارب لاني بجد تعبت
لكل مجتهد نصيب وانتى فعلا مجتهده وتستاهلى كل خير
ربنا يعزك ياقمر ادعيلي
اما بقى بالنسبه لموضوع الصبغه اللى بسألك عليها انك تقوليلى نستخدمها بطريقه صحيحه وتثبت اكتر فتره ممكنه وايه الانواع الجيده ، وطريقه العنايه بالشعر بعد الصبغه علشان الشعر ما يبقاش ناشف .
لازم بعد اي صبغه الشعر ينشف بس طبعا في شعر ينشف لمده طويله وفي شعر لمده قصيره وده علي حسب نوع الصبغه
انا بحب جرنييه اوي اللي هيا بزيت الزيتون
ولازم حد محترف هوا اللي يصبغلك لو عايزه نتيجه كويسه وشكرا ليكى يا حبيبتى كتير على اهتمامك بأفاده غيرك بالشكل الجميل ده وكأنك غيوره علينا اننا نبقى فى احسن صوره ، ومستنيه ردك يا عسل سلام

العفو ياسكره

مشكوووووورة على الموضوع
أنا بشرتي جافة هل يوجد علاج طبيعي لذلك؟

كريمات وماسك ترطيب
يكون فيه خيار
او زبادي
او عسل

انا عارفه ان انا مصدعاكى بس انا جبت 2 حمام كريم فاشكول الواحد ب 53 ازاى ده مش الاصلى انتى قلتى الاصلى ب 60

ياحبيبت قلبي انا لما بقول مش اصلي ده مش معناه انه مضرووووب
انا اقصد ان الفاشكول الاصلي اللي اول ماطلع كان بنوعين بس
الثوم والعسل
وبعد كده طلع انواع تانيه
زيت الحيه وغيره
وكلهم كويسين بس انا بحب الشي اللي بيطلع ف الاول لانه بيكون متعوب عليه اكتر
والتوم جايب نتايج حلوه
وبردوا الحيا حلوو والعسل كمان
وان شالله هايعجبك
ومافيش تعب ولاحاجه

الله يباركلك ويغنيكى بالحلال ويوسع رزقك
لو ممكن انا لى استفسار
عاوزه وصفه تفتيح للبشرة لاعادة لونها الطبيعى من اثار الشمس وانا بستخدم واقى من الشمس
ولو من فضل عاوزه وصفه للنمش
انا معرفش نوع بشرتى عاديه ام مختلطه هى بيظهر حبوب قليله وتختفى من فتره بسيطه
النمش مش هايروح الا مع استعمال واقي ده لو كان مش وراثي يعني مش مولوده بيه
ولازم واقي يكون نسبه اكتر من 80%
ولازم تستعملي البخار علي الاقل مره بالشهر عشان البشره ترجع لونها الطبيعي وطبعا بعد البخار طمي مغربي ماسك

لو ممكن انا ختى بشرتها دهنيه لو ممكن ماسك لتفتيح البشره وماسك لازالة الحبوب واثارها الاسمرار الناتج عنها وعندها بقع بنيه خفيفه هى مش نمش يعنى لو لابسه طرحه بتكون مداريه والخطوط البيضا بعد الحمل لها علاج ولا لا
اسفه للاطاله لو ممكن تردى على

بصى يا جميل انا بحب الطبيعى بس برده بستعمل سنفره اوريفلم الخضرا للبشره الدهنيه حلوه اووى
بس احسن صنفره فى العالم حلوه اووى وريحتها حلوه وبتخلى الوش ينعم هى

* زر الورد (الورد المجفف)
* شبه ناعمه
* قرنفل مطحون
* ماء ورد للعجن

ممكن نعملها بدون ماء الورد ونحطها فى برطمان ونخليها جاهزه للاستعمال فى اى وقت
جربيها وانشاء الله تدعيلى وتعجبك

انا بقالى ساعتين بقرأ الموضوع
ومقدرتش اقوم غير لما اخلصة
بجد ماشاء الله عليكى
وياريت يبقى عندى خبره كدة زيك
افيد بيها احلى بنات فى المنتدى
وانا عايزة منك طلب

انا عايزة اتعلم احط ميك اب لنفسى

لحسن انا خيبة اوى وببهدل الدنيا خالص
ياريت تسعدينى بس واحدة واحدة عليا
وتقوليلى استخدم اية المهم
معلش طول بس انتى فعلا عسولة خالص

ههههههههههههه انتي عسوله .. لازم تشوفي حد عشان تعرفي تتعملي مش هاقدر اعلمك بالكلام وبس هوا ينفع حد عايز يتعلم السواقه مثلا واشرحله بالكلام ؟
مش لازم ينزل علي ارض الواقع
ويركب العربيه ويسوق عشان يتعلم مش كده والا ايه ؟

ازاي افرد شعري واخليه ناعم وافك الكسر بتاعته باقل الاضرار

في فرد في ماركه تشي حلو واقل ضرر من المنتجات الرخيصه جربيه ودب صورته

انا شعري خفيف خفيف قوي ونفسي يتقل .. يارريت تقوليلي اسم زيت يتقله
الخردل
الخروع
السمسم
جنين القمح
كلهم تحفه
وبالنسبة لزيت الحية اعرف منين الاصلي من اللي مش اصلي وهل احطه كدا عادي ولا لازم حمام زيت
هاتي زيت الحيه من عند حراز عشان بيكون حاطط عليه زيت الخردل
وبامانه راااااااااااااااائع وريحي نفسك من اصلي ومضروب خالص
وايه رايك في كل من صابون البابايا .. اغادير .. الكركم .. الغار
البابايا
الغار
رووووووعه
وايه هو افضل حل لازلة الرؤؤس السودا على الانف

لازم حد خبير عشان هاتستخمدي ابرا عشان تتشال من الجذور

انا عايزة اعرف فوائد الاملج على الشعر ايه ؟ وطريقة استخدامه ازاي ؟؟ والمده المطلوبة
الاملج فوائد مالهاش حصر
ممكن تقولي كل حاجه هاتقليها ف الاملج
طريقت استخدمها كتبتها مليون مره .. بجد بلاش اسئله مكرره

وحاجه كمان .. ايه رايك في شرائح الشمع هل هي حلوة .. انا عمري ما جربتها وعايزة اجربها تفتكري هعرف اجربها صح ولا هتبهدل منها
ولما اجي اشتريها هل ليها اسم معين بالانجليزي ولا هي اسمها كدا شرائح شمع

كلهم حلوين وكل الانواع تقريبا واحده مع اختلاف اسم الشركات فقط
وهوا اسهل بيكتير من السويت ..
وايه رايك في العدس المطحون للبشره وكذلك الفول المطحون .. ؟

ماجربتش بصراحه
وايه رايك في صابونة كلين اند كلير

زباله

بصي انا من الاخر مشاكل شعري كتير يعني عايزة اتقله وعايزة اطوله جدا جدا
حمام زيوت كل 3 ايام من الزيوت الاتيه
خردل
زيتون
سمسم
خروع
زيت الحيا
الاملج
هو خفيف جدا وبيقع وبحس كدا انه مش صحي والشعره نفسها ضعيفه

قوليلي اعمل ايه ادخل في وصفت التطويل على طول ولا اعمل حاجه قبلها

خفيف بلاش تغسلي الشعر بالشامبو اكتفي بغسل الفروه فقط بالشامبو المخفف بالماء
وباقي الشعر اغسليه بالبلسم

جزاكى الله خير

جزانا واياكي ياقمرايه

بجد انت رائعة
وانا معجبة جدا بطريقة ردك وتحملك لنا
كنت عايزة اسئلك اللى ماعندوش جهاز البخار يعمل ايه علشان ينضف البشرة
جزاك الله خير
اللهم اجعلنا فى ظل عرشك يوم لاظل الا ظلك
يارب يفتح لك ابواب الخير والرزق ويجعلك فى طاعته ورضاه

ممكن في حله علي النار .. وممكن تجيلي واعملك انا البخار
وتشرفيني وتنوريني

موضوع رائع وياريت تقوليلى اهتم ببشرتى ازاى انا بشرتى دهنيه يعنى الاهتمام اليومى وكده كريمات ايه وكمان انا شعرى بيتساقط كتيييير اوى ومش عارفه حل ليه ميرسى اوى ليكى ومستنيه ردك

بشره دهنيه لازم حمام بخار وتشيلي الدهون منها
وانا تقريبا موضوعي كله مش بيتكلم غير علي النوع ده من البشره اقري ياحبيبتي وهاتعرفي كل حاجه
والشعر كاتبه مليون حل لموضوع التساقط
وازيد عليهم
امبولات ايفا بالصبار رائعه لوقف التساقط
ولازم استمرار

بسم الله ما شاء الله

ايه الجمال ده

هايلة والله

جزاكي الله خيرااا

ربنا يعزك ويعز قلبك مشكوره

ميرسي ياديدي ياعسل ربنا يخليكي لينا حاضر اناهاستمر ويامسهل بس في حاجة الشعر الصغنن ده حتي بالتشقير تحسي كدا انه بيشوك (سوري في اللفظ)

اني شعر بالظبط حددي ؟

وياريت ياديدي تقوليلي طريقة التشقير الصح وازاي اعمل ماسك السكرب طريقته الصح يعني

بجد لو انتحرت هاتكوني انتي السبب هاقتلك علي فكره ههههههههههه
يابنتي انا كاتبه ازاي تشقري والخطوات بالصور كمان
ارجوكي ابوس خدك ههههه بلاش ايدك
شوفي الموضوع من 3 صفحه والله هاتستفدي

حببتى اشكرك على اهتمامك وردك
ياريب فكرتك تنجح
اشكرك مليون مره

ياااااااااااااااااااارب بجد هاتبقي قنبله

[كــــابر]

حبيبتي ديدي مليون شكر علي ردك علي انا اللي سالتك عن شعر بنتي واني كنت بحط لها زيوت كتير بس انتي مقلتليش ازاي ارجع لها شعرها حلو وأحسنه انتي قلتيلي استعملها حمام كريم بجوز الهند(ياتري ايه احسن نوع؟؟) واني اغسل لها شعرها بالبلسم بس معقول مفيش اي حاجة تطريلها شعرها وتغذيه وتنعمه؟؟
معلشي انا مكسوفة منك بس عاوزة اكثف لها العلاج لان فعلا شعرها زي ماقلتي شبه محروق من الزيت
وبعدين انتي قلتي قبل كدة علي طريقة حلوة لتنعيم الشعر وفرده ممكن تقوليهالي الله يخليكي

يانور عيوني اللي بشوف بيها
لازم قبل اي حاجه لازم تعلجي الشعره في الاول
ازاي عايزه شعر حلو او حاجه تجيب نتيجه
وهوا محرووووووووووق
مش لازم الاول نصلح وبعدين نبني

اي حمام كريم بجوز الهند
والله يرضي عليكي بلاش شاامبو نهائي ولا حتي شامبو الاطفال
والشعر يتغسل بالبلسم فقط ومايجيش نحيت الفروه نهائي
والاطراف تتقص كل اربعين يوم

[ولسه بحلم ببكره]

بجد انتى فوق الرائعه والله
موضوعك هايل بس انا وصلت لصفحة 9 وقلت لازم احط سؤالى عشان قربت اروح البيت
الله يكرمك هتجوز قريب ان شاء الله عايزه حلول جذريه واكيده للآتى
1-السمار للابطين وما بين الفخذين
عايزه حل سريع جدا وفعال حتى لو مستحضرات غاليه
ولو تعرفى عيادة تجميل بتشيل الكلام ده بالليزر يا ريت تبعتيلى على الخاص

فى مشكله محرجه مأّرقانى جدا وهى ان فى حبوب حمرا ساعات بتطلع فى المؤ خره على الرغم من ان الاندر بتوعى كلهم قطن 100 % وبغير مرتين فى اليوم ممكن يكون من الشورتات الكارينا او اللاميه
ارجوكى شوفيلى حل غير لبس شورتات قطن لانها ما تنفعش معايا بتكلكع

شعرى متوسط النعومه وفيه كسره بسيطه من ورا
الشويه اللى ادام علطول هايشين ومكهربين
جبت حاجة زيرو فريز كلها
بس برضه لا غنى عن السيشوار او المكواه
السؤال بقى
السيشوار اللى فيه فرشه منه فيه عشان ايدك ما توجعكيش هيبقى الاحسن
ولا المكواه السيراميك لان المكواه السيراميك اسمع انها بتجيب نتيجه مع اللى شعرهم ناعم او فتلته ناعمه من الاول
والف شكر لمساهماتك المتميزه

[كــــابر]

بصي ياقمر
هو انتى جبتيه منين
اصل اللي انا جبته وان شاء الله هو اصلي
كنت جيباه من صيدلية الطرشوبي
معروفة انها صيدلية محترمةوحاجتها جيدة مش تقليد
وليها حوالي 5 فروع ف المنصورة
كنت جيباه ب45جنيه تقريبا
هي قالتلك انه مش اصلي لان الاصلي بالتوم او العسل بس
وتقريبا انتى قلتىانك جبتي بزيت الحية وحاجة كمان
نعلش ياقمر على تدخلي
بس قلت اقولك اللي اعرفه
على ماحنونة ترد عليكي

خدي بوسه علي خدك اخيرا لقيت حد مصحصح معايا وفاكر انا كنت قلت ايه .. بموت فيكي ياقمرايه ومشكوره علي التوضيح وخليكي معايا عشان البنات هنا دلوعيييييييييييييييين مش عايزين يقروا خلاص

على فكرة يا ديدى موضوع جميل جدا
ومفيد جدا
وبجد ربنا يقدر كمان وكمان على افادة الناس
انا كنت عايزة اسألك على حاجة انا سمعتها ومش عارفة هى صح ولا غلط
فى ناس بتقول ان زيت الحية بيوقع الشعر ده فعلا صح ؟
وياريت اسمع رايك عن الزيت ؟
اصل بصراحة جايلى ازازة من بره وبقيت خايفة استعمله
ولو هو كويس استعمله ازاى ؟
انا اسفة يا قمر لو كنت تقلت عليكى

ازاي بيوقع الشعر وهوا اصلا علاج !!؟
المغشوش بس اللي بيتخلط بزيوت تانيه رخيصه ده اللي ممكن يوقع الشعر طبعا
والزيت مكانه مش الشعر الزيت مكانه الفروه لانه بالاول وبالاخر علاج وتغذيه للبوصيله و طولي براحتك.. بس المهم شعرك يتحسن
ياريت نفهم كويس المعلومه دي

[كــــابر]

بجد انتى فوق الرائعه والله
موضوعك هايل بس انا وصلت لصفحة 9 وقلت لازم احط سؤالى عشان قربت اروح البيت
الله يكرمك هتجوز قريب ان شاء الله عايزه حلول جذريه واكيده للآتى

ربنا يعزك والف الف مبروك ..

1-السمار للابطين وما بين الفخذين
عايزه حل سريع جدا وفعال حتى لو مستحضرات غاليه
ولو تعرفى عيادة تجميل بتشيل الكلام ده بالليزر يا ريت تبعتيلى على الخاص

للابطين

1 علبة جليسوليد + 2 معلقة شبه مطحونه +1 معلقة نشا + 1 مكعب مسك مطحون + معالق بودره تلك غير معطره + ماء ورد للخلطالخلطه دى بتعمليها وتحطيها فى الحمام وبعد كل حمام تحطى منها وهى بتبيض وتخلى الريحه حلوهه اووى ولما تنشف زودى ماء الورد وتخلى الخلطه دى دايما عندك**بالنسبه للغمقان فى المنطقه الحساسه او اى منطقه اخرى عامة :عنك 3 حاجات اساسيه لازم تعمليها 1. بعد عمل السويت : دهان زيت زيتون + ليمون 2. عمل الماسك الاتى من 2-3 مرات فى الاسبوع قبل الحمام :بياض بيض + سكر ونشا يضرب البياض حتى يسير كريمى هش ثم يضاف اليه باقى المكونات 3. التركيبه دى تعمليها وتخليها فى الحمام بديل للصابون العادى :1 صابون غار مبشور ( ممكن استبداله بصابون طبيعى او طبى )1 فنجان زيت زيتون1 فنجان زيت لوز مر1 فنجان ماء وردتنقع الصابون فى ماء ورد اكتر من 12 ساعه ثم يضاف اليها باقى المكونات وتوضع على الجسم اثناء الاستحمام عن طريق التدليك لمده نصف ساعه ثم الدعك باليفه ثو نضع على الاماكن الغامقه بعد الحمام جلسرين وليمونوكمان لازم باستمار تستعملى مرهم بيتادين فى المنطقه الحساسهوطبعا لو معندكيش وقت لكل الحاجات دى ممكن تستعملى كريم تفتيح

فى مشكله محرجه مأّرقانى جدا وهى ان فى حبوب حمرا ساعات بتطلع فى المؤ خره على الرغم من ان الاندر بتوعى كلهم قطن 100 % وبغير مرتين فى اليوم ممكن يكون من الشورتات الكارينا او اللاميه
ارجوكى شوفيلى حل غير لبس شورتات قطن لانها ما تنفعش معايا بتكلكع
والف شكر لمساهماتك المتميزه

تغسلي المنطقه بشامبو وليفه خشنه شويه
وبلاش الشورت وقت النوم خليكي بالقطن فقط
ولازم لازم لازم تعملي تقشير للمكان ده .. وهاتلاقي ميلون نوقع مقشر للبشره في الصيدليات
والطمي المغربي بردو رائع

[كــــابر]

الاول طبعا لازم تستعملى كريم للحبوب وموجود فى الصيدليه كتير على حسب حجم وشكل الحبوب ممكن تسالى الدكتوره فى الصيدليه عليه
طبعا الكريم ده حينشف الجبوب خالص لحد متعمل قشره وتوقع وانى طبعا تلبشى الاندر كله قطن وكمان تبطلى الصابون خالص وتستعملى مطهر زى سيتيال وممن تستحمى بيه لكل الجسم
لما الحبوب تخف وتعمل قشر حتعملى سنفره كل اسبوع مرتين وبعدها تعملى ماسك تفتيح وبعدين يوميا تحطى كريم تفتيح مثلا زى موون وايت او كوجى سى
وكمان من الافضل بعد الحبوب متروح انك تعملى حمام مغربى كل اسبوعين على الاقل مره علشان اللون الغامق بيكون عباره عن جلد ميت والحمام المغربى بيشيله وبنظف الجلد