[جرجرة]

.السلام عليكم ورحمة الله وبركاته...

بصراحة أعاني في الفترة الاخيرة من ألم قوي في حلمة الثدي الايسر، وكأنها كهرباء لاسعة مع العلم بأني على فحص دوري (كل سنــــــــــــــة) لجسمي بالكامل (أمر من أوامر زوجي) وكل النتائج حلوة...

ولكن من أكثر من إسبوعين لاحظت بأن الالم زاد، وحسيت بأن الحلمة صارت داكنة أكثر من السابق... قلت يمكن يكون سرطان للثدي (بعيد الشر عنكم وعنا جميعا)، كشفت من إسبوع وماكان هناك أي دلائل على وجود الخبيث الحمدلله...

ولكن مازلت أشعر الخوف... والدكتورة قالت لي بأنه مجرد تقلبات هرمونية...
أحس إنها تكذب علي ..

بنات ...
أنا خايفة موت
ومش عارف ايش العمل.

[dall3 ya dall3]

ياستى صلى على النبى بس ومتخافيش هى مصلحتها ايه تكذب متخفيش دى كلها اوهام طب انتى قولتى لجوزك وقالك ايه وان شاء الله خير متقلقيش نفسك كدة ياقلبى وروقى

[ام الاولاد]

الف سلامة عليك و ديه كلها اوهام

[s_baby20]

حبيبتي لاتخافين انشاءالله مابيصير الا كل خير ويمكن مثل ماقالت الدكتورة تغير بالهرمونات وبعد اللي انتي خايفه منه له اعراض وكمان يكون ورم يعني بيبين

[جين صبرى]

ان شاء الله خير

وشوفت حاجه مشابهه لكده وعشت مع صاحبها كل أوقات الرعب والقلق
وكانت فالنهايه ألتهابات بالحلمه بس شديده شويه

وياريت تستشيرى طبيب أخر يكون أستشارى
ولازم تطمنينا

[ايمان فريد]

شوفى ياحبيبتى لوفيها وجع زى ما بتقولى
يابقى الحمد لله لان مرض السرضلن بيجى من غير اى الم
طبعآ هتقولى انتى دكتوره واللى ايه
هرد عليكى وقوليك امى كان عندها هذا المرض وكان مفجأ
والدكتور هو اللى كان بيقول كده
وان شاء الله تكون حاجه بسيطه ان شاء الله
وابقى طمانينا عليكى اوكى

[مصراويه]

خير إن شاء الله ولو عايزه تطمنى أكتر روحى لدكتور تانى ومتخافيش أرمى حمولك على ربنا .

[ام رحاب]

الف الف سلامة عليكى وفعلا علشان فى الم متخفيش وخاليها على الله
وربنا يبعد عنك وعننا الامراض ان شاء الله

[om salma]

الف سلامة عليكى وان شاء الله تكون حاجة بسيطة بس بلاش توهمى نفسك
وروحى دكتور تانى علشان تتاكدى اكتر
وابقى طمنينا عليكى

[جالاكسى2006]

الف سلامه عليكى ماتخافيش كده انا بيتهالى انها مجرد التهابات فى الحلمه بس وكمان انا مع راى ايمان فريد ان السرطان لا قدر الله مش بيجى بالم وربنا يعافيكى ويعافينا ياقمر وطمنينا عليكى وهاقولك كمان انتى هاتى من الاخر واعملى رنين مغناطيسى عشان ماتفضليش قلقانه انا كان فى حاجه وارمه ف رجلى ومش بتالمنى وقلت بدل الحيره اعمل رنين لانه بيجيب المستحبى والحمد لله طلع كيس دهنى بس

[هبه مجدى]

اللى عندك ده وسواس ياريت تحاولى تكونى قريبه من ربنا اوى وتساليه انه يكشف عنك الهم والحزن وانتى زى الفل وماتخافيش من حاجه وبعدين مش ربنا سبحانه وتعالى قال (قل لن يصيبنا الا ما كتب الله لنا هو مولانا وعلى الله فليتوكل المتوكلون)وكلام الله هو اصدق الكلام ياللا استعيذى بالله من الشيطان الرجيم

[ام سيف الدين]

اعتقد انها التهابات لان المرض الخبيث اتسمى خبيث عشان مفيش له اعراض ظاهرة كدة و على العموم الطب عندك فى دبى احسن من بقيت الامارات و لو مش متطمنه روحى مستشفى القاسمى فى الشرقة او جى ام سى بيعملوا الاختبارات دى و ممكن تقارنى بينهم و انشاء الله ميكنش فى حاجة

[جرجرة]

والنعم بالله (قل لن يصيبنا الا ما كتب الله لنا هو مولانا وعلى الله فليتوكل المتوكلون)
مشكورين يا أخواتي على نصايحكم
وإن شاء الله تكون كلها أوهام أو كلام الدكتورة صحيح...
حجزت موعد عند أخصائية لبكرة...
وإن شاء الله خير يارب

[nehad]

حبيبي لنت بترضعي؟

[ماما دودو]

ألف سلامة عليكي

[rehab]

يمكن يكون برد أنا كتير بتجيلي نغزة في صدري وتخليني ماقدرش أتنفس غير لما تروح وجوزي قاللي أنه ده برد فعادي متخافيش وأبقي طمنينا لما تكشفي بكرة

[جرجرة]

ونعم الاخوات أنتو..
لا يحرمني منكم....
حبيبتي... هو مش برد بالفعل..
وكمان حبيبتي... أنا مش حامل ولا عندي أولاد
وبالفعل.. رحت للأخصائية اليوم...
وعملت لي كشف وقالت لي إحتمال 90% يكون ورم حميد
اللي بيسموه (مرض الثدي الليفي التكيسي) وإحتمال 10% يكون ورم خبيث بس مش باينه أعراضه
ويوم الاحد الجاي راح تعمل لي تخدير موضعي عشان تاخذ عينه بالأبرة.. وتتأكد من نوعه...
وكمان قالت لي بأن عندي هرمون مرتفع عشان كذه الألام مش طبيعية... لدرجة بأني ما أقدر ألبس الملابس الداخلية
(الله يستر علينا وعليكم، ويحفظنا وإياكم من كل سوء وإبتلاء)

[اموله المنفله]

اطمنى الاورام السرطانيه بتيجى بدون الم وبتظهر مره واحده بدون مقدمات الله يشفيكى ويطمنا عليكى وتذكرى دئما ان المؤمن مصاب وقل لن يصيبنا الا ماكتب الله لنا والله يعافيكى

[marwa142]

ماتقلقيش كان ليه واحدة صحبتى برضه بتحس بحاجات زى كده لأده هى كمان كان بينزل عليها دم غريب غيربتاع الدورة وكانت قلقانة وعندهاشك زيك كده برضه بس لماراحت للدكتورقالها دى تغيرات فى الهرمونات زيك برضه وبعدين الدكتورة يستحيل تقولك تغير فى الهرمونات وهى مش كده مصلحتها ايه يعنى بالعكس لولاقدرالله فيه حاجة تقولك عشان تلحقيه من الاول وبعدين ده طبيعى عشان بتعملى تحليل كل سنة فأنتى حاطة فى دماغك بس...........والف سلامة عليكى