.المقادير
اصل المحشى هى التسبيكة وهى كالاتى
2بصلة كبيرة
5فصوص توم
كيلو ونص عصير طماطم تقيل
2معلقة صلصة طماطم
2معلقةكبيرة زبدةوزيهم زيت
وكرنبة مفصول اوراقها بهدوء عشان متتكسرش وتسلقيها فى ماء مغلى مملح مدة 5 دقائق
1حزمة شبت+حزمة بقدونس
3اكواب ارز مصرى
2مكعب مرقة دجاج
ليتر مرقة دجاج او بط او لحم
الطريقة
تحمرى البصل المقطع فى الزيت والزبدةوبعد التحمير تضيفى الثوم ثم عصير الطماطم ومكعبات مرقة الدجاج
وتسبيهاتتسبك لحوالى ساعة بس تاخدى باللك منها فى هذه الاثناء بتكونى فصلتى ورق الكرنبة وسلقتية بعدين تلفى كل ورقة زى الساندويتش وتقيسى مسافة صابع وتقطعى وترصيهاعلى صينية استعددا للحشو
تفرمى الشبت والبقدونس ناعم وتغسلى الرز وتنقعيه
جهزتى التسبيكة ؟حطى عليها الرز بعد ماتصفيه والشبت والبقدونس وتبليها بالملح والفلفل والبهارات اللى تفضليها
وتبتدى تلفى
تاخدىحتة كرنب وتفرديها على كفة ايدك وتحطى على طرفها الرز وتلفيها وبقيت صباع محشى
ترصيها فى حلة اى طنجرة مفروشة بعيدان الشبت وحلقات الطماطم والبصل وتلفى المحشى واحدة واحدة وترصيه فى الحلة لغاية ماتمليها
حطى ليتر المرقة ورشى على الوجه قليل من الملح وغطى الحلة وحطيها على نار متوسطة لمدة ساعة وبعدين انقليها على نار منخفضة لمدة نص ساعة
وبعدين تغرف وبالهنا والشفا
.
امحي ذنوبك في دقيقتين باذن الله
ربنا لا تؤاخذنا ان نسينا او اخطانا ربنا ولا تحمل علينا 
