الفراخ المحشية
قبل ما اقولكم علي طريقتها ,اقولكم ان جوزي دايما يهزر و يقولي لما دقت الفراخ المحشيه بتاعتك قلت يالا بقي نتمم الجوازه ,و بعد الجواز للاسف معملتهاش غير مرات معدوده 
, ما خلاص بقي هههههههههه 
نبتدي الوصفه بقي :
فرخه متوسطه و يا ريت لو صغيره متبله كويس ببصل مبشور و طماطم مبشوره و فلفل و ملح و رشه حبهان
نصف كوب ارز
بصله مبشوره متوسطه
كبد فراخ حوالي نصف كوبايه مغسوله كويس بملح و خل و مقطعه صغير
معلقتين سمن
ملح و فلفل و بهار و رشه جنزبيل
الطريقه :
1-شوحي البصله علي النار لحد ما تبقي دهبي و ضيفي الكبد و قلبي
2-لما تلاقي الكبد لونها اتغير و اتشوحت مع البصله ضيفي البهارات و ملح و فلفل و رشه جنزبيل بس شويه بهارات حلوين
3-حطي كوبايه ميه و سيبيها تغلي شويه و بعدان ضيفي الارز المغسول طبعا و منقوع شويه
4-لما الارز يغلي و يتشرب الميه حتلاقي لونه اغمق من البهارات و الكبد اقفلي النار و كده الحشوه جاهزه
5- هاتي بقي الفراخ المتبله و احشيها و دخلي الرز بيو الوراك و الجوانب و الصدر طبعا و قفلي رجلاها بالخله
[IMG]http://**********************/up/5410402071932165769.jpg[/IMG]
[IMG]http://shadid64.***********/photos/818209_l.jpg[/IMG]
[IMG]http://shadid64.***********/photos/818229_l.jpg[/IMG]
[IMG]http://shadid64.***********/photos/818231_l.jpg[/IMG]
[IMG]http://shadid64.***********/photos/818232_l.jpg[/IMG]
6-ادهنيها من بره سمنه و بعدان انا بحطها في كيس الفرن بتستوي و تتحمر و بتطلع حلوه اوي ،بس خليها علي الرف اللي في النص او لو ما عندكيش حطيها في صينيه و عليها كوبايتين ميه و غطيها بورق الفويل و لما تفتحي عليها و تستوي شيلي الفويل علشان تحمر
بس اوعي تسلقيها الرز بيعجن و نكهته بتنزل في الشوربه
جربي طريقتي و ادعيلي
[IMG]http://shadid64.***********/photos/818273_l.jpg[/IMG]
[IMG]http://shadid64.***********/photos/818274_l.jpg[/IMG]
[IMG]http://shadid64.***********/photos/818296_l.jpg[/IMG]
ارجو التقيييييم
اذا اعجبك الموضوع و اردت نشره في المنتديات الاخرى فاستخدمي هذا الرابط:
الفراخ المحشيه ...من حلاوتها كانت سبب جوازي !!!
http://forums.fatakat.com/thread31985
2
ازاى يا كاتى كاتى انا كان نفسى اتعلم الفراخ المحشيه وانتى حققتيلى أمنيتى
