[hobe_ahmed157]

.السلام عليكم ورحمة الله وبركاته

بجد اسفه جدا انى هعطلكم معايا
بس انا فعلا جالى احباااااااااط والسبب
ماما وبابا
انا ياجماعه عندى 24سنه اتخطبت 5مرااااات
اخر مره كانت كتب كتاب

واتطلقت
ايه اسباب الانفصال؟!!!
الاول ماما عشان كان عصبى وكانت خايفه على!!
التانى بابا عشان تعليمه اقل من تعليمى!!لا واييييه استنى ليوم كتب الكتاب فى الجامع ومشاه امام الناس قال ايه عشان اتاخر!!!
والتالت والرابع واخيرا المهم
الاخ اللى عقد عليه يارب تنعقد رقبته آمييييييييين
مشكلتى بثق فى الناس بسرعه والاخ الاخير ده بقى كان استغلالى وانتهازى هو واهله وانا مشفتش ده الا بعد العقد!!!
اللى مضايقنى انى فيه كام مشكله
1مش بعرف اخد حقى ولا اطالب بيه
2انا ودانيه جدا يعنى بسمع كلام الناس!!
بابا وماما خنقونى
يانااااااااااااااس اشتكى لمين بس؟
انا زهقت من البيت وعاوزه اخلص بقىىىى
كل واحد يطلعولى فيه القطط الفاطسه!!
مش عارفه اعمل ايه نفسى استقل ويبقى لى بيتى
عارفين؟انا لو مش بيتقدملى ناس هعمل عبيطه واقول نصيب
بس اللى فارسنى ان فى ناس كتييييييييييير بتجيلى وكلهم كويسين
ودلوقتى واحد متقدم وعاجبهم كلهم وانا كمان بس عايز يخطب قال ايه سنه ونص
وانا بقى زهقت من الوحده ومش عارفه اعمل ايييييييييه؟
حد يدلنى ارجوووووووووووووووووكم
نسيت اقولكم انا منتقبه عشان كده عقدت عشان يشوفنى
حسبى الله ونعم الوكيل.

[prettyangel]

اولا الحمد لله اني اول واحد ارد عليكي يا جميل دة شرف ليا
ثانيا بما انك منتقبة فاكيد كل اللي انا هقوله دة انتي عارفاه
بس مش مشكلة اديني ادوشك شوية امال ادوش مين يعني
بصي يا جميل
ماما وبابا دول ماينفعش ننسى خالص انهم على راسنا من فوق
واننا لازم نطيعهم حتى لو كانوا كفرة فما بالك انهم مش كدة وانهم بيدورا على مصلحتك
بغض النظر عن اسباب رفضهم للعرسان(ربنا يهديهم) بس هما اكيد عايزين مصلحتك
يبقى انا اشكرهم واوضح انهم كدة عملوا زي الدبة اللي قتلت صاحبها من خوفها عليه(ومن الحب ما قتل)
بس دة بشكل غير مباشر لان تملي الوالدين بيكونوا شايفين انهم صح وانهم عارفين اكتر من الاولاد مع انه مش دايما
يبقى ممكن نعمل ايه بقى
الموضوع كله يجي بشكل غير مباشر
يعني ممكن حد من قرايبك اللي اهلك بيثق جدا في عقليته واراءه تخليه يتكلم معاهم بدون ما يقول انك انتي اللي طلبتي دة منه
ممكن بقى تسمعيهم برامج المشايخ الكبار اللي بيتكلموا عن ازواج وعن واجبات الاهل تجاه ابنائهم وانهم المفروض يعجلوا بزواجهم والا يكونوا بيغلطوا في حق بنتهم او ابنهم جامد جدا(وطبعا لو انتي وماما اصحاب يبقى اتكلمي معاها مرة بشكل مباشر ومرة تانية بشكل مش مباشر)
ودة عملا بحديث سيدنا المصطفى صلى الله عليه وسلم" إذا جاءكم من ترضون دينه وخلقه فزوجوه إلا تفعلوه تكن فتنة في الأرض وفساد كبير "
وازاي انهم بالشكل دة بيعملوا فتنة
هل هم حمل انهم يتحملوا حاجة زي كدة وهياقبلوا ربنا ازاي
بس طبعا باسلوب مهذب يليق بكونهم بابا وماما
ولازم حد زي ماقلنا يتدخل في الموضوع
ويفهمه اننا في زمن فتنة وانهم المفروض يتقوا الله معاكي
وياخدوا بالهم اننا هنا في مجتمع ليه نظرة شوية مريضة وهي انه البنوتة اللي طلقت دي لا بلاش واللي اتخطبت قبل كدة برضه بلاش فكفاية بقى(وطبعا دة مالوش اساس من الصحة لان الصحابى كانوا بيتسابقوا على الصحابيات الارامل وانه مش معنى انه واحد اتخطبت قبل كدة ومش كملت انه فيها عيب لا الموضوع مله انه الشخصيات ماتفقتش مع بعضها بس هي نفس مريضة اللي بتحكم كدة)
بس يا قمر انتي لسة صغنونة يعني لسه قدامك براح تستمعي فيه بحياتك زي ماتني عايزة
وكل تاخيرة بخيرة ان شاء الله
واعرفي انه نصيبك هيجيليك هيجيلك
لانه لو كان واحد من اللي اتقدمولك دول كان من نصيبك اكيد ربنا كان كتبه ليكي يا جميل
بس اكيد ربنا شايلك اللي افضل من كدة
وبعدين بلاش بتاع سنة ونص يااما يفكر بعقلانية شوية دة علشان اصلا مافيش حاجة اسمها خطبه واكيد انتوا لو فضلتوا سنة ونص مخطوبين مش هتقدروا تلنزموا بشروط الخطبة الاسلامية
واحنا فاهمين كدة
ولو كتبتي كتابك تاني قريب باذن الله يكون قريب من الفرح
وحسبك الله وهو نعم الوكيل في اللي ظلمك وكانوا مستغلين
وافتكري يا قمر انه المؤمن القوي خير واحب الى الله من المؤمن الضعيف
فحقك لازم تاخديه بس باللي يرضاه الدين
وماتديش ودنك اللا للي انتي متاكدة انه هيتقي الله في نصيحته ليكي
وان شاء الله قريب جدا نسمع خبر حلو وفتكتات تتملي زغاريط علشانك
بس بلاش الاستعجال علشان دة جواز(يعني تابيدة)
واسفة اني طولت عليكي بس انتي اللي فتحتيني بقى

[hobe_ahmed157]

جزاكى الله خيرا
ربنا يسعدك يارب

[شرين عمر]

مش لاقية حاجة اقولة بعد الكلام الجميل دة

[امانى محمد]

مستعجله ليه هتجوزى هتجوزى لسه النصيب ياقمر اطلبى من ربنا اهم حاجه يكون انسان كويس وربنا يوفقك

[أم ندود]

بسم الله الرحمنالرحيم أحب أعرفك بنفسى أنا أم ندى عندى 24 سنة يعنى قدك تقريبا وعندى ليكى كبسولة مجربة أرجو انها تنفعك
1- داونى بالتى كانت هى الداء يعنى اشغلى نفسك بحاجة تانية غير الموضوع دة وسيبية يجى وقت ما يجى
2- دايما بصى انتى واللى حواليكى للنص المليان من الكاس يعنى قبل ما نحصر العيوب نحصر المميزات لأن ما فيش حد بشر وصل لدرجة الكمال
3-خلى ايمانك بالله أقوى من أى يأس واحباط وكل يوم اصحى من النوم كدة قولى أكيد ربنا شايلى حاجة كويسة

أختك أم ندى

[مصراويه]

طبعاً مفيش أجمل من الكلام ده وياريت تحبى ماما وبابا زى مابيحبوكى وتحاولى تقربى منهم جداً دا رضا ربنا فى رضاهم وأتمنالك كل سعاده.

[ام ايفان]

مش قادرة اقولك غير ربنا يفرج عليك..ويهدي والديك
نصيحة مني(لما تنخطبي كوني ذات شخصية قوية ومتسمعيش كلام الناس وكمان حاولي ترضي والديك بس مش على حساب حياتك وعلاقتك بزوجك)..

[قطرات الندى 2]

اولا انتى لسه صغيره متقلقيش فى بيعيشوا من غير عرسان حتى فتره طويله دول بقى تصورى نفسيتهم بتبقى عامله ازاى
بالنسبه لبابا وماما صدقينى وعن تجربه مهما احنا شايفنهم غلط بيبقوا صح
مش انهم يتعبوك دلوقتى احسن ما تتجوزى من هنا وترجعى تشتكيلهم بعد اسبوعين تلاته من الجواز انا واحده من الناس حل معايا كده ابويا وامى عملولى الى انا عايزاه عشان ميزعلونيش مع انه عكس رغبتهم وصدقينى الحمد لله طبعا بس مقولكيش على كمية المشاكل الى بواجهه بعد جوازى وكل حاجه حزرنى منها باباى وتنبالى بيها مع جوزى حصلت لان الابهات بتبقلا عنده خبره وبتشوف المواضيع من جه تانيه
وبعدين نصيبك مكتوب على جبين الى هيجيلك وساعت النصيب متقدره عند ربنا وانتى الحمد لله انسانه مؤمنه بربنا وعارفه كده كويس واوعى تغلطى غلطتى وتقولى لباباكى ومامتك لو مجوزتونيش فلان هسيب البيت وامشى بعد ما تتجوزى مش هتحسى باى حنان زى الى بتخديه دلوقتى من باباكى ومامتك صدقينى محدش هيقدر يعوشك حنانهم ابدا وهتحسى انك كنتى تتمنى تعيشى معاهم على طول احسن وخصوصا لما جوزك يخلى مرواحك عندهم محدود وده الطبيعى عشان حياتكم
ولكن اصبرى وكل تاخيره وفيها خيره
انا عندى 32 سنه ومتجوزه وحامل بس كنت شايفه لو اتاخرت شويه فى الجواز كان هيبقى احسنلى وكنت برده متضايقه زيك كده عشان كان بيتقدملى كتير ويترفضوا لمجرد انهم عصبى وطالع فيها وعيوب ملهاش لازمه ولو واحد فيهم اتاخر شويه يبقى مش ملتزم ووادينى اتجوز ت يا ستى وبتساب فى البيت لوحدى اكتر من 18 ساعه يوميا وجوزى متجوز اهله وشغله وجهاز الكمبيوتر الى انا قاعده عليه ده ههههههههههههههههههه لكن لو كان جوازى اتاخر ويه كانت فى مقايس كتير اختلفت فى حياتى فاحمدى ربنا ان اهلك مش مستعجلين عليكى انا بسمع من بنات زمايلى ان اهلهم بيبقوا مستعجلين عليهم اوى وبيبقوا عايزين يجوزوهم اى حد من غير دراسه حتى لاخلاقهم عشان يخلصوا والبنت هيا الى بتعانى
وعلى فكره باباى ومامتى كانوا زى باباكى ومامتك بظبط لكن كل حاجه بتتغير صدقينى واكيد باباكى نفسه يشوف حفيد ليه ويفرح بيكى بس شايفك حاجه محصلتش ومش اى حد يستهلك فاصبرى عشان يجيلك الى يستهلك انشاء الله

[قطرات الندى 2]

سورى عندى 23 ب س هههههههههههههه معلش غلطت فى ارقم

[بنبونى]

مش عارفه اقولك ايه
بس بابايا ومامتى عكس باباكى ومامتك خالص
يعنى بابا وماما بيقولو لاخواتى اللى اكبر منى اى حد يتقدم ماشى
يعنى ايه ماشى حتى لو فيه حاجات متنفعش يقولو ماشى
نظام جوز جوز
والله غلط بس محدش سامع
بصى اهلك يمكن مزودنها شويه بس انتى برده لازم يبقى ليكى رايى وتصممى عليه

بس غالبا الاهل لما يكونو شايفين حاجه بتبقى صح وخصوصا الاب دايما بيكون ليه رايى غير الام خالص وبيطلع صح متسالنيش ليه بس ده اللى حسيته معايا ومع قرايبى
وربنا يقدرلك الخير ويرزقك الزوج الصالح
اللهم زوج اختى فى الله بخير ازواج المسلمين

[لولي الامورة]

اهم حاجة يا جميل ان يكون عندك ثقة فى نفسك وتسمعيش كل كلام الناس لانك لو مشيتى ورا كلام الناس هتسببليك المشاكل بالاخص لما تتجوزى
وياريت اعرف اسباب لبسك للنقا ب ياتري تديين يعنى اديتى كل فروض ربنا وش باقى غير النقاب
ولا اهلك فرضوا عليكى
ولا عشان تتجوزي واحد ماتزم
لو بسبب الزواج فدة قسمة ونصيب
وبعدين يا حبيبتى دلوقتي كل واحدة منتقبة عايزة واحد ملتزم
وياريت ماتزعليش من كلامى وياريت تفكرى فى كلامى 0واهم حاجة الثقة فى النفس
وماتزعليش منى وياريت تعتبرينى صديقتك ويبقا ليا الشزف

[temoon.pompa]

والله ياقمر انا مش عارفه اقول ايه الله يكرمها بريتى انجل وام ندى وكمان دودو صلاح قالوا كلام حلو مفيش بعده كلام
بس فى حاجه وعن تجربه صدقينى مفيش حد يتمنالك الخير زى والدك ووالدتك صدقينى لانى مجرباها وهما عندهم خبره عنك وشايفين المصلحه اكتر منك .....
عشان كده ثقى تماما ان ربنا هيعوضك بالاحسن انشاء الله واسفه لو طولت عليكى

[hobe_ahmed157]

السلام عليكم ورحمة الله وبركاته
جزاكم الله خيرا شرين وامانى وام ندود وام ايفان ومصراويه
وطبعا دودو ربنا يقومك بالسلامه ويرزقك بيبى جميييييييييييييييل ان شاء الله
ربنا يبارك فيكم انا بس حاسه يا جماعه انهم بيتبغددو بغدده ملهاش لازمه!!!

[hobe_ahmed157]

ربنا يرزقك انتى واخواتك الزوج الصالح يارب يا بنبونه

[hobe_ahmed157]

لولى الاموره
انتى بقىىىىىى رد مخصوص!!!
احنا كنا اسره عاديه جدااااااااااا وكلنا عارفين ان العادى يعنى مش ملتزمين
انا انتقبت والتزمت ثم اخويا التحى ثم ماما انتقبت وبابا التحى وساب البنك الربوى اللى كان شغال فيه
يا ترى بقى اى الاسباب شيفاها يا قمر؟

[لولي الامورة]

شكراا علي ردك يا قمر
بس اختصار اكلام وانا واخدة الاية الكريمة شعار لي فى الحياة
(من يتق الله يجعل لة مخرجا ويرزقة من حيث لا يحتسب)

(صدق الله العظيم)

وياريت ياقمر متكونيش زعلانة مني

[monaabdalla]

اولا ياقمر النصيب لسه مجاش ثانيا اسمعى كلام الملاك اللى رديت اول رد عليكى ربنا يسعدها يارب ثالثا طالما انتى بتقولى ان البيت كله التزم يبقى لازم نجاهد مداخل الشيطان بينا واخيرا انصحك حاولى تفتحى على موقع الداعيه الشاب مصطفى حسنى عمل حلقات عن اختيار الزوج حتسنفيدى منها انتى وبابا وماما ربنا يخليهم لكى ويبعد الشيطان عنكم وعن البيت يارب قولى امين وروحى بسرعه بوسى ماما وبابا

[hobe_ahmed157]

جزاكى الله خيرا يا لولى انا عمرى ما ازعل منك ان شاء الله
وانتى يا منى ياقمر انتى ربنا يسعدك ويرزقك الجنه انتى وكل فتوكه!ّ!!!!!
آمييييييييييييييييييييييييييين

[hobe_ahmed157]

لولى انا نسيت اقولك انا اللى اتشرف طبعاااااااااااااااااا بصداقتك
الغريبه انى انا بساهم فى جواز الاخوات ومش لاقيه حد يقنع اهلى!!!
الحمدلله معارفى كتييييييييييييير وحبايبى كتيييييييييير وبنحاول نوفق
على فكره يا ناس الخاطب الجديد جاى بكره!!
ادعولى ربنا يقدر لى الخير حيث كان ثم يرضينى به