[اسكندرانى]

.ممكن حد يقولى ازاى أشوى سمك فى البيت؟؟؟؟؟؟؟.

[rehab]

أنا بتبله عادي وبحطه في رده وأسخم الجرلا جاااااااااااامد أنا عندي بالغطا فبتسوي السمك حلو قوي
لو مش عندك ممكن غطا علبه السمن علي نار
او الصاجه بتاعت الفرن

[reham10]

يغسل المك جيدا ثم يوضع الردة على السمك من الوجة والخلف ويشوى فى الشواية
ثم نحضر التتبلة
نغلى ماء مضاف اليها ثوم ناعم وملح وكمون وفلفل اخضر حامى ملحوظة خلطة الثوم يوضعة فى الكبة او يدق بالهون ثم نضعهما فى الماء ونضع نصف ليمونة وشطة ويقلب الخلطة فى الماء ثم يوضع السمك بعد الشوى فى الماء ويقدم

[اسكندرانى]

أشكرك يارحاب ، ريهام
وربنا يخليكو ليا

[أم الطيب]

امي كانت بتشويه من غير ردة كان بيتبل وتسخن الفرن وتدهن الصاج بتاعه اللي فوق النار علطول زيت وتحط السمك بقشره طبعا ويتقلب على الوجهين.

[فرحه]

معلش بقى احنا اسكندرنيه اصلا كله يوسع كده
شوفى يا قمر انتى تجيبى السمك وتنضفيه وتغسليه كويس وتنقعيه فى ميه فيها خل وليمون وتسبيه ساعه حيطلع نضيف وابيض ومفهوش زفارة
وبعدين تقلبيه فى الرده ع الوشين وتحطيه ع الساج
اللى ع النار وتقلبيه لغاية ما يتشوى وتنزليه تكونى عامله تتبيله اللى هى عباره عن شطة حمرا مدقوقه وتوم وكمون وملح وليمونه وشطة زى اللى قالتلك عليها ريهام
وبعدين تطلعيه وتفرشى الصنية خضرا وترصيه وتقدمى معاه صلطة طحينة او بابا غنوج وبالهنا والشفا يا قمر

[ام شرفو]

السمك المشوي مع الأرز بالزعفران

المقادير:
-سمكة متوسطة الحجم
-ملح وفلفل أسود وبهارات خاصة بالأسماك
-خل
-كزبرة خضراء وبقدونس وبصل أخضر
-زيت زيتون وعصير ليمونتين
-ثلاثة أكواب أرز مستطيل
-أربعة أكواب مرق لحم أو دجاج متبل بالهيل والقرفة والملح وملعقة زعفران
-ملعقة زبد نباتي

طريقة التحضير:
1-ينظف السمك عم طريق كشط قشوره الخارجية، وفتح أحشائه مع التنظيف بالماء والخل والشطف جيدا وقطع جزء من الذيل، يحشى البطن بالخضار المتبلة بالملح والفلفل، ويسكب فوق السمكة من الخارج زيت زيتون وعصير الليمون وتتبل بالملح والفلفل. تشوى على البوتاجاز أو الفحم. وتقدم مع الأرز.
2-طريقة تحضير الأرز: يغسل الأرز جيدا وينقع مدة نصف ساعة، يقلب في ملعقة الزبد النباتي ويسقى بمقدار المرق المتبل، ويترك على نار هادئة ينضج تماما.
3-يقدم ومعه السمكة المشوية

[ام سعيد]

بصراحة انا بحبه مشوى جاهز اما السمك المقلى بقليه فى البيت
وساعات لو اتزنقت وعايزة اشويه فى البيت ففى طريقتين واحدة بحشو والتانى من غير حشو والسمك المشوى عموما ما بقشر القشرة بتاعته
وبشوي عادى على الجريل اللى على البوتجاز ولازم أغطيها عشان الريحة إيه؟؟
ولازم الاول أدهن شوية زيت بسيط على شبكة الجريل
وساعات فى الفرن وبيتفتح بطريقة السنجارى وبيتعمله حشو بالجزر والبصل والطماطم والبهارات.

[ام سعيد]

يغسل المك جيدا ثم يوضع الردة على السمك من الوجة والخلف ويشوى فى الشواية
ثم نحضر التتبلة
نغلى ماء مضاف اليها ثوم ناعم وملح وكمون وفلفل اخضر حامى ملحوظة خلطة الثوم يوضعة فى الكبة او يدق بالهون ثم نضعهما فى الماء ونضع نصف ليمونة وشطة ويقلب الخلطة فى الماء ثم يوضع السمك بعد الشوى فى الماء ويقدم

على فكرة طريقة التتببيلة ده حلوة قوى بعد الشوى انا مجرباها لما بنشوى فى البحر على الفحم وبعد كده نحطه فى التتبيلة ده رااااااااااااااااااائع

[رانيـــا الشقية]

مشكوووووورين ياقمرات انا استفدت كتييييييير
ربنا يخليكم لنا وميرسى يااسكندارنى لسؤالك الحلو

[حنان ام عمر]

شوفي انا راح اعطيكي طريقتي بس لذيذة اوي

تجيبي السمكة طبعا سمك الشوي بيكون كبير وتنظفيها وتغسليها

تجيبي ضمة بقدونس وقرن فلفل حار و 5 فصوص ثوم وليمونة تفرميهم مع بعض وتحشيهم جوة السمكة طبعا مع شوية زيت زيتون

وتجيبي اربع حبات طماطم مع 10 فصوص ثوم وشوية بقدونس ونص كاسة شاي زيت زيتون
تفرميهم وتحطيهم حوالي السمكة بالصينية وتحطيهم بالفرن وبعد ربع ساعة تقلبي السمكة وبعد ربع ساعة تكون جاهزة للتحمير
بس ما تنسي الملح
وصحتيييييييييييييييييييييييييييييين اذا جربتيها خبريني انها عجبتك او لأ