[الايمان777]

السلام عليكم ورحمة الله وبركاته

كل زوج اكيد مسجل مراته باسم على موبايله

واحد مسميها

يالله عسى خير



واحد مسميها

محقق كونان



واحد مسميها

تعال للبيت



وواحد مسميها

المصيبه


واحد مسميها

السلعوه



وواحد مسميها

صاحبة السمو



وواحد مسميها

هاااااات



وواحد مسميها الشرطه وحاط نغمة دوريات



وواحد مسميها (حسب الله) مسلسل ريا وسكينه



وواحد ثاني حالته حاله ايام الخطوبة

(My Love)



اول ايام الزواج

الغالية



لما وصل ولي العهد ( اول طفل )

ام فلان



ودلوقت

الورطه



وواحد مسميها

القاضي



وواحد مسميها

ودني بيت اهلي



واحد مسميها

البليه



واحد مسميها

الغلطه



وغيره مسميها

بسم الله الحفيظ


منقول

عايزه اعرف ياترى جوزك مسميكى ايه
هههههههههههههه

اذا اعجبك الموضوع و اردت نشره في المنتديات الاخرى فاستخدمي هذا الرابط:
شوفى جوزك مسميكى ايه
http://forums.fatakat.com/thread32325

[um_tareq]

زوجي عنده خطين:

الأول مسميني فيه : أم طارق

و التاني مسميني فيه :أم طارق

[الايمان777]

منوره يا ام طارق الموضوع
شكرا على ردك

[yoyo]

انا مسميني my wife

[الايمان777]

يبقى انتى اكيد يا يويو متجوزه جديد
لسه ياما هتشوفى

[مهندسة ماجدة محمود]

انا كان كاتب (0000) وبعدين الموبايل اتسرق والافندى الحرامى قرر انه يعاكسنى بعد كده كتب (بدون اسم) علشان يكون دائما مستعد لما يتسرق الموبايل

[الايمان777]

مهندسه ماجده.....هههههههههه اهو يستاهل علشان يحرم زنبك خلص منه اهو

[شرين عمر]

انابقى حاحة مختلفة مش كتب اسمى نهائى كتب اسم ابنة شفتى الهنا اللى انا فيةانا بردة كتبتة بابا يبق وحدة بوحدة

[أموونة]

أنا بقي خطيبي مش معاه رقم موبيلي أصلا ربنا يصبرني

[ام اسلام2]

وكمان انا مسمينى باسم ابنى
نعمل اية
وانتى بقى يا فتوكة مسمية جوزك اية
فى واحدة مسمية تاج راسى
ووحدة مسمية اللى ربنا يغدة ههههههههههههه

[الايمان777]

شرين عمر...والله جدعه مهو مينفعش فى الرجاله غير كده صدقينى

[الايمان777]

امونه.....فعلا والله ربنا يصبرك
ومستحمله ازاى ده المفروض يتعملك تمثال

[الايمان777]

ام اسلام......لازم ترديهاله سميه اللى ميتسماش
واهى تبقى واحده بواحده
ده الرجاله لما يلاقوا الواحده طيبه بيسوقوا الهبل على الشيطنه
هههههههههه

انا بقى مش متجوزه ولا مخطوبه يا ختى

[جالاكسى2006]

تصدقى انى معرفش لحد دلوقت جوزى مسمينى ايه اصله مسافر وهوه هنا انا اللى كنت بشيل الموبايل هوه مكانش معاه والله نبهتينى اما اسأله وربنا يستر

[مهندسة ماجدة محمود]

اختى الايمان777 هو كان كاتب اسم حلو لفت نظر الحرامى له بدليل انه عاكسنى

[temoon.pompa]

انا باه زيك يا ايمى ياحبيبتي انا كنت مخطوبه وكان خطيبى مسمينى باسمى بس ....
لسه باه هشوف بعد كده اللى هيحصل ايه ربنا يستر

[أموونة]

أختى الايمان 777 جزاكي الله خيرا .أنا خطيبي ملتزم شوية (الحمد لله ) وشايف أنه ماينفعشي يكلمني علي الموبيل طول فترة الخطوبة ربنا يكرم وياخد النمرة بعد كتب الكتاب هانت كلها 6 أشهر بس ههههههههه

[اسكندرانى]

ياعينى يا أمونه ربنا يصبرك بس على ماتكتبو الكتاب يكون يادوب خد النمره
بعد الجواز بقا يبقا يفكر يسجلك ايه ههههههههه اوعى تزعلى انا بهزر وربنا يوفقكو ويكرمكو مع بعض

وشكرا على موضوعك الجميل يا الايمان 777
أنا جوزى مسجلنى من أيام الخطوبه لحد النهارده ( توته )

[أموونة]

أنا ما قدرش أزعل منك يا عسل

[safamsr]

الله يحفظكم يا حلوين انا زوجي مسميني< زوجتي حبيبتي> قمت انا سميتو< زوجي حبيبي>