[monaabdalla]

مدام ديدى تسلم ايديك موضوع ممتاز قيمته ومن غير حاجه وجبنا كلنل نتوجه بالدعاء لابنك يارب يفرحك بنجاحه ويحفظه ويبارك فيه وتشوفيه فى احسن حال

[مدام ديدى]

شكرا حبيبتى منى ربنا يبارك فيكى وعليكى ويبلغك الجنه

[rehab]

أنا قيمته والله من أمبارح
وربنا يخليكي أبنك يارب ويفرحك بيه يا قمر
وتسلم أيديكي

[اريج ونور وندى الجنة]

جزاكى الله خيرا يا مدام ديدى
طيب والكريمة اللى بنحشى بيها الاكلير اللى ساعات بتكون شيكولاتة وساعات كريم باتسيير على ما اعتقد ؟
لو معلش يعنى بتتعمل برده ازاى؟

[ام ميداء]

موضوع ممتااااااااااااز ويستحق التثبيت
بارك الله فيك وجعله فى ميزان حسناتك

ربنا يطمنك على احمد وتفرحى بنجاحه الغالى ياااااااااااارب
ربنا ييسر له كل امر عسير ويجعل له الصعب سهلا ويذكره ما نسى ويعينه على امره

[العمدة الباشا]

بجد موضوعك هايل جدا ربنا يوفقك انشاء الله
بالنسبه لسؤالي هوه عن عجينه الباف بيستري ازاي اقدر اعملها في البيت ولو عملت كميه كبيره ازاي احفظها عندي
وهي العجينه دي اللى بيتعمل منها اشكال في الحلويات كتير يعني ممكن اعمل منها وردات محشيه بالكريمه وخلافه من الاصناف الحلوه وشكرررررررررررا جزيلا

[مدام ديدى]

اولا ربنا يبارك فيكم حبيباتى اشكرك حبيبتى ام ميداء ويارب ينجحلك محمد وتشوفيه فى اعلى المناصب باذن الله هو وجميع اخواته امين يارب العالمين ويسعدهم يارب
ايوه ياحضره العمده وكمان واخد البشويه هههههههههههههههه
بصى ياقمر العجينه اسمها عجينه السكر
المقادير

كيلو سكر بودر
12 بياض بيض
نصف كوب جلوكوز
معلقه ك ذبده نباتى
واى لون ممكن تحبوه او زى ماهلى لونها ابيض
ضعى السكر فى العجان ثم الابيض بيض وبعض مايمتزجو جيدا ضعى الجلوكوز وباقى المقادير بعد مايمتزج المقدار
لفيه فى كيس بلاستيك
وافرديه بالنشابه طبعا بعد وضع اللون اللى تحبيه وغطى بيه التورته بعد ماتتجمد بالكريمه او الكريم شانطى او اعملى منها وردات واى خدمه

[مدام ديدى]

اريج ونور وندى اسمك كبير اوى ازاى قدره تشيليه لواحدك الكريم باتسيير بالفانليا2كوب لبن مغلى 4 معالق ك دقيق 2 بيضه فانلياقليل من اللبن البارد- 2 معلقه كيخلط البيض والسكر والدقيق باللبن البارد فى اناء عميقيضاف اللبن المغلى على المزيج السابق مع التقليب بشده بمضرب سلكيرفع الخليط السابق على النار حتى يغلى مع التقليب المستمر بمضرب سلك لمده 3 دقائق يرفع الوعاءمن فوق النار ويصب الخليط فى سلطانيه من صينى وتضاف اليه الفانليا ويستمر فى التقليب حتى يبردلو تحبيه بالشيكولا تستبدل الفانليا بمعلقه كبيره من مسحوق الشيكولا او الكاكاو المحلى وتخلط مع الدقيق واى خدمه ياجميل

[مدام ديدى]

عجينه الباف بسترى

المكونات كوبان دقيق منخول ملعقة صغيرة ملح ثلاثة ارباع كوب ماء بارد ك كوبين زبدة عشر ملاعق عصير ليمون
طريقة التحضير

يخلط الدقيق والملح في زبدية عميقة ثم نضع في وسط الدقيق حفره نضع فيها الماء البارد وعصير اليمون ونعجن حتى نحصل على عجينة إذا ناشفه ضعي قليل من الماء حتى تتماسك العجينة لاتكثري من الماء لكي لايفسد العجينة نضع في وسط العجينة علامة ْ : أكس ونمد الزوايا الاربعة للخارج وتوضع الزبدة في الوسط ثم ترد الاطراف للوسط وترق العجينة بالنشابه باتجاه واحد حتى تحصلى على شكل مستطيل ثم تطوى افقيا على الجهة اليمنى حتى نحصل على الوسط وتطوى على الجهةاليسرى بنفس الطريقة عموديا وتوضع العجينة في كيس بلاستيك و تدخل لفريزر مدة عشرين دقيقة ثم تفرد بالطريقه الاولى ثلاث مرات مع ترك ا لعجينة ترتاح بين كل مرة 20 دقيقة في الفريزر من أجل لاتذوب الزبدة بعدها تصبح جاهزة ومن ألافضل تركها يوم في الثلاجة واليوم الثاني تستخدم : إذا تريدين إستخدامها في نفس اليوم قومي بفردها وتقطيعها على شكل دوائر أو مربعات ثم إحشيها ولفيها بالشكل المرغوب به إ دهني الصينية المعدة بالزبدة ورصي فيها الباف باستري وأدخليها الفرن أتركيها تحمر من اسفل ثم حمريها من الاعلى وقدميها

واى خدمه ياحضره العمده باشا انا تحت امرك ياجميل

[مدام ديدى]

حبيبتى اريج وندى ونور بالنسبه للجلوكوز او اى خامات الحلوانى زى السميد
روحى لواحد اسمه الكرداوى موجود فى شارع ضيق بين كسرى والسواحل على شارع نبيه
واى خدمه ياقمر

[مدام ديدى]

على فكره الكرداوى ممكن يقولك على اى وصفه انتى عايزاها لانه استاذ فى الحلويات الشرقيه

[اريج ونور وندى الجنة]

يا رب مايحرمنيش منك يا قمر

[مدام ديدى]

ميرسى حبيبتى وابقى اساليه منين تجيبى االالوان والصوانى اى حاجه هيدلك عليها

[أم روان]

تسلمى يا حتة شيكولا
الله يخليك بسكوت بالشيكولا
وكمان بسكوت يكون هش

[مدام ديدى]

بسكويت بالشيكولاته الغامقة والبيضاء

المقادير
2/1 كوب عسل نحل
2/1 كوب عسل أسود
2/1 كوب سكر بني
2/1 كوب زبد
4 كوب دقيق
2/1 كوب كاكاو
1 ملعقة صغيرة بيكنج بودر
2/1 ملعقة صغيرة بيكنج صودا
1 ملعقة صغيرة قرفة
2/1 ملعقة صغيرة جوزة الطيب
1 ملعقة صغيرة بشر ليمون
3/2 كوب لوز قطع
2 بيض مخفوق
1 كوب شيكولاته قطع (خاصة بالطهي)
الطريقة
- يُسخن الفرن على 180 درجة مئوية.
- يُسخن عسل النحل والأسود والسكر في أناء على نار متوسطة مع التقليب حتى تمام الذوبان.
- يُضاف الزبد إلي خليط العسل مع الاستمرار في التقليب.
- يُخلط الدقيق مع الكاكاو، البيكنج بودر، البيكنج صودا، القرفة، جوزة الطيب، بشر الليمون ويُقلب.
- يُضاف البيض غلي خليط الدقيق مع التقليب.
- تُضاف قطع اللوز إلي الخليط.
- يُضاف خليط العسل إلي الدقيق ويُعجن جيداً حتى يُصبح عجين لين.
- يُقسم العجين إلي كرات صغيرة في حجم عين الجمل(الجوز).
- تُرص في صاج وتُخبز لمدة 20 دقيقة.
- يُترك البسكويت ليبرد ثم يُغطى بالشيكولاته البيضاء والسوداء ويُزين بخطوط الشيكولاته السوداء و البيضاء

[مدام ديدى]

المقادير:كوب حليب نستله
لوز مجروش أو بندق أو أي نوع من المكسرات
2/1اصبع زبده سائح
كوب بسكوت مطحون
ممكن حشو الخلطة بالكرز أو الزبيب أو مكسرات صحيحة



للتغطية:

2 كوب شوكولاته مذوبه في حمام مائي


للزينة:

نص كوب شوكولاته مذوبة في حمام مائي ممكن شكولاته بيضاء أو العكس


الطريقة:

نخلط النستله مع البسكويت المطحون والزبدة
نضيف اللوز المجروش وتكور باليد كور صغيرة نسقط الكور في الشوكولاته السايحة
نغطي بالشوكولاته كامل الجوانب بتقليب خفيف بالملعقة ثم نرفع الكور من الشوكولاته وترص في طبق كبير متباعدة عن بعضها نتركها قليلا ثم نضيف عليها خطوط من الشوكولاته البيضاء أو من نفس الشكولاته ثم تبرد في الثلاجة وأخيرا ترص في ورق التقديم وتقدم .


شكلها من الداخل

[ام سعيد]

ما شاء الله عليكى يا مدام ديدى تسلمى يا قمر
انا عملت إمبارح الباتون ساليه بمقاديرك طلع تحفة بجد تسلم إيديكى وعملت منه أصابع ومنه دوائر صغيرة مفتوحة من النص زى الخاتم

[أم الطيب]

تسل ايدك يا ست الكل..
وصفاتك هايلة بجد.
وعجبني جدا اخر وصفة لنها سهلة أويييييييييييييييي
بحبك جداااااااااااااااااااااااااااااااااا