[المحتااااااااره]

السلام عليكم يا بنات
يا رب تكون أيامك كلها خير يا رب واللهم بلغنا ليلة القدر

أنا هخش فل موضوع بسرعة عشان بجد محتاجة رايكو
أنا أختي عندها فيسبوك طبعاً مفيش حد اليومين دول معندوش البتاع دة
بس بصراحة أنا زهقت منو وحسيت إن بيجيب مشاكل ملهاش لازمة فقفلت بتاعي

المهم أنا بقالي حوالي أكتر من شهر بشوف أختي بتكلم واحدة اسمها ""كذا"

المهم بسأل أختي مين ديه يا بنتي قالتلي معرفش .. طبعاً إتصدمت
قلتلها يعني إيه معرفش انتي عبيطة ولا حاجة
وبعدين البنت ديه معندهاش ولا بنت غيرك أصلٌا انتي تعرفيها منين
المهم غيرت الموضوع وكل مرة أفتح معها الموضوع دة تغيره

المهم مرة تانية بسالها ""مش هتقوليلي مين ندى ديه """
قلتلي ديه وحدة صحبتي بس عملة حساب جديد

قلتلها ومقلتليش ليه من أول مرة سألتك فيها ؟؟

قالتلي يووووو انتي عايزة تعملي مشاكل وخلاص
قلتلها مشاكل اه هو أنا لما أبقى عايزة اطمن عليكي يبقى كدة أنا بعملك مشاكل
وبردو هربت مني بزعيئها ونرفزتها وكلامها بصوت عالي

أنا قلت الأول أتأكد من الموضوع وكل دة ماقلتش لماما وبابا
وديماً كانت بتكدب علية لما أسألها بتكلمي مين
وكل مرة ألقيها بتكلم الشخصيية ديه وسبحان الله والله بتنكر :O

كنت ببقى هتشل والله العظيم كنت بشوف بعيني بس مكنتش باخد بالي من الكلام

وأختي بترفض رفض بحت اني أأعود جمبها وهي على الفيسبوك
وبترفض اني أخد الباسورد بتاعها مع اني بديها بتاعي عادي جدا

المهم ف مرة من المرات كنت فاتحة الاكاونت بتاعها وكانت بتشرب
ف أنا قلت كدة ماينفعش لازم أعرف إيه إلي بيحصل
ومحدش يقول كدا غلط عشان دة لمصلحتها وماينفعش أسيبها كدة

لقيتها بتقول إيه باءة للبنت ديه ؟؟
كانت بتقول أنا أختي بتشك فيا خلينا نتكلم من الايميل التاني عشان هي قاعدة جمبي

حد يقول أعمل إيه بالله عليكو
وبصراحة أنا قلقنا أوي من الموضوع دة لأن هي كل مرة كلامها بيتغير وبتقول كلام تاني خالص
وبتبقى متلبكة وهي بتتكلم فل موضوع دة

ياريت تسامحوني لو في أخطاء إملائية أول لغوية عشان والله مش بإيدي أنا اسفة

في أمان الله

[رووح الحياة]

وعليكم السلام ورحمة الله و بركاته

ربنا يحفظها ويهديها

[soma hassan]

بصى يا محتارة انا عن نفسى اول لما جيه الانترنت عندنا البيت كنت بكلم ناس ماعرفهاش بس كنت صغيره و مش فاهمه ان ده غلط لغاية لما اخواتى اللى اكبر منى قالولى ان مش عيب ان احنا نتكلم عالنت بس ناس احنا نعرفهم و يكون الكلام ليه فايده و مش كلام و خلاص قوليلها انها وهيه بتكلمه بيبقى الشيطان تالتهم و انا من قريب سألت فى قسم الفتاوى ان انا ممكن اعلم واحد عربى عالنت وواحد من الفتوكات الله يباركلها و يجزيها خير جابتلى كل حاجة عن الموضوع ده
انا كنت بسأل عشان فى افادة للطرفين فما بالك بقى للى بيتكلموا و خلاص و يمكن يقعوا فى حاجة تغضب ربنا اقرى الموضوع بتاعى هتلاقى الموضوع عنوانه تعليم العربيه لرجل اجنبى حلال و لا حرام و خلى اختك تقرأرد الفتوكه اللى جاوبت عليا هتلاقيه فى مواضيعى همه مش كتير فمش هتحتار يعنى
متيأسيش من نصيحتها و لو يأستى قولى لماما

[برنيكى]

بصى ماهى لو بنت صحبتها عادى
او حتى بنت متعرفهاش وضافتها ياستى برضه عادى بنات وخلاص
بس معلش ايه اللى يخوف اختك وتقولها نتكلم عالايميل واختى بتشك فيا!!!!!!!!!!
اختك بتعمل حاجة غلط يامحتاااااااارة خدى بالك يأما البنت اللى بتكلمها مش كويسه
يأما ده ولد وعامل بنت عشانها وهى عارفه
الله اعلم بس راقبى تصرفاتها كويس اوووووووووووى

[NeW Mo0oN]

هتعملي ايه يعني

هي عصبيه وبتقعد تزعق

واعتقد انها كبيره وعارفه الصح من الغلط

وهي عارفه ان ال هي بتعمله غلط

بدليل انها خبت عليكي

ال بيحب يعمل حاجه بيعملها ومحدش بيمنع حد من حاجه

ادعيلها ربنا يهديها

[قطة مشتاقة]

ربنا يهديها ياااااااااااااااااااااااااااارب ويحفظها ويبعد عنها كل شر

[2o7bk_raby]

ربنا يصلح الحااااااااااااال

[moha kemo]

بصي انا عندي اقتراح لو عايزه تطمني علي اختك مين البنت دي
هي ممكن تكون عاديه بس انتي بسؤالك هي اضايقت من تدخلك
انتي لعملي حساب جديد احفظي اسم اكونت البنت دي ضفيها كلميها شوفي كدا ايه نظامها ممكن تكون بنت عاديه
بس علشان تريحي نفسك وتطمني عليها
حولي تنصحيها بس مش بطريقه مباشره اوووي لان معظم الناس مبتحبش حد يدخل في حياتها اوي حتي لو اقرب الاقربين بالذات لو حد عصبي وكدا
ان شاء الله ميبقاش في حاجه

[saso 7abebt 3mr]

ياحبيبتي نزلي برنامج تجسس زي جولدن اي بيسجل كل حركه بتحصل عالجهاز وفي هنا علي فتكات برنامج برضه بس مش فاكره اسمه وهيجيبلك كل حاجه الايميلات والباسوردات وكل حاجه بتحصل علي الجهاز وادخلي اطمني اختك بتعمل ايه انا عملت كده مع بنت خالتي الي في اعدادي واكتشفت انها بتكلم شباب وبتبعتلهم صورها وعرفت مامتها وربنا يهديهم جميعا يارب ويبعد عنهم كل حاجه وحشه

[قطة الامورة]

بصى انا بكرة الفيس بوك ده انا من وقت للتانى بدخل عالاكونت بتاع زوجى اطمن عليه بس الحمد لله زوجى بيخاف ربنا بس الفيس ده مش بيجي من وراه الا وجع القلب